خلاص مابقى فيني اعصاب تتحمل

ولا ابغى اتهور واندم

دلوني وجهوني ارشدوني انا ضايعه تايهه وشوركم راح اخذ فيه واسويه

زوجي رجع من السفر

والله العظيم رجعته ماكنت اتوقعها كلامه بالجوال وشوقه وحنينه غير اللي شفته لما رجع
اللي كان يكلمني بالجوال كان انسان آخر رومانسي حنون طيب مشتاق
والانسان اللي رجع لي كأنه زعلان ومتضايق والكلام الحلو واهتمام راح بس كان ع الجوال من الدولة اللي رايح لها انصدمت لما جاء ماكأنه سافر لا شوق ولاحنين عادي جدا كأنه شايفني قبل ساعه

المهم في الموضوع الان

شافني زوجي متضايقه وما اتكلم كثير كلمه ورد غطاها وواضح علي الحزن

سألني وش فيك انتي وش مضايقك ؟؟

جلست معاه وانا زعلانه ومتضايقه وناقشته وقلت وين الكلام والشوق بالجوال وانت هناك احس اللي كلمني انسان ثاني مو انت

ليه ما اشتقت لنا كأنك زعلان ومتضايق ماودك انك رجعت

قال لا بالعكس اشتقت لكم بس عشان خلاص اجازتي قربت تخلص ومتى بتكون اسافر وبرجع للعمل والضغوط

وقال باقي من اجازتي اكثر من اسبوعين ابغى اسافر انا وانتم لنفس الدولة وش رايك؟؟

قلت له بجس نبضه

صح باقي من اجازتك اسبوعين

تحب ترجع تسافر الاسبوع الجاي ؟؟

قال لازم اسافر لان خلاص ماراح يعطوني اجازات لان عملي صعبين بالاجازات

قلت وانا والاولاد قال تروحوا معاي

قلت ومدارس الاولاد

قال خلاص اروح انا وحدي لان ماعندي فرصه اسافر خلاص

قلت له اوكي

طبعا كلامي معه استدراج بشوف وش اللي يدور براسه

المشكله تبدأ من الاتي :

ماعرف ليه قام الشيطان يلعب بعبي الله يخزيه لما شفته نايم

قلت في نفسي بروح اخذ الجوال واقلب فيه واشيك ع المسجات والاتصالات

واخذت جوال زوجي وهو نايم

وجلست اقلب فيه اشوف الاتصالات الوارده والمستلمه والفائته حصلته ماسحها مافيه الا اتصالات جديده

وجلست ابحث في خانة الاسماء

حصلت ارقام مخزنها بدون اسم مخزنها بكلمة ( رقم خاص ) والارقام هذي له سنه مخزنها ولافكرت اطالع فيها او اشوفها حتى

بس قلت في نفسي افتحيهم يابنت وشوفي

وجلست افتحهم اطالع في الارقام هي في بلدنا ولا لا

ولفت انتباهي احد الارقام مخزن برقم خاص بدون اسم من نفس الدولة اللي سافر لها زوجي

انا هنا توترت اعصابي وجن جنوني ..

وجبست اسأل نفسي ليه مخزنه برقم خاص و و و !!!!

اتصل اشوف ولا لا !!!!

وماقدرت ارتاح

وقررت اتصل اشيك بنفسي

جبت جوالي ودقيت الرقم من جوالي وانا ادعي ان الله يطمني ويكون اللي يرد علي رجل

وكانت الصدمه ردت علي امرأه جنسيتها اثيوبيه لسانها طويل تتكلم وانا سااااااااااااااااكته

وقفلت الخط انا وانا مصدووووووووووووووووووومه

بعدها بدقيقه اتصلت هي فيني وانا رديت وانا ساكته وهي ساكته

وقفلت انا الخط

ومازالت حتى اللحظه تتصل وانا ما ارد عليها

وجلست افكر وافكر وافكر كيف بواجه زوجي كيف اسوي اسكت ولا اتكلم ولا ايش

ملاحظه : الرقم الخاص هذا انا شايفته من قبل سنه بجوال زوجي بس مافكرت بيوم اتصل او اسأل فيه كنت واثقه رغم انه مخزن بكلمة ( رقم خاص )

انا الان مو قادره انام ولا اكل ولا لي خلق اطالع بوجهه رغم انه يحاول يتودد لي ويسألني وش مضايقك ويقول انتي متعبك التفكير ومضايقه نفسك بنفسك انتم وحشتوني انتي والعيال بس انا بحكم عملي وصعوبة الاجازات فيه احب اخرج من ضغوط العمل

قلت له انا كيف مشتاق لي وحتى هديه ما افتكرتني فيها قال اصلا انا ما اطلع من الفندق كثير

الله يخليكم طلبتكم بعد الله سبحانه انكم تسندوني وتساعدوني

كيف اتصرف وايش اسوي

ابغى حلول حكيمه وسلميه ونتائجها ايجابيه بدون مشاكل

اقدر اواجهه واجيب العيد بس اخاف يعصب ويرفع صوته علي ويويعاند وسافر وتصير عنده عاده لاني عرفت

اعذروني حروفي ملخبطه ومخربطه مانمت من التفكير تعبت خلااااص

اترك الموضوع لكم انتم اهلي واخواتي ما لي غيركم بعد الله واحتسبوا الاجر بأختكم ووجهوها لاني راح اعمل بما تدلونه علي

انتظرررركم

__________________

لا اله الا انت سبحانك اني كنت من الظالمين

لا تتسرعي واحسبيها منيح

والله مافيني اعصاب تتحمل

على طول حزينه

وما ابغى اتسرع واندم

احسبوها لي انت م صح انتم اكثر من اخوات واهل لي بالمنتدى

__________________

لا اله الا انت سبحانك اني كنت من الظالمين

هلا حبيتي دلوعة
طيب ياروحي صارحيه قولي له الرقم هذا حق مين؟
وقولي انك شايفته قبل سنة معه
قلبي بالنسبة انه رجع مو مشتاق لا تتحسسين كثير اي رجل لمن يفكر انه بيرجع لضغوطات العمل تتكدر نفسيته
ممكن اعرف هو كان باي دولة لو تقدرين طبعا

__________________

المشكله كيف اصارحه وكيف ابدأ ابغى موقفي يكون قوي

بالنسبه للدولة اذا الادارة تسمح راح اطرح اسمها هنا

عموما هي دولة قريبه جدا منا

__________________

لا اله الا انت سبحانك اني كنت من الظالمين

هاا؟؟ اش سويتي ؟؟

__________________
اللهم احفظ لي زوجي وسخره لي واحفظ لي اولادي

__________________

لا اله الا انت سبحانك اني كنت من الظالمين

قوليله ان هذا الرقم الخاص ازعجك وهو يتصل فيك واستعبطي شوي!!!!
وقوليله دق على هالرقم قدامي خلنا انشوف ليش مزعجني!!!

وشوفي شيصير!!!

__________________
اللهم احفظ لي زوجي وسخره لي واحفظ لي اولادي

اقتباس:

المشاركة الأصلية كتبت بواسطة ناآاني قوليله ان هذا الرقم الخاص ازعجك وهو يتصل فيك واستعبطي شوي!!!! وقوليله دق على هالرقم قدامي خلنا انشوف ليش مزعجني!!! وشوفي شيصير!!!

مع هذا الرأي كبداية ... جس نبض وبعدها نشوف أفضل طريقة على حسب ردة فعله .

ربي يعينك ...

كيف صلاته وعباداته ؟

صلاته وعبادته عادي واقل من عادي

الله يهديه

__________________

لا اله الا انت سبحانك اني كنت من الظالمين