السلام عليكم و رحمة الله و بركاته


موضوعي هذا منكم و إليكم .. يعني مجرد أتمنى سماع اراء الأخوان
و ما يمنع الأخوات لإنهم حبيباتي ..


لو واحد منكم ( من الأعضاء ) .. محتاج لشراء سيارة لكن ما معاه غير راتبه
و راتبه في حدود الـ 3000 ريال .. و عنده مستلزمات طبعا و مصاريف لعيلته

فرضاً ، لقيت سيارة ممتازة و حلوة و نظيفة و و مرسيدس و سعرها 15 ألف
و اسبور و كذا، يعني فرصة بالنسبة لك؟
بس للأسف ، ما عندك المبلغ هذا ..؟؟؟ و عاجبتك السيارة مرة ..؟؟؟

قمت اقترحت على صاحب السيارة إنك تشتريها منه بـ 20 ألف ، بس
بالتقسيط و كل شهر ، يسحب من راتبك 1000 ريال ..؟؟؟ و ما رضي
لإنه مستعجل على بيعها بالكاش

صاحبك قال ، أنا اشتريها بـ 15 و أبيعك بـ 20 و تعطيني ألف كل شهر ؟

.
.

ثم جات زوجتك و قالت لك :

بدل ما تخسر 5000 ريال و إنت أولى فيها .. و بدل ما تضيق على نفسك
و علينا في كل شهر ينسحب ألف من راتبك و ما راح يبقى لك شئ ..

فأنا جمعت مبلغ ( مع العلم إنها بحاجة للمبلغ و كانت مخططة تضيفها
لمبلغ و تشتري فيه أرض لضمان مستقبل الأطفال)

و قالت لك .. أنا بأشتري السيارة بـ 15 ألف .. و كل شهر تعطيني بدل
( الألف ) ، مبلغ 500 ريال ..؟

.
.

هو رفض في البداية ، عشان ما يخسروا بعض لا سمح الله ..
قالت له ، تخيلني صاحبك ، بس إني اشتريتها بسعرها و بعتها لك
بسعرها الأصلي .. و يوم تضيق على نفسك ، فبتضيق علينا كمان ؟

حفظاً للحقوق و لتجنب أي مشاكل مستقبلية لا سمح الله ..
راح زوجها للبنك و عمل استقطاع من راتبه كل شهر و لحسابها
يتحول 500 ريال ..

.
.

إيش موقفك ؟

هل هي غبية ؟ أم مغفلة ؟ و هل تصرفها صحيح أم ساذج ؟
مع إنه المبلغ بيتسدد بعد سنتين و نص لو جمعنا الـ 500 ريال
كل شهر ؟


هل صحيح إنه هو الرجال و الزوجة مالها دخل ، و إنه يتصرف
بطريقته و بكيفه و لا تدخل حالها ؟

.
.

أنا قررت و استخرت و الحمد لله ..
لإنه نظرتي للأمر كان ، من باب إفراج كربة مؤمن - بغض النظر إنه زوجي - ؟
و هي في الأخير بتخدمني و تخدمه ؟


طبعا من كم يوم نزلت موضوع عن ( عدم محبة زوجي لتحمل المسؤوليات ) ..
و لتفادي هذا الأمر ، طلبت منه يعمل استقطاع كل شهر من راتبه
و اليوم راح البنك و وقع عالأوراق ..


بس حابة أسمع الاراء .. يمكن تكون هناك نقطة غايبة عن بالي ؟
و الحياة دروس ..

شكراً ..

دائماً في موضوع الفلوس نقول إن الأمر يعتمد على علاقة الزوجين ومدى معرفة الزوجة بزوجها وثقتها به.

وحسب كلامكِ عن زوجكِ ـ كما فهمت من الموضوع الآخر ـ أنه كسول وليس نصاب .. لذلك أرى أن خطوة البنك وتحويل القسط لحسابكِ شهرياً تفي بالغرض.

وما دمتِ استخرتِ فأنتِ بإذن الله في الـ ........

__________________


اللهم طِيبَ الأثر .. وحُسْنَ الرحيل.

بشكل عام حبيبتي مو غلط انها المرأة تساعد زوجها خصوصا انه هالشي في خدمتكم ال2 زائد انك رح تضمني حقك وتضمني انه هالمبلغ رح يرجعلك لو بالاقساط الله يوفقكم وييسر اموركم يارب

صحيح إنه مو غلط ،، لكن هناك رجال يفهموها - غلط - للأسف ؟
و أنا جربت الأمر هذا قبل الغربة و انقرصت ..

لكن هو من سنة و نص متغير للأفضل ..
و عاهدني على أمور عديدة و كان ملتزم فيها بنسبة أفضل من السابق ..

فقلت بداخلي ،،
إنت ساعدتي زوجك في فترة ما كنت تعرفيه كويس و كان مو قد كذا ..؟؟؟
فدحين بما إنك تعرفيه أكثر من قبل ، و هو سافر معاي للخارج و له مواقف
ما أنساها له ، فأساعده و نفس الوقت بشروط ..

بس إنه لا يعتمد علي

و منها السيارة بتخدمنا ، لإننا رجعنا من الغربة و كناا حاسبين حساب إننا
بنرجع للغربة و أكمل دراستي ، لولا فكرة التأجيل .

مو غلط لو لمصحلتهم كلهم
والاهم يكون يستاهل ويقدررررررر هالشي الي تسويه
في رجال ماتفرق معها

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

عاشقة الغالي ..

لو انتظر التقدير من زوجي ، فراح أضيع الأجر و يبدأ الشيطان بالوسوسة و غيره ..
فقلت في داخلي ، أعتبر نفسي ساعدت صحبتي و وقتها ما راح انتظر التقدير منها
و نفس الشئ معاه ، ماني منتظرة منه تقدير ..

لإني عملته عشان ربنا ،.
و عشان - نفسي - ما ترضى أشوفه يروح للغريب و أنا موجودة و الفلوس مركونة على جنب

و كمان لإنها بتخدمني أنا و زوجي و ولدي ..

بس مثل عفش البيت و أساسيات مثلا في البيت ..
فراح أتركها عليه و ما أتدخل .. ممكن أجيب لوحات و ديكورات و أشياء كمالية

توكلي على الله.. صحيح نظرتي فيها شوي من موهبة الكويت..
بس برضو المبلغ مو عالي لدرجة أني استصعبها..
أوأخاف أنه يضيع حقي..

لو المبلغ 100 ألف وفوق انقول صح وصعبة .. وميخالف سجلي السيارة بإسمك إليين ما يسدد..

لكن الـ15 ألف والعشرين ماتسوى.. حتى لو ما رجعها..
( ماأدري هذي نظرتي)

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

حبيبتي أحلاهم و أتحداكم ..

معاك حق ، لكن المبلغ عالي للي رواتبهم ما تتجاوز 3 الاف مثلا أو ألفين ..
بس الحمد لله و الشكر إنه راتبي عالي .. و ما بأحتاج للـ 15 ألف هذه السنة
لإني بأفكر في مشروع مستقبلي بإذن الله


و الموضوع في المبدأ نفسه ، حتى أضع لنفسي بعد كذا لوحة مكتوب فيها
STOP .. أو قــــف .. <- عشان لا يزعلوا المشرفين من الإنجليزي


أعرف زوجي .. مهما تغير و تحسسسسن ..
يبقى ( اعتمادي و اتكالي درجة أولى )

و خاصة دحين رجعنا من الغربة و تأثير أهله بيكون عليه أقوى
و أمه دايما عينها على راتبي و وظيفتي و بتعبي راسه
<- مو من راسي الكلام هذا ،، بثوابت مرئية و سمعية

قلبي حنون و هذا الشئ ماكنت أعرفه عن نفسي .،
و دايم أقسيه يوم عن يوم ..

لإني لو ما صرت كذا ، بأتأكل و أنا حيّة ..

اتوكلي على الله
و اعتقد موضوع الاستقطاع يضمن لك حقك ..
و ربي يعطيكم خيرها و يكفيكم شرها

و مبرووك الشقة الجديدة .. ربي يجعلها عتبة خير و بركة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله