السلام عليكم و رحمة الله و بركاته
اعزائي هذه رساله بعثتها لزوجي قبل دقائق _ايميل_ بعد كل مشاكل الاسبوعين الماضيين و مع هذا احس اني رح اطلع غلطانه لانو زوجي عندو لف و دوران كتيير و انا هاد اخر شي عندي و الله تعبت و بدي ارتاح
بدي رأيكم بالمشاكل الي طرحتها بالرسالة
زوجي العزيز حسين
السلام عليكم و رحمة الله و بركاته
تحية وبعد
اول شي و قبل كل شي انا بحبك و بحبك كتيير و مشتاقيتلك كتيير و قلقانه عليك كتيير بس برضو زعلانه كتيير .
اسباب الزعل
في اسباب خلتني اطلع من البيت و احرد عند اهلي بالمعني البلدي يعني الاسباب الي ما قدرت اتحملها :
1- حسين فجأه ما بيحكي معي علما انو بنفس اليوم الي قرر ما يحكي معي كنت انا حاكية معو و مصالحتو مع انو انا الي كنت زعلانه بس بتفاجأ بحسين لما بنزل على السيارة انو ما بدو يحكي معي ؟؟؟؟؟!!!!!
2- حسين دائما عند اهلو لما بيطلع بيكون بس للنوم و انا متل الهبايل قاعدة لحالي و كأنو محبوسة انفرادي و مع هيك بحاول اعمل كل جهدي عشان ما يحس انو لمجرد انو ما بيحكي معي اني خلص ما رح اعمل شي من و اجباتي
3-حسين بطل يهتم بالبيت يعني هو بيعرف انو انا حاليا ما باكول اي شي يعني بس خضار و فواكه و حضرتو مطنش على الموضوع لدرجة انو بطلت اكل شي بالبيت
4- توصيلة الصبح الي ما الها اي داعي يعني السيد حسين بصحي مرتو الحامل الي بتكون بس بدها تنام يعني متل ما الكل بيعرف الحامل ديما بتحس حالها نعسانه -حسين بيحينا على الشغل من الصبح و بنكمل السهرة تقريبا ابو ساعة عند باب شغلي قاعدين يعني مش لو خليت مرتك تفطر زي العالم و الناس بالبيت مش احسن و الاهم انو لما حاولت افهمك انو بدي افطر و صرت اطلع معي الصبح كاسة الشاي او الحليب تحاول تدور على الحفرة و المطب و تنكب الكاسة علي -حط حالك مكاني مرتين بتنكب الكاسة علي و ما بحس انك حتى بتهدي عشاني او عشان انا حامل بالعكس صرت بتسوق زي المراهقين و طبعا ما بننسى الكلام الحلو الي بتحكيه للعالم و مرتك قاعدة جنبك (حسيتك بدك تأذيني و بس)
اسباب موجودة دايما و انا بحاول اطنشها مع انو هي من حقي بس عشان ما احسسك اني متطلبه او اني بدي شيئ فوق طاقتك مع انها برجع و بكرر من حقي عليك :
1-حسين انت عمرك ما عرضت علي تروح معي على الدكتور تطمئن على البيبي او احس انك بدك تشوفوه يعني انا حاسه انو ابني لحالي و حاسه انك بالمرة مش مهتم
2- حسين انت ما بتعرض علي فلوس و ما بتعطيني الا لما اطلب و كل مرة بطلب فيها بحس انك بتدايق و انا و الله ما بطلب غير مصروف عادي يعني حق صاندوش او علبة عصيير و حاليا بعد الحمل بس بشرب لبن او عصيير او حليب
3-حسين انا حاسة انك ما بدك اياني اشوف الناس يعني حتى لعند اختي مشوار ما اخدتني طيب لعند اخواتك او اخوانك ما بتاخدني و اهلي و خوالي و خالتي بفكروني انا ما بدي اروح عندهم و انا بعدني عروس يعني عمري مو مليون سنة و بحب اطلع و اشوف الناس
4- الموضوع الاهم : انت بطلت جدي بموضوع البيت يعني بحس انك صرت تتهرب مني و ما بدك ندور على بيت
5- حسين انت لما ما بدك اي موضوع بتحاول تتهرب منو بأي شكل يعني ما بتواجه المشكلة و ما بتكون صريح معي و مرات بحس انك مو صريح مع حالك
حسين حبيبي انت الوحيد الي حبيتو بحياتي و بعدني بحبك كتيير و ما في حدا رح احبو متلك حتى لو كان ابني
بحسك بتغار من هلأ يعني بتحسسني انو انا بس كان بدي بيبي منك و بس و بعدها رح اترك حسين يعيش لحالو
طيب يا عمري هادا ابنك و حبيبك زي ما هو حبيبي و مستحيل احبو اكتر منك لانك انت الاصل حبيبي
حبيبي اقرأ كل هاي الاسباب و علق عليها زي ما بدك بس يكون بصراحة و برضو بدي اعرف الاشياء الي انا غلطانه فيها
بحبك كتيير

أختي الفكرة جميلة ,, دعيه يقرأ مايجول بخاطرك ,, واتركي له المجال

لكي يردّ ,, بكل أريحيّة ,, إمّا بنفس الطريقة ,, أو بالمواجهة ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

إن شاء الله هالكلمت تصلح وضعكم

بس حبيت أعلق على نقطة أنك حاسة أنه مو مهتم
أنا كنت أشوف زوجي كذا
ولما تتحرك ببطني أطير من الفرحة وهو يقول الحمد لله
ولما أحط يده على بطني يسحبها ويقول لاحقين
وقتها حسيت أنه مرة مو مهتم ولاتعني له بنته شيء
سبحان الله يوم الولادة كان اليوم الوحيد اللي أعترف زوجي بدموعة وطبعا دموع الفرح
والحين صرت أغار أنا منها
فلا تخافي لما يشرف النونو على خير بيطير فيه

طبعا قصدي عدم اهتمامه بحملك<<<ما أقدر أسوي تعديل

طيب لي مافكرتي تصارحيه وجه لوجه افضل من الاميل؟.

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

من رأيي ان الاتهامات اللي موجهة له اكثر من الإيجابيات



بس الله يهدي سركم ويوفقكم

__________________
لا اله الا انت سبحانك اني كنت من الظالمين

السلام عليكم ورحمة الله
ما دمت تحبين زوجك ومهووسة بيه كما ذكرت له فلماذا لا تصارحيه في وقت مناسب تجدين منه نفسا طيبة
كم اتمنى ان يكون كل الازواج يجمعهما حب حقيقي ومتبادل تذوب معه كل الخلافات
تحياتي

__________________
ما تخطه هنا ستجده هناك "فاحذر ان تكون هناك من النادمين

الله يصلح الحال بينكم

إن شاء الله يصلح حالكم ويجمعكم على الخير
إن ما كتبت إن شاء الله فيه خير ويخلي زوجك يعرف ما الذي يضايقك
الله يجمعكم ويهد سركم ويحببكم في بعض

__________________

ربنا لاتزغ قلوبنا بعد إن هديتنا
ربي اغفر لأمي وادخلها الجنة

الله يصلح الحااال ويوفقك ياااااااارب

ربي يهدي سركم يااارب