مو حرام اشوف غيره وهو كله لي حلال ؟!!! - منتدى عالم الأسرة والمجتمع

01-03-2011, 03:34 AM

حاولت ـآخون !

عضو جديد

تاريخ التسجيل: Mar 2011

المشاركات: 1

مو حرام اشوف غيره وهو كله لي حلال ؟!!!

السلام عليكم ورحمة الله وبركاته

مسااااائكم / صباااااحكم رحمهـ

انا زوجه عمري 21 وشويات >>> عمر زوجي 30

انا متزوجه صار لي اربع سنوات اعاني حييييل مع زوجي من بداية زواجنا

كنا بفترة الخطوبه " قيس وليلى " !!

بس بعد زواجنا انقلبت حياتنا كثيييييييييييييييييييير

تغير علي بعد الزواج بيوم مدري هو يبي يبين شخصيته كوني صرت جد تحت رحمته والا وش سالفته

انا كشفت خيانته لي بعد زواجي بشهر شفت محادثه بجهازه مع بنت وان بينهم اتصالات

كانت صدمه بالنسبه لي وماتحملتها وقلبت حياتنا لجحييييييم اكثر

من غبائي سامحته !!!!

وبعدها شفت عنده جوال ثاني ونكر انه له

غير عيونه اذا طلعت معه

وغير اني كشفته انه مسافر من دون علمي

وغير كذا ضفته مره من ايميل غير ايميلي وكلمني من دون مايدري من انا

وعطاني رقم ودقيت عليه وطلع هو من جد ( مع العلم انه غير رقمه الاساسي )

وصاااااااااااااااااارت مشاكل كثيره ومع كذا لاني احبه صبرت عليه

وكنت دايم ادخل اخوي الكبير في مشاكلنا ويتفاهم معه وزوجي ينكر

واخوي يقول لي انا مقدر اقوله انت كذاااااب !!

مهما يكون هو رجال !!

وغير كذا اعاني معه انه مايصلي تعبت معه

وتجي له فتراااااااات يخليني ملكه وانه مايقدر يعيش دوني

وفتراااااات يخليني اتمنى الموت فيها

حاولت اجرب الخيانه وماقدرت لاني اعشقه

مشكلتي اني طيبه واحن له بسرعه ومقدر على زعله

وبهذي الفتره صار بعيييييد عني حييييل ومتغير علي

هو دوامه مو بنفس المنطقه اللي حنا فيها فيجيني خميس وجمعه

ماحسه مشتاااق لي لدرجة اني ماحسه يرغب لي

اذا ناظرت حالي بالمرايه استخسر اني اكون انا ملكه وزوجته واحسه مايستاهلني

اللي حولي يحسسوني بجمالي اكثر منه

ابيه يتغزل فيني .. انا احتاج لهالشي بالعمر هذا

وهو يقول حنا كبرنا على هالاشيا !!!!!

قلت له اذا انت كبرت انا بعمري هذا اكون محتاجه لهالشي وبقووووه

ودايم اقوله عيوني ماتبي غيرك تشوف !!!

يضحك ويقول خلك من هالكلااااام !!!

انا حاسه انه لساته على علاقه مع بنات
حاولت اجرب الخيانه عشان احس وش المتعه اللي فيها ؟!!!

وماحصلت شي !!!!

مايتقبل مني اي كلام حلو اقوله له

ودايم يقول لي انتي ماتهمك الا هالامور !!!

طيب وش اسوي اعيش عمر اكبر من سني !!

اكبت حالي وادفن نفسي ومشاعري

تعبت حيل وطلبت منه الطلاق كذا مررره ورفض

ودي اسأل اذا بتخونون ليه تتزوجوون مو حرام تظلمونا معكم ؟!!!

ليه يخليني الجأ للحرام وهو موووووووجووووود ليه !!!!!!!

ساعدووووووووووني انا متلخبطه وكارهه حالي

ساااااااعدووووووني تكفون

01-03-2011, 03:41 AM

مسز داني

عضو المنتدى الفخري

تاريخ التسجيل: Aug 2008

المشاركات: 10,079

استعيذي بالله ,,لا تحاولي و لاتفكري و لايهمك كيف هو شعور من يضعف ايمانه و يخون,,
احمدي الله على انك مبتعدة عن هالجو و إن كان زوجك جاف معك فلا مسوّغ للتفكير بهذا الأمر,,
يبقى شيء آخر ان لا تدخلي اي طرف آخر من اهلك و اهله لحل هذه المشكلة
حاليا,,
استغفري الله و ادعي لزوجك بالصلاح ,,حسسيه بزعلك وقت ما تشمي ريحة الخيانة و اشعلي نار رجولته ليس بالخيانة بالمثل ,بل بتأنيب ضميره ,,كأن تعطيه بين الوقت و الآخر عبارات الثقة و حسن الظن لعلها تخجله..

__________________

[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة

01-03-2011, 03:42 AM

الـجـلـيـلـه

عضو نشيط

تاريخ التسجيل: Jun 2010

المشاركات: 131

والله مااعرف ايش اكتب لك
لأني جد مصدوووومه من كثرة مواضيع الخيانه
قلبي تعب من كثرة التفكير ليه الخيانه ؟؟وايش الناقص في الحلال حتى يلجئون للحرام
والله والله عندي اسهل يتزوج اربع ولايخون بالحرام الحلال بركه وخير ليه يبعدو عنه والا الحرام احلى؟؟
اللهم ثبتنا
حبيبتي
لاتخلي احاسيسك تجرفك للهاويه زيه
اتقي الله في نفسك وتوكلي على الله وياريت كل مااحتجتي لزوجك تتوضي وتصلي ركعتين وتطلبي الصبر من الله
ربي يبارك لك في حياتك وزوجك ويرده لك ويهديه ويبعده عن الحرام وجميع ازواجنا ياارب
اللهم ثبتنا

__________________
العـمـر ذآ..فآنـي ولا شكـ ..تــدرون!لآبد أصير بيـوم . [ذكـرى قـديمـه!!تـكـفوـون لآمن غبت يا إخوان تدعون!!يآآرب ترزقـهـآ الجنان .. العظيمـه!!

02-03-2011, 03:58 AM

كنت أنثى

عضو مثالي

تاريخ التسجيل: Feb 2007

المشاركات: 234

اقتباس:

المشاركة الأصلية كتبت بواسطة الـجـلـيـلـه

انا مع هذا الرد وبقوه

وانا رأيي انا جفاف الزوج يكون مدخل لوسوسة الشيطان

اللهم حبب الينا الايمان وزينه في قلوبنا وكره الينا الكفر والفسوق والعصيان واجعلنا من الراشدين

كنت دائما وما زلت ادعوا الله بهذا الدعاء ( اللهم ما زويت عني مما احب فاجعله فراغا لي فيما تحب)

01-03-2011, 03:44 AM

رجل ولكن

عضو نشيط

تاريخ التسجيل: Feb 2011

المشاركات: 141

لاتخونين مجنونة انتي تخونين زوجك عشانه خانك تسوين مثله
زوجتي تحادث رجال بالمسن واعترفت لي ومن اعترفت وانا ودي اكسر الجهاز براسها الهبله المجنونه تحط راسها براسي عشان خنتها طيب تبت واعترفت بخطاي مايفيد معها شكلي بجلدها لاني بديت اكرها او بعلم اهلها يشوفون حل لبنتهم

01-03-2011, 03:52 AM

رولادا

قلم مبدع

تاريخ التسجيل: Apr 2010

المشاركات: 530

للاسف بعض من الرجال اللي متعودين على الاخيانه عندهم قاعده هي

الزوجة للاولاد وهي الاساسية وهي مالها اي حق عندي وظيفتها تخدمني وما اعطيها كلام وحب لانو الكلام الحب هذا للي يعرفهم من بنات الله يهديهم بس
انا ما اقول ان زوجك كدا شوفي زوجك وتفكيره
بس طالما انتي راضيه بخيانته وسامحتيه وبرضو متهاونه معه انه مايصلي تحملي
ياليت تسالين عن الحكم الشرعي لوضعك مع زوجك عشانه مايصلي يجوز او لا

ولاتحاولين تعصين ربك عشانه هو كيفه له رب يحاسبه بس انتي بنت متربيه مو مثله اهلك ربوك صح واعرفو يربونك واذا خنتيه تكوني خنتي ربك واهلك و هو اكثر شي بسويه بيتكلم عليك ويكون عنده عذر لرميك مثل ما يرمي اي شي مل منه

شي مؤسف على وضع رجال هالوقت اكثر الموضيع الخيانه
اللهم اصلح شان شبابنا وبناتنا يالله استر علينا واحفظا من شر شياطين الجن والانس

01-03-2011, 04:44 AM

طِيبْ ٌ

عضو نشيط

تاريخ التسجيل: Jan 2011

المشاركات: 143

صباحك رضا

وإذا ابتليتم فـ اصبروا

هل تقومين بكامل واجباتك نحوه !
هل ترضينيه نفسيا وجسديا حتى يكتفي !

قبل كل تصرف وقرار
ابحثي في نفسك وتصرفاتك عن سبب!

......
هل تخشين من شيء ، هل انتِ متورطه معه بشيء !

اذا كان ملفك ابيض صارحي والدتك بتفاصيل العلاقه
واخبريها بكل شيء وانك تنوين البقاء في بيتها عدة ايام
واطلبي منها محادثته

اشعريه بأنك واهلك لاترضون على هذه التصرفات
وانك لست مجبره على تحمل هذا الوضع

هل لديكم اولاد !

__________________
المرأه العاقله تضع السكر في كل ماتقوله للرجل وتنزع الملح من كل مايقوله الرجل

01-03-2011, 05:16 AM

صمتي لغتي

عضو نشيط

تاريخ التسجيل: Jan 2011

المشاركات: 110

لا اله الا انت سبحانك اني كنت من الظالمين ابتلاء واختبار من الله سسبحانه اصبري فأن الله لايبشر الا الصابرين خير

01-03-2011, 07:08 AM

في رجا الله

قلم وفي

تاريخ التسجيل: Dec 2005

المشاركات: 301

السلام عليكم ورحمة الله وبركاته
ياأختي هو مايصلي وتارك الصلاة كافر ولايجوز تعيش معه مسلمة ويكون هناك تفريق وليس طلاق هذا شي معروف عند جميع المسلمين , حاولي تذكرينه بربه وتخوفينه ولاتتساهلين في أمر الصلاة أن أرتدع وعاد إلى ربه وإلا تذكري(أن الله لايغير مابقوم حتى يغيروا مابأنفسهم) .
سبحاان الله كل المعاصي يستحلها تارك الصلاة ,لأن الصلاة تنهى عن الفحشاء عن المنكر , فلاعجب من خياانته وإنتهاكه لأعراض المسلمين.
الله يصلح حاله ويهديه.

__________________

اللهم آمنا في أوطاننا

01-03-2011, 08:17 AM

#10

تعبآنه مني

عضو جديد

تاريخ التسجيل: Feb 2011

المشاركات: 10

لآ تضيعين عمرك حبيبتي ..
آنآ عآيشه بنفس وضعك .. وحآسه بآحسآسك ..
دآم مآعندك بيبي حآولي تحلين آلمشآكل وسوي آللي عليك 3 شهور سوي كل شي بيدك مآنفع معه
روحي بيت آهلك وخليه يطلقك مآتوقف آلدنيآ ع رجآل ..
ومآتدرين ربي يمكن يعوضك بشي آحسن وآستخيري ..
وآنتبهي لنفسك وحرصي ع صلآتك وآنتبهي تغلطين يآقلبي ..

آلله يحفظك ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه