السلام عليكم


انا سجلت هنا لاني خلاص مابقى فيني حيل وابي المساعدة وربي تقفلت بوجهي كل الطرق واحترت
ابقولكم قصتي باختصار واتمنى تفهمون علي لاني اول مرة اكتب بمنتدياتي

انا عمر 24 من تخرجت من الثانويه ماانقبلت بالجامعه مع ان معدلي كان كوويس بس نصيب
المهم بديت اعيش وقتي فراغ بفراغ
سهر لوحدي على النت وعالتي في والتليفونات مع صاحباتي للصباح
انام للظهر
ماعندي اي مسؤليات
عندنا شغاله
انا مالي اي دور في البيت يعني وجودي مثل عدمي
لي جناح خاص بالبيت لدرجه اني احس اني عايشه لوحدي مااحد يصحيني
ولا احد يسال عني ولاشي
بس الطلعات والروحات والجيات لا محدودة جدا ولا اطلع الا مع اهلي
المهم
بديت امل من نفس الروتين سنه ورى سنة مافي شي يشغلنني هسترت وربي مافي شي ابدا وانا انسانه مللوله مااحب اقرا ولا احب شي

بس الحمد لله تعلمت اشاء بسيطه بالمطبخ كنت افاجا اهلي بحلى ولا طبخه وكانوا يشجعوني بس امل مااحب ادخل المطبخ كثير
المهم كانت عندي صديقه بالثانوي لعاببه
اول ماتخرجنا وجلسنا بالبيت
طلعت شريحه بدون اسم من ورى اهلها
وبدات تجمع ارقااام الشباب وتكلم وتضحك وتستانس وتاخذ من هذا شحن وتلعب بس ماكانت تتطلع ابدا ولا ت احد شافها بس مجرد تقضيه وقت عالجوال
مع الايام قلت دام فلانه مبسوووطة والليل يعدي عليها بهالسرعه ولا حست بالفراغ ابسوي مثلها
وفعلا طلعت لي شريحه
وبدات النهايه

طحت بالعلاقات
لدرجه اني كلم 20 بدون مبالغه قسم بالله
الليل كله ضحك وناسه وغزل وخرابيط
صرت اشوف الوقت والايام تعدي علي بسررررعه وطبعا انا استانست الحمد لله صارت ايامي حلوة ومافيها طفش

المهم كنت العب العب العب بمعنى الكلمه
كم واحد تعلق فيني
وكم واحد حبني وكم وكم وكم انا لا اجاهر بس ابيكم تفهمووني
انا كنت خاليه احساس ماااااا حب ولا احس ولا شي السالفه عندي تقطيييع وقت ووناسه بس


وفي يوم دخلت الشات طبعا كالعادا علشان اجمع ارقام ااااااخ ياقلبي ااااه
جاني بالخاص واحد وتتريق علي وجلس يتهزا فيني وبطريقه كلامي معاه
المهم استفزني مررره وقررر يرقمني طبعا انا قبلت مثله مثل غيررره
المهم اخذت رقمه
وبديت اكلمه كان بس يتهزا فيني
ويتتريق علي طول الوقت طبعا كان غير عنهم كلهم يمدحوووني<<يطيروني بالعجه
كان يدق علي اطنشششه ويلاقي ويتنق طول الوقت
بديت اتحمس له وحسيت انه غير<<غبيه
واتشوق لمكالمته لي ابي اشوف وش بيقول هالمررره
مع الايام سررررررت متعلقه فيه بجنووووووووووووووون بجنووووووووووووون صرت انا اللي ادق عليه
انا اسال لحد ماتعلقت وحبيته
وهو نفس الشي حبني<<كلام فاضي وربي

المهم مع بدا يطلبني يشوفني
طبعا هو بمدينه وانا بمدينه
طبعا طلبني صورة لي
انا ماعمري سويتها ولا فكرت بيوم ارسلها وكنت اعتبر اللي تسويها وحده ضعيفه
المهم طلبني صورة

على طووول ارسلتله
طبعا هو بعد ارسلي اعجبت بشكله وزاااد حبي
وهو نفس الشي
صار يمدح بجمالي وبلون بشرتي وانا هنا تحمممست
وصرت ارسله باليوم صورتين ثلاث

وهو نفس الشي
على هالحال سنتين وثلاث المهم هالسنتين ياعالم قسم باله حتى اهلي ماسرت اشوفهم
وربي ياناس اني طول الوقت بغرفتي

قطعت كل علاقتي بأمر منه هو
صديقاااتي قريباتي
مافيه احد وووصل الي اني الغيت رقمي اللي يعرفوني عليه الناس ومابقى معاي الا الرقم الللي اكلمه عليه


حتى اهلي يفكرون ماعندي جوال


ماصار عندي صديقات ولا حتى قريبات ولاشي طوووول الوقت معزووووله عن العالم بغرفتي غرقااانه بحبه وهيااامه

وربي يابنات اشحن باليوم 300 علشانه
يوميا على هالحال


اخذ من امي من ابوي المهم اشحن
وطبعا اشحن له معاي وارسله شحن

واربع وعشرين ساعه اسمع صوته ينام يصحى يروح الدوام وانا معاه
طبعا علاقتي في اهلي تغيرت 180 درجه
ياناس كنت فرفوشه اسولف مع امي مع ابوي
صرت انطوائيه ساكته طول الوقت افكر ذهني شغال تفكير
اهلي صاروا يقولون عندي حاله نفسيه وانطوائية وهما مايدرون اني بعالم ثاني
طبعا هو صريح معاي قال انا مابتزوج ابد

قلتله حتى انا وببقى معاك حتى لو مااتزوج
وحصل كم مررة جاني خطاب اورفض طبعا من دون سبب
كيف اتزووووج وانا احبه بجنوووون وقتها اهلي غصبوووني على ولد خالي وتملكت عليه بس شهرين وطلبت منه ننفصل ماقدرت ماقدرررت ماقدرت افهموووني وربي ماقدرت
وربي ياناس سرت افكر اقولل اببقى طول عمري كذا بدووون زواج بس اجلس اكلمه
سحررررني سحررررني


والحين هوا سافر لدوله ثانيا طبعا يكمل دراسته وانا صرت اصرررف عليه وربي اكلمه على حسابي بالساعات
وهو متى مايبيني يرسل كول مي وانا ارجع اكلمه
وصرت ادبل الشحن لي وله
بس هالفترة من سافر صار يسحب علي بالايام
ومايسال الا لما اسال انا عليه؟؟؟

وربي كان بالسعوديه لو يمر ساعه مادقيت يحرق جوالي
والحين بالايام مايدق ولا يسال ولاشي

انا هنا حسيت اني راميه نفسي عليه

وبديت اصحى من اللي انا فيه
لانه صار يكلمني ببرود وتعامله مررره تغير معاي؟؟


المهم انا خلااااص كرهت الظلام اللي انا عايشه فيه كرررهت حياااتي
ابي اتحررر مثل باقي البنات ابي اضحك ابي استانس ابي اعييييش ابي انسااااااااااااااااااااه ابي انساااااااااااااااه
ابي اكرهه ابي اكرررررررررررررهه وربي تعبت
دخلت معاهد ودورات علشان انساااه لقيت كل شي يذكرني فيه
بديت اصلي وادعي ربي رحت مكه وربي اطوووف وانا ابكي ادعي ربي يصرف قلبي عنه
بس مازلت احببببه احبببه ابكي طول الوقت وربي ابكي مثل الاطفال على صوررتة
وارجع ادق علييييييييييييييييييييه
انا تعبت وربي تعبت

وعليكم السلام والرحمه .

الله ييسر امرك ويريح بالك

اختي أمرك بيد ربي , جددي توبتك بالله بكل وقت , والندم على اوقاتك اللي فاتت , احرصي على اذكار الصباح ,المساء,وقبل النوم , استشعري الاذكار بقلبك .
ولا يجيك يأس , ربي قريب مجيب الدعاء . لكن يحب من عبده كثرة الدعاء والالحاح بالطلب .


ثاني شي عزيزتي , علشان تنسينه حاولي تغيرين من حياتك . غرفتك بكبرها غيريها , اقضي اغلب اوقاتك خارجها , تعلمي امور معينه بالكمبيوتر واشغلي نفسك فيها .
شوفي اللي تحبينه واشغلي نفسك فيه , عمرك 24 لسى صغير , ومبين ان حاله اهلك المادية كويسة , فكري تسوين لك مشروع معين ؟, او تدخلين دبلومات بتخصصات تحبينها وتقدرين تبدعين فيها حتى تشغل وقتك أكثر .

اذا تبغين تكونين سعيده بتكونين أكيد بدونه , لكن غيري نظرتك السلبيه لكل امور حياتك مع اهلك وجددي علاقاتك من جديد , اكيد الكل ينتظرك , وان شاء الله تكونين أسعد الناس .

ربي ييسر لك أمرك .

__________________

الحمدلله ان علاقتكم وقفت على كذا وماتطورت إلى شي اعظم !!

هذا دليل ان الله يحبك انتي مثل ماقلتي فالبداية تعانين من فراغ عاطفي

وهذا السبب الرئيسي لتعلقك بهذا الشاب

والحمدلله انه ما ابتزك بالصور وواضح انه يريد الانسحاااااب

فأقول لكِ اختي الغالية علاجك بالتقرب لله والانطرااااااح بين يديه

فهو من بيده القلوب يقلبها كيف يشاء

عندما تسجدين ادعي ان الله يصرف قلبك عنه وان يجعل همك رضا الله والاخرة

وكلما تذكرتيه استغفري واذكري الله وحاولي إذا تقدرين تدرسين بتحفيظ القرآن

وإذا جاءك خاطب كفو اقبلي ولاتترددي

ورددي دائما اللهم اغنني بحلالك عن حراااااااامك

واقطعي علاقتك بهذا الشاب نهائيا

اعانكِ الله وسدد خطااااااك

__________________

أختي هذه تجربتي والله أضعها بين يديك لعلها تفيدك انا لست متلك لكني في سن المراهقة أغرمت بإبن عمتي لأنه كان وسيم جدا وكان بطل رياضي وكان يهتم بي اهتمام أهل فقط لكنني أحببته كتيرا وتعلقت به وقضيت تلات سنوات وأنا اكتب أشعارا بإسمه واحلم به ليل نهار واختلق الأسباب كي نزورهم وانضممت لنادي رياضي لأمارس هوايته المفضلة الكراتيه وكتييييييييييير كل هذا وهو لا يدري عن حبي وولهي شيئا لأني كتومة وخجولة وعندي عزة نفس كنت دائما أمني نفسي أنه سيحبني يوما ما لكن جاء اليوم الدي ندمت فيه وأحسست أني سأخسر نفسي وأني أضيع وقتي لأن حالتي صارت متل حالتك بالضبط وان لا حياة لمن تنادي تبت إلى الله وأكترت من الإستغفار وشغلت نفسي بالدين والدراسة والرياضة وكنت دائما ادعواالله أن يوفقني لما يحبه ويرضاه حتى صرت مدربة رياضية في سن التامنة عشرة وعندما بلغت العشرين من عمري تقدم ابن عمتي الدي أحببته في طفولتي لخطبتي دون سابق إندار وفي لمحة بصر صرت زوجته وأحبه بجنون أكتر من الأول كما أخبرني أني أيضا حبه الأول ومنذ أول يوم رآني فيه وأنه فقط كان ينتضر الفرصة المناسبة ليخطبني ولن أستطيع وصف شعوري حينها خلاصة القول أن من ترك شيئا لله عوضه الله بخير منه وأن السعادة في حب الله تعالى وأن من أراد شيئا بصدق فليتق الله ربه وليطلب منه ما يريد بإلحاح وصبر وفقك الله لما يحبه لك ويرضاه

ابنتي تعبت روحي:
طبيعي جداً تتعب روحك
لأن عندك خلل في ترتيب أولوياتك في الحياة وغرقت في الأخاطء وذاقت مخدر العبث وما زادها إلا إدماناً عليه حتى تعبت.
تحتاجين إلى درس في ترتيب أولوياتك في الحياة
وسأعطيك هذات الدرس هنا:
في البداية
س- أين الخلل في ترتيب أولوياتك
جـ- الخلل هو
1- أنك تحسبين لعلم أهلك بما تفعلين قبل حسابك لعلم الله بما تفعلين.
2- استعمالك نعم الله في الصحة والمال والفراغ في معصيته.
3- طلبك لرضى حبيبك أو أحبابك وترك طلب رضى الله.
4- غبائك الشديد ( واسمحي لي) في الانفاق بلا حدود على السراب وكشف نفسك لمن يحتقرك وأنتي تبذلين نفسك له وبقدر كشف نفسك له يزاداد احتقراراً لك
ولا يتخيل ولن يقبل ولا بالخيال أنك ستكونين زوجته.
5- عبث بك الشيطان تحت مسمى الحب وبعثرك بين آلاف الشباب ونشر صورك فمن يحبك الحب الحقيقي يحميكي حتى من نفسك لنفسك ويحفظ مالك وعرضك.
العلاج
ترتيب أولوياتك
يكون بالشكل التالي
1- إجعلي الله سبحانه وتعالى هو الأول في حياتك بشكل عملي فكل تصرف منك مهما كان أنظري هل يحبه الله أم لا؟
2- حياتك أنفاس واحد تلو الآخر ولا تعلمين كم بقي لك من نفس وقت تنتهي وأنتي فيما يغضب الله وتعلمين ماذا بعد ذلك.
3- إذا فقدتي شيئاً أو كسبتي شيئاً فانظري لقيمته عند الله.
4- أنتي الآن تصنعين تاريخ حياتك لأبنائك وبناتك فأجعلي تاريخك مشرفاً لهم.
5- ما يخرج منك من معلومات وصور عنك للغير سيصير سلاحاً ضدك ويتحكم به غيرك.
6- إعرضي نفسك بأفخم المحلات وهي أماكن الطاعات والبيت والستر والعفاف لكي يكون ثمنك باهضاً ولا تعرضي نفسك عند (أبو ريالين أو على الرصيف) لكل مارٍ بك فيعبث بك قليلا ثم يلقيك جانبا لمن بعده.
7- قلتيها ببساطه مل منك ويرغب بالتغيير للعبة أخرى من محل (أبو ريالين).
8- اتق الله في نفسك من كل ما يغضب الله ليعزك الله سبحانه.
أسأل الله لك الهداية والتوفيق والإفاقة قبل فوات الأوان.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

يالااااهي انتي بعيده جدااااا عن ربك رغم انه اقرب اليك من حبل الوريد

تذكري قوله سبحانه (إنني معكما أسمع وأرى)كلما راودتك نفسك محادثه هذا الشاب او اقتراف اي معصيه

وسيزداد خوفك من الله وتعلقك به سبحانه
هو من اعطاك نعمه السمع
هو من اعطاك نعمه اللسان والحديث
هو من اعطاك نعمه المال
ومع ذلك حاربتيه سبحانه بنعمه
الله سبحانه يمهل ولايهمل اماقراتي قصص اللامم السابقه عندما عصو ربنا سبحانه بنعمه وكفروها؟
قال تعالي ( فاعرضو فارسلنا عليهم سيل العرم وبدلناهم بجنتيهم جنتين ذواتي اكل خمط واثل وشي من سدر قليل ) ...
والله ياعزيزتي لو ترين الفتيات في دور التحفيظ فتيات في العشرينات لم يتزوجن
اشغلن انفسهن بطاعت الله والتقرب اليه وشكر نعمه ليتك تحذين حذوهن وتتنافسين على الطاعات قبل فوات الاوان
دعوات لي ولك بالهدايه

__________________

اليوم انت فوق الارض
وغدا تحت الارض فماذا اعددت ليوم العرض

ألحي بالدعاء

وقولي,,

اللهم اخرجه من قلبي كما اخرجت يونس من بطن الحوت

وقومي الليل لو ركعه وألحي بالدعاء


والله لن يخلف الله وعده

بتنسينه هو وتفاهاته


انتي مو رخيصة قدر ترمين نفسك على واحد مايبي يجيك لبيت اهلك ويشوفك ولا حااااااااااااااااااجه

لأنه ماشافك كزوجه وأم لعياله

اللي مثله ماعليه حسوفه

تحبسين عمرك عشانه وهو مادرى عن هوا دارك؟

حتى الفلوس يسترخصها فيك وحسافه عليك

اصحييييييييييييي

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

الدعاء الدعاء الدعاء يا اختي بيقين الاجابه والصدق مع الله كوني صادقه اختي مع الله واكتبي كل ما يؤلمك واحرقيه عالجي نفسك ذاتيا وبالتدريج راح تتخلصي من اللي انتي فيه مافيه شئ يجي بالساهل في البدايه يصعب عليك بس بعدين ترتاحي وضميرك يرتاح فتره وتعدي اسال الله العظيم ان يشغلك ويشغلنا بطاعته