السلام عليكم ورحمه الله وبركاته

اخواني وخواتي بهذاالمنتدى الراقي ودي اعرض لكم وحده من من مشاكلي مع زوجي التي منغصه حياتي الزوجيه...

تجسس زوجي على جوالي ...انا اكتشفت من ثالث يوم بزواجي ان زوجي يتجسس على جوالي..وكل شي فيه يعني يعرف انا مع مين كنت اتكلم ومتى ووش قلت ويعرف كل شي بجهازي مع اني حاطه رقم سري وكل يوم اتاكد لما سالت محلات اجهزه الجوال قالو مستحيل انه يقدر يستمع لمكالماتك

لما بحثت بالنت لقيت مواقع اجنبيه تبيع برنامج تثبته بالجهاز المستهدف ومن خلاله تقدر تعرف كل شي...انا الان محرومه من نعمه الجوال عيشني زوجي بالعصور القديمه ماقدر اخذ اخبار اهلي او صديقاتي بالجوال او اخذ راحتي بالكلام...في اشياء مو لازم يسمعها اسرار بيوت مو من حقه يطلع عليها
واجهته كذا مره انكررر هالشي...بس والله اني متاكده من كلامي..حتى النت اكتشفت انه حاط برنامج تجسس فيه رحت حملت برنامج حمايه...حساباتي بالبنك وتحويلاتي مطلع عليهم

اهلي اذا سافرو مكان بطياره يعرف وين راحو ومتى جو...اختي مرضت ودخلت المستشفى درا بالشي هذا مع اني ماعمري تكلمت فيه على التلفون...ولا قلت له...
علموني كيف يقدر يعرف بالاشياء هي كلها...تراني تعبت من تجسسه ماحس اني لي خصوصيه يحب يعرف كل شي ويدخل بكل كبيره وصغيره...

خاصه موضوع الجوال...ماعاد استخدمه ابدا الا للضروره القصوى وصرت ماكلم احد حتى النت مازلت خايفه منه والله ودي افضفض واكتب
يعني الى متتتتتتتتتتتتتتتتتتتتتى هالحال...
المساله موثقه ابدا لو ماكان واثق فيني كان طلقني من زمان بس مرض نفسي وحب سيطره
بصراحه ماحس بالامان ابدا معاه
كنت اقول لنفسي مصيره يعرفني ويترك هالشي بس من حقه مايعرفني
بس الى الان مستمر
غيرت الجهاز كذا مره والشريحه..بس ماقدرت اوقف هالتجسس
الي مو بحاس بمعاناتي جرب تتخيل ان فيه احد يسمع كلللللللل مكالماتك ويطلع على خصوصياتك واسرار اهلك
ايش الحل معاااه
الله يخليكم ساعدوني انا بخيله بالردود سامحوني بس للظروف
الي فاهم بالتكنولوجيا وعنده حل الله يجعله بجنات النعيم يقولي ايش الطريقه؟؟؟

حبيبتي لاتتضايقي ولا تشيلي هم
من راقب الناس مات هم عيشي حياتك الطبيعيه بدون ماتحرمين نفسك لانك موقاعه تسوين شي غلط
واذا حاسبك في شي قلتيه مع صحباتك او اهلك فضفضه قولي له هذي سوالف حريم ليش تتجسس علي هو يراقبك ومرتاح وانتي عقدتي نفسك

طبعا بناء على كلامك
معناته زوجك راح يقرأ موضوع هذا
ما ادري عندك خبر بالشي هذا ولا لا ؟
وما ادري هل سألتيه كيف تعرف الأمور هذي ولا لا ؟

احساس امومه....لاتستهيني بالتجسس...والله يسبب مشاكل....مثلا...بعطيك مثال..انا كنت اكلم اختي بالعصر وكان ولدي عندهم.. مرض الولد فاختي جلست تمزح تقولي ليش ماتجي تسلمي على ولدك تريه تعبان مزكم تعالو ودوده المستشفى..قلت لها لاماراح اجي ماوحشني ولا راح نوديه قالت اهي ليش مانتم اهله بالضحك واحنا نتكلم ...طبعا احنا اسلوبنا كذا في المزح وقلنها ضحك ومزح ..ماقلت له شي عن الولد كان مشغول.. بالليل قلت له ودني عند اهلي الولد تعبان وبنوديه المستشفى..جلس يهاوش ويصارخ انتي ليش ماقلتيلي الولد تعبان اهو من امس تعبان وليش تخلين اهلك يودونه واختك صادقه يوم تقول ماعنده اهل...قلب سالفه المزح جد
..كانه يدور للشر بتجسسه

سعود...انا استخدم جهاز ثاني...بس للتصفح استخدم جهازي...انا وضعت جهاز حمايه ..بس مادري اذا كان فعال او قدر يخترقه..طبعا اهو ينكر سالفه التجسس بس انا متاكده من هالشي
الجوال لازال يتجسس بس النت مادري ...بس فيه اشياء تدل على انه كان يتجسس بالنت بعد

اسمعي حبيبتي
اذا كان يتجسس فعلى نفسه لان هذا مرض ماينحل الا بطبيب نفسي
اختي بقول شي ولا تزعلين انتي قد سويتي شي شككتيه فيك
ااذا كان لا فيبغالك جلست مصارحه وهاديه توصلون الى حل

هذه التصرفات المبنيه على اللاسبب تكون في الغالب نابعه من الشخصيه نفسها !
وهناك شخصيه تعرف بالشخصيه الشكاكه, قد يكون زوجك من اصحاب هذي الشخصيه , اعرفي شخصية زوجك وأقري عنها , بذلك تستطيعين ان تري عيوب زوجك مزايا ويسهل التعامل معها لا تستهيني بالموضوع فعلم الشخصيات عالم بأسره !

يااقلبي,’,
لآتسكتين وآآآآآآجهي بكل قــوهـ وآحتـــرآمـ
لمتى على ذي الحاله !!وآقفيه عند حده فهميه انه هآآآشي غلط
الشك..ذآآبحه اعوذ بآآآآآآآآآللهـ انتي لآزم توآآجهينه وتحاسبينه على تصرفآآته لتضآيقك
والله يسعدك.

__________________
قآل آلرسول صلى لله عليه وسلم
آفضل آلذكر:لآآله آلآآلله,’.

معاناه التجسس
طيب هل يشك فيك مثلا؟؟
الغريب بالامر انه بدا يتجسس من اول ايام زواجكم..اعتقد ان زوجك تعرض الي صدمة او خيانة لان تجسسه بالطريقة هذه غريبة جدا..لابد ان تعلمي لما هو يجتسس عليك بهذه الدقة..
وكم لكم متزوجين وهل ليدكم اطفال..؟
وكيف صلاة زوجك هل هو محافظ ويصلي مع الجماعة..
ارجو ان تجيبيني على اسئلتي لو مافيها اجراج لك..دمتي بخير

__________________

اسمعي ياختي ماعليك مادام انت محترمه وطيبه عادي خليه يفتش الي يبغاه واقولك شي ثاني
لا تحطي رقم سري لجولك هذا زوجك ومابينكم اسرار وانا متأكد ميه بالميه ماسوى كذا الا انه
يحبك ويغار عليكي طبقي وراح تدعلي ان شاء الله وسيبك من كلام الحريم .........

عـــــــــــــــــااااااااااااااادي اذ كنتي توك متزوجه هااااااااااااااااادي بالك عليه
اغلب الرجال يحبون يختبرون حريمهم صدقيني فتره
وتعدي بس انت خليه شي عااااادي عندك ولاتحسيسينه بشى خليكي طبيعيه
ولاهمك لانو اذ شافك منرفزه يشك فيكي خليكي وثقه من الي يسويه

وخدي راحتك بالكلام
دامك ما عملت شي بتخافين منه

__________________