السلام عليكم ورحمة الله وبركاته
خواني خواتي أسعد الله صباحكم/مساؤكم بكل خير
طبعا من كثر ماقريت عن مشكلتي بذا المنتدى وبمنتديات كثيرة عرفت إنها مشكله أزلية
وإن شاء الله ماراح تقصرون معاي بنصايحكم..
بالبداية بعد شهر من زواجنا حملت المدام ولله الحمد...:14:
طبعاَ تضايقت لأنو الموضوع صار بدري مرره ,, ومن ذا الكلام
المهم من الشهر الثاني تغيرت علي وماعاد هي بطايقتني وسافرت عند أهلها
بعدين عرفت إنها متوحمة فيني والحين هي بالشهر الخامس ولله الحمد والمنه .
العلاقة الحين مقطوعه ولا اتصال ولاشي.اللهم المصروف


السؤال اللي مالقيت له جواب لحد الحين
هل الوحم بيستمر للولادة وإلا هي فترة وبتعدي ..
وكيف أعرف ((ركزوا عليها كيف أعرف؟)) عشان ما أشغل عمري كل شوي متى ومتى

وكيف أتصرف معاها خلال هالفترة؟؟
تحياتي لكم

بعض النساء بتتوحم شهرين و هذه معظم الحالات يعني ينتهي بدخول الرابع او الخامس
و بعض النساء تبقى متوحمة للولادة
لكن بشكل عام التغير المزاجي ايضاً من اصدقاء الحمل
انا انصحك ان تتقرب لها الآن تزورها و تجلسو مع بعض و تتكلموا عن الطفل قريبا ببدأ يتحرك
عيش مع زوجتك احلى اللحظات ، ضع يدك على بطنها قل لها اريد ان اشعر بحركة ابني ، او بنتي
تكلم عن الطفولة عن احلامك من تريد ان يكون الطفل شبيه له
أمور تحبب المرأة بالحمل و تجعلها تتطلع ليوم الولادة بشوق
الحامل اكثر ما تحتاجه العاطفة و الحنان و لو انا شخصيا تريد رأيي أقول رجعها لبيتها
الطريقة : صف لها شعورك بالشوق لها و ان البيت خال بدونها .........الخ

__________________
.
.

استودعتك أهلي في سوريا يا من لا تضيع ودائعه

انا ابشرك وحامي شي مو طبيعي يعني ماودي اتكلم عنه عشان مااخوفك لكن الشي الحلو انه جلس فقط 6 شهور بعدها انتهى واغلب الحريم 4-5 شهور ويروح ذاك الشعور لكن فيه بعض الحريم وعددهم قليل يروح على الاشهر الاخيره الله يوفقكم انتبه لمشاعرها ولاتاخذ بكلامها اذا ماتبيك او تبي ريحتك فتره وتعدي الله يوفقكم ويحفظ القادم لكم

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

أخي ... تطمن هي مرحله وتعدي

لكن غير معاملتك للأحسن لأن

المرأه تحب يكون زوجها قريب منها

ولو معنويآ >>> عآد لاتقرب بالحيل

الوحآم ماكنت متوقعته إلا لين جربته

طبعآ كل وحده تختلف عن الثانيه

ولاتخآف متى مآرآح بترجع لك من دون

ماتقول.....

الله يسهل عليهآ ويرزقكم الذريه الصآلحه ويوفقكم

__________________
::
ربي أني أسألك مفآجأهـ لايسع قلبي تصديقهآ
::

ماريا , ادمنتك , نونة الغيورة
شاكر لكم
من ناحية حاولت أتقرب إلا والله حاولت وبشتى الطرق ,,يعني أنواع الإغراءات هدايا ووو لكن مافي أي فايدة تذكر.
لكن مسالة ما آخذ بكلامها لو قالت ماتبيني..من قبل الرابع وهي تصرح بذا الشي.
صح حزت بخاطري بالبداية وزعلت وطنقرت لكن بعدين فهمت انها متوحمه علي وعذرتها.
المشكلة إني مليت.شهر ولا اتصال ولاشي وانا بصراحة أخذتني العزة من جهتي بعد.

أختي ادمنتك لاعادي ياليت تتكلمين على الأقل يكون عندي فكرة باللي راح يصير قدام .

يعطيكم الف عافية.رفعتوا معنوياتي شوي ..

يا خوي ترى يومهآ تطنشك ولاتبيك ماهي حآسه بعمرهآ

وربي كآن زوجي يقولي حآجآت أيآم الوحآم أسويهآ فيه

أقول معقوله أنا سويتهآ وربي كل ما أتذكر

أضحك على نفسي

أنتظر بعد النفاس بترجعلك إن شاء الله

مثل يوم كنتو :14:

الله يسهل عليهآ يآرب

__________________
::
ربي أني أسألك مفآجأهـ لايسع قلبي تصديقهآ
::

أختي ادمنتك لاعادي ياليت تتكلمين على الأقل يكون عندي فكرة باللي راح يصير قدام .

يعطيكم الف عافية.رفعتوا معنوياتي شوي ..[/QUOTE]
كنت اشيل ملابسه بروس اصابعي من كثر ماني متقرفه منه ومن ريحته واقله اغسل ملابسك في المغسله ثوبه اقله يعلقه في المجلس واوقات انسى وامر بجنب الثوب واقله فيه ريحه غريبه يجلس يضحك ويقول ثوبي معلق جنبك والله العظيم مابالك هو اذا قرب كنت احط منديل معطر على خشمي عشان ماشم ريحته طبعا الاكل مااكل شي نركب السياره ويلفلفبي على المطاعم تبغين كذا لا طيب هذا لا طيب كذا اجرب ولما اجربه يوه الله يعطيك العافيه اكل منه لقمه لقمتين وخلاص والله انه يحزني احسه منجد يبغاني اكل وانا ماقدر احط لقمه في فمي قرفانه من كل شي البيت طبعا مااطبخ شي نهائي كله من برا لمدة اربعه شهور بعدين احاول اطبخ غدى عشا والله العظيم انه مو دلع ومع هذا كله مااكل شي الا قليل والله العظيم انه اوقات يدخل علي يلقاني مغمى علي من الجوع خلاص ماعاد اقدر امشي ويوديني المستشفى يقولوا الضغط مرتفع واوقات اجبر نفسي اني اطبخ بس مره النتايج معروفه اصلا ريحة الاكل سواء في البيت او من برا اروح اجلس في غرفه لوحدي الين يشبع ويشيل سفرته احسه مسكين تعب منجد معايه
كمان فيه نقطه كنت اروح ابكي في غرفه لوحدي اوقات فجاه كذا بدون سبب بدون اي زعل وانا ماابغاه يشوفني اوقات يدري يشوف عيوني وجهي واوقات لا واوقات مقدر اجلس ابكي عنده شعور اعوذ بالله منه يقلي اشفيك وانا في داخلي ماني عارفه ليش ابكي
احس سالفتي يبغالها موضوع لحاله وترى مقدر اكملك الباقي لانه غريب ويخوف يعني حبيت اعطيك نبذه فقط
والله انه غصبا عنها تحملها اذا مو عشانها عشان البيبي لله يحفظه لكم ولاحق على الباقي

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

أنتظر بعد النفاس بترجعلك إن شاء الله.

مثل يوم كنتو :14: !!!.

مدري ليش انا متوقع انو مافي رجعه الا بعد النفاس .
على العموم الف الف شكر.

لأ لأ ماقصدي كذآ بس بعد

ماتخلص وحآم بتكون ثقيله

يعني الرجوع المعنوي والنفسي

والله من وراء القصد

__________________
::
ربي أني أسألك مفآجأهـ لايسع قلبي تصديقهآ
::

اهم شيء ماراحت عند اهلها بسب مشكله ما
اذا وحم فلامر اهون

__________________
اللهم فرج همي وهم كل مسلم ...