السلام عليكم
انا جديده بالمنتدى وعجبتني الجرأه والصراحه وحبيت افضفض لكم يااخواني واتمنى تسمعوني راح اقولكم قصتي باختصار والله مادري من وين ابدا لاني متدمره نفسيا هالايام
انا بنت عمري 31 سنه مو متزوجه وحسبي الله بس .......
بصراحه انا الحمدلله ماني بنت جريئه عالشباب ولاشي بس وربي اسمعو سالفتي واحكمو بنفسكم
من وانا عمري 20 سنه واقل كمان وانا اسمع ان ولد جيراننا وصديق اخواني بيخطبني طبعا هو اكبر مني ب4 سنين
مرت السنين رحت لاخته بالبيت ورتني صورته وقالت فلان بيخطبك رجني وربي ياناس اني وقتها غبيه ماافهم وربي اني استحيت ولافكرت بشي بس يوم عن يوم بدا حبه يكبر واخواني يوم يقولو جا قلبي يدق بسرعه ولافكرت بيوم اكلمه ولاالفت انتباهه ولاشي وياريتني فكرت بنفسي قبل فوات الاوان آآآآآآآه بس وربي اكتب بدموعي الحين
المهم نقلنا من البلد لبلد اخر وانخطبت كثير وانا افكر فيه هووو بس وارفض الناس عشانه وربي تقدمولي من نفس الجماعه رفضت من بعيد وقريب رفضت امي زعلت علي
المهم اهلي كلهم يعرفو انه يبغاني بس ليش ماتقدملي مااحد يدري ولا احد فكر يسأله مستحين وبنفس الوقت اخوي مره مستحي يزوجني لانه قايل عني من زمااااااااان ودايم يلمح لاهلي
بس انا مختصره السالفه وارفض كل عريس عن طريق امي
المهم قبل يمكن 5 اشهر انخطبت لشخص اعزب ومواصفاته اي بنت تتمناها انا باختصار رفضت
اخوي ماعرف مسكين وش يسوي قبل يعرف ردي اني رافضه العريس راح وكلم هالادمي الي انا احبه (طبعا اخوي مايدري اني احبه) قال له فلانه تقدملها واحد وكذا بس مازلنا نفكر عاد تخيلو وش رد الشخص الي احبه قال والله مافكر الا فيها !!!!!!!! خير طب وينك عني؟؟؟؟؟ عاد امي علمتني وقالت قال كذا بس مارجع رد علينا يعني لويبغاكي كان حاول يمنع الزواج بأنه يتقدم.. اناطبعا ماسمعت كلام امي للأسف وقلت لها يمه يمكن استحى الرجال لايوقف بدربي قالت مااعتقد
المهم رفضت العريس وراح بحال سبيله مثله مثل اللي قبله
مرررررررن هالكم شهر وانا على امل كل يوم اصحى اقول بس امي بتبشرني بخطبه الي احبه لي
لكن بدون فائده صرت ابكي كثير ومتضايقه انا بنت حساسه ورومانسيه وطول عمري بانيه احلامي عليه هو
وربي وبكل ادب ماعمري فكرت اروح له ولا ابوح بمشاعري حتى لاخته بالمناسبه اخته انقطعت علاقتي فيها من يوم تزوجت وسافرت بلد ثاني واحنا بعد نقلنا يعني فوق 6 سنين
المهم تخيلو اشكي لصديقتي وابكي ..صدديقتي قامت جابت رقمه وارسلت له رساله وقالت ابغاك وصارو يتكلمون عالنت ... تقول كل ماكلمته عنك يتهرب ! وشخصيته مافيها شي
بس تقول يقول انا مهموم
بالمناسبه حبيت اقولكم راتبه كويس 8 الاف وعايش لحاله وبيت ملك يعني الولد مافيه شي ووضعه مو ضعيف
المهم البنت قامت تكلمه ويقلها اختي وكذا
عاد فتحت السالفه وانصدم اني احبه بس تقول مايجيب لك خبر ولاحتى يرد يوم اقول اسمك ويتهرب ويغير السالفه
يوم عن يوم تقول انقهرت وقلتها له انت ماعندك دم اقولك البنت تحبك وترفض الناس عشانك قال صدقيني هالبنت مثل اختي ولله وانا اعتبر اهلها اهلي !!!
قالت وشفيك مو انت قايل عنها من زمان قال هذا قبل لاافقد كثير بحياتي
قالت وشفيك قال فيه حزن وعندي مشاكل كثيييييييرررررر تقول اقوله وشهي مايقول !!!
تقول اجيب سيرتك يتغير الاخ ويغير السالفه وتقول يمزح معي ويضحك !!!
تقول مره غلط وقال لي يافلانه ((اسم بنت )) تقول المصيبه يوم يدخل النت معي يعني مااحسه عنده بنات ولاشي تقول اول مايسحل دخول يجي يكلمني ولابغا يروح يقول سلام عليكم ويسجل خروج تقول مره ماحسه حق بنااات عالنت
بس فيه مشكله تقول انه يقول انه يسافر برا :@ تقول يقول لها راح بلدان اجنبيه كثير ويقول لها انا قريب بروح فرنسا
وتقول حكيته وقلت له ترا هالادميه انصدمت يوم قلت لها انك مثل اخوها وهي تحبك تقول مايتكلم ولا يحطلي وجه حزين وبس ويغير السالفه تقول بنجن منه مايعطيني علم ويقلي انتبهي لها ولاتجرحينها ولاتزعلينها تراها زي اختي واخاف عليها وحاولي تخلينها تتزوج وتشوف حياتها
تقول اقول له تحبك مايجيب خبر لي لمااا ملت البنت منه
والان قولو لي وش اسوي بعمري الي راااح صديقتي مازالت معاه عالمسن طبعا متواصله وامس يقول لها لو فقدتيني بالمسن اذكريني بالخير قالت وش السالفه قال لها بطلع الروح انه يمكن ينقطع التليفون وماهو مسدد تقول مره ميانطق الكلام يطلعه بطلع الروح
الله يخليكم ساعدوني انا احبه كثيررر ورابطه حياتي فيه تخيلو 11 سنه احبه حب من طرف واحد وربي حرااااااااااااااام انا انسانه حساسه وطيبه ورومنسيه ولاعمري اذيت نمله بس هو جرحني بكلامه لصديقتي وربي تمنيت اموت قبل اسمع كلمه اني زي اخته بعدين ليش ماقال لاخوي مو حرام عليه يعلقني كل هالفتره وفوق كذا اخوي يحسبه يبغاني لانه يمووووووت فيه اخوي ومايقصر معه دايم يطلبه سلف واخوي يعطيه لانه يحبه كثيررر الله يخليكم ساعدوني ليش يقول لاخوي مافكر الا فيها ويقول لصديقتي اني زي اخته وربي حرااااااااام ضيعني ودمرني وانا بنت حلوه موناقصني شي وياكثر الي تقدمولي بس انا دمرت نفسي بنفسي قوولو لي وش اسوي ونصيحه مني لكل بنت لاتسوو زيي وربي ماتدري انسان ترسمي احلامك عليه يطلع بس كلام احنا بنات طيوبات ورومنسيات نصدق بسرعه آآآآآآآآآه ياقلبي بس اخواني لاتتركوني انا ادري طولت عليكم بس وربي اكتب وابكي مو مركزه ابدااااااااااا