السلام عليكم
اخواني اخواتي اتمنى منكن مساعدتي
فقد احترت في امري ولي قرابة الشهر وانا محتاره في موضوع خطوبتي فقد تقدم لي رجل اصغر مني بسنه وهو من جماعتنا انا رفضت بس الوالد اطال الله بعمره لم يعطي رفضي اي اهتمام وارسل لهم الموافقه بدون علمي
سبق وتقدم لي اخوه الكبير وهو صاحب دين واخلاق عاليه وانا رفضت رضاء للوالده لانها كانت توجد مشاكل بين امي وام الولد وقالت لي امي ان وفقتي فسوف اطلب الطلاق ويشهد الله ان رفضت حبا لامي وحتى لا اهدم بيتها
هذي السالفه من 9 سنوات تقريبا والحين حاولت ابين للوالد سبب رفضي ولكن الوالد رفض مع ان الولد اخلاقه زينه بس كلام الناس يقولون رفضتي الكبير وهو دين واخلاق وترضين في اخوه وهو اقل دين واصغر منك
وانا والله مو مقتنعه فيه ابدا بس الوالد يقول ماراح يرد طلب خاله للمره الثانيه لان ابو الولد اللي خطبني يصير خال ابوي صليت استخاره كثيررررر بس ابد ماحسيت لا راحه ولاضيق ارجوووووووووووووووووووكم ساعدوني هل اوافق وكل شى قسمه ونصيب ام اصر على عدم الموافقه

اكيد في نهايه كل شي قسمه ونصيب
بس انا عن نفسي ماراح اوافق اولا لان رفضت اخوه الكبير يعني موقف صعب اتزوج اخوه الثاني
وثاني شي انتي تقولين اصغر منه واقل دين العمر عادي دامه سنه الفرق بس اهم دينه !
وثالث شي انتي ماحسيتي براحه

أختي الفاضلة
المشكلة ليست مشكلتك , بل مشكلة والديكي , وبالتحديد والدتك
والدتك رفضت الخاطب الأول - الكفؤ - بحجج غير مقنعة
ووالدك أصلحه الله استجاب لضغوطها
والآن والدك وافق على الخاطب الثاني , تجنباً لزعل خاله .

الحل بيد والدتك
فكما ضغطت عليكم بالخاطب الأول , وخربت زواجك
عليها أن تضغط على والدك وتجعله يرفض الخاطب الثاني .

بالخاطب الأول - الكفؤ - كنتِ ضحية نزاعات عائلية
وبالخاطب الثاني - الغير كفؤ - ستصبحين ضحية مجاملات عائلية .

لا يحق للوالد أن يجبر ابنته على الزواج ممن لا تحب
الله و رسوله أعطوك الحق في الرفض و القبول

مشكوووووره اختي
بس انا انسانه ما احب ازعل احد مني فما بالك بالغالي ابوي كل شى عندى ولا يزعل او اسبب مشكله بينه وبين امي لان المره هذي اذا رفضت بيرجع اللوم كله على امي لانه اهو حاقد عليها من يوم رفضت اخوه الكبير

طيب أخيتي أوافقك محقة أنك تحبين إرضاء والديك، لكن لا تختاري من لا يمكنك أن تتعايشي معه إرضاء لهما، و بعدها لن تعيشي سعيدة، و تأكدي، سيرضيان بإذن الله و لو خالفت رغبتهما في هذا الأمر

فكري جيدا فهذه حياتك و اختاري صاحب الدين و الأخلاق، و الارتياح النفسي مهم جدا، أما السن فأنت أدرى، منا من تحب الزوج يكون أكيبر منها بكثير و منا من تجب التوافق، ... أنا مثلا أخب الفارق يكون صغير يعني أكبر مني بسنة إلى خمس سنوات، أما إذا كان أصغر مني بسنة أو أشهر فما من مشكلة، و الأمر متفاوت من واحد لواحد

استخيري و أكثري الدعاء و الاستغفار، يسر الله أمرك

المشكله يا اخي الفاضل امي المره هذي قالت لي انا مالي دخل فيك والله قهرتني يوم الرجل الصالح رفضت وبكل قوتها واليوم يوم ذهب من العمر الكثير وتقدم اخوه واهو اقل دينا تبرت وقالت مالي دخل في هذي حياتك قسم بالله اكتب وفيني من الهم والكرب الكثير لا ادري من ارضى الوالد الذي يخاف من زعل خاله للمره الثانيه ام حياتي التى لا ادري ماذا ينظرها ومثل ما تقول ياخي الكريم سوف اصبح ضحية مجاملااااااااااااااات عايليه

برايي اذا تبين تاصلين لحل بهالموضوع انسي ان اخوه خطبك وانسي ان امك ردته وانسي ان ابوك رد لهم بالموافقه ... فكري بالموضوع من جميع جوانبه ( عمرك, فرصتك بالزواج من شخص افضل منه , مسالة تدينه هل هو مخربها مره مثلا راعي شراب واللا بنات او متهاون بالصلاه واللا بس لانه حالق لحيته)
واذا مااقتنعت ارسلي له احد يقول له انك ماوافقتي عليه واذا ماتبين تحرجين ابوك قولي وافقت بس هونت اهم شي لاتاخذينه الا بقناعه ........

والله عن نفسي نسيت الموضوع من زمان لانه مر عليه زمن طويل بس الناس ماتخليك وتجلس تعلق وتقارن اما العمر والله ما اتوقع فيه فرصه ولان ابوي مو سهل يوافق على احد من بر العايله يعني الفرص قليله جدا لا والله مو راعي شراب ولا بنات بس احس التقصير في الصلاه لاه على ماسمعت تروح عليه نومه وجزاااااااااااك الله خير على مشاركتك في موضوعي ماشاءالله كلامك بالصميم بارك الله فيك

مشكوووووووووره اختي
والله اهو اكثر شى خلاني اتردد هو موضوع اخوه الكبير والدين اما العمر هويعرف اني انا اكبر منه بس مصر على الخطوبه الله ييسر لي اللي فيه الخير