السلام عليكم ورحمة الله وبركاته

اليوم حكايتي اعتقد مااحد مر في مثلها منكم

وهي حكاية موجعة وهي كالتالي..

كنت صغيرة توني مستوى ثاني بالكليه وادعي ربي باستمرااااار اني اتزوج دكتور معلم يعني بالجامعة

لالالا يروح بالكم بعييييد اني مثلا اعرفه لا بس كذا احب انه يكون عاقل ومثقف

المهم ماطوووولت الا والدكتور يدق الباب من ويييييين ؟؟؟

من الرياض ولالنا علاقة فيه أبدا ولا معرفه ولاشيء

متزوج طبعا وأكبر مني ب29 سنة طاااااااااااااااااااامة ترددت واستخرت وقلت اكيد ربي استجاب دعوتي

وأرسله لي .........سبحان الله تم الزواج في أقل من 4 شهور
الانسان طيب وحنين وزوجته في حالها ولا يوم اذتني

مع اننا في فلة وحدة... السبب ياترى مييييييييييييين؟!
بنته كرهتني في حياتي وكرهت أبوها فيني بكثرة الكذب والافتراء علي

وسبحان الله نفسيتي صارت زفت ورحت لاهلي وانا حااامل ولدت عند اهلي وهو مايسأل عني

ولا شي طبعا هو في مدينة ثانية

ولدت ولا سأل.............كذا حتى صار عمر بنتي 3شهوور واتصلت انا وتصالحنا ورجعت

وبعد اسبوع تهاوشنا ان وبنته وتركت البيت وعلى طوووووووول طلقني
وعلى كذاااااااا

صار عمر بنتي 3سنوات ولا حولك احد
اتصلت عليه وحاولت نرجع ورفض وطلبته يشوف بنته قلت يمكن تحنن قلبه

ولا فكر اعطاني اثباتها وراح وكل سنه على هذا الحال حتى صار عمر بنتي الان 9سنوات

طلبها يبي ياخذا مع انه لايصرف ولايسأل ولاشيء

وكل هذي السنين وان في جحييييم مع امي واخواتي بهذلني ونكدن حياتي وقيدن حريتي

والله صااااااااااااااااابرة ومحتسبة وموفرة لبنتي جو مريح ماخليها تحس باللي يسوونه لأني

مااتناقش معاهم ولاارد عليهم وأتحمل


طوووووولت عليكم وللحديث بقية اكمل لكم القصة مرة ثانية

الماضي انتهى ولابد تنسينه وتعيشي حياتك اليوم وتسعي لسعادتك انت وبنتك

حبيبتي انت ماشاء الله اجتزتي اصعب فترة في الطلاق وفي تربيه طفل بعيد عن ابوه

مشكلتك الان انه البنت كبرت وابوها من حقه يشوفها حاولي ماياخذها

واذا ماصار واصر على رايه مالك الا البنت تربيها على الاعتماد على النفس وتوثقين علاقتك فيها يعني لابد يكون بينكم تواصل دائم
خلي البنت تحفظ الاذكار وتقولها الفجر والعصر شي اساسي في التربيه
الدراسة لابد تكون متفوقة
علميها انه هذا بابا اللي لازم تحبه وتحترمه وتقبل راسه كل يوم احذري تجيبين طاري ابوها عندها باي شي شين
بالعكس حاولي تكون اكثر عياله بر فيه كذا ماراح يدخل احد بينها وبينه
في الفتره هذي اذا ابوها يكلمها خليها هي تدق عليه وتسال عنه وترسل له دعاء يوميا لما يحس انه تربيتك حسنه

هذا اللي عندي وعسى الله مايفرق بينك وبينها

__________________

مشكووووورة أختي بسمة اشراق وجزاك الله ألف خييير

صحيح بنتي متعلقة في ابوها وتحبه وتفتخر فيه دائما وقدام كل الناس تتكلم عنه

وتتصل فيه شهريا على العلم انه أبوها ماكان يتصل ابدا الا هذي السنة تغير وصار يتصل

واناابدا مااكرهها في اهلها على العكس امدحهم قدامها

والاذكار دايما ترددها معي الحمدلله

بس هي متعلقة في كثيييييييييييير وماتقدر تستغني عني ابدا

وهي الطفلة الوحيدة عند ابوها كل اخوانها موظفين وكبار وهذا شيء مطمن

بس احنا متعلقات في بعض

صابره ومحتسبه هذ1 المهم .. عسى الله لا يضيع احتسابك وصبرك ( وَبَشِّرِ الصَّابِرِينَ )
وأسأل الله انه يعوضك بعمرك الباقي ويباركلك فيـه .. ويعوضك ابنتك .. وتشوفيها احسن الناس ..

وبصراحه جلست اقرأ موضوعك كثيرررر .. وجلست افكر بسبب طلاقك ..
واتوقع كذ1 انه في شي مشترك بين كل الرجال .. وهوآ ( عذر اقبح من ذنب )
يعني تلاقي الرجال ناوي ع الطلاق ويدور الزله من الحرمه عشان يبرر لنفسه الظلم ..

الحين سألتكم بالله .. هوشتك مع بنته _ الي ماهي هوشه اصلا _ هذ1 سبب مقنع للطلاق ؟!
لا تتحسفي .. يمينا بالله .. الرجال لو حب زوجته ويبغاها .. لو فيها عيوب الدنيا والاخره بيتمسك فيها
والرجال الي بايع زوجته ومايستاهلها .. يدور عليها الزله عشان يقولها هالكلمه ---> طآلــــق

الله يفرج همك .. وصراحه انتي قويه ما شاء الله عليك ..
يعني مهيئه لبنتك احسن جو ..
وصابره ع كل كلام اهلك ..
وصابره ع زوجك ..

________________

وشفت واحد هنا في المنتدى كاتب رد يقول فيه ( انا اشششهد ان بعض الحريم وصلوآ لدرجة المجاهدات من صبرهم )
موفقه ان شاء الله

مشكوووور ياأخي عاشق الأروى

والله هذا تفسييير انا بعد انه ناوي الطلاق قبل لايتزوجني

وهوشتي مع بنته احسها مخططة لي وأنا ماادري

لكن هذا قدر الله والله العظيم اني ماندمت ولا في يوم ليه تطلقت ؟

صحييييح اني متضايقة حيييييل من وضعي لكني رااااااضية

ومشكووووور على هذا الدعاء اللي يريح البال

العفـو خيتي ..
وكلنا هنا موجودين : نساعد بعضنا ..

الله يقووي قلبك يا أختي العزيزة ويريح بالك ياارب ..,
اهتمي ببنتك وازرعي في قلبها حب البر والخير .., والله يثبتها ويخليها لكي يآآرب..,
طيب حبيبتي هووا بيصررف عليها ومتحمل تكاليفها.؟؟.,لنه مهما كآآن هي بنته ومن صلبه..,

دمتي بوووود ياغاليه =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

الله يخليك ياأختي زهرة الرمان ويبارك فيك

هومايصرف أبدا بعد ماصارت ست سنوات قال أبي اعطيكم المصروووف ورفضت آخذه

سلام عليكم
اخيتي ربنا يسعدك انتي وبنتك بس ابوها لو طلبها من حقه حضانتها بعد السن القانوني بس ممكن يتركها بالتراضي
حاولي تخلين علاقتك جيده بالاب حتى لو صار اخذها تقدرين تشوفينها دائما انتي ربنا بيعوضك ان شاءالله خير

الله يبارك فيك اخوي ويحفظك انا لم أقل انه ليس من حقه اخذها

فهي طبعا بحاجة لأبوها لكن الخوف هل سيحافظ عليها
وهل سيعوضها عن مامضى؟!