يااخوان عندي مشكلة ولد خالي تقدم لي وخطبني ولنا سنتين وبعدين تمت فسخ الخطوبة من ابوي لانة مايشتغل وعطانا نصف المهر المهم بعد فسخ الخطوبة اتصلت علية وقلتلة مو مني السبب واهنت نفسي وترجيتة واللهشهرين وانا اترجاة واقولة مو بيدي فسخ الخطوبة هو يكلمنى يسب فيني ويهيني وكمان راح اتصل على ابوي يقولة بنتك تكلمنى وابوي هاوشني من بعدها مرت 4 شهور ماعاد اكلمة ولا ارسلة شي الحين بدا يرسل لي كلام شعر عتاب وانتى خاينة ومقطع اغاني فقط شعر ومقاطع بدون كلام ولاحاجة انا ماكلمتة ولا سبيتة ولاقلت لابوي يهاوشة مثل الي عمل في داخلي محروق لما اهنت نفسي والحمد لله بدات انساة بس لما يرسل مقاطع اتذكرة وش اسوي اتركة يرسل مااعطية وجة او ارسلة رسالة اهينة او كلم ابوي او كلم امة تقولة لاعاد ترسلة شي او اكلم شيخ يكلمة او اية الحل تكفوووووووووووون ؟؟؟؟؟


أختي الفاضله أرجوا منك الأنتباه للطريقه الصحيحه لكتابة لفظ الجلاله ((الله))

وليس كما تكتبيها أنتي بالتاء بارك الله فيك

لاتكلمينه ابدآ ولاتقولين له شيئ ولاتهتمين لما يفعل لانه يريد استفزازك واذا فعلتي هذا قد يخبر والدك وتكونين انتي الضحيه,
فانتي اتركيه فتره طويله ولاتعطينه وجه وهو يمكن يمل من نفسه ويتركك,واذا زاد الامر
وانتي واثقه من ردة فعل والدك اذا اخبرتيه وانه سيحسن التصرف معك فافعلي فالافضل يأتي الردع من والدك ليس منك انتي ,,.
هذا رأيي واسأل الله لنا ولك التوفيق,,

ارى اختي انك تغيرين الشريحه وتنهين كل شي
بارك الله فيك

شفتي رقمه

سويه له حظر من الإتصالات بحيث ماياصلك لامسج ولا إتصال
عشان بس نفسك لأني أعرف عاطفتك بتتعبك وتميلين له وهو خلاص ماهو من نصيبك...
هو كذا حنا يالحريم نتعلق على غير سنع يعني مو بشكل عقلاني وإنه خلاص مرفوض من أبوك وأنتهى
ولا تنبهين أبوك عنه ولا شي عشان بس ماتكبر بينهم لكن ضروري يفهم من أي طرف ممكن يتدخل إن رسايله مرفوضه ومالها لزمه..
ووسعي صدرك لعل اللي صار خيره واحمدي ربك وأشكريه على كل حال...

مشكورين على مروركم بس مو رسايل بالجوال للا عبر المسن البريد وشكرا

احذفيه وتنتهي المشكله ليش موجود عندك الى الان وامسحي كل رسائله او غيري ايميلك ,,

لا يااختى مو مضاف بس يقدر يرسل على البريد الالكتروني هو يبي يلعب بمشاعري عارف انى احبة عشان كذا لو انة يبيني كان تزوجنى وكلم ابوي ويشد حيلة بشغلة انا هذا الي فهمت من رسايلة

هلا اختي
المشكله بيدك انتي عطي ابوك الرسائل والمقاطع وقوليله يفكك منه خلاص انتي مو مخطوبه له واللي يسويه حرام وانتهت المشكله تقدرين توقفينه عند حده
وربي يوفقك ويهديك
ادعولي ربي يستر علي

نفس الحركةحبيبتي سوي حظر لإيميله وبلوك له وريحي راسك
ولو خفتي يزعجك باي إيميل ثاني غيري الإيميل والسلام

للحين أعيد ماله داعي تكبر وتصير مشاكل ويعرف أبوك
راس ماله إيميل يتغير وتنقلين اللي تبين معك لإيميل ثاني والسلام..

عزيزتي..

بداية الحل هو التجاهل التام .. لا تردي على أي رسالة منه بأي شكل من الأشكال .. وحددي فترة زمنية معينة كأسبوعين أو ثلاثة مثلاً.

إن لم يتراجع خلال هذه الفترة فتحدثي مع والدتكِ أو أختكِ الكبيرة واستشيريها في التصرف السليم .. فربما تتحدث هي مع والدته لكي تتصرف مع ابنها بطريقتها.

فإن لم يرتدع فنعم أخبري والدكِ ـ رغم أنني شخصياً سألجأ لهذه الخطوة مباشرةً لو كنت مكانكِ ـ لأنه بالفعل يجب أن يتعلم الأدب.

__________________


اللهم طِيبَ الأثر .. وحُسْنَ الرحيل.