زوجي يتجاهلني - منتدى عالم الأسرة والمجتمع

31-07-2011, 02:14 AM

بنت الرياض2

عضو مثالي

تاريخ التسجيل: Apr 2008

المشاركات: 227

زوجي يتجاهلني

السلام عليكم ورحمه الله وبركاتة
كتبت لكم قصتي التي بين الاقواس قبل خمس سنوات وصبرت على زوجي وتحملت والوضع كماهو لم يتغير شي حتى مليت منة وطلبت الطلاق بعدين قالي ان شالله بيتعدل الوضع وكان الكلام هذا وانا كنت عندة في جدة ورجعت للرياض وانا تعبانة جدااااا من وضعي وكنت ناوية خلاص بتركة واقول لأهلي لانهم مايدرون بعدها طلعت حامل ولله الحمد وطول مدة الحمل وانا في بيت اهلي زارني بس مرة وانا في سبعة شهور ولمن ولدت جاني في المستشفى وسلم علي وجلس يومين لمن طلعت من المستشفى جاني بيت اهلي وقالي بجلس حتى اسوي العقيقة واسمي الولد ولمن ذبح العقيقة رجع جدة كان لطيف معي سوالف ومزح لكن قهرني بتصرفاتة مادفع ولا ريال للمستشفى الخاص اللي ولدت فية كل شي انا دافعتة ولا اعطاني فلوس اجهز للمولود وبعد ماولدت ماعطاني مصروف للولد اااااااااااية وربي قهرني تصرفة مع اني متعودة لانة ماعمرة اعطاني مصروف لي وانا ماعمري طلبتة ابد كل مرة يجي للرياض كان يعطيني مصروف للبيت بس للاكل والشرب اذا جاء للرياض مع انة مايجي الا كل خمسة او سبعة شهور ويجلس اسبوع بس المهم انة طاح من عيني خلاص عفتة صرت بس اجاملة في كل شي ماعدت احبة مثل اول بعد ولادتي انتظرت وقلت بشوف بيجي يسلم على ولدة ومر شهرين بس بتصل وماعندة نية يجي بعدين اتصلت فية كنت طول المدة اللي فاتت ساكتة بعدين قلت شوف انا بصراحة مليت منك خلااااص اندبلت كبدي منك انت ماتستحي على وجهك دخلت المستشفى ومادفعت ولا ريال وولدت ماجبت شي لولدك انت وش بلاك ووووووووووووو المهم ماخليت شي شين الا ماقلتة وهو ساكت قالي خير خير بجيك ونتفاهم بعدها بسبوع جاني للرياض وجاب معة هدية وثلاثة الاف ريال وجلس اسبوع وسافر وجلس اربعة شهور يسئل فقط عن ولدة لكن لا مصروف ولا شي كل شي علي انا والله العظيم انة ماهمني الفلوس وانا الحمد لله قادرة وماهمني بس ابي احس ان عندي زوج وانة ابو ولدي ااااااااااه حسبي الله ونعم الوكيل المهم جاني بعد اربعة شهور من الزيارة الاخيرة وانا في البيت مجهزتة بكل شي بعدين جلس اسبوع وسافر ولا عطاني ولا ريال بس سوالف ومزح ولعب مع ولدة وخلاص وانا ساكتة ومشية الموضوع الحين انا محتارة مرة اقول يابنت طنشية وعيشي لولدك واهتمي فية وفي صحتك واعتبري نفسك مطلقة ولا تهتمي ومرررررررررررررات اقول ليش اصبر ليش ماوقفة عند حدة يمشي مثل الناس ولا ماعلية حسوفة يطلقني لاني مثل المطلقة دلوني على الطريق الصحيح

هذي قصتي اللي كتبت في المنتدى قبل خمس سنوات اللي تحت

(((((((( تزوجت وعمري37 سنة ومر على زواجنا سنة وستة شهور تزوجت من رجل متزوج يسكن في جدة وانا في الرياض طبعا لظروف عملي وعملة لابد ان نعيش على الاقل 5 سنوات كل واحد بديرتة حتى تزين الظروف ونجتمع مع بعض طبعا مسوي لي بيت في الرياض وكل شهر او شهرين يزورني من 10 الى 15 يوم ومكالمات بالتلفون كل يوم وعايشة معة احلى عيشة حب ورومنسية وحنان ومعاملتة راقية جدااا ومحترم جدااا واحبة بقوة لكن فية مشكلة ذبحتني انا للحين ماحملت ولمن جات اجازة عيد الاضحى قلت لة راح اجيك بجدة واتعالج عند مستشفى حتى احمل قالي معليش خليها في الاجازة وراح اوفر لك شقة مفروشة وتجلسين طول العطلة وتتعالجين براحتك قلت ماشي ولمن جات الاجازة جاني وجلس حوالي20 يوم وقالي مقدر اخذك معي عندي شغل قلت ماااااااشي مع اني ميتة قهر بس مابي ازعلة وطول الاجازة وانا جالسة عند اهلي واشوف زميلاتي كل وحدة مع زوجها وسفريات وانا جالسة لحالي وابكي على حظي اللي صبرت طول السنين اللي فاتت بدون زوج ولمن تزوجت صار بديرة وانا بالثانية المهم هذا مو المهم عندي المهم اني ابي احمل وبس العمر رررررررراح وانا كبرت والله العالم احمل ولالا المهم على اخر العطلة اتصل فيني وقالي تعالي نقضي اسبوع بجدة وعلى طول جيتة وانا ماكان قصدي اتمشى كنت اقصد امر على دكتور واتعالج وبعدين قضيت معة احلى اسبوع وقلت لة لازم امر دكتور وافتح عندة ملف واكشف قالي اوكي ورحت للدكتور وقالي لازم تجين بعد 15 يوم وبعدين سافرت وبعد15 يوم قلت لزوجي راح اجيك لجدة قالي خليها بعدين انا مشغول ومادري ايش حسيت انة مايبي اني اجي واصريت علية وقالي طيب تعالي وياليتني ماجيت تغيررررررررررت نظرتي فية استقبلني في المطار في الصالة برى عند المواقف ولمن ركبت معة حسيت انة زعلانومو زوجي اللي اعرفة تغيرت معاملتة لي بالمرة انا انسانة حساسة ومابي احس اني ثقيلة على احد نزلني بالشقة وصار يغيب عني بالساعات واذا جاء اخر الليل جاني ومرة من المرات جاء اخر الليل وماوصل اتصلت علية مايرد وخفت يكون حصل لة حاجة ومانمت طول الليل ولمن جات الساعة9 الصبح اتصل علي وقالي معليش نام عند زوجتة طيب ليش مارد على الجوال او قالي انة بينام هناك مافيها شئ بصراحة انقهرت من تصرفة وحسيت بحالة نفسية رهيبة عشت معة20 يوم من اخس الايام اللي مرت علي بحياتي وبعدها رجعت للرياض وقررت اتعالج في الرياض وهو اللي يجيني احسن لكن انا خايفة انة يقهرني ومايجي على الموعد اللي راح يحددة الدكتور على الرغم اللي سواة فيني زوجي الا انني صامدة مابي اظغط علية ثم اخسرة ماصدقت اني اتزوج على شان اجيب عيال انا اكتشفت ان زوجي يبيني في الرياض وبس ويبيني وقت راحتة وفضاوتة ماعلية مني اهم شئ نفسة وبس ويبي سوالف على التلفون بالساعات احس اني عشيقة مو زوجة ااااااااه بس انا ابي احمل مادري كيف الطريقة الايام تمر وانا اكبر والامل راح يكون ضعيف وزوجي مايبي يساعدني .هذة مشكلتي عايشة بين نارين اخاف اواجهة بالموضوع ثم تحصل مشاكل ثم يطلقني وفي نفس الوقت مقدر اصبر وانا جالسة لحالي ذبحتني الهواجيس والافكار .وش اسوي اصبر واخلي الامور على الله مثل ماتجي تجي ولا اواجهه حتى لو اتطلق دلوني ارجوكم.)))))ا

التعديل الأخير تم بواسطة بنت الرياض2 ; 31-07-2011 الساعة 02:22 AM

31-07-2011, 11:06 AM

بنت الرياض2

عضو مثالي

تاريخ التسجيل: Apr 2008

المشاركات: 227

معقولة 105 مشاهد وماحد رد ؟؟؟؟؟

31-07-2011, 11:31 AM

مهره

عضو المنتدى الفخري

تاريخ التسجيل: Aug 2003

المشاركات: 17,491

عزيزتي..

بدايةً أتفهم تماماً حاجتكِ للأمومة وسعيكِ الحثيث لتحملي وتنجبي .. ولكنني في نفس الوقت أدرك أن التصرفات والسلوكيات هي مقدمات لما بعدها .. لذلك لا أفهم كيف أمكنكِ أن تتجاهلي كل المقدمات التي عبرت عنها تصرفات زوجكِ منذ بداية طرحكِ موضوع العلاج والإنجاب!!

الوضع الحالي هو حلقة متوقعة بعد سلسلة الحلقات الماضية .. ورجلٌ كان يتهرب من فكرة العلاج وزيارة الطبيب لا يمكن أن نتوقع منه اهتماماً مفاجئاً الآن بكِ وبابنكِ .. ورجلٌ اعتاد منكِ التكفل مادياً بنفسكِ لن نتوقع منه أن إدراكاً مفاجئاً لواجبه في الإنفاق عليكِ .... لأنه ببساطة يدرك هذا الواجب منذ البداية عندما قرر أن يتزوج بكِ سواءً أنجبت أم لم تنجبي.

الآن الأمر بين يديكِ .. والقرار لكِ.

ولا تنسي الاستخارة.

__________________

اللهم طِيبَ الأثر .. وحُسْنَ الرحيل.

31-07-2011, 03:03 PM

بنت الرياض2

عضو مثالي

تاريخ التسجيل: Apr 2008

المشاركات: 227

والله محتارة مرة اقول بقولة يطلقني وارتاح ومرة اقول ماعلي منة اهم شي عندني ولدي وخير ياطير اذا طلقني وش بسوي اصلا زواج مافكر اني اتزوج احسن شي اطنشة وبس واعيش حياتي كانة مو موجود ومرات اقول لا وربي محتارة

التعديل الأخير تم بواسطة بنت الرياض2 ; 31-07-2011 الساعة 03:07 PM

31-07-2011, 03:29 PM

forgiveme

عضو نشيط جدا

تاريخ التسجيل: Jan 2011

المشاركات: 362

اقتباس:

المشاركة الأصلية كتبت بواسطة بنت الرياض2

غريبة صراحه وضعك...

صدق ماكانك متزوجه...

طيب زوجتة الاولى تدري عنك..؟؟

والله زوجك كانة متزوجك مسيار..

اعذريني بس هذا اللي اتضح لي...

31-07-2011, 04:39 PM

سيدة الموقف

كبار شخصيات المنتدى

تاريخ التسجيل: Apr 2011

المشاركات: 5,061

اقتباس:

المشاركة الأصلية كتبت بواسطة بنت الرياض2

أختي الغالية
زوجك عمله أكيد بجدة
وأنتِ عملك بالرياض

ليش مافكرتي تقدمي نقل لجده..؟!

وإذا نقلك صعب
خذي إجازة لمدة ثلاث سنوات
وروحي لزوجك وعيشي معاه لحد مايجيك نقل
ومنها يصرف عليكِ وعلى ولده ولايعتمد على راتبك لأنك
بتكوني بدون راتب أو بنصف الراتب

::
أو يحدد أسبوع كل شهر يجيكم فيه
إذا عمله يسمح أويومين ويحدد لكم مبلغ يرسله لك كل شهر
ولاتفكري بالطلاق أنتِ محتاجه للزوج
لو على الأقل يجيك أولاد يملون حياتك
وأكيد جربتي بقاءك في بيت أهلك بدون
زواج وكيف نفسيتك بسبب تأخر زواجك
وأنت تقولين موفارقة معاي لو أتطلق
طيب عدي نفسك بوضعك هذا مطلقه
بس على الأقل وضعك أفضل من المطلقة
حتى لو جياته قليلة بس أفضل من الطلاق
والعودة لبيت الأهل

أنتِ الآن في بيت لكِ وحدك ومعك طفل
ولك زوج حتى لو بالأسم وفيه حلول
تعدل من وضعك فلاتختاري الحل الصعب

31-07-2011, 04:55 PM

بنت الرياض2

عضو مثالي

تاريخ التسجيل: Apr 2008

المشاركات: 227

اقتباس:

المشاركة الأصلية كتبت بواسطة سيدة الموقف

أختي الغالية
زوجك عمله أكيد بجدة
وأنتِ عملك بالرياض

ليش مافكرتي تقدمي نقل لجده..؟!

وإذا نقلك صعب
خذي إجازة لمدة ثلاث سنوات
وروحي لزوجك وعيشي معاه لحد مايجيك نقل
ومنها يصرف عليكِ وعلى ولده ولايعتمد على راتبك لأنك
بتكوني بدون راتب أو بنصف الراتب

::
أو يحدد أسبوع كل شهر يجيكم فيه
إذا عمله يسمح أويومين ويحدد لكم مبلغ يرسله لك كل شهر
ولاتفكري بالطلاق أنتِ محتاجه للزوج
لو على الأقل يجيك أولاد يملون حياتك
وأكيد جربتي بقاءك في بيت أهلك بدون
زواج وكيف نفسيتك بسبب تأخر زواجك
وأنت تقولين موفارقة معاي لو أتطلق
طيب عدي نفسك بوضعك هذا مطلقه
بس على الأقل وضعك أفضل من المطلقة
حتى لو جياته قليلة بس أفضل من الطلاق
والعودة لبيت الأهل

أنتِ الآن في بيت لكِ وحدك ومعك طفل
ولك زوج حتى لو بالأسم وفيه حلول
تعدل من وضعك فلاتختاري الحل الصعب

اشكرك اختي جزيل الشكر نقلي من عملي ليس صعب ولكن زوجي ماجاب موضوع النقل ابد ومافي بالة اننا نعيش مع بعض حتى اذا جيتة جدة يعد الايام حتى اسافر بخيل جدااا ويخاف من ايجار الفندق او الشقة والنسبة لموضوع انة يجينا كل شهر انا بس ابية يجي كل شهرين او ثلاثة ماعندي مانع وكلما اتكلم معة في الموضوع هذا يقولي ان شالله ومايصير شي وربي حيرني كلما اقولة شي يقولي ابشري ان شالله وماشوف شي يتنفذ وانا استحي وعندي عزة نفس ماحب الزن والمشاكل ابي كل شي يجي منة بطيبة نفس وماحصل

01-08-2011, 11:58 PM

مازن عبدالله

عضو جديد

تاريخ التسجيل: May 2011

المشاركات: 35

اقتباس:

المشاركة الأصلية كتبت بواسطة بنت الرياض2

هذا هو عين الصواب اختي الله يوفقك دنيا واخره وهو السميع العليم ...فعلاً طنشي وكانك مطلقه يمكن ان اشاءالله الله يرزقك منه بمولود أخر...

02-08-2011, 02:10 AM

بنت الرياض2

عضو مثالي

تاريخ التسجيل: Apr 2008

المشاركات: 227

اقتباس:

المشاركة الأصلية كتبت بواسطة مازن عبدالله

اشكرك جزيل الشكر والله يكتب الخير للجميع

05-08-2011, 01:15 AM

#10

بنت الرياض2

عضو مثالي

تاريخ التسجيل: Apr 2008

المشاركات: 227

اقتباس:

المشاركة الأصلية كتبت بواسطة مهره

اشكرك على الرد على موضوعي وزوجي من النوع اللي اذا ناقشتة بشيء قالي خير ان شالله كل شي بيتعدل وانا استحي وعندي عزة نفس ماحب اجبر انسان على حبي او احترامي ابي كل شي يجي منة بطيب نفس مو انا اللي اطلبة

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه