مساء الخير

أعضاء المنتدى الأعزاء

أبي منكم حل وآراء

أنا انسان من بعد ما تزوجت صرت شبه بيتوتي يعني احب اجلس في البيت الاقي فيه الراحه اللي فقدتها في ايام العزوبيه احس اني في بيتي مرتاح وعند زوجتي وبناتي اجلس عند التلفزيون اجالس بناتي والاعبهم واسولف مع الزوجه وانظف في البيت اشياء بسيطه بس ما اتدخل في شغل زوجتي اجلس اقرا قرآن او اقرا كتب اتثقف او انام وكثير طبعاً اطلع اقضي أغراض المنزل من أكل وشرب وغاز و و و واحياناً آخذ زوجتي وبناتي معي نطلع نتقضى ونتعشى ونرجع

لكن زوجتي صارحتني وقالت اتضايق من وجودك الشبه دائم في البيت مع اني اطلع واقضي وقتي وما اتدخل في شغلها ولا اعيب عليها في اي شي بالعكس

فانا اطلع من الدوام وانام لي ساعه حتى اذان العصر واتغدى مع عيالي واطلع اذا كان عندي شغله اذا ما كان عندي شي اجلس في البيت مابين تلفزيون ومع بناتي وملاطفة الزوجه وبعد المغرب الاوح بيت اهلي يومياَ اصلي معهم العشاء وارجع للبيت يا أما طلعنا او وديت عيالي السوق او اهلهم او جلسنا في البيت

بعد ما اشتكت من تواجدي الشبه دائم في البيت وعدة مرات اشتكت من هالشي فكرت في الرجوع لأيام العزوبيه والإستراحات والطلعات مع اني حذرتها وقلت لها ترا اذا تعودت على الطلعات بتندمين قالت لا بس انت روح واطلع المهم اني رجعت لربعي السابقين مع اني ما كنت اتمنى ذالك لكني رجعت لهم فكنت اذهب بعد صلاة العشاء وما ارجع الا وقت النوم الساعه 1 او 2 وجلست فتره طويله على هالشيء ورجعت للدخان وما جلست فتره الا وصارت تشتكي من غيابي الدائم عن البيت ومن رائحة الدخان فكانت تبكي بحرقه وتقول ارجع مثل اول وفعلاً رجعت مثل اول تقريباً وماهي الا فتره وصارت تقولي ليه ما تطلع من البيت


تكفففون وش اسوي انا ؟؟؟

ترا ما عرفت لها ولا ادري وش اسوي في حياتي

تعبت

هذا بغض النظر عن اني كنت في فتره من الفترات رومنسي جداً معها وكانت ما تتقبل هالشي دايم وكنت اتعب منها ولما تركتها وتركت الرومنسيه صارت تقولي ليه انت مهملني وانت ما تحبني وانت وانت وانت

في رايكم وش الحل معها

هي الآن عند اهلها وش الجدول الحياتي اللي اتبعه معها ؟

أول شي السلام عليكم ورحمـة الله وبركاته / ..

بالنسبه لموضوعك شدني بقووه . لأن بدايـة موضوعك وهوآ ؛ ان زوجتك تتضايق من وجودك بالبيت او انك بيتوتي ؛
هـــذي نوعآ مآ تشبــه مشكلتي تمآمآ ..

رآح اقولك شي يمكن تقتنع معآي فيهـ .. المرأه تحب انهآ تحس بؤنوثتهآ وضعفهآ وتحب تلاقي القوه عند الرجل < صح !؟
ممكن تقولي ايش علاقتي بهالكلام .. اقولك يا اخي ترآ الرجآل لما يكون كثير الاهتمام ويكون حنوووون جدآ ويكون لاصــق في زوجتــه كل شوي يلاطفها ويخطب ودهـا ورضاهـا .. ( هنآ المشكله ) .. فـ هالحاله الحرمـه تحس انهآ امام رجل
ولاكن هذآ الرجل تنقصــه بعض الصفات التي تجذب له الانثى .. وتنقصه بعض الصفات الي تكون سبب في إحساس زوجته
بؤنوثتهـا ودلعهـأ ..

يعني بإختصار .. الثقل والرزانه والجديه < من الصفات المهمه عند الرجآل ..
اهتم فيهـا وفي بناتك ولاعبهم وقضي حاجياتهم .. بس مو طول الوقت لدرجة ماتخرج من البيت
خلي زوجتك هيآ الي تقول لك اشتقت لك يابو فلان اسهر معايا الليله خلك في البيت لا تروح .. الخ

اخي اعلم / ان الشيء اذا زاد عن حده تغير المراد منه .. يعني لو لصصصقت بزوجتك ليل نهار او أغلب الوقت
راح تتملل منك ومايصير فيه شوق او ماتحس بحبك لهـا .. دايمآ الانسان الي يقول احبك احبك احبك < تصير هالكلمه مالهآ طعم .. نفس الشي الانسان الي دايم بجنب زوجته ويراعيهـا ويهتم فيهـا ويدلعهـا ويقولهـأ احبك ويجلس بجنبها ومايخرج الا معها
..

كون لك بيئه إجتماعيه صالحه .. مو تخرج من البيت تطيح بدخان واستراحات لا ياخي زوجتك المسكينه مو قصدهـا كذآآآ
هيآ تقصد كون لك بيئه اجتماعيه تستفيد منها وتخرج من البيت بأوقات معينه .. وبنفس الوقت ماتهمل بيتك وأولادك ..

ترآ حتى الزوجين يحتاجوآ لفتره راحه وبعد عن بعض عشان تتجدد المشاعر ويزيد الحب ويكثر الاحترام المتبادل ..

إمشي ع المثل الي يقول ( امسك العصى من النص ) .. ابعد عنها شوي واخرج اشتري لك اشياء شخصيه خاصه فيك لوحدك
لو انك رجآل فيك جلد على الطاعه والعباده .. اجلس بالمسجد بين الصلوات اقرا قران واقرا الاذكار .. اخرج بسيارتك مع واحد من اخوياك ..

صدقني مجرد ماتحس زوجتك انه صارت لك حياتك الخاصه .. بتعجب فيك .. وبترجع تشتاق لك وتموووت عليك بعد ..

تصدق مره قرأت في مجله وانا عند الحلاق .. إحصائيه تقول .. ان النساء اكثر اعجابا بالرجل الي يكون له ميول كروي ..
يعني يحب الكوره ويشجعل فريق معين ...

واتوقع السبب لان المرأه تحب ان تشعر بأن الرجل له كينونته الخاصه وشخصيته الرجوليه تكون غالبه عليه أكثر من انه يهتم بالاولاد كثيرا جدا وينظف البيت ويقضي اغراض البيت ويسوق السياره يوديهم مطاعم ويدلعهم ويلعبهم كل شوي ..

وخذ قدوتك النبي صل الله عليه واله وسلم .. كآن يخدم اهله بنفسه ( انت احسنت في هذآ الشيء ) ولاكنه كان ينشغل عن اهله بطاعة الله وبقضاء امور المسلمين وغيرهآ من الأمور .. مآهو بشيء جميل ان يبقى الرجل في البيت فقط ويقوم بمهام اسرته ..

نعممم زوجتك واولادك لهم حقوق .. ولاكن اجعل لنفسك كينونه خاصه .. اهتم بنفسك وبمآ تحب .. اشغل وقتك بهواياتك ..
لا تبخل على شكلك ومظهرك .. تزززين اجمل زينه ..

الله يصلح مابينك وبين زوجتك ..
آمين

أنا لاني نبي ولا ني ملاك نازل من السماء الله يجزاك خير

كيف تبيني اتبع هالنظام دايم ؟؟؟

انا انسان ترا وعندي حريتي

ورجل وابي آخذ راحتي في بيتي موب على كيفها اطلع واجي ولا اقولها كلام حلو او اقولها هذا الشي مني انا هي مالها شغل تتحكم فيني انا ماني رجل آلي تفرني على كيفها !!

زوجتك من النوع اللي ما يعجبها العجب و قابلت كثير من النساء من النوعية هذه

جارة أمي كانت تبغى قنوات في تلفزيونهم و زوجها ملتزم و رافض الفكرة
بعد ما جاب لها القنوات الفضائية، صارت ترفع صوت الاغاني و تخليه غصب يسمع
و يتفرج و كانت تشتكي انه ما يطالع بالتلفزيون

بعد فترة صارت تشتكي انه زوجها ماصار يغض بصره و لا يلتزم بصلاته بالمسجد
و تقول ليت يرجع مثل زمان

و وحدة من زميلاتي يوم زرتها كانت تقول ليت زوجي يخرج و يسهر بدل ما هو جالس في
البيت و يرجع كل يوم الساعة 10 و قلت لها لا يتعود على السهر و كذا أحسن
بس هي تقول بالعكس انا اقول له روح اخرج و أسهر

زارتني بعد شهر و تشتكي من زوجها انه صار يسهر و يرجع متأخر و تخاصمت معه ؟

احترت إيش اقول لها ؟؟؟

فعلاً الواحد يحتار مع هالأشكال حسبي الله عليهم

اختي او اخوي عاشق الأروى

معذرة، ليست كل النساء كما وصفتيهم و مالقيت اي صفة تنطبق علي
من الدراسات المذكورة

روح الطير / انآ ماقلت الكل . .

تحياتي !

افضل حل انك تتزوج الثانية وتفتح بيتين
في هذه الحالة وقتك بيتوزع بالتساوي داخل البيت وخارجه و دون افراط او تفريط

افكر فيها كثير هالفكره

تعجبني ردودك

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))