السلام عليكم ورحمة الله وبركاته


انا مقبل على الزواج ويوم الملكة قرب الحمدلله وهي بصالة افراح , وانا اكبر اخواني وزوجتي بنت خالتي وانا من الجنوب ابها , طبعي خجول وما ادري وش اسوي بالضبط ! طبعا استفسرت عن الملكة >>عندي اخت تزوجت من سنتين وقالت لي( با التفصيل ) :

راح تدخل على زوجتك بغرفة خاصة ( ) وتتصورون كم صورة وبعدها نزفك انت والمدام لين المنصة (البلاء اني راح اطلع للحريم وهم متغطيات ماعدا الاقارب اخواتي وخالتي وعماتي ) وتلبسها الشبكة واحنا نصورك بلفيديو وتقطعون الكيكه وتاكلها وتاكلك وتشربها العصير بالمصاصة وتشربك ( ) قدام الناس وما ادري وش السواه وسالفة الأرتباك هذي انا خايف منها كثير
المهم ابي نصائحكم وعندي كم سوال......


س1: لما ادخل على زوجتي بلغرفة الخاصة وش اقول وش اسوي ؟ وكيف الطف الجو واطلع نفسي من هاالجو اللى يمكن يربكني ! وابي منكم نـصايح او مـواقف صارت لكم لطفت الجو مع ازواجكم وتطيح الحطب

س2: ( خاص با النواعم) وش اقول وقت تلبيس الشبكة والرومانسيات والكلام الحلو ( عمري ما عرفت بنت ) وش الكلام اللى تنتظره البنت في هذا الوقت وبس...؟

س3: امي طبعا الله يخليها لي ( حريصة زيادة فوق اللزوم ولها معي مواقف كثيرة من ناحية ان تفكيرها اني انسى او عنيد , اوافكر فنظرتها فديتها تنسي الواحد وش يسوي ههههههههههه من حرصها ) كيف ازرع الثقة ؟




ورااح اذكر لكم مستقبـلاً مقتطافات من ليلة الملكة والشبكة بإذن الله
الله يعطيكم العـافيه جميعـاً ... وفي حال طراء أي سؤال في بالي إن شاء الله ماراح تقصرون معـاي
دعواتكم

على البركه الله يتمملك على خير والف مبروووك


كلام اختك ممتاز وهدا اللي بيصير بس صراحه انت مرتبك وهي مرتبكه مشكله هههههههه

صراحه مقدر اساعدك لان لسه مخطوبه لاكن اسال اختك ايش قالها زوجها هي اقربلك وحتقولك

والله يوفقك وها بنتظار موضوع بعد الملكه والله يتمملك على خير وعقبال الفرحه الكبيره ان شاء الله

الله يسر امرك مدلعه حبيبها ونشوفك على الكوشة وش تسوين ( )
لو ان الموضوع كذا كان من زمان سألتها بس انا رسمي شوي مع العايلة وانحرج

ان شاء الله راح اوافيكم بالتفاصيل
والله يعدي الامور على خير
تحياتي لمروركـ

مبروك اخوي الله و يتمم على خير

الله يكون بعونك احراج بس خذ نفس خمس ثوانى عميق واسترخيى خمس ثواني

قبل لا تدخل هههههه موفق

__________________
قل لمن يحمل هماً أن همك لا يدوم .... مثل ما يفنى السرور ..هكذا تفنى الهموم

راح تروح من اول :14:

يالبيييه ذكرتني بملكتي قبل 3 شهور


بالغرفه الخآصه آول شي قولهآ مبروك .. واجلس شوي وقول والله طالعه اليوم قمر ماشاءالله عليك .. وعطها من ذا المدح
وبعدهآ اصلا راح تآخذكم السوالف ..

مااظن راح تقولهآ شي .. بس تبسم لهآ وانت تلبسهآ .. وامسك يدهآ بعد ماتخلص تلبيس الشبكه


نصيحه لاترتبك وتخآف .. خليك عااادي وافرح وانبسط لان بعدين بتندم انك ارتبكت

وآلله يوفقكم يارب .. دعواتك لي = )

__________________
أستعنْ بآللّه ولآتَعجزْ, وتأكدَ أنّ آلصٌعوبَه إنمَآ هيّ في آلمقدمآت
وبَعدهآ بحولَ آللّه ستجني عِنباً ,فقط تحملْ ألمَ آلبدآيآتْ ... !!

عاداتنا تختلف كثييير عن عداتكم, حبيت بس أدعيلك, إحنا لا غرفة خاصة ولاشئ, حتى يوم الملكة أنا اللي أصريت أنو ما يدخل في صالة الحريم لأنهم أصلا ما يتغطوا إلا من رحم ربي وأيضا أنا غيورة عليه كثير من نظرات الحريم ويش أسوي

الله يوفقك ويسعدك...

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

والله معاكي حق واسال الله العلي العظيم ان ييرزقك الذرية الصالحة وتعيشين في سعادة وحب

تحياتي لك

الف مبرووووكـ الملكة فدرالية ويارب يجمعكم وما يفرقكم

الله يعين ان شاء الله ما ارتبك ؛

وتحياتي لكـ على المروور

س1: لما ادخل على زوجتي بلغرفة الخاصة وش اقول وش اسوي ؟ وكيف الطف الجو واطلع نفسي من هاالجو اللى يمكن يربكني ! وابي منكم نـصايح او مـواقف صارت لكم لطفت الجو مع ازواجكم وتطيح الحطب

قولّها فستانك حلو و انتِ حلوة .. أحلى مما تخيلت و أحلى من ما قالوا لي ، و اذكر الله كل شوي ( ماشاء الله تبارك الله ) ، يمكن يصير لك شيء يضحّك وقت الملكة احكيه لها > زوجي نسي جزمته و جا بصندل وانت بكرامة ، و قال لي لا تقولين علي بدوي ترا نسيت جزمتي في المطار ضحكّني
.
س2: ( خاص با النواعم) وش اقول وقت تلبيس الشبكة والرومانسيات والكلام الحلو ( عمري ما عرفت بنت ) وش الكلام اللى تنتظره البنت في هذا الوقت وبس...؟
تمدحها و كذا ، بس طبعا اعتقد وقت التلبيس يكون تصوير وكذا كل ما لبستها تتصورون

س3: امي طبعا الله يخليها لي ( حريصة زيادة فوق اللزوم ولها معي مواقف كثيرة من ناحية ان تفكيرها اني انسى او عنيد , اوافكر فنظرتها فديتها تنسي الواحد وش يسوي ههههههههههه من حرصها ) كيف ازرع الثقة ؟
قول لأمك الله يطوّل بعمرها لا تطالعك > أنا قلت لأمي و أختي لايطالعون فيا لأني لو شفتهم راح أبكي على طول
توكل على الله و اقرأ أذكارك > أهم شيء لا تنسى الأذكار
الله يوفقكم و يجمع بينكم على خير و يجعلك قرة عينها و يجعلها قرة عينك
ننتظر الأخبار السارّة