السلام عليكم ..

زي مو واضح من العنوان و الموقف صار قبل العيد بيوم
وانا قصدي أقهر زوجي لانه كان بنفس اليوم راجع من برا
ومعاه مجله و الغلاف عليه وحده شعرها طويل و قلت له غريبة
تقرا مجله ..! لانه ما يقرا عادة ..
قال أنا ما شريتها الا عشان الحلوة الي علي الغلاف بسسس ..
طبعا ما رديت عليه لأني بردها له وقت ثاني ..!

و إحنا طالعين عند السوبر سلم علي واحد أنا ما اعرفه وعاده أنا اعرف كل اصحابه
قلت له لما رجع السيارة : مين هذا الحليو الي سلمت عليه ؟ قال هذا فلان ! قلت متزوج قال لا
قلت ما شاء الله عليه فيه رجال احلي من البنات ، قالي ؛ كيف لو شفتي خواتــه ..!

كنت ابغي ازعله و هو الي زعلني .. طبعا طنشته بس مو قادرة انسي جاني و سواس
مع أني ما عليه منه عادة يهرج و يتغزل بس ما ارد عليه ...
لكن مدري ليش هالمرة غير ..! حتي هو لاحظ وقال تري امزح لأني عارف انك سويتها
بتردين الحركة الي سويت ...
تتوقعون صادق ! و ليش هالمرة قهرني علي غير العادة ...

صراحة زوجك ماشاء الله تبارك الله ذكي جدا
ماانفعل اثار غيرتك بشيء آخر
بالله انتي من جدك تسألين صادق وللا لا
واضح جدا جدا قلب المقلب عليك
عشان تتوبين مرة ثانية تبيتين نية سيئة ههه
اعلم جيدا انه غصب عنك وترى حتى المجلة قصده يستفزك ترى ممكن بس عشان بيشوف انتي تغارين او انه لاحظ غيرتك فحب يستفزك
اطلبي من الله التوفيق في حياتك خلاص موقف وانتهى او بالاصح مقلب وانتهى

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

هلا انثى ..
والله مو ذكي إلا باااايخ ..
و ياما بيت نيات سئية و لا صار شيء ...
بس هالمرة زعلانة من نفسي إني فرحته و خليته يحس بانتصاره

غيرتك طبيعية وخاصة لما ألمح لي خوات صديقه وهن أقرب للحقيقة من فتاة الغلاف أو المذيعات والممثلات بالتلفاز

من رأيي أن تعززي في نفسك ومن ثم في زوجك غض البصر
فما قلل من قدر أزواجنا وزوجاتنا الا كثرة النظر لما حولنا فهان في أعيننا ما بين أيدينا من نعمة
الله يصلح ما بينكما ويقر عينك به ويقر عينه بك

زوجك يثير غيرتك لتكوني أكثر أنوثه

ممكن ..! ولو انه اخطا بالإسلوب ..
وانا ساعدته بعد ..
شكرا لك ..

فعلاً كلامك صحيح ..!
لكن الموضوع ما يتعدى نظرة للإغاضة بس ..
لا هان في نظري ولا شيء ..

قصده المزح فعلاً وهذا ما يبدو لي

ولكن هذه المره غير .. لأن الشيطان كمان غير وعرف يصيدك صيد الحمامة..

وراح تقعد بنفسك لحد ما تتعوذين من ابليس وتدحرينه بذكر الله

وان استمريتي عاااااد الله يعينك نفسك والشيطان اجتمعوا عليك

والموضوع عادي فلا تسوين فيها شي غير وان عندك حدس ومدري كيف ويضحك عليك شيطانك ان فيها شي وانك ذكيه وصدتيه..

وخلاص وقفي هذا الأسلوب انتي وزوجك أفضل وتسدون هذا الطريق على ابليس وأعوانه لعنة الله عليه

وأعوذ بالله من شياطين الإنس والجن

وهداك الله وأبدل ما تجدين في نفسك بما فيه منفعتك في الدنيا والآخرة

جزاك الله خير ..
و ابليس عندنا من يوم ما اخذ زوجي اجازته بس كلها كم يوم ويداوم ويرتاح ويريح ..

أنتي زوجك رهيبين ماشاءالله

بس ماشاءالله ذكي

عادي أكيد يمزح بالله وش دراه عن خواته
أنتي لاتكبرين السالفه أهم شي

الله يوفقكم ويتتم عليكم السعاده ويصلح مابينكم

__________________