السلام عليكم ورحمة الله وبركاته


أنا فتاة نشأت في طاعة الله ولا أثني على نفسي فلقد رأيت في نومي من يقول لي ( سبعة يظلهم الله تحت ظل عرشه شاب نشأ في طاعة الله ) تقول أمي من كنت صغيرة وأنت تكثرين الصلاة أتذكر لما كان عمري 11 سنة كنت أقوم الليل ثم بدأت في حفظ القرآن وأنهيته ولله الحمد كانت أمي أول ماتصحى تشغل إذاعة القرآن فتعلمنا منها الشئ الكثير وكنت حريصة على متتابعتها فأشترى لي والدي (الله يمده بالعافية) جهاز خاص بي فصرت أستمع إليها ليلاً ونهاراً ما أنام الإ هو في حضني ولم نعرف القنوات الا قبل 7 سنوات أدخلنا المجد وقبل 3سنوات ادخلنا القنوات الاسلامية فقط ولا اشاهدها الاقليلا وأبتعد عن كثير من الملهيات لكي لا تصدنا عن ذكر الله وتقسي قلوبنا أغلب وقتي أجلس لوحدي أستغله في ماينفعني ماأحب كثرة الخروج من المنزل الإ لشئ مفيد ماتهمني ملذات الدنيا الافيما يكفيني للعيش والتقرب للإخرة اتمنى أصير داعية أتمنى أن أتزوج رجل صالح يخاف الله ويخشاه ويعيني على طاعة الله له همة عالية كل ماتقدم لي رجل يكون عادي يشاهد القنوات ويسمع الغناء والادهى من ذلك يكون مدخن ويقول أبغى وحده ملتزمه وأنا حقيقة ما ابغى أتزوج الإ رجل ملتزم جدا جدا فكيف أعرف الرجل الصالح في هذا الزمان الذي يعج بالفتن؟؟

وجزاكم الله كل خير

الله واعلم بالنوايا وبما تخفي الصدور


البشر عليهم الظاهر والاخذ بالاسباب بالسؤال عنه وعن اخلاقه ,,

وربك يرزق كل انسان بما يستحقه وعلى نياتكم ترزقون

سؤال خارج الموضوع اذا ماهو مخالف من اي منطقة انتو..؟
حدسي يقول القصيم ,, لو بجدة انتحر

ماشاءالله
الله يثبتك وينفع فيك المسلمين

اختي مايعلم الا في القلوب الا الله لكن احنا مالنا الا الظاهر اسألو عن الرجال اهله وإمام المسجد وزملائه في العمل
وكل هذا فعل باالاسباب

والله اعلم بخلقه كم واحد شكل ملتزم وعند الناس لكن الحقيقه لا وكم رجل لايظهر عليه علامات الصلاح لكن هو رجل صالح ويخاف الله

الله يرزقك الزوج الصالح واخواتي في المنتدي

__________________

اللله يثبتج ياااااارب ويوفقج
انشالله يارب يرزقج بارجل الصالح يارب

جزاكم الله خير جميعا
مو من القصيم ولا من جدة لاتنتحر
لكن بالقرب من جدة

الله يثبتك يارب ويحفظك

بس بقولك شي كل رجل يبي وحدة اخلاق ثم اخلاق ثم اخلاق بمعنا ماتمدح فلان وعلان او تتابع مسلسلات ومعجبة بالفنان الفلاني

ويجيك الرجل مو ذاك التدين بس يخاف ربه ومبتعد عن الكبائر ,, زي هذا مع الايام بتغيريه انتي تغير جذري

بصراحة أكثر قريت موضوعك ,, اول ماخلصت من الموضوع سئلت نفسي ممكن فيه انسانة لها الدرجة واغلبهم صحيح ماعندهم دشوش بالبيت بس نفسهم فيه بس شدة التزام الاب يمنعهم منه وباي فرصة يبون الدش

وأوضح اكثر اذ الله رزقني بانسانة مثلك مثل ماذكرتي ,, بيكون لها الفضل بعد الله بهدايتي

اقتباس:

المشاركة الأصلية كتبت بواسطة for ever-1 ويجيك الرجل مو ذاك التدين بس يخاف ربه ومبتعد عن الكبائر ,, إذا كان يخاف ربه ومبتعد عن الكبائر فهو متدين فعلا بصراحة أكثر قريت موضوعك ,, اول ماخلصت من الموضوع سئلت نفسي ممكن فيه انسانة لها الدرجة واغلبهم صحيح ماعندهم دشوش بالبيت بس نفسهم فيه بس شدة التزام الاب يمنعهم منه وباي فرصة يبون الدش

إذا كنت تقصد بشدة التزام يعني تشدد فاسمحي لي أخالفك ؛ لأن ما يعرض في الدشوش حاليا أمر في غاية المنكر ، وترك الإنسان للمنكر أبدا لايعتبر تشدد .
أما أنهم يمنعون إجبارا فهذا غير صحيح ، هناك كثير من العوائل ما لها رغبة في الدش ولا في القنوات الأرضية ، فقط قنوات إسلامية محافظة بلا موسيقى ولا ظهور للنساء ، وهناك أيضا عوائل لا ترغب حتى في القنوات الإسلامية ..

أعرف عائلة ما شاء الله عليهم عندهم أكثر من 9 أبناء كلهم حفظة للقرآن إلا أصغرهم سيختم قريبا بإذن الله ، وكلهم وأئمة مساجد وطلبة علم وجميعهم ما شاء الله متفوقين في دراستهم ، وفتح الله عليهم في التجارة والدنيا ، ومع ذلك ما عندهم في البيت تلفاز !
وأبدا غير متشددين ولكن برغبة منهم ، وبينهم ألفة ما شاء الله لا تكاد تجدها بين الأخوان الآن ، وإذا اجتمعوا في البيت لا يشغلهم عن الجلوس مع بعض لا تلفاز ولا انترنت ولا غيره ، وحياتهم طبعية جدا !!

وبالنسبة لعائلتنا عندنا قنوات إسلامية وجميع أخواني وأخواتي الحمدلله ولا أحد منهم يرغب في الدش ، ولا نعرف المسلسلات ولا الأفلام ولا الأغاني ، وأبشرك ما في أحد أجبرنا على هذا الشيء ، وحياتنا طبعية جدا !!
ونسأل الله أن يثبتنا فأنا لا أتصور أبدا أنني في يوم من الأيام أجلس في الصالة مع أهلي ونجتمع على مشاهدة مسلسل غرامي ومشاهدة التقبيل والأحضان والفسق ..

لكن يبدو أنه فعلا في البيبسي أجزاء من الخنزير جعلت الناس يفتقدون الغيرة !!

__________________

والدي متوسط الإلتزام ومعطينا الحرية واللي نبغاه يوفره لنا مو شديد ولا يضغط علينا

ما اقدر اغير في الرجل إذ هو من الأصل تربيته كذا

هذا الي اشهدله واشهدلها بالتزامه والتزامها ,, متوفر كل شي بس صاين نفسه

ان كان رجل عاقل طبيعي مو ضعيف شخصية وكلمه توديه وكلمة تجيبه ويخاف ربه بس مو متدين مرة يعني اهم شي محافظ على صلاته<<ياكثر هالعينة

بذيك الساعة بيتغير بالكلمة الطيبة منك بيحمد ربه على نعمة الانسانة الي مثلك وبيترك الاغاني من تذكيرك له بالله ثم احترامه لك ,, وتفاصيل كثيرة ,, بس المغزى انه كرجل عاقل لقا بشريكة حياته كل هالحشمة والادب والاخلاق بتنعكس عليه صورة اخلاقك امام صورته وبذيك الساعة بيحاسب نفسه ويراجع علاقته ..مو معنى كلامي انه بيسمع كلامك وتزني فوق راسه وكذا لا ابدا اقصد انه بتاثري عليه بالتزامك

ماقول غير الله يرزقك الي تتمنيه