السلام عليكم ورحمة الله

بدخل بالموضوع على طول

انا بنوته عمري 28 سنه واوضاعي كلها حلوه من ناحية الوظيفه والدوام وكمان اهلي اوضاعهم الماديه ماعليها وشكلي الحمدلله مقبول
انخطب كثير بس مافيه توفيق ونصيب الرفض دائما يكون مننا، بس حسيت اني وصلت لمرحله لازم اتزوج (( محد بيفهمني الا اللي وصلت لنفس عمري وماتزوجت))

ارسلت مسج لخطابه اني كذا وكذا
قالت ارسلي مواصفاتك،، ارسلت لها
وبعد دقيقتين ارسلت لي مسج فيه مواصفات شخص
وكلمتني بالجوال تقول لي عنه،،، وقلت لها لا تدري امي انه عن طريقي وانا مكلمتك
قالت اوكيه ،،بقول من اهل الخير دلونا
وجداااااااا عجبني،،، قلت اكيد ربي بيعوضني،،
بعدين اتصلت ام الرجال على امي
وبعدها ب3 ايام جت شافتني
وماتتصورون قد ايش جلست تمدح وطولت مره عندنا وجلست تسال وايش شروطكم وانشا الله بيجي يشوف بنتك
ماكانت مضطره تطول لان سيارتها عند الباب بس جلست فوق ساعتين
( اعطتنا ايحا انها موافقه وتبينا)

كللمتني الخطابه وقالت شرط انك تدفعين لي الف قبل و4 الاف بعدين
وهم يمدحووونك مره وعاجبتهم،،،،،،

قلت ابشري وحولت لها المبلغ على طول

طولوووو ماردو علينا
رجعت كلمت الخطابه
قالت مشغولين
جلست اسبوعين كل ماادق عليها تجيب عذر مره مشغولين بالحج ومره ابوهم تعبان

لهم شهر الان
ارسلت لها مسج امس
قلت :
كنسلي الناس ماابيهم ،،، لو يبونا كان ردو على طول
او احترمونا يا ايه يا لا بس يكلمون
وانتي كان هدفك بس فلوس وانا مستحيل اسحب عليك بعطيك حقك
ماله داعي تقولين انهم قالو لك انهم بيجون
قالت اوكيه بكنسلهم،،،، وبسسسسسس

ووووووش رايكم بالله؟؟؟؟؟؟؟


من امس وانا ابكي
مقهوره لانها عشمتني
يمكن قالوا لها مانبيهم
بس هي ماوصلت الكلام ،، تبي فلوسها
الله اعلم

طيب خلي امك تكلم ام الرجال ع قولتك

شكرا،،

بحاول اقول لها

استحي من امي مره خاصه بهالموضوع

هذه المرأه عميله عندها
ترسلها على اساس انها جايه تخطب لابنها وتمدح في العروس

ومن ثم طلبت ثاني يوم الالف ولم تطلب اكثر حتى لا تنكشف الاعيبها
واكيد عاملتها في غيرك كتير

ومن ثم ليه البكا وانتي عندك رب العباد سبحانه وتعالى

__________________
http://live.gph.gov.sa/
اللهم اني استودعك اولادي

شكرا عزيزتي

مااعتقدددد
في احد ممكن يسوي هالاشيا عشان الف

أيه حبيبتي فيه ؟!!

الف منك وألف من عشرين غيرك ماتستاهل !

حسبي الله ونعم الوكيل فيهم أن كانون يستغلون ظروف الناس لحسابهم

على العموم بعد مكالمتك لها أنتظري وتأكدي من أمانة هالخطابه

الله يرزقك بالزوج الصالح اللي يسعدك وكل اللي على بالي ياااارب ياكريم

ايه ممكن
الف منك
والف من غيرك
والف على الف تصير مئات الالوف
لاتنسين ان المبلغ اذا صار قليل نسبياً
يصبح اقرب للمصداقية , واسهل بالدفع
يعني هي الربحانة
والدليل , انتي صدقتي , والى الان تعتقدين بصدقها
شيء اخر
ما استغربتي ملابسات الخطبة
سرعة الحصول على العريس
جودة مواصفاته , اعجاب امه السريع بك . مدحها لكم
؟؟؟؟؟

ليه ماتعتقدين؟
اللي عايشه ع النصب تسويها عشان 500 مو بس ألف
وليه هي اللي توصل كلام الحرمة ليه الحرمة نفسها ماتتواصل معاكم وتعتذر؟
واضحة حبيبتي إنها لعبة


الله يرزقك اللي تتمنيه

والله انك صادقه


مفكره اني اسحبها علي وجهها واكشفها، اخلي احد يتصل علىها ويكلمها واشوف نوع العريس اللي ترسله،،،،

بس مشغوله و ما اتجرا اقول لاحد عن الخطابه

حبيبتي اللي صار صار والحمدلله على كل حال
مايندرا هل هو اتفاق او فعلاً الناس هونو
عموماً الواحد يتعلم من اخطأة وربي هو الرازق بيرزقك بدون خطابة
تذكري ان رزقك محد بياخذة غيرك وبيجيك لبيتك
الله يرزقك الرجل الصالح اللي يعوضك ويسعدك
*