السلااااااام عليكم (:
وشسمه هذا ياخي ببالي كلام كيذا قلت اقوله
عادي عادي نفسيات p:
امممم مدري ترى من وين ابدا
اقول ابدا من عند امي
تذكرون زمااان ايام جهيمان اضن اسمه
الي ادعى النبوة اضن ودخل الحرم وقبله ومدري ايييش
هنا نبدا
امي كانت تتابعه
ولما صار كيذا امي تعبت مررررا وصار تجيها حالات غريبة *فترة من كل سنة*
وللحين*
تصير ادمية ثانيه احس عقلها يخف*
تصييير ما تناام ابدا امكن غفوات بسيطه في الساعه تقوووم وتبدا تهرج تقول كلمتين مو مفهومة او سالفه مالها دخل *وترجع تغفى
تمشي كثييييير في البيت وتتستغفر*
احياانا تقرا قران وتلقي علي خطب D:
واحياانا تشغل اغاني باعلللللى صوت *
تخرج الساعه 9 او 10 الصباح تروح اسواق شعبية او سوق الذهب وتبيع ذهبها احيانا تشتري غيره واحيانا تقسمها عالناس الي تلقاهم بالشارع مررره مسكت كم قطعة ذهب ورمتها بالشارع تقول امكن احد يشوفها يفرح*
ومره فكت ربطة فلوس وطيرتها بالطريق (:
<<< صراحة شكل الفلوس طايره روعه خخخ
اممم وش بعد*
وهذا احيانا الصباح تروح لاقاربنا تنط من صباح ربهم << نفسي اشوف وجيههم اول ما يفتحون الباب خخخ
تصير قويييه وتاخذ حقها اذا احد قالها كلمها ترد بعشرة بس لما تكون طبيعيه امي اضعف من انها ترد اهلي سالوا اكثر من شيخ*
وكثير قرأوا عليها واحد قال مسحورة والسحر معلق بشجرة كل ما حركه الهوا صار كيذا فيها ومدري بعد غيره وش قالوا*
واعتقد بعد راحوا بها لساحرة << اختي تقول ساحرة مب شيخه*
المهم قالت ان كل سنة راح يخف عن الي قبلها وفعلا قبل خمس سنوات اذكر اني كنت اروح المدرسسسه وودي الدوام يطووول يعني مرره تتغير دحين عادي اخف بكثيير*
امي ابوها وامها منفصلييين من كان عمرها سنتين امها بمنطقه وابوها بمنطقه ربتها جدتها لابوها*
كان دايما في تفرقه من ابوها بينها وبين بقية عياله امكن هذا سبب ؟!
ودايما بعد لما تزعل مررره تجيها هالحالة
**امم خلصنا هنا
نروخ هناااك ابوي
ابوي مهايط على قولتهم ويحب يتفشخر بزيااادة و شايف حاله بالمره **
هالادمي يا اني انصدمت فيه صراحتن (:*
طلع ادمي منحرف o_O
زمان اتمسك بقضية اخلاقيه مع جارتنا*
وحصلت هوشششه كبييييييرة بينه وبين امي تطلقوا لمدة سنة واكثر ودحين اتصالحوا ..
احيانا يجي البيت وعيونه حمر ويجي كانه يبي يضارب..
*اخواتي دايم يقولون ابوي مسحوور وعرفنا ان جارتنا رسلت اكل له وسحرته فيه*
**اعتقد للحين يتواصل مع جارتنا او اقلها مع اهلها اختي شافته يعطي ولد جارتنا ربطة الاااف قبل زواجه وعرفناا انه بنى لجارتنا بييت
*وبعد عرفت ان حتى عماتي كانوا مخاويين وابوي كل ما تكلم قال احنا قبايل واحنا واحنا اي قبايل واي خرابيط والي يسلمك والله زمان لما اسمع اهلي يقولوا القبيلي اخلاقه ترده وما ناخذ الا من عيال القبايل عبالي انهم شيء ياعمي طلعتوا قبايل من ابو كلب << ابو كلب مصطلح يطلق لشئ غير اصلي (:

طبعا *هذا كله من فترررة دحين مدرري
الي يقهرني دحين ابوي مرره يتخاصم مع امي احسسه ما يحترمها بالمره زمان كنت احسه يحبها ودحين لااا مدري عنهم كلهم حالتهم مستعصية*
وتصدقون اذا قلت لكم بعد ذا اني احب ابوي اكثر من امي واخد واعطي معاه بالكلام كثير*
بعكس امي الي ما اتكلم معاها
صحيح ان طلبت مني شي سويته*
بس غير كيدا نادر احكي لها سالفه صارت معاي او شي*
ما احبها تجي تحضني او تنام جنبي*
واحب اقعد لحالي كثير*
هالفترة اخواتي اعرسوا ومابقي غيري انا واخوي الصغير اخواتي يقولون انتبهي لامي وسولفي وياها لا تخليها تضيق وتطفش ياخي والله ما اعرف ومالي خلق !؟

بس تدرون احس ان في ناحية ايجابيه من خلافات امي وابوي المتكررة على مدار اكثر من ثلاثتين سنة
اننا انا واخواني واعييين ببالحيل يعني احس روحي اكبر من تفكير بنات صفي وخرابيطهم يكفي اني لا جيت ويتكلموا بشي غلط سكتوا على قولتهم الهيئة وصلت 
واخوي صاحب العشر سنوات ممكن يجلس يتناقش مع خيلاني وعماني بواضيع اطول منه
والبقية ما فينا احد فيه حركات المراهقيين ومشاكلهم حتى اخوي العشريني عمري ما لاحظ عليه من الكلام الي يتكلموا فبه صديقاتي عن اخوانهم 
حتى خواتي احسهم يديرون حياتهم الزوجيه بشكل احسسن من امي بكثير ..

وبعد ماخلصت
مدري انا وش ابي هل في مشكله ابي القى لها *حل والا انا جاية ادردش وبساو امكن شفت الكل داخل وكاتب مشكلته فقلت ما يصير لازم اشاركم p:
.
واعذروني اذا في اغلاط داخله بجوالي والحاله مستعصية (:

روحك المرحة عاطية الموضوع متعة مش طبيعية
كان بودي لو كملتي حكي
اسلوبك روعه في تبسيط الامور
حتى العظيمة منها

اكثر ما لفت انتباهي انك انسانة واقعية قنوعة
بدلالة ان لو بنت غيرك كان نزلت موضوع كله ندب ودموع واتهامات للدنيا انها مظلومة لكنك بروحك وشخصيتك المميزة لا تنظرين للامور السيئة بانها سيئة بل هي تحصيل حاصل

استمري بهذا النهج
واعتقد انك لن تصابي بالضغط ولا المرارة ههههه

طبعك هذا يشبهني لدرجة كبيرة

سبحان الله

حتى لو ارغمتي نفسك ع الحزن ستملين منه بعد سويعات لتعودي لطبع المرح ولامباله

صح؟

الله يوفقك دنيا واخرة ويسعدك ويهدي والديك ويشفيهما ويحسن خاتمتهما

ولنا بالمثل

حبيتك يا بنت

__________________


اللهم اعنا على ذكرك وشكرك وحسن عبادتك

[COLOR="rgb(139, 0, 0)"]حبتك ناموسه محششه D:
اقصد حبتك العافيه قسم (:[/COLOR]


ياخي انا مخي راح شمال أنهبلت بصراحه

تبغى مشورتي و نصيحتي

روح أشتكي لربك و أدعي لنفسك و أمك و أبوك
ياحبيبي لا تقول لي دكتور نفسي اللي بتقوله لدكتور نفسي قوله لربك وانت ساجد
ترى حتى انا مريت بطفوله معقده وسيئه ياما تصفقت و اندعست والله لدرجة اني كنت
اتصفق ومدري ليش وش السبب اللي خلا ابوي ولا امي اتصفق تصدق حتى أعمامي ماسلمت منهم
حرقوني بالنار بولاعة السياره وابويه الله يسامحه ويغفر له وعمري 5 سنوات اخذ ملعقة أكل وحماها في النار لين صارت حمرا
مولعه وحطها في يدي لين اغمى عليه ولو تبغى اصورها لك انا مستعد كبرت وكبرت معايه الذكريات السيئه واللي خلتني انسان معقد احب الوحده ماحب احتك مع احد اجلس اتذكر معاملة اهلي لي وانا صغير و التصفيق لين احس ان قلبي راح يتفجر
وربك من فوق أنقذني بإصحاب الله يسعدهم و يوفقهم " صحبة الخير " مافيه مثلها
ماقول لك اني مطوع ودقني لين صدري لا والله انسان عادي زيي زي اي واحد من الشباب بس الشاهد
اني مارحت لدكتور نفسي ولا رحت لشيخ لا والله واحد من اصحابي كان دايم يشوفني متنكد ومتضايق
وحالتي زفت مايعلم فيها الا ربك " كنت كتوم " وعلمني بهذي الطريقه
سهام الليل ماتخطي هدفها
قلت له كيف يعني
قال روح توضاء وصلي ركعتين ولما تسجد اشتكي لربك وقول له اللي تمر فيه واللي مخلي حالتك كذا
والله سويتها والحمدلله حالي صار احسن حال كنت اذا سجدت اشكي لربي و اقول يارب انا اذا جلست لحالي افكر اني انتقم من اللي كان يضربني ويظلمني يارب انا اعصب ع امي و ابويه وهذا عقوق يعني وش اقولك كل شي بخاطري كان ينكد عليه ويتعبني في حياتي كنت اقوله لربي

والله ماكنت اقوم من ع السجاده الا وانا فرحان ومبسوط

ادعي لنفسك و لـ أمك و أبوك

حاول تنصحهم بطريقه غير مباشره اذا احد فيهم غلطان
خذ لك رقم ابو عشره ريال هذا المجهول وارسل لـ أبوك

ونصيييحه الاغلاط اللي تشوفها من ابوك لا تتبعها

الله يوفقك و يسعدك


دمت في حفظ الله

(:
<< وش جاب سيرة دكاترة نفسيه
ترى ما زلت وسازال متزنة D:
وهذا ما شاء الله موضوعي خلاك تقول كل الي بخاطرك
شفت فائدتي 
ووش بعد
ايه توي منك قمت افكر هو انا عشت طفوله معقدة ؟
عمري ما حسيت بهالشي على كثر المشاكل الي صارت بس احس عادي يعني حركات اكشن نذكرها انا واخواني ولا كبرنا نتمسخر عليها D:
وبعد الشهادة لله ابوي وامي ما يقصرون ويانا وعمرهم ما بهذلوناا جسديا او حتى معنوياً متعنين..
بس كل الحكايه احس اهلي مب ناضجين وكل واحد فيهم عباله انه بزر !
وبالنسبة لابوي كيف اراسله المشكله ما عندي اسلوب دعوي بتاتا
الله يهديه ويغفر له ويبعد عنه بنات الحرام
اخيرا الله يثبتك يبني ويسامح اهلك ويوفق ربعك
ا

اول شي المعذره أحسبك ولد والله

ثاني شي مافيني حيل أروح أعدل ردي اللي أول

ثالث شي انا يوم قلت اللي بخاطري أبغاك تعرفي أن كل واحد وله عائله خنفشاريه
مثلاً أنتي ع قولتك حركات اكشن كنتي تشوفيها .. أنا كنت اشوف حركات أكشن هنديه
والحين أتذكرها و أضحك وبالعكس أتمنى ترجع لي أيام الطفوله بس طبعاً بدون حركات الاكشن

رابع شي الله يثبتك بعقلك ولا يجعلك تفقدي توازنك
وعلى طاري الدكاتره النفسيين إعتبريها شطحه و إسترسال في الكلام
و إعتبريها نصيحه لو مثلاً في يوم احتجتي تشكي همك لـ أحد " إشتكيه لربك "
والحمدلله إنك مو شايله بخاطرك سالفة عشتي طفولتك زين ولا لا والله لا يجعلك تعيشيها
وصدقيني نصيحتك لـ أبوك ماتحتاج إسلوب دعوي ولا مفردات تعجيزيه وتنظمي بيوت وقافيه
لا تصعبي الموقف هذا في نظرك سويها مو خسرانه شي كل السالفه ماتكلف " 20 ريال "

شدي حيلك وخذي بالنصيحه مو شرط مني
خذي بالنصيحه اللي حاسه نفسك تقدري تسويها وراح تجيب نتيجه طيبه لك و لـ أهلك
ولا أوصيك بالصلاه الله الله فيها

الله يسهل أمرك

فمان الله


/

ههههههههههه

__________________
لو اطلعتم على مافي الغيب لاخترتم الواقع

ام عبيد D:
والله مدري اسلك لك واضحك معك خخ
والا اقول حياك عندنا اضحكي اون لاين
بس شرايك مب حقي ارسل خنبقتنا حق هوليود يسون فيها فلم كوميديان
الا تقولين بيجيب ارباح ؟

هههههه الله يهديهم ويغير حالهم لاحسن الاحوال .,~
صراحة الحكايه فيها لخبطه شويه .,~

يعني حكاية والدتك كانت من بداية جهيمان .. حادثة جهيمان كانت قبل 32 سنه أو اكثر .,~
واعتقد مالها دخل بموضوع الوالده .,~

وشويه قولتي امها وابوها منفصلين ونفسيتها متأثرة أوكِ حبيبتي انا معاكِ ف النقطه دي يمكن مؤثرة عليها لدحين .,~
وكمان قولتي السحر مؤثر عليها .,~

ياليت توضحي لنا أكتتر ياقلبي .,~

وليش ترمي الدهب حقها ؟؟ وليش ترمي فلوسها في الشارع .,~
إحتمال يكون بها مرض نفسي والله اعلم .,~

الله يغير حالكم لاحسن الاحوال ياقلبي .,~
واتذكري دائماً ان في كل منزل وعائلة مشاكل والبيووت اسرار سبحان الله

دمتي بوود =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

هي خربطة وبس
انا يوم رديت اقرأها حسيت روحي كتبت بالسواحلي مب العربي
تعالي معايا افهمك حبة حبة
كل الي قلته وصف لحالة امي
الي بدأت معاها من وقت جهيمان ذا الي مدري اقول الله يرحمة والا يحرقه بكيفه ويا ربه
وامي ما تصير كيدا ترا غير وقت محدد بالسنة امكن بس شهر تقريبا بالسنة والا باقي السنة جدن طبيعيه ومتزنة وعاقله انا هذا الشي الي مب فاهمته
ليه كيذا ؟!
اوما حكايه الرمي ومدري وش شكله الظاهر امي وقته تحسب حالها مليارديره
بس فعلاً كل سنة يخف عن الي قبلها