بسم الله الرحمن الرحيم

في كثير اكيد شافوا الحلقة التي كانت تخص (ظلم المطلقات في المحاكم)
جلست قدام التلفزيون وكل كلمة كان يقولها المذيع تنزل مني نهر جاري من الدموع.. ابوي حس اني تأثرت من البرنامج .. علت اصوات اهلي مؤيدين كلام داوود الشريان..

الموضوع كان يدور (لماذا المرأه حقها مهضوم في المحاكم؟)
وانا ابصم بأصابعي العشره ..كثير مطلقات عانوا من المرمطة بالمحاكم وطول فترة الجلسات وعدم حضور الزوج ومماطلته..وتعامل القضاه مع المرأه على اساس انها إمرأه وليس كائن حي له مشاعر ..
انا كنت متملكة بس تمرمطت بالمحكمة 5 شهووووووووور ليه وهو فسخ عقد قبل الدخول .. كان يتأخر ومايحضر الزوج .. ماأنسى نظرة الشيخ لي في اول جلسة على اساس اني انسانه تافهه وماعندي سالفة وكان يرفع صوته علي لدرجة انه شكيت في نفسي هل اللي انا مقتنعه فيه صح او لا ..؟ كنت احاول استر على الرجال وما افضحه .. بس استفزوني وطلعت كل شيء وفي الاخير .. جلست اطالع بالأرض لأنه جاني شعور انه الآن بموووووووووووت من جلطة دماغية لأنهم ماصدقوني لهذه الدرجة استهزاء بالانسان اللي يتمسك بدينه واني ادور رجال يكون صالح لعيالي يجبروني اخذ واحد راح يربي اولادي على الكفر!..
ووحطيت لي موكل عني .. ويوم صارت السالفة من رجل الى رجل انقلبت الطاولة وصار في احترام لقضيتي .. بس في الاخير في امور صارت حسيت اني فيها مستغلة مادياً .. والقاضي كل شوي تأجيل الجلسة..لان الزوج مش مقتنع ..

تخيلوا ان في واحده صادفتها في صالة الانتظار تقول ان زوجها كان يضربها وتجيب تقارير طبية للقاضي لانها تعبت من العشره مع زوجها والشيخ رفض يطلقها وكل اشوي تأجيل لجلستها وكانت تتحسب على القاضي وكنت في لحظتها انا مابعد ادخل على الشيخ وكنت اقول ليش تتحسبين مايجوز هذا مستحيل يضلمك لأنه قاضي ..

اتمنى اشوف رأي الكثير اللي شافوا الحلقة .. وش رايكم في اللي يصير الحين مع المرأه !!

يَ هلآ بـ آختي الغاليه ,,
آنآ من اللي تابعت الحلقه هذي مره الحآلي و مع آهلي في اعادتهآ ,,
لمى شفت الحلقه على طول كلمت اختي ع الوآتس وجلست احكيهآ
والله اني كنت اتآبع واتوجع كآنو يقولون اششياء عششت تفآصصيلهآ ,,
بس مييين يسسمع يَ بسسمه مين ,!
حلقه مرت تناقششوآ فيهآ زي ماتنآقشش قبلهم كثثثير ,,
مآضنتي رآح يتعدل الكثثير فيهآ ,!
سمعت قصص بنات كثير في المحكمه يحزنون والله حقوقهم مهمششة وضايعه ,!
الموآعيد عندهم استغفر الله بس مآفي تنضيم نهآئيآ ,!
يعني عشان ادخل اول وحده الساعه 9 ونص لزوم اكون جآيه من 7 الصبح ,!
ويَ مآ جيت من الساعه 8 الصبح ومآطلعت الا الساعه 2 ونص
وبعدين يعطوك موعد بعد اسبوعين او شهر او على حسب مزآجهم ,!
صحيح مآتمرمطت كثير في المحآكم بختصآر لـ | آنه كانت عندنآ واسسطه |
وغير كذه لاننآ تونآ ملكه بدون زوآج بس كآن اسسوء ششهر وآسسبوع في حيآتي ,!
شيخ الاصلاح اتعبني لدرججججه مآحد يتصورهآ كان يقلي كلام حسسني اني انسانه ضالمه عآصيه ماني انسسانه ,!
مآ آنكر اول اسبوع كان واقف معي بس الاسابيع الثانيه معه كآن ,,
لدرجه اني مقدمه على خلع راح الشيخ قال لا لا خلوهآ طلاق وردوله حقوقه ,!
عشآن سمعة الرجال تخيلوآ وصلت لوين ,, بس الحمدلله انه كان في شيخ ثاني مآسك قضيتنآ
وكان وآقف معنآ جدآ ,, وطمني وريحني حتى لما قلت له على كلام شيخ الاصلاح قالي الله يهديه
هو كبير في السسن جدآ وكان يقلك ه الكلام عشان يصلح ويحد من الطلاق ,!
بس على حسابي انآ ارجع معه واتعذب وانضرب وانشتم وبعدين اجيب لي كم بزر وابلش اهلي فيهم معي ,!
ولمآ تحدد موعد الفسخ اخيرآ بعد مرور 3 جلسات متعبه نفسيآ حدده رئيس المحكمه بعد شهر من آخر جلسه ,!
بس لولآ الله ثم الوآسسطه فسخت بعد اسبوع وكنت ع اساس اليوم الثاني بس حصلت ضروف واجلنهآ لبعد اسبوع ,!
وربي وكلام كثثير يتعب قلبي وعقلي بس لمآ اجيب طاريه ,!
لسآ توي دخلت العشرين وحملت هموم واحزآن واوجآع آكبر مني بكثير ,,
الحمدلله على كل حآل ,,
اللهم لآ آعترآض على حكمك ,, قضاء وقدر ,!
وآسسآل الله في هذه الساعه آن
يعوضني ويعوضك يَ بسسمه ويعوض ميسم ورنآ وكل من مر بنفس حالتنآ
يرزقنآ ازوآجآ اخير واحسن وافضل منهم يحترمونآ ويقدرونآ ويعزونآ عآجلآ غير آجل ,,

فرحت انك اول واحده ترد على موضوعي .. انا كتبته لاني كنت منشحنة ومتضايقه من اللي صاير لانه يوم كنت اراجع بالمحكمة هذيك الفترة وحلقة داوود الشريان قلبت المواجع فيني.. بسبب اسلوب وتهاون القاضي معي ترى بقول لك شيء ياذكرى انا عن نفسي هادئة ولا احب المشاكل .. بس لما تجي الأمور ان لقاضي يكذبني وانا على حق وينزلون من قدري قدام واحد مايستاهل الحشيمة حتى انه شاف نفسه كثير علي وقام يقط كلام كذب وصدقوه ومهما كان منصب اللي قدامي المفروض يحترم الانسان اللي رافع الدعوى تدرين حتى ابوي مااحترموا شيباته قام ابوي يوقف ويجلس خفت على ابوي يجيه شيء لانه ابوي فيه ضغط ..وما انسى انه اليوم اللي رجعنا فيه البيت نام ابوي وماأكل شيء كان متضايق .. انا خفت على ابوي اكثر من نفسي عشان كذا حطيت لي وكيل عني يراجع بدالي ..
بس الشيء المختلف عنك هو ان شيخ الاصلاح (الحكم) كان معي في اللي اقول له حتى انهم قالوا له (انت عندك نعمة وضيعتها )والله مب حب ولا فخر ولا كبر في نفسي بس لأني عارفه اني ما أصلح له ..

انا ادري ان الشيوخ في المحاكم يبون الاصلاح ومايبون تكثر نسبة الطلاق بس كل انسان وله ضروفه والتعامل مع الناس لازم يكون بإحترام .. يعني لما اتزوج اجي ارفع دعوى طلاق ليش وانا عارفه ان الرجال هذا مايصلح لي نهائيا من الملكة تخيلي كان يهددني كيف راح يعاقبني ويتعامل معي اذا زعلته ..

الحمد الله على كل حال بس مشت اموري ولله الحمد يوم صارت السالفة فيها مواجهة رجال..

بس جلسة الحكم ماودي اتكلم في تفاصيلها لاني حضرتها .. بس اللي ممكن اقوله انها صارت مسلسل طاش حلقة زنيفر ويمكن اكثر..


ومشكووووووره حبيبتي على التعقيب ومشاركتك في موضوعي فخر لي ..

الله المستعان بس حتى المحاكم والشيوخ أشغلتوهم حسبنا الله

.

الطلاق ابغض الحلال عند الله علشان كذا محد يبيه يعني تبين على طول ابي اتطلق يالله طلقها في ثواني .... الله يهديكم بس ....... كل حياه فيها مشاكل لكن فين الحكيمه ..... الله يستر على ثقلفتنا .... والله يخلف على مجتمعنا

إذا خصمك القاضي من تقاضي....؟؟؟؟؟؟؟؟!!
القضاة بعضهم متعصبين لابناء جنسهم وشايفين ان عييييب الوحدة تطلب الطلاق حتى لو تموت المفروض تتحمل زين الحلايا ولو فيه رقابة صارمة عليهم ماشفنا قضايا الطلاق تجلس سبع سنين بالمحاكم وماشفنا معلقات واستغرب اذا الوحدة قادرة ليييش ماتخلع وتفك عمره والفلوس وسخ دنيا فكي عمرك اذا مبتلاه بواحد مايخاف ربي ولاتنتظرين قاضي يتحكم بمصيرك ويهزأك ويقلل من قيمتك ويمسح بكرامتك الأرض وترى حديث أبغض الحلال عند الله الطلاق هذا حديث غير صحيح

الله يرفع قدرك .. كلامك صحيح لانه مش بس هذا كلامي .. المحامين يقولون كذا المرأه مأكول حقها في المحكمة لازم رجال يطارد بدالها ..
.. تذكرت بلحظتها كلام المرأه اللي بصالة الانتظار اللي تقول انها تعبت من ضرب زوجها لها والتقارير الطبية اللي تقدمها ويقول لها القاضي مش مبرر وكانت حاطه مهرها بشنطتها كل شهر شايلته وجايبته في شنطتها فما ادري متى يكون مبرر يمكن الين تموت من الطق .. بس انا مش مع الطلاق في اقل سبب بس مثل هذه اللي يضربها زوجها ليش مايوقف الزوج عند حده عشان مايضربها ليش مايحطون له عقوبات صارمه هذا يعتبر ضرب مبرح اللي يخليها توصل للمستشفى ..

مشكوووور على طرح وجهة نظرك .. بس عندي تعقيب ..هو ان موضوعي كان على حقوق المرأه في المحاكم يعني حقها يروح اذا ماحطت لها محامي.. وش معنى يوم صارت السالفة من رجل الى رجل القاضي احترمني .. وعرف اني على حق لدرجة ان خطيبي انطرد من الجلسة .. وصار القاضي يسكته ويطلب منه قبول دعوتي ..
والحمد الله مجتمعنا فيه الخير الكثير وفي عقول واعية ولله الحمد واذا انت تشوف نفسك حكيم فلا تنظر للمشكلة من طرف واحد .. و يكفيني فخر شهادة ممثلي التربية الاسرية وشيوخ الاصلاح وجماعتي في قراري..

و عاد يحاربون جمعيات حقوق المرأة

و يقولون المرأة أخذه حقها و مكرمة و معززة ؟؟؟؟

الان كل من هب ودب صار قاضي ..

و بما ان القضية لامرأة فهي بلا أهلية و لا عقل

و كل كلامها مشكوك فيه ؟؟؟؟

لو يحطون قاضية امرأة كان انحلت لكن التعصب اعمي

بس انصح كل وحده مظلومة ترفع قضيتها لحقوق الانسان

بإشراف الناشطات لحقوق المرأة و راح تاخذ حقها و تتبني

قضيتها جمعيات عالمية و خلي قضاتنا على اقل من مهلهم

يشوفون القضية ؟؟؟

اخالفك اشوي يا اختي في الرأي في من الرجال من هو كفؤ للكرسي اللي يجلس عليه .. على فكره مهما كان الأمور هذه تحتاج الى حكمة الرجل ..
بس بعض القضاة مايحترم الكرسي اللي جالس عليه ..
صدقيني يوم كنت اراجع بالمحمة كنت برفع دعوى على القاضي اللي كان ماسك قضيتي بس ماكان عندي فلوس كلها دفعتها للمحامي والمهر ..وفي جلسة الحكم صارت شغلات انقهرت والى يومك ادعي ان كنت مظلومه ان ربي يأخذ حقي من زوجي .. وأنا ما أدعي على القاضي بالعكس انا ابغاهم بس ينتبهون للناس اللي تجي ظالمة ويؤيدونها حتى وهم عارفين انها على غلط .. القاضي تعب منه وخطيبي استغلني يوم شافني حاضره ..
حسبي الله ونعم الوكيييييييييييييييييييييييييييييييييييييييييييييي ييل