يا جماعة الخير بعد السلام
انا ابلغ من العمر 25 لا استطيع الزواج بالوقت الحالي فالمادة وتكوين مبلغ من المال ليس من اولياتي فالراتب متقشف ولا يمكن ان اتزوج به

كل مافي الامر انني املك قلبا ً امكبوت لم يجد من يحتويه فبداخلي مشاعر الدنيا قاطبه

واحس بان حظي حتى في العلاقات المحرمه سيئ عكس كثير من زملائي المرتاحين نفسيا ً وعاطفيا ً وجنسيا ً

وانا للاسف منهار وبداخلي فراغ عاطفي وتعب نفسي وقلبي والله يبكي فكل ما ارى فتاة او اسمع صوتها اشعر اني مطفوق واحببتها وحتى لو اني لا اعرفها الا اني اغار عليها واحزن ان رايتها مع شاب اخر ؟؟

يا ناس وش اسوي والله تعبت من الكبت العاطفي والنفسي ... اتمنى ما اسمع كلام تنظيري ومثاليات والله طفشت من تصفيف الكلام والمحاضرات الي اسمعها في البيت

حصن نفسك لوبالدين وصدقني لو نويت العفة ربنا حيرزقك بدل الميه ألف

__________________
لو اطلعتم على مافي الغيب لاخترتم الواقع

*تصدق .. وأكثر من الاستغفار ..
ولاتنظر الى العلاقات المحرمة انها راحة ..
فوالله ان متعتها لحظية وقتية فقط ..

* احبس مشاعرك وعاطفتك .. ليهنأك الله بالحلال وتنعم به وترتاح ..
دعاء الوالدين مستجاب .. خل اميمتك تدعي لك بالستر والرزق الحلال ..

وربي يستر عليك وعلى شباب وبنات المسلمين

__________________

حاول انك تصوم يوم الاثنين والخميس من كل اسبوع
وتصوم الثلاث البيض من كل شهر
ووقت العصريه وانت صايم خلص سورة البقرة
وماهو ضروري كل اللي فالبيت يدرون انك صايم


مع انهم لو درو يمكن يتشجعون ويصومون معك ويجهزون لك السفره اللي تطلق الوجه
بس اذا صمت لاتقضيها كلها نوووم لا كذا ماراح تستفيد


طبعا ردي قلته بناء على طلبك انك ماتبي محاضرات وتنظير على قولك

وصدقني مافيه حل الا الصيااااام
وتذكر حديث الرسول عليه افضل الصلاة والتسليم عندما قال
{ يا معشر الشباب من استطاع منكم الباءة فليتزوج فإنه أغض للبصر وأحصن للفرج ،
ومن لم يستطع فعليه بالصوم فإنه له وجاء }

والله ياختك من الي مايعاني من ذا الفراغ..نعاني وصابرين ومحتسبين..وماشاء الله عاد على معاملة أهالينا لنا كملوها..الا والله هم سبب ذا الفراغ وعناه..

بس هالشي مايسوغ ولايبرر الغلط..وبعدين من يقولك أنه من يمشي بذا الدرب مبسوط كذااااب..لاوالله بتلقى من الضنك وقلة التوفيق..حتى وأن كان مبسوط بالبدايه العاقبه وخيمه..والله سبحانه بالمرصااااااااااااااااااااد..

وأذكرك بحديث الرسول عليه الصلة والسلام(من يستعفف يعفه الله)

هذا وعد من الله سبحانه ان الي يعف نفسه عن الحرام يعفه الله بالحلال ويسهله له..

يارب ياحي ياقيوم اسألك بأسمائك الحسنى وصفاتك العلى أنك ترزق أخونا الزوجه الصالحه وتيسر له كل عسر وتذلله كل صعب أنك على ذلك لقدير,,وجميع شباب وبنات المسلمين..امين

يعني للاسف الاسرة جافين وما عندهم الريق الحلو ,, كلام مثبط وخانق ... والواحد يبغى يفجر طاقاته العاطفيه وفيه رومنسيه طاغيه ومايدري وين يضعها وعند مين ومتى ؟؟
جد فراغ عاطفي لا يطاق .. وصدق الشاعر حين قال
الحب جحيم يطاق ... والحياة بدون حب نعيم لا يطاق !!

والله اشكركم لو على التشجيع رغم اني في حالة ياس وحزن واخونا بالله برازيلي الله يهديه مايعرف يختار جمله مفيده ؟؟ الواحد وانا اخوك مخنوق ومتضايق وانت عمرك وعمرك يعني تبغاني احط تاريخ ميلادي عشان تصدق
انا من مواليد 1407

أرى أنّ حال المشارك المسمى ( أتنهد حباً ) قد أشبعه المشاركون بحثاً و حلاً و صداماً .. فاقترح أن تتدخل الإدارة الكريمة للإكتفاء بما سبق ....

__________________
الخيل معقود في نواصيها الخير إلى يوم القيامة....

يعني وش تبينا نقولك مثلا نقول اغلط روح خربط واملي فراغك؟؟

ماعندنا حل أحسن من حلول الشرع وقلناها لك الصيام والعفه..وربي بيسهلها عليك..

وترى انت رجال امرك بيدك..رح اشتغل وكد ليل نهار لين تحصل ماتزوج به؟!!

دور وظيفه ثانيه..ولا داوم دوام ثاني أما انك تجي وتبي حلول سحريه وش نسويلك؟!..

وبالمناسبه المقارنه مع العلاقات المحرمه هي لاننا نتكلم بلب الموضوع وهو الفراغ العاطفي
يعني ما جبت كلام عن قضية ثانيه المقصد ان فيه ناس مرتاحه عاطفيا ونفسيا وجنسيا ... وناس تعبانه ومتبهذله للاسف