السلام عليكم ..

في مشكله لوحدا اعرفها وهي طلبت مني استفسر عن حل لها ..

مادري اذا كان القسم المناسب

البنت مطلقه وعندها ولد طبعن الولد فتره عندها وفتره عند اهله ..

وهي بيت اهلها ( بيت الاب ) لان ابوها مطلق امها والام متزوجه ..

المهم ان الاب احيانن يهدد بنته يطردها من البيت ومن ذا الكلام وطبعن هو جاد والبنت صراحه تعبت نفسيتها على الاخررررر

والبنت مافي مكان ثاني تروح له .. وبنفس الوقت مافي مجال ترجع لطليقها .. والام متزوجه وزوجها يعتبر شخص غريب عليها وليس حلال

في حاله طردها الاب ايش الحل ووين ممكن تروح ؟ وهل المحكمه تجبره بسكن خاص لها ؟ ومصروف ؟

نصيحتي لها
تصبر على ابيها وتحاول ان لا تثير غضبه
وتنتظر حتى يتقدم لها زوج مناسب

وتدعو الله دائما

الله يفرج عنها يارب

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

لعيون نوف ..

البنت صابره ومتحمله فتره طويله المشكله لها سنتين ويمكن اكثرررر لكن ذي الفتره زاد حتي المعامله اصبحت سيئه وهو من يثير المشاكل ويهجم عليها بالكلام ..
وبعدين انا عارفه ان كلشي قضاء وقدر لكن افرضي ماجا نصيب للبنت ؟! لان ذا الشي يبقي احتمال يمكن يصير ويمكن مايصير وبنفس الوقت خطر على البنت ان ابوها يزوجها اول شخص يتقدم لها بس عشان يتخلص منها ويطلع هلشخص سيء عشره يعني تتطلق مرا ثانيه والله وضعها صعب
لازم يكون في حل رسمي من قبل المحكمه عشان ينردع الاب ولا غير كذا ماتوقع في حل معاه

خليها تتصل على أحد المشائخ الموظفين بالمحكمه وتساله

او تتصل على جمعية العنف الاسري 1919

وممكن احد من الاعضاء يعطيك معلومات اكثر

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

لعيون نوف ..
يعطيك العافيه انا حبيت اخذ برايكم ونصايحكم ثم يجي دور المشائخ بالمحكمه ..

الله يكتب الي فيه الخير ان شاءالله ويساعدها ويصبرها ..

دعواتكم للبنت ..

عزيزتي

زوج أمها يصير ( محرم لها ) و يجوز انها تكشف عليه ..

ما عندها أعمام أو أخوان تروح لهم ؟
أو وظيفة ؟ أو طليقها يوفر مسكن لأطفاله مثلا ؟

كيف محرم لها والبنت ماعمرها شافته ولا حتي تكلمت معاه ..
بعدين هو مو مربيها من كانت صغيره لاجل يجوز ..
والبنت ماتبي تحتك فيه خير شر وتفتح على نفسها باب والشي الاهم يمكن هو مايبيها تجي تسكن معاهم ..

ماهي موظفه جالسه البيت .. المشكله ماعندها غير ولد واحد لو اكثر من طفل كان ملزوم بسكن لها وبعدين عمره 4 سنوات بعده مادخل المدرسه حتي ..

الاعمام كل واحد متزوج وملتهي ببيته وعياله وماتوقع واحد منهم بيرضي يستقبها ببيته

وهي الكبيره ماعندها اخوان متزوجين ..

حبيبتي زوج الأم محرم للبنت بنص القرآن مو معقول مااتعرفي هذي معلومة بديهية أصلا ..سواء تربت عنده أو ماتربت مايلغي هذا حكم المحرم .. وبعدين كلام الفردوس غايتي ممتاز خليها تقدم والله يفرج همها .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

تسجل بالضمان يعطونها إعانة شهرية مقدارها 850 ريال
و إعانة سنوية عشر الاف
و لها ارض من الحكومة تروح تقدم
مبدئيا خليها تطلع شقة إيجار و تقدم عقد الإيجار للضمان
ياثثون لها البيت بالكامل و يسددون عنها فواتير الكهربا و المويا
خليها تستقل و تعز نفسها مادام وضعها كذا
يمكن الاب اذا شاف في يدها مصروف يبدأ يتغير و تتحسن علاقته فيها
اذا مافي احد يقوم فيها و يوفر لها الحكومة تساعد
الله يفرج همها يارب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

لكن كيف تطلع شقه ايجار الضمان راتبه 800 من وين تسسدد اجار شقه ؟
مع الاسف راتب الضضمان مبلغ لايسد الحاجه
الاجارات اسعارها ناررررررر واحتياجات الحياه كل مالها في ازدياد
الاب صدقني يبي الفكه منهااا مرح يسأل عليهااا ولا داق خبر لها هو يبيها من الله تطلع