السلام عليكم

زي ما هو واضح من العنوان
ودي استفسر منكم عن العطور المناسبة للمتزوجين
مثلا .. عطور رسمية للمناسبات
وعطور خفيفة للبيت (بس ما تكون نسائية)
وعطور تصلح لآخر الليل


واذا عندكم نصائح ثانية أكون شاكر ومقدر لكم

عطور رجاليه ام نسائيه

__________________

بصراحه كل واحد له ذوق
مقدر اعطيك فيه هذي الامور
وانا رجال وماقد شريت عطر رجالي كل عطوراتي نسائيه لان النسائيه هاديه وحلوه ورومانسيه
اما الرجاليه ماتعجبني.

السلام عليكم ورحمة الله تعالى وبركاته

شوف يالبافاري الله يسلمك
اليوم ماعاد احد يهتم ان تكون العطور رجالية أو نسائية ، كلن وذوقة ، لأن المسئلة بالعطور الرجالية والنسائية هي مسئلة تركيز العطر فقط ، واليوم نشوف عطور نسائية ورجالية مختلفة التركيز.

بالنسبة للعطور هي شي جميل لكن لاتنسى أن البخور يساهم بجمالية الرائحة بشكل عام على مظهرك ، فلا تنسى البخور لأنه بيعزز مسئلة الطيب جداً.

بالنسبة لي عندي ثلاث عطور رئيسية ما اتنازل عنها أبداً في حياتي.
عطر Calvin Klein بعنوان intense euphoria رجالي
عطر davidoff بعنوان silver shadow رجالي
عطر chanel بعنوان Coco Mademoiselle نسائي

أتمنى أني أفدت .
كل الحب.

__________________
استغفر الله واتوب إليه

اولا
البخور ..
خذ لك شي للمناسبات ويفضل الكمبودي ..والحين فتره تخفيضات ..
وخذ لك شي للبيت والاستخدام اليومي ..بتلقاه عند ملك العود بالمملكه تحت ..مبثوث ومعمول للاستعمال اليومي جنان شويه عليه ..
والحين عندهم دسكاوند ..

وبالنسبه للاستعمال الليلي ..

evidence من ايف روشيه وتلقاه بكذا فرع فيه بحياة مول ..
so elixir مررررررره حلو بعد من محلات ايف روشيه
ترى ايف روشيه محل ..
وهالاثنين ^^^^^^^ تجي مجموعه كامله انصحك تاخذها كلها شاور جل وكريم وعطر ..

و محلات the body care عندهم مجموعه رجاليه لونها كحلي كان منيب واهمه ..مررره رايقه ..

ولا تنسى دهن العود ..تلقاه باسعار مناسبه واصلي ببالثميري ..المعيقليه ..مدري الديره ..مدري الرجال يعرفونه هالسوق الي فيه البخور ..ودهن العود الاصلي ..
بس الحق شفت كثير جايبين دهن عود وبخور كمبودي باسعار جنااان ..واصلي ..من هالاماكن ..
واذا عرفت محلها عطني خبر ..
لان زوجي واخواني عجزت افهم منهم ..

__________________

مع وافر الإحترام للأخت توفي وفيصل
المبثوث والكمبودي أعتبرهم بخور بيت او بخور حريم

بالنسبة للرجل اللي يبي يتبخر ياخذلة عود أزرق أصلي
ولاتنسى مرش الشمغ والغتر إذا تلبس شمغ وغتر

وبالنسبة لدهن العود ما اعتقد انه ينحط بالصيف ، حلاتة بالشتا .
ودهن العود بالصيف أنا اعطر فيه عقالي بس .

__________________
استغفر الله واتوب إليه

عطر رجالي العاذريه من الماجد خيال قوي وثابت

اما الهادي عطر ادم من نكتار

الف شكرا اخي المتفائل بالله ..

وعالعموم ..انا العود الي عندي ماادري اذا هو ازرق او احمر ..
لان الي عندي مايعطوني خبر ..

طيب ممكن توضيح ..وشو مرش الغتر والشمغ ..
ووين تفصيل العقال ..؟؟

__________________

أهلاً بأختي في الله توفي وفيصل

بالنسبة للعود لما تروحين محلات البخور أسئلية عندك العود الأزرق؟؟ ويكون لونة أولى درجات اللون الازرق ( ازرق فاتح حيل ) ، بس غالي شوية ، أنا اخذ منة كل ماينزل راتبي حق شهر كامل

بالنسبة لمرش الغتر والشمغ ، خلطة مخصصة للشمغ والغتر بس ، موجودة عندنا بالكويت عند محلات الخلطات ، وينفع بعد اتعطرين فيهم الملابس الداخلية ، ويجي مرسوم على الخلطة رسمة شماغ . ومادري إذا موجودة بالسعودية وإلا لا

وتفصيل العقل بالكويت أيضاً معروف مكانهم ، وبالسعودية مادري والله ، بس يقدر الرجال اليا منة راح يشتريلة شي من محلات الشمغ والغتر يسأل البياع وين يفصلون العقل ، أكيد يبي يدله.

__________________
استغفر الله واتوب إليه

العود الأزرق يعرفونه أهل الحجاز
أهل نجد إذا قلت لهم عود أزرق يتفاجئون
رغم أنه أفخم وأفضل أنواع العود (البخور)
وغالي جداً بس ريحته تجلس بالبيت شهر