السلام عليكم ورحمة الله وبركاته
ياأخوان اليوم رحت اشيك ع تفصيل الكنب وعندي صور بالجوال ماخذها من النت وابغى نفس الكنب ولقيت اكثر من محل يسويها
لقيت نفس المحل قال اسويها لك ب2500ريال كنب ع حرف L ولونه ابيض ساده
الزبده قال الاقشمه حقت الكنب تختلف ويوصل سعره الى 6000ريال الاسباني
والتركي يقول ب2500 ويعتبر كويس ومناسب سعره
ويقول فيه السوري والصيني وهذا سيء طبعا انا اتكلم عن الاقمشه ولاأدري وش رايكم بالقماش التركي
--
الاستفسار الثاني هو عن غرف النووم
وش احسن صناعه يعني حدّي بغرف النوم 6000ريال وابغاها تكون ناعمه ع قولة الحريم في المنتديات << صار خبره
الظاهر ان ناعمه يعني بدون زخرفه والدواليب سحاب
وشكرا

الله يوفقك أخي
ممكن تكتب النقود بالدولار أوالأورو لأستوعب أكتر

2500 =532.609 EUR
6000 =1,278.26 EUR

هلا فيك اخوي ..

الكنبات شوري عليك لا تفصل ... خذ لك جاهز ..
عندك محل اثاث ( ديموس ) على طلبك حرف L
وقطعهم كثيره ومتنوعه .. واسعارهم وسط ..
اقمشتهم عمليه وتغسل وتنظف .. والحاهز غالباً اجود وافضل من التفصيل..
وفيه محا ( اي ديزاين) اغلى شوي من ديموس ..

غرف النوم بالسعر ماراح تلاقي الا ( صيني )
وافضل خذ لك بدون دولاب .. و ركز على خزانه معها..
بالسعر هذا .. وشكل ناعم و عودي .. مالك الا سيتي بلاازا ( هوم بلازا)
صمم لك غرفة ملابس خارج غرفة النوم .. افضل واريح
الا الملابس الخفيفه واليوميه .. فقط تكون بغرفة النوم.

بالتوفيق .

__________________

طيب تتوقعون 35 الف ريال كافيه للتأثيث؟؟
3 غرف
غرفة نوم+مجلس حريم+صاله+مجلس رجال
وبإمكاني تأجيل تأثيث مجلس الرجال اذا الفلوس ماتكفي

ماشاء الله تبارك الرحمن 35 الف اثاث بمعنى الاجهزه مو داخله بالموضوع يعني المكيفات والفرن وغيره,,,
وين ساكن باي منطقه اذا كنت سعودي بالرياض او الغربيه!!!

مرحبا ..
بالنسبه لغرفة النوم شوف هذا عامل يفصل لك غرفه نوم انت روح اي محل وشوف الي يعجبك
وصورة وعطه الصور
انا بصراحه ماجربته بس شفت وحده في منتدى ثاني مفصله عنده غرفه كامله ب 5 الاف ورووووعه استنساخ غرفه في ايكيا ..
و انت شوف شغله قبل .. ناويه اسوي عنده غرفه لولدي باذن الله
اسم المحل عجائب المنزل ورقمه 0565769449

اما بالنسبه لباقي الاثاث
روح شوف ميداس كان عنده عروض استبدال الاثاث القديم ويخصم لك من سعر الجديد
شيك على البيت اذا في شي خشب ماتبونه عطوهم اياه وراح يخصم لك مبلغ حلو

ومو شرط تاخذ كنب كبير انا خذت منه كنب قطعتين 3 اشخاص و قطعتين شخص ب 5 الاف وروعه ممره

راح اكتب لك شي افتراضي وتقريبي ..
غرفة النوم لنفرض تفصيلها ب 6000 الاف وهي عباره عن سرير و 2كمدينه 1 تسريحه و 1 ادراج ارفف
او عندك فكره ثانيه انك تفصل دولاب الملابس فقط .. وتاخذ السرير والتسريحه والكمدينات جاهزه
وحط دولاب الملابس في غرفه ثانيه تكون كغرفه تبديل عشان لو صار اللون مختلف ماتصير مومتناسقه .
وهذا راح يقلل عليك التكلفه .. بس غرفه النوم مو مشكله لو تخسر فيها لانك تحتاج شي قوي يتحمل
الفك والتركيب .
بالاضافه انك بتحتاج ستاره / ابجوارت / شوية اكسسوارات وشموع / ارفف اذا تحبون او لوحات تعطي شكل . وهذي كلها تلاقيها في ايكيا وهوم سنتر عدا الستاره انصحك تاخذ قماش
وتفصله موديل عادي ساده عند اي محل .

الصاله راح تحتاج فيها .. كنب وذكرت لك شيّك على ايكيا وهوم سنتر ولو انه مو قوي بس يناسب ميزانيك
و ميداس وشوف ميداس اول شي
تقريبا راح يكلفك الكنب بين 5 الى 7 الاف .. وتحتاج ستاره وتلفزيون ورف للريسيفر و طاولات وشوية اكسسوارات
او نباتات .. اقدرها بحدود 3400 ريال .. البلازما بحدود 2400 ريال كويسه .. ورف من ايكيا ب 80 ريال وشوية اكسسوارات ماتتعدى 300 ريال وستاره بحدود 700 ريال .

تحتاج طاولة طعام خذها من ايكيا كويسات واسعارها متوسطه تلاقيها بحدود 1200 كذا
او تقدر تفصل الطاوله وتاخذ الكراسي جاهزه

وتحتاج للمجلس وانا اقول لك أجلّه لما بعد الزواج وخله على ذوق المدام
واساسا من بيجيكم ؟ الا بيتعبى غبار ووسخ فنصيحه خله بعدين

ولاحظت انك كاتب مجلس حريم ومجلس رجال
هل ضيوفكم كثار ؟ اذا ايوه فالوضع مختلف
اذا لأ .. حّول الغرفه الاصغر لغرفة طعام افضل

تحتاج ايضا فرن وانصحك ب جليم غاز .. وثلاجه وغساله وبراده ومكيفات
وطقم مطبخ اذا الشقه مافيها .

موفق باذن الله

تصدق من هذا المال وشوف ربى كيف راح يبارك لك فى مالك وراح تلقى كل شى باقل وافضل الاسعار

__________________

35 الف شامله الاجهزه
ومكان سكني بالدمام

اذا على الكنب ..بتلاقي بايكيا حرف Lمره راقي ..
وقريب من سعرك ..

الغرف سنتر بوينت ممكن بتلاقي فيه زي مابغيت ..وخل تركيزك على لون البويه لانه يعطي انطباع غير للقطعه ..

ولو فيه امكانيه ..ومساحه كافيه سو لك غرفة ملابس ..ايكيا معقول خلهم يصممونها لك ..خذ منهم موعد ويرسلون لك مصمم للبيت يعطيك اقتراحاته ..

مجلس الرجال انصحك تاجله وتهتم بالباقي ..ياما ناس قدراتهم الماديه اعلى منك بكثير ..واجلوه ثلاث سسنين ..

والاجهزه لحق عالدسكاوند واحرص ماتخذ الا الي تحتاجه ..لا تضغط على نفسك ..

ولا تنس ان تتصدق ليبارك الله لك في مالك وزواجك ..

__________________