السلام عليكم ورحمه الله وبركاته
انا مطلقه حديثا واشتقت مره لطليقي وولكن للاسف هو قافل باب الرجعه خاصه انه مايجمعني فيه اطفال اسباب الطلاق جدا تافهه وكتبلتها بقسم الطلاق من اكبر اسباب طلاقي ان زوجي كان بخيل كنت احس انه حريص على الماده لكن ماجزمت انه بخيل خاصه انه وداني شهر عسل وماقصر ولكن بعد طلاقي اكثر من شخص قالي فلان بخيل منهم اخوه وصديقه وطليقته الاولى
من اسباب الطلاق لما كلمته ابكي ومنقهره قالي انت يتبغين مصروف وصح انا طلبت مصروف لاني كنت زعلانه من اهماله لي وكان في موقف وفقمت قلت ابغى مصروف بصراحه انا مو بحاجه هالمصروف بس طلبته رد اعتبار خاصه ان الدوله تعطيه علاوة اجتماعيه
الحين انا ندمانه ليتني ماطلبته فلوس ولا اختبرت بخله ممكن كنت بكون على ذمته الحين
سؤالي هل الزوجه لما تعطي زوجها فلوس وتاخذ قروض وتعطيه يبين فيه وتكبر بعينه ويزيد غلاها
هل الزوجه الي تعطي زوجها بطاقه الصراف تكبر بعين زوجها وتصير غاليه ويهتم ويحبها اكثر
ليتني عطيت طليقي فلوسي كلها ولا طلقني ليتني عطيته بطاقاتي الفيزا و لاطلقني
ليته يرجع واعطيه كل شي
هل غلطت لما طالبته بمصروف وباشياء
اه جد ندمانه احسه خذا فكره اني ماديه

حطي همك على همي

عجزنا مع هالرجاجيل مادري كيف نرضيهم

حسبي الله ونعم الوكيل

بس انا مره استفتيت شيخ قال اذا حالته المادية ما تساعد

انت اشتري سعادتك بفلوسك اذا كنت تحبينه

لكن بطاقة الصرافة حذاري تعطينه !!!

المشاعر الله يعين

البُخُل مرض لا علاج له ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

صحيح مرض ماله علاج

فلوسج اشتري فيها راحة بالج احسن

انا طليقي كان ياخذ من حسابي بدون لا ادري بحكم ان يشتغل بالبنك

بالنهاية أفعاله رجعت عليه و ربي سبحانه ردلي كل فلوسي

انا اقولج ادعي ربج عسى الله يرزقج بالزوج اللي يستاهلج وطليقج خل ينفعه بخله

__________________
لا اله الا انت سبحانك اني كنت من الظالمين

الله يعوضك خير يارب بس من وجهه نظري لادخلت الفلوس بين الزوجين انك تعطيه وتعطيه بيطمع اكثر واكثر وبيركب فوق راسك والرجال والله ما يعجبهم العجب اكبر مثل أختي تطلقت من سنه والسبه انه كل شئ بيد زوجها البطاقة وتبيع ذهبها علشانه ومصاريف ومدلعته اخر دلع وهوه بالمقابل ولاشئ حتى كلمه شكر متسخسرها فيها بالله مؤ حرام؟؟؟؟ وطبعا طفشت من هذا الوضع طلقها تخيلي لاحمدا ولا شكورا فلاتندمي على شئ فات معوضا خير الرجال يبلهم وحده قويه وماتتنازلي على كل شئ مره وحده ومو كلهم عاد كل وحده أدرى بزوجها
موفقه

__________________

لدي رب يعرف مابداخلي وهذا يكفيني

[img]http://im33.***********/edShu.gif[/img]

حبيبتي الله يعينك على بلاوك بصراحه زوجك مايبي له الا العين الحمرا
لا تشترين حبه ولا يحزنون

__________________

طبعا سأفرح ان فعلت زوجتي ذلك .. و لكن ليس حبا لمالها و لكن لانها حققت لي احد اكبر احلامي في الحياة ..
انا احلم ان اتزوج فتاة طيبة تقف في ظهري وقفة اسود .. تدافع عني بكل طاقتها .. ترويني بحنانها و عطفها و حبها .. تثق في بدرجة كبيرة .. تعاملني احسن معاملة ..
و لكن للاسف من اقابلهن عكس ذلك تماما و بشكل صارخ ..

اجل الحريم الي رياجيلهم طايرين فيهم شلون اكسبوا حبهم