السلام عليكم ورحمة الله و بركاته ..
كيفكم يارب بخير ..

حدخل في الموضوع سيدا والله يخليكم ركزززووووو معايا تمام !

انا عندي اخ عمره 17 سنة لسه هالسنة تخرج من الثانوية ..
و عندي بنت عمي عمرها 16 لسه بالثانوي ..

القصه ومافيها .. انو الاتنين دول متوهمين انهم يحبون بعض .. وانا متأكدا انها فترة اعجاب و بس ..
المشكلة ان قبل سنتين كانوا يكلمون بعض مسن من دون علم احد غيري انا .. لان اهلها جدا متشددين من دي الناحيه ..
وطايحين في بعض حب و غراميات ..
لحد مااكتشفت اختها هالشي وجت تكلمني بكل هددووووووووؤ وتقولي صار صار صار .. قلتلها ادري بس ماقلتلكم عشان لاتقول اختك اني انا انانيه وحسوديه وماابغاها تحب اخوي .. ثانيا مو بس اخويا غلطان فــــ زي مااخوي غلط ترى اختك غلطت كمان .. ليش ترضى تكلمو ليش تعطي ايميلها ليش ماوقفته عند حده !
ليش ماقالت لامها ! لنفرض ان مو اخويا هو اللي كان يكلمها وكان واحد من هالبشر بترضى تاخد وتعطي معاه !
قالت اختها خلاص انا اكلمها وارد لك اش يصير قلتلها اوك
اليوم الي بعده كلمتني بكلللللل عصبيه و تقول انتو ماربيتو ولدكم وانتوا وانتوا و هوا اللي يجري وراها !! << مع اني والله والله والله اني اقعد عند اخويا يوم يكلمها هيا اللي تبدأ تكلمه واخويا مسوي ثقيل معاها .. لاتقولو عشان انا جمبه لا !
يكلمها كان من جهازي وكل المحادثات تتسجل عندي .. ونفس الاسلوب يستعمله معاها .. حتى لو انا مو فيه !
وصارت تسب وتقول روحو ياعيال القطرية ولو عيااااااال العالم دول خلصو [ مانتشرف في اخوانك ] ! غير السب وغير انها طلعت الغلط كلللللللللللللله على اخوي هي وامها كمان !
ويلا خليه يشوووف له وحده غير اختي يطقطق عليها بنات الــ ×××× مليانين في الشارع !

مفكرتنا الغبية ميتين عليهم وعلى قربهم ! وربي نحنا اشرف منها ومن طوايف اهلها كلهم ..
انا مقدرت ارد ديك اللحظه مااعطتني فرصه حسبي الله عليها ! لانهم معروف عنهم من ونحن صغار لو الغلط يركبهم يطلعوووون الكل غلط وانهم هم الصح .. وصاخه ونجاسه فيهم لابعد الحدود الله لايبلانا !
تانيا انصدمت من هالاسلوب انصدمت يووم نسيوا العشره اللي بيننا !
قمت قفلت الخط بوجهها ماتحملت اسمع سب من اقرب الناس ليا !
وحلفت يمين مااكلمها عمري كله .. ان كان هيا او اخواتها ..
بعد 6 شهور صارت تدق عليا تدق تدق تدق وانا ماارد .. ورسلت رسايل اش طولها ولارديت وطنشت ..
ورجعت تدق تدق تدق تدق لحد مارديت وجلست تبكي وتبكي وتقول سامحيني و صار كلام كتير بيننا بسبب هالموضوع بس بالاخير سامحتها لكن مانسيت الكلام اللي سمت بدني فيه داك اليوم !

والمصيبة اللي اكبر من كدا اخويا وبنت عمي رجعوا يتكلمون مع بعض لهم شهر ! من دون علم احد !
و اللحين صارت مشكلة بينهم وجا يقولي اني اكلمها وصار وصار .. وبسبب هالمشكلة قالتله انتا بعتني مرا تانيه وانا اعطيتك فرصتين .. وانتا اصلا ماااااتستاهلني وانساني !

انا انقهرت من اخويا كيف تكلمها واهلها سبو فينا ؟؟؟ .. كيف ترضى على نفسك احد يقول لو خلصو عيال الدونيا مانتشرف نقبل بااخوانكم تروح ترجعع تكلمهم ؟؟


والله انا مو ضد الحب يا جماعه .. ولا ضد بنت عمي ؟؟ بس وربي وربي ماتستااااااااااااهله .. من صغيرهم لكبيرهم فيهم نجاسه وحقد وحسسسسد ... وربي اني مااتبلى عليهم .. << وانا صايمة وربي شاهد علي اني ماازود ولا انقص..

وانا مابغى يعلقون نفسهم ويعشمون نفسهم بشي ماحيصير !!
1 / اخويا طيب لدرجه ماتتصورونها ! .. وهيا سوووووووووسة وربي عليها حركات من تحت لتحت !
2/ فارق العمر اللي بينهم سنة بس ! .. وعيلتنا متشدده من ناحيه العمر لازم ع الاقل خمس سنين فرق ..
3 / امي دايما عداوات بين بيت عمي من زماااااااااااان وياما مشاكل تصير بينهم ونتقاطع ونرجع نتسامح .. ولعلمكم امي دريت وقالت لاخويا لو اخدت اللي ببالك لاني امك ولا اعرفك !
يعني مرا مايصلحون لبعض .. قولولي كيف اتصرف مع اخويا كيف اتصرف معاها ! اش وضعي انا بينهم .. ؟
ساعدوني جزاكم الله خير .. ؟

رضيتي اخوج ييكلمها و امامج و طايحين في بعض حب و غراميات و قدام عينج.. و هذا كله ما منعتيه بس يوم يت على الزواج قلتي ستوووووووووووووووب و هالبنت فيها و فيها و اهلها فيهم و فيها.. يعني الحرام كان عادي بس الحلال ما تبينه!!!!

من البدايه كنتي تفهمينه ان هالبنت عرضه و شرفه و اهله و المفروض ما يتكلم معها إلا بكلام عام... مب كلام حب و غزليات و غراميات...

و رجاءا... تبرير ان اخوج يثقل عليها و ان هي اللي تركض وراه تبرير غبي جدا جدا جدا... لأن انتي رضيتي بالحرام اللي كان يصير قدام عينج... بس يوم يت على الحلال ما وافقتي...

سبحان الله...

لو سمحتي ركزي و افهمي تمام اللي كنت اقوله !
اولا انا ماني ضد بنت عمي و اخويا اولى فيها من الغريب .. و ثانيا لا قلت ستوب ولا شي افهمي !
و انا سكت بحجه انه ممكن يتزوجو اذا الحب كبر بينهم وماكانت فترة اعجاب ..

بس ياحبيتي لما تجي اختها وتعاملنا بدي الطريقه كاننا نلعب ببنتهم هذا اللي قهرني و نرفزني !
نحنا عيال عم مو غرباء ! تكلمنا بدي الطريقه ! اش خلت للغريب !
وليه تسوي معانا كذا اصلا ! عشان اختها قلبت الموضوع وحطت الغلط كله على اخويا .. ! ومع كذا رجعت تكلمه دحين ! طيب في اسلوب غير اللي كلمتنا فيه ! اقلها تحترم الاسم اللي يجمعنا .. مو تسب بألفاظ شوارع !

و لعلمك حبيبتي .. ياما نصحته و ياما قلتله لا تعشم نفسك ! بس مايسمع لحد ماعرفوا اهلها تراجع و صار مايكلمها ! وكم مره قلتله راح اخبر امها .. بس يقولي ان بنت عمنا اللي بتروح فيها ! فصرت اخاف عليها لان اهلها جدا متشددين !
بس اللي صار لما عرفوا اهلها حطو الغلط كله على اخوي غير السب اللي جا على اهلي !

واعيد لك انا ماني ضد زواجهم ! بس لسانهم الوصخ واللي مايعرف التفاهم بعقلانيه كرهني فيهم !
لهالدرجه مافي اي احترام لبيت عمهم نسوا كل العشرة اللي بيننا !
راجعي كلام اختها لو سمحتي لما اخدت الكلام من البنت شوفي كيف عاملتنا شوفي الالفاظ اللي تقولها عشان كذا انا رافضه الحين زواجهم ! وفووووووووق كذا ياحبيبتي امي ماتطيق هالعيله بسبب المشاكل اللي تجي منهم .. واخوي وبنت عمي يدروووون بهالشي ! وعارفين ان زواجهم مستحيل

فلو سمحتي وررجااء لا تتفلسفي بدون ماتفهمي الموضوع تمام !

اختي ..في الله

حدود الله ..لما تجاوزها اخوك وبنت عمك ..ماهمك ..

بس لما جا طاري الحلال ..وقفتي ..وقلتي استوب ..

اختي ..ممكن سؤال ..هل تؤمنين بالحب ..والعلاقات عن طريق المسن ..لكِ شخصياً..

__________________

اكيد ما ارضى ..
بس شوفي لانكذب على نفسنا الجيل هذا مو زي جيلنا او جيل اول ..
الكل يبغى يعيش قصه حب
ياربي انا ماقلت ستوب من وين تجيبون هالكلام !!!
لاتجنووووونني !
^
^
ركزوا اش قلت لاختها .. دليل ان انا ماني رافضه بنت عمي .. بس رد اختها يرفع الضغط مافيه اي احترااااااام ! افهموووا افهمووووا اللي ابغى اوصله لكم !
هما متشددين هما مايبغو قصص حب ! ويطلعو الغلط كللللله على اخوي !
و بنتهم ! ماتدري بتشدد اهلها ! طيب ليه تكلم ! قلت بكيفها تصطفل ! اهلها لو عرفووو بتتحمل نتيجه اللي سوته ! يعني مو اخوي لو وحده غلط ! هي بعد غلطانه !

لا مااؤومن بيها بس غيري ممكن !

ياريت تركزوا باللي تقولوه وتفهمو اش اللي اقوله !

اني اشوف الحب الشريف مابيه شي اذا كان اخوك ايحب بنت عمك
والحب مو حرام الا اذا تعدى الخط الاحمر
والمفروض لما تشوفين اخوك مولع في حب بنت عمه اقترحي عليه خطوبتها اليه واتمامها بالزواج تكونين بذلك قد جمعتي رأسين بالحلال وهذا ما وصى به رسولنا الكريم (صلى الله عليه وسلم)

__________________

قلتلكم انا ماني ضد الحب .. بالعكس انا اشجع الحب الطاهر المكلل بالزواج !
فاهمه عشان كذا سكت قلتله يمكن تكون من نصيبه واهو من نصيبها عشان كذا سكت !
بس بنت عمي واختها و امهم والكل مبين انهم رافضين هالزواج والدليل انهم طلعو الغلط على اخوي ..
اوووكي انقفل الموضوع سنتين .. يرجعون يكلمون بعض ليه .. البنت عارفه موقف اهلها ترجع تكلمه ليييييييه لييييه ؟؟ مو اهلها رافضين فكرة انها تحب اخوي .. رافضين فكرة انها تتزوجو ونحنا مانشرفهم !
ترجع تكلمووو ليييييييييه ؟؟

اختي العزيزة
اني اشوف انك تكلمين البنت هذه بسرية تامة يعني بدون ما يعرف اخوك
وقولي لها ان امك فعلت كذا وكذا واننا لا نشرفكم على حد قولها
فأغلقي الموضوع معها وقولي لها ان تنسى اخوك ابداً
وان لم تفلح مساعيك اتركي الموضوع نهائيا مع اخوك وابنة عمه

__________________

هلا اخي الامير الحزين
تصدق كلامك برضو فكره ..اكلمها من دون مايدري .. ع الاقل واقولها كيف ترجعون وانتي تدري موقف اهلك من الموضوع ..
مشكوووور وجزاك الله الف خير على الاهتمام ..

وبعدين من قال ان الجيل هذا لازم يعيش قصه حب ..من تحت لتحت ..

ولما يجي الحلال ..نقول مايناسبون بعض ..

وكيف تقولين انك نصحتيه وقلتيله لا ..وبالاخير تعطينه اللاب حقك ..

انتي ماقلتي استوب كتابيا ..هذا تعبير مجازي ..حداثي ..

__________________