السلام عليكم اخواتي واخواني
زواجي بعد.شهرين .. وزوجي ظروفه المادية على قده .. راتبه ضئيل .. وأنا موظفة وراتبي زين .. المهم هو من قبل فتح معي موضوع إنا نسوي عزيمة بسيطة وياخذني بدون مراسم زواج زي ماهو معمول هالايام مع إن طبيعة زواجاتنا عادية ومافي تكلف .. ويقول إن هالمراسم ماهي إلا شكليات وخرابيط .. بس أنا رفضت وقلت ليش ماقلت هالكلام في الخطبة ولما الوالد شرط هالاشياء هذي عليك ليش مافاوضته وحاولت تكنسلها معه أو تكنسل الموضوع كله ماكنت مجبور .. قال مابغيت أكنسل الموضوع عشان هالامور وكان في بالي فلوس لي عند رجال ومتأمل إنه يعطيني .. المهم رجع البارح وطلب مني طلب كنت أحس إنه راح يطلبني هو بيوم .. الطلب هو : إني اسلفه50 الف وبيرجعها لي إذا قبض فلوسه من الرجال أو إذا تحسنت ظروفه .. طبعا أنا ما أقدر لاني باقي عند أهلي وحيلاحظو إن فلوسي نقصت قال أهلك مالهم دخل بفلوسك زي ما أنا مالي دخل .. بصراحة هالكلام عصبني وزعلني مرة .. عموما قعدنا نأخذ ونعطي وقالي أنا أقدر اتدين بس بيروح راتبي كله بالاقساط وبعدها تبين أعيش عالة عليك .. ونمت وأنا متضايقة مرة .. عموما اليوم جت في بالي فكرة قلت له تدين أنت وبعد مانتزوج راح أعطيك المبلغ تسد دينك وبعدين تعطيني ..

مدري ياجماعة هل طلبه مني عادي ؟
وهل إذا عطيته بيفتح له المجال بعدين إنه يطلب مني كل ما أحتاج؟
وهل فكرتي الاخيرة صح ولا لا؟

ارشدوني الله يجزاكم خير

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طبعاً طلبه غير عادي واحسه جرئي شوية .. أنت لست مجبرة تعطيه ولو في شكل دين
لا تفتحي باب تندمي عليه فيما بعد
أرضي بالزواج البسيط ففيه البركة بدل الدخول في ديون تعكر عليكم صفوء بداية حياتكم الزوجية.
وتحاشي النقاش في مثل هذه الأمور وأطلبي منه أن يرجع فيها لوالدك للتفاهم فيها معه..

أنا طلبت منه يرجع للوالد .. بس هو قال أنتي منتي ملزومة تعطيني ومن حقك تقبلي أو ترفضي .. وهالشيء ماراح يغير شيء بيننا أبد .. وإني وربي ماطلبت هالشيء منك إلا بعد ماضاقت بي الدنيا وكله عشان مايروح راتبي أقساط وأعيش عالة عليك لأن وقتها ماراح أرتاح وبكره نفسي .. ومو عارف وش أسوي .. فطرحت عليه هالفكرة .. فقال يصير خير .. أنا مو مشكلة عندي أعطيه .. المشكلة أخاف يتعود هالشيء .. وما أبي أحس إنه أرتبط فيني طمع في راتبي وبس .. لاحول ولاقوة إلا بالله ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

فكرتك الاخيره مناسبه ,,,

بس الافضل هو ياخذ من بنك التسليف يعطوه 45 الف ويقسطلهم 700 كل شهر خلال اسبوعين يستلمها

45 مناسبه وتفي بالغرض ولو احتاج منك تزيدي عليها بتزيدي علااقل بشي بسيط

بس طلبه مو مناسب ببداية حياتكم بس ماتدرين الضروف تلزم الواحد

أخذ 45الف وعطاه الوالد مهر لي ..
والله ما أعرف وش أسوي .. أحس إني محتارة .. وخايفة من بكرة ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

البارح قالي أنا انسان شقي بحياتي وراح أشقيك معي بحظي الردي عشان كذا أنا ما أجبرك على شيء .. وبيدك الحين ياتتحملي معي وترضي بي وبشقاي أو .... وتركها نقاط حتى ماقالها .. يعني إذا شايفة نفسي ندمت على الارتباط فيه فبإمكاني أتراجع عن كل شيء وكل واحد يشوف نصيبه ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

دام هذا راية في نفسة ومن البداية


لية نغامر علشان نعدل اشخاص نفسيا وماديا



يعني تصومين تصومين
وتفطرين على بصل



تحياتي

بغض النظر تعطيه او لا
كلامه هذا مايطمن
شوفي اذا انت تبغي تتزوجي والسلام براحتك كملي طريقك
البنت اذا بغت تتزوج تتزوج عشان تنبسط تروح وتجي تسافر
عشان كذا قلت كلامه مايطمن
صحيح انك موظفه بس انت في النهايه مرتبطه بزوج ماتقدري تروحي وتسافري الا معه او تشتري اللي نفسك فيه
لانه حسب كلامه المكتوب ان نفسيته سيئه وبتعيشي معاه حياه فيها ضيق مادي. تخيلي مستقبلكم بعدين اذا جا اطفال وتزايدت المستلزمات.
اعرف ان اغلب اللي يتزوجو متزوجين بديون واقساط ومصيرها بتخلص بس انا اتكلم عن النفسيه اللي بتعيشي فيها

اذا كان عمرك صغير
فكري بالموضوع واستخيري

وهذا إللي مو مطمني .. أنا أبي أحس إن زوجي هو إللي يصرف علي ويعيشني حياة حلوة .. مو بكرة يقولي أنا قلت لك بوضعي وأنتي كملتي أجل تحملي ..
بالنسبة للعمر أنا أكبر من الثلاثين وأعتقد فرص زواجي صارت ضعيفة إلا من رجل متزوج .. ومو هذا الشيء إللي يجبرني أكمل معه أبد بس أنا أحطه في الحسبان

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ثقي تماما اذا مكتوب لك تتزوجي حتتزوجي حتى لو اربعين

المشكله انه ممكن يتعود على الطلب وهذا شي خطير

مره ثانيه اقلك فكري واستخيري. بعدين فيه اطفال ومستلزمات ومصاريف
اكيد ماراح تشليها لحالك
اعرف انو مصير الديون بتخلص لكن متى الله اعلم
انا اكلمك من تجربة اخوي متزوج وراتبه يبقى منه شي قليل
صحيح عايش ومرتاح وزوجته متفهمه لكن يبقى في نفسه شي من الضيق