السلام عليكم ورحمة الله وبركاته
اخواني وخواتي ماراح اطول عليكم
مشكلتي هي زوجي واهله
ماقول ا? حسبي الله ونعم الوكيل فيه وفيهم
ابي استشيركم بقصتي
ابي اعرف كيف اخذ حقي
كيف افك نفسي منه ومنهم

بختصر لكم قصتي
متزوجه من 3 سنوات ونص وعندي ولد عمره 6 شهور

زوجي ما احس انه طبيعي بالمره
عمره 29 سنه كانه طفل بو 9 سنوات او اقل


قصر فحقي كزوجه ? اهتمام و? حاس فيني كله مطنش ومقصر بحقوقي الزوجيه كلها مايقرب مني بالشهور ومرات سنه وشهور قصر فكل شيء معدا المصروف كان يعطيني 1000 وبس منها اسوي كل شي ورضيت وفوق هذا يحاسبني عليه شنو اشتريتي وين وديتي الفلوس ومسرع ماخلصتيهم كانه مليون مو 1000 ولما اطلبه مرات زياده لمصاريف العيد يقعد يحقق معاي ليش شتبينهم
وسكت وصبرت مع انه مقتدر وراتبه زين بس بخله علي انا ومو مقصر بنفسه الي بخاطره يشتريه وانا اذا طلبت شي يقعد يحقق معاي


سنتين ما رزقنا الله بعيال والعيب كان منه
وطول الفتره كان يجرحني بالكلام يقولي انتي شكلج عقيم انتي مافيج عيال الظاهر كل الناس بتجيب عيال ا? نحن وكل ماحط مسلسل و? فلم وشاف لقطة حامل و? اعلان اطفال و? نطلع واحد مر بالشارع معاه عيال قام وسمعني ها?سطوانه كانه العيب مني انا لين كرهت نفسي اقوله وين اجيب عيال من الهوا و? اطلعهم من جيبي يجيني مره بالشهر ويبيني احمل ومرات قاطعني بالشهور ؟ وازعل واروح الغرفه يقولي انا اسولف في انسان يسولف بهالطريقه ؟ حتى الي الله مارزقهم بعيال راضين وما واحد يعاير الثاني


يقوم من نومه يطلع يتغدا ببيت اهله و? هو سائل عني للعلم نحن ساكنين ببيت بروحنا ?نه بيت اهله صغير ومايكفي وبيتي مافيه شيء اطبخه ماكان يجيب شيء غير مقالي واندومي وعصير بالثلاجه وجبن وكتشب ومايونيز وشطه وشويه حلويات ماكان في شيء اهله يقولولي ?تطبخين تعالوا وخذوا من عندنا وجبة الغداء
وهو كان يطلع يروح لهم ويتغدا ويقعد للعصر واذا قالوله اهله نحط لمرتك غدا يقولهم ? ماتبي بس عشان الشمس ومافيه يرجع
كنت اتغدا مره او مرتين واذا كثر 3 مرات فا?سبوع مثل الناس وباقي ا?يام اقوم اكل اي شيء موجود مرات اتغدا كاكاو من الجوع ومرات اندومي ومرات خبز او صامولي حق العشا احطه بالثلاجه عشان اليوم الثاني اسويه بالمايكرويف
يرجع العصر مايسأل فلانه اكلتي شيء و? غيره
يبدل هدومه ويطلع وبس اذا تبين شي سويلي تلفون واذا قلت له جيب وجيب للعشا يجيني اخر.الليل بيتعشى وبيقعد يقلب لي بقنوات التلفزيون اذا في رقاصات بيحط لي ومرات اغاني ومرات يقعد يشوفلي مسلسل و? فلم و? بيحط لي مذيعة ويتغزل فيها و? برنامج ويتفدا البنات ومزايين ومن ذا الكلام وانا و? كاني قاعده معاه
ومن يخلص التلفزيون وا?فلام رحنا ننام وقعد يلعب بجواله اذا في مقاطع بلوتوث خليعه قعد يشوف ويقولي شوفي خلينا نتعلم اقوله حرام تشوف هالمقاطع يقولي عادي اتعلم مافيها شيء
ويقعد يفتح بهالمقاطع الي يجيبها من ربعه ويشوف ويبيني اشوف معاه
ومرات قبل ? ننام يقعد يحط افلام فيها لقطات العياذ بالله اقوله طلعها حرام وهذا رده
ومن يشوفني نمت يسوي عاده سريه يوميا ومرتين و3 مرات ورا بعض على باله ما احس
وانا منقهره ودموعي اربع اربع لكن شسوي

اذا بيطلعني يقعد يخز البنات ويغازل وانا معاه
واذا قعدت في البيت ماغير مقابله 4 طوف
وانطره وبس يتاخر علي في الرجعه مرات 12 مرات 1 مرات 2 ومرات قريب ال3
واذا رجع بدري مو عشان المسلسل او ربعه بالدوام وماعنده احد

يخاف من الناس ومايخاف من الله
انسان منافق قدام الناس شيء ووراهم شيء ثاني
مسوي روحه محترم ومصلي ونظيف وغيره
وشوفوا لمرته كيف
صلاه مايصلي ا? قدام الناس حتى برمضان
بس يصلي المغرب ?نه الفطور جماعي
نظافه يقعدلي با?يام ما يتسبح والريحه ?تعليق
ريحه العرق والقشره الي براسه والحبوب منظر مقزز
ونقعد نشوف التلفزيون يقعد يلعب لي باعضاءه التناسليه ويشم ايده والريحه قسم بالله تلوع جبدي منه ولما اشوفه يقولي عادي قاعد العب
ملابسه اذا بيدخل الحمام يتسبح يقعد يشمها اول شيء وبعدين يفرها علي يقولي شميها ريحة زوجج هاذي يعني وصاخه قسم بالله ما احد يتخيلها
وتعالوا شوفوا قدام ربعه وا?هل مسوي النظيف يبدل هدومه ويرش بهالعطر ويتسبح للطلعات وغيرها ولي ابد مافي نظافه ومافي ترتيب


واجهته بكل بلاويه قلت له اعرف انك تسوي عاده سريه وانها حرام وانا زوجتك حلالك ومن هذا الكلام اخذته باسلوب وقالي خلاص وعد ما اسويها ورجع فكلامه واكتشتفت انه رجع يسويها ولما واجهته مره ثانيه يقولي انتي نايمه يعني عذر اقبح من ذنب

جبت له فرشاة اسنان صابون اكثر من نوع وملطف عرق ولوشنات جسم ثيابه ابخرها له واعطرها يطلع من الحمام اعامله كانه طفل اخذه وادهن له جسمه كامل بكريم معطر واحطله ملطف واعطر له ملابسه وبودره وعطر دهن وكريم شعر وامشطه عشان يحب النظافه
ويحب الريحه الحلوه ومرات والله ادخل معاه الحمام اسبحه ?ني احس انه مايتنظف عدل لكن مافي فايده كاني اجيب لنفسي ومره جبت له هديه لوشن مع الصابون الي تجي مع بعض قالي ليش جبتيلي انا وسخ؟


والله اسنانه صفره مايفرشها مع انه والله 8 معاجين للاسنان و3 فرش له بروحه وغسول فم وجبت له اكسترا اللبان مافي اهتمام بالمره
بس اذا سوسوا اسنانه بيفرشهم
وراح للطبيب وحط له حشوة مؤقته المفروض تتبدل عفنت والله ريحه من انام كانه مجاري يمي. اللهم ? شماته

شرشف السرير والبطانيه ما تنغسل انا الي اقدر عليه اغلسه بالبيت بس ما اقدر انظف البطانيه ثقيله وكبيره يذلني على غسيلها اقوله شيلها المصبغه يغسلونها يغسلها مره بس وتقعد با?شهر والريحه رحت خذت لي لحاف خفيف شسوي فيه


بعد ماكملنا سنه وشويات
كان خاش تلفونات من وراي
جهازين كنت كل مره اشوفهم معاه واساله
كان يجذب علي ويقولي ما استخدمهم
ومره الله اراد وانكشف لي سر التلفونات الي معاه
كان مره طالع وقبل ?يطلع حاط واحد فيهم عالشاحن انا صابني فضول قلت هو يقول ما يستخدمهم ليش حطه بالشاحن واغلب الوقت معاه
فتحته على امل انه ماعنده خرابيط وسوالف
وياليتني ما فتحت الجوال
ارقام بنات
صور بنات بقمصان نوم وانتوا بكرامه
من غير الي مصوره اجزاء من جسمها من دون ملابس ومحتفظ بالصور بالمحفوظات
وفتحت البلوتوث وحاط رقم التلفون
بصراحه انصدمت وماعرفت كيف اواجهه بيقولي فتشتي تلفوني وغيره



يتبع




ي

انصدمت منه يكفي اني صابره عليه وقاعد يزيدني بالبلاوي
انا اخته قريبه مني واثق فيها علاقتي فيها قويه بس عيبها اصغر مني بكم سنه
صورت لها وقلت لها شوفي عشان عا?قل واحد من اهله يكون شاهد وماحبيت اكبر السالفه
دارت الدنيا وقتها وانا الي وثقت فيه حسيت الكل غشني فيه انا شنو ذنبي


كل ما سالته مقصره عليك بشيء قالي ?
انا ولله الحمد ما امدح بنفسي والكل يشهد باخلاقي وطيبتي وانسانه ما احب المشاكل وفي حالي وراضيه بكل شيء مو مثل البنات لو اقعد بالبيت اسبوع عادي واذا طلعت اطلع لحاجه ابيها اخذها وارجع ماعندي خرابيط
قنوعه صبوره قلت دامه من اهل امي ما راح اسوي ?مي مشاكل و? ابي الناس تتكلم علي وحطيت امل انه راح يتغير ?نه مافي شيء يتم على حاله وراح اصبر عليه دامه ماغلط علي و? ضربني و? شتمني
صبرت يخليني بالساعات بروحي بالبيت
اذا جا قابل تلفزيونه ونام وهذا روتينه
واذا طلعت اغير جو ضيق فيني كله يشوف البنات وبس
ابي احس اني متزوجه انسان يهتم فيني يحس من نفسه فيني وبقيمتي لكن وين

اذا قعدت وكلمته يتعدل كم يوم ويرجع على حاله
بعدها بفتره طلع البلاك بيري راح واخذ له واحد
اهمل نفسه زياده واهملني طول وقته عليه
نقعد نشوف التلفزيون كانه يسكتني بالتلفزيون وهو ماسك البلاك بيري وعليه للصبح

اقوم اطبخ له فطور وغداء واجهز كل شيء
واذا قام يقعد على البلاك بيري بالغرفه يلعب ويطقطق وبعدين قام وغسل وجهه وقعد عليه مره ثانيه كاني مو موجوده

زعلت عليه وقلت اروح ?هلي اغير جو واقعد عندهم وبعدها سالوني ليش قاعده هالفتره كلها ماخلوني بحالي اضطريت اقولهم
وكلموه اخواني وامي كلمته واهله
اعتدل كم يوم ورجع مره ثانيه
ما يسولف معاي. اسحب منه السوالف غصب
قلت دامه يحب يتعلم بشغل وقته ونتعلم مع بعض لغه انجليزيه كم يوم ومل مايبي
شريت لعبة نتسلى فيها. يجاملني عشان ما ازعل و? هو مايبي




قلت اذا مابيتغير عشاني يمكن ?جاه ياهل يتغير ويعتدل ونملي عينه ودنيته
صبرت عليه 6 شهور وهو يعالج وما عمري جرحته مثل ماجرحني عشان يعرف انه الله فوق
وبعد العلاج الحمدالله حملت وطول فترة الحمل قطعني مايقرب مني وجبت له بيبي وفرحته وتعرفون نفسية الي توها والده كنت اتعب من سهر الليل وانام كم ساعه بالنهار ونفس الشيء انا من الشهر الثامن كنت ببيت اهلي ?نه اقرب لي المستشفى وبعد ا?ربعين رجعت البيت و? كانه صاير شيء بالدنيا ما كاني رجعت بعد غبيه تخيلوا السرير على حاله الشرشف والبطانيه مطلعه ريحه بالغرفه عا?قل بدل واهله كانوا يجيبون شغا?تهم ينظفون البيت وماكانوا يغلسون شيء يمسحون الغبار شوي من اماكن وخلاص

بعدها باسبوعين سافر مع ربعه تايلند وتركني مع ولده في بيت اهلي اسبوع
ورجعنا ونفس الشيء ماكانه صاير شيء بالدنيا
مع اني البس له وغيره بس خلاص هو شبعان من الحرام ويبي الحرام وبس
حتى عشان ولده ماتغير حطم ا?مل الي حطيته
بعد ماخيب ظني قبلها
حط 4 تلفونات بدال ماكانوا 2 ومن جهاز لجهاز
من غير البلاي ستيشن واللاب توب وا?نترنت يدخل الشات ويدخل مواقع اباحيه
ويشوف افلام
ونفس الحاله مهمل بنفسه وبزوجته وبيته ومو حاس
اقعد معاه او ما اقعد نفس الشيء وجودي وعدمه واحد
يقعد يلعب مع ولده 5 دقايق وخلاص وباقي وقته ايفون وبلاك بيري وجلكسي و?ب توب للصبح وينام ويقوم وهو قاعد عالسرير يلعب التلفون
وبعدين يقوم يغسل وجهه ويقعد معانا بس بعالم ثاني

انا هني خلاص نفسيتي تعبت منه
قلت يعني من نفسه مايحس ا? اذا زعلت
بيتعدل كم يوم وبيرجع على حاله
وكانه اهله وبس ملزومين فينا ياقاعدين انا وولدي بالبيت ومحد يجي عندنا ?جيران و? اي احد
ا? اذا بنروح بيت اهله وولدي يضيق فيني يقعد طول الوقت يبجي مايبيهم تعود على الهدوء والوحده صار مايحب الناس
طول رمضان وهو نفس الموال يسهر للصبح مايصلي الفجر حتى يقوم العصر مقابل تلفوناته وبعدها نطلع بيت اهله ?نه الفطور جماعي
ومن نخلص فطورنا حطنا بألبيت وطلع مايرجع ا? 1 و? 12 وشيء ومرات 2 ومرات قريب ال 3
مايحاتي مرته ولده منطقة نائيه الواحد يخاف يطلع منطقه بر ظلمه حتى الحوش اخاف اطلع
وهو عايش حياته ومكمل عزوبيته على حسابي
الوحده تتزوج علشان شنو تتعذب
يكفي اني مو مستقره معاه اسبوع ببته واسبوع ببيت اهلي ?نه دوامه بعيد وقريب من منطقتي
وطول هالساعتين ماسكه ولدي حتى ايدي تتخدر تعورني بس شنو اسوي ابي استقر من حقي
ابي احس اني متزوجه رجال
يطلع يتغدا بيت اهله ويرجع جايب لي غداي بصحن كانه يربي بهيمه مايقول بتغدا مع مرتي بقعد معاها
انا عطيته كل الي عندي حبيته وما يستاهل
اهتميت فيه وهو مهملني
صبرت عليه
با?خير انا انسانه لي كرامتي
قبل العيد بكم يوم قالي انتي يمكن تجلسين ببيت اهلج استغربت ?نه هو بالعيد راح يكون موجود مو دوام قالي علشان اهلي بيسافرون
يعني انا منو الي ملزوم فيني انتي و? اهلك
وهو حضرته يبي ياخذ راحته ويطلع يغازل وغيره
زعلت ومن يومها انا عند اهلي قاعده
اهلي مارضوا علي انصدموا منه ومن بلاويه قالوا ماتوقعناه جذيه وانتي كيف صابره كل هالمده
انا حطيت امل بحياتي قلت اذا مو عشاني عشان ولده

كلموه اخواني وراح ?بوه وكبر الموضوع
?نه امعه مايعرف وين الله قاطه كل شيء مدخل اهله مصروفي واهله محددينه
واذا قلت شيء راح وقال لهم مو حاله هذي
على شنو انت متزوج وعلى شنو رجال
ماعنده مسؤوليه بالمره
ومايعرف يدبر نفسه
طلبت استقر بمنطقتنا على ا?قل مدينه وحياه وناس واهلي موجودين وقريب من دوامه مارضا
بحجه ربعه ومره يقول بتحرميني من اهلي ومره يقول ما اقدر افتح بيتين قلت له ماطلبت بيتين هو ?نه مايبي مع اهله يبي ياخذ راحته ومستاجر لنا بيت بعيد
المهم كلم ابوه وماقاله الحقيقه قاله اهي زعلانه علشان اسهر برا مع ربعي
وصدقوه وجا ابوه بعد العيد وكلمني وبعد ماخلص قلت كل الي عندي وابوه بروحه انصدم وماعرف شنو يقول تفشل وزوجي بس اكت ويضحك كانه قاعدين نقول نكت
حتى الكل عصب عليه يكفي انه مايعرف حتى يتكلم ابوه بس يتكلم وهو بس الي تبونه حاضر
اكثر من مره سمعت هالكلمه وماصار شيء
ويتصرف وكانه مو مسوي شيء غلط
ترجوني ارجع البيت مارضيت
قلت يعني كلمتوه بدقايق وتبونه يتعدل بيوم وليله
عصب ابوه يعني انا ماقدرت منه
انا قايله له قبل ?يجيب ابوه قلت له بترجع مثل ماجيت يعني ?تفشل اهلك وتتفشل معاهم
وبعدين قال ابوه ماراح ادخل خلاص و? بجي مره ثانيه
بعدها بيوم ابوه اتصل على امي وغير رايه قال انا ولدي ماعنده سوالف بنات و? له شغل بالحريم يعني انا شنو جذابه؟
والله لو يبوني احلف على مصحف حلفت ماحب احد يجذبني وهو ماشاف شيء
وبعدها قعدوا يتصلون ويهددون انه الولد بعد مايكمل سنتين راح ياخذونه مني
ومرات يتصلون ويقطون نغزات الولد بتربيه و? عجزانه عنه
وابوه اخر مره غث امي وقط كلام ويوم جا بعد قط كلام قوي وسكتنا
بس اهله الي يتكلمون عنه حضرته مادري شدوره بالحياه
عصبت ودزيت له مسج قلت له ابوك قايل ماراح يتدخل ليش كل يوم والثاني غاثنا احترمناه لشيبته لكن هو شكله بيكبر السالفه واذا عباله بيخوفني بتهديداته ترا انا ماخاف ا? من الله
والدنيا مو فوضى في قوانين
وانا مو خدامه حاطينها للولد انا امه واولى فيه
وخل ابوك يهتم ببيته ماله دخل فيني
وقلت له اذا كثروا كلام راح اخلي امة محمد تدري ?نهم خايفين من كلام الناس
قلت له الناس كلها بتراب عندي همني نفسي وبس ودام انا ما غلطت بشيء ليش اخاف
وحسبي الله ونعم الوكيل فيك وفيهم
ومن يومها ابوه ما اتصل الحمدالله

بس من ورانا يتلقى ا?وامر منه على باله ما اعرف حركاته

وكلموه اخواني قالوا البنت ماتبي ترجع البيت هذاك و? تبي اهلك تبيها تعال استقر مع ولدك ومنها يبتعد عن ربعه الي يمشي معاهم كلهم من طينه وحده
بس مايفهم والله ابتليت فيه نقول شيء ويرد بشيء ثاني
واهله وراه
واللحين يبون يحرضون اخواني علي
انا وصلت فيني قلت يبي ولده يجي يشوفه ما احد راح يمنعه
انا خلاص مابيه و? ابي اعيش معاه
ولدي بربيه وبعيش حياتي وبقدم على شغل عندي شهاده والحمدلله مابي مذله منه ومن اهله
كل شي متدخلين فيه
مايقدر ياخذ قرار و? شيء يفكر بنفسه وبس
انا وولده شنو بحياته؟ مايفكر بالمستقبل مايحس
انا كرهته قلبي مات من ناحيته
كيف بعيش مع واحد كارهته وما اطيقه
يوم عن يوم يصغر بعيني
? احترمني وقدرني و? عاملني معامله ناس
واهله مستبسطين كل هذا على قولتهم بشنو غلط عليج طقج قلت ? قالوا خلاص دام مايطقج كل شي ءبسيط
شنو البسيط ابعرف هذا مريض نفسي ابد مافي انسان طبيعي جذيه
مو كفو زواج ليش تزوج من ا?ساس
انا شنو ذنبي غشوني فيه ? قبل الزواج و? بعد الزواج تغير
بشنو قصرت عليه بديته على نفسي وصبرت عليه لين تعبت افكر كيف افرحه واسعده وهو يفكر بنفسه وكيف يسعدها على حسابي

تفكيري بالطلاق منه وبس ابعيش حياتي ابي حريتي ابي ارجع مثل ماكنت من الهم والتفكير وزني نزل لمرحله نحافه خلاص
اذا اضحك يوم ايام يعكرولي مزاجي كاني انا الغلطانه مو هو مسوي روحه بريء واهله بصفه ظلموني وجرحوني شيبون اكثر

ياويلي كله بلاوي هذا ان دل دل على بيئة أهله

__________________

لي عودة باذن الله

__________________
انا لله وانا اليه راجعون

ماشاءالله عليك وعلى صبرك

مافيه شي واحد يخليك تجلسين معه

ابعدي ولدك عن هالبيئه الوصخه مع احترامي

بس هذا كيف بيربي

وانتي اساسا ماكنت متزوجه معه

ما اقول الا الله ييسر لك وتفتكين منه


هذا اسلوب الضعفا لإصار شي قالو بنأخذ الطفل يا عمري عليه اصلا للقلاب لشيخ عن حركات أبوه ماعطاهم مارو ولدهم بيربون ولدك. قلبي معك والله

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

اهلي رافضين فكرة طلاقي منه. عشان الولد
وانا مابيه قلت لهم ماقدر اعيش مع واحد كارهته
كلمت اخوانه الي اكبر منه قالوا ما يبون يتدخلون
وهو كل يوم الثاني مأذبي اهلي باتصا?ته ويحن ويزن مثل الطفل
حسبي الله عليه وعلى اهله

لا حول ولا قوة الا بالله
جددتي المي ووجعي على ابنتي
كأنك تتكلمين عن زوجها الله المستعان الله يكون في عونك وعونها على ما بلاكن
هذا ابتلاء يا غاليتي اعلمي ان الله اذا احب عبد ابتلاه فالحمدلله على كل حال ونعوذ بالله من حال اهل النار
لا ادري لماذا يتزوجون مثل هؤلاء الرجال
حبيبتي اعانك الله ووفقك لما فيه خير لك ولابنك
انا اعجز عن تقديم نصح لك بالرجوع او الطلاق ....
ولكن لا املك الا ان أدعو لك ولابنتي بان يفرج الله همكن وهم كل مهموم وينفس كربكن وكرب كل مكروب
واسأله سبحانه ان يبدل حزنك فرح ويختار لك الخير ويسعدك ويوفقك

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

حبيبتي إستخيري الله في البقاء معه أو الإنفصال عنه
واللي فيه الخيرة لك سيسره الله من عنده
حاولي تتقربي الي الله في هذه الفترة وأكثري من الاستغفار
أسأل الله أن يجعل لك من همك مخرجاً

__________________

صبرتي كثير أختي .. جعل الله صبرك في ميزان حسناتك .. لكن ليس ما يؤرقني زوجك بقدر أبنك وحقه في أن يعيش في أسرة مترابطة .. نعم المشاكل والخلافات تحصل لكن بما وهبنا الله به من عقل وحكمة تكون الحلول ولو كانت وسطى الا انها افضل من تفكك الأسرة وابغض الحلال ..
لابد من وقفة حاسمة حتى تستقيم الأمور ويعرف كل واحد منكم ما له وما عليه .. ولو كان والده حكيما لما وصلت الأمور الى هذا الحد .. انتم تفتقدون لشخص محاور يضع الأمور في نصابها.. وابتعادك عنه الآن ربما يغير فيه أشياء خاصة بعد ولاده ابنكم .. لا تسعي للطلاق بقدر ما تسعي لأن يتغير ووضع شروطك امام الكبار من اسرتك واسرته ..
لا ادري ماذا يعتقد البعض عن الحياة الزوجية وطريقة تفكيرهم تدل على نقص في الوعي وجهل تربوي .. هذا كله كوم والنظافة كوم آخر ..