السلام عليكم ورحمة الله وبركاته...

من البدايه مالها داعي ردود الاستفزازيه ترى مب ناقص استفزاز ,, ولا يتحمل اللي يجيه مني...

يا جماعة الخير وربي صار الهم مب فارقني تعبت من هالحياة لاعت جبدي مب عارف الغلط من مين ؟؟؟

لدرجه قبل جم يوم سرت نص ليل للوالده (( الله يطول بعمرها )) والله وعيتها وطلبت منها تتيدد ويبت المصحف لها

وقلت لها أبيج تحلفين أنج راضيه على زواجي من لجين ... المسكينه حسيتها مصدومه ولكن مع أصراري طاعتني وحلفت وقالت يا ولدي انا ما كنت راضيه على زواجك منها مب عشان عيب فيها لا وربي ولكن أنا عارفه وضع البنيه ... ولكن لحين كل ما أسجد أدعيلك وادعيلها أن الله يصلح حالكم

والله عقب ما حلفت حسيت هم وانزاح ...

يا جماعه الفرحه ما شفتها من زمان ,, حتى الفرحه بحملها ورب الكعبه ما حسيت فيها مثل باجي البشر ...

في البدايه ما تقبلت الحمل وتعبت وظليت وياها وما أفارقها الا لضروره ,,, لما تحسنت وهديت...

قلت يمكن زعلت على زواجي الثاني ولكنها ما صرحت بذلك ,,,

الله يشهد زواجي كان غصب والسبب هي ,,, ولما دريت بحملها صحيح كان قبل زواجي ولكن بفتره بسيطه وكنت

محدد موعد زواجي ,,, يعني مب حلوه بحقي وبحق بنت الناس قبل عرسها بكم أسبوع أرد بكلمتي ...

تزوجت وحاولت أني ما أحسسها بشيء وكانت راحتها تهمني .. ظل الوضع من بينا هادي ..

قبل دخول شهر ذي الحجه بيومين توفى عمي ,, وكانها مصيبه طاحت على راسي (( الله يرحمه ))

ظلت بنته فتره على المهدئات لا أكل ولا شرب ولا كلام ,, ويوم عرفه تعبت زياده ودخلوها المستشفى ,,

وعطوها دم لكن مثل ماهي ,, في البدايه نصحتني طبيبه بإنزال الجنين هذه الوضع قالت أفضل لها ,, على الاساس

يقدرون يعطونها علاجات للاكتئاب ,,, ولكني رفضت وقلت لها اذا الله كاتب له ينزل مب معترض ..

المهم بدأت تتحسن ودمها بدا يتعدل ,, رخصوا لها واخذتها للبيت ,, صدمتني أنها مب طايعه تاكل ولا تتكلم ,,

تهاوشت وياها وطلبت اخوها ,, وجاء واخذها وقال خلها كم يوم عندنا ,, ثاني يوم وهو البارحه اتصل وقال تعال

شف حل ويا حرمتك مب طايعه تاكل ,, سرت وأخذتها من البارحه ما كلمتها ,,

اليوم عاد القشه اللي قصمت ظهر البعير ,, انفجرت فيها وقلت لها ارحمي روحج واللي بطنج ...

شنو تبيني وانا مستعد أنفذ..

قالت حزتها طلقني ..........

قلت لها اطلقج ...

موافق

ولكن رب الكعبه مب محللج لو ولدي استوابه شيء

وعقب الولاده بخليه وياج سنتين وعقب باخذه (( لين وصلنا ))

وهي ملتزمة الصمت ..

قلت لها اسمعي اتصلي على اخوج وعلميه بقرارج وخليه ياخذج ...

__________________

الحمد لله على كل حال

عرضت عليها فكرة السفر وقلت لها مستعد لو تبينا نسافر منه تغيرين جو وتتعالجين شهر شهرين أو لو احتاج الموضوع لما بعد الولاده ما عندي مشكله بسير وياج ,,,

ولا ردت بحرف لا قالت اوكيه بسافر ولا قالت لا ,, كاني ويا طوفه ارمس

__________________

الحمد لله على كل حال

الله يفرج همك امين
لا حول ولا قوة الا بالله العلي العظيم
اللي مرتاح بحياته وسعيد يخبرني علشان اروح اجلس جنبه
اللي صار لكم قضاء وقدر
استرجع وقول انا لله وانا اليه راجعون
وعسى الله ان يخلف لك خيرا
واستمر على الاستخارة بطلاقها او لا
واترك الامور لله ولمدبر الامور يدبرها من عنده
احسن الظن بالله
واحسن التوكل عليه
وسوف يجزيك خير الجزاء
من راي اذا اصرت لجين على موضوع الطلاق طلقها طلقة وحدة فقط واتركها ببيت اهلها الى ان تهدء

__________________
انا لله وانا اليه راجعون

رأي حكيم من رجل حكيم
الله يصلح حالك

يا ابو خليفة حبيب قلبي ...
استهدي بالله وانا اخوك ... المره اكيد زعلانه من زواجك ، تري مجتمعنا ما يرحم المره ابدا ،،، بالذات الحريم راح ياكلونها بالسنتهم بعد زواجك الثاني ... ومن ناحية انت تعرف تغيرات الحمل عليها ...

خف عليها شوي و تأكد انها تاخذ علاجاتها زين ،،، و معليش خلك بارد ، استحملها و خلك جنبها ،،، تري علي فكرة حتي لو طلقتها هي راح تتأزم حالتها اكثر و راح يأثر هالشئ علي ولدك ...

حاول تاخذها خارج البلد ، اقنعها بالسفر بأية طريقة لان تغيير المكان راح يساعد تطلعها من حالتها اللي هي فيها ....
ومن ناحية حاول تقنعها تتعالج او علي الاقل انت ممكن تتكلم مع الدكتور بخصوص اية علاجات ممكن تساعدها ... انا سمعت مثلا ان الليثيوم يساعد في تهدئة النفس وآمن جدا للاستعمال حتي ان الحكومة البريطانية تفكر تضع الليثيوم في مياه الشرب ( بسبب انتشار مرض الاكتئاب ) ... ممكن انت تقرأ و تسأل الدكتور عن هالشئ و ممكن يوصفه لك ... شخصيا لدي اخ مريض بالاكتئاب وحالته جدا سيئة و لكن الحمدلله علي كل حال و يرفض اخذ الادوية و الحل الوحيد اننا نضع الدواء في اي شراب يحبه ..
ومعليش اعرف ان الكلام سهل و الفعل صعب ومقدر موقفك لكن استمر بالتودد لها بالكلام الحلو و بالفعل ، لعل الله يهديها وتتذكر ايامكم الحلوة و تتراجع شوي عن موقفها ...

و الله الله بالدعاء لها و بالصدقة ... تري لها اثر طيب و انا اخوك ما تتصوره ....
والله يهديها و يشفيها و ترجع لك ...







نواف

لو كنت مكان لجين ما ترددت بالطلاق لحظة واحده ..
لجين عندها الف حل و حل و الأبواب في وجهها كلها مفتوحة لكنها
للأسف حصرت نفسها في زاوية واحده و عقلها مشلول عن التفكير ..

و لو كنت مكانها فصحتها اولى الولد يجئ غيره المفروض ينزل و تأخذ أدويتهاا

لا حول ولا قوة الا بالله

والله اني اكتب ودموعي بعيوني .. ما مبرد قلبي إلا يقيني بأن قضاء ربنا خير لنا .

لجونه حبيبتي .. استخيري يا عمري .. صلي وادعي ربنا يرشدك للأفضل ... وتعالي أكتبي ... الصمت على طول مو كويس لا لنفسيتك ولا لحل الأمور .. لا تظلي ساكته .. تعالي وقولي اللي بقلبك .

واحنا هنا كلنا نحبك ونسمع لك ..

وأي وقت تحبي تكلميني تراني عندك أنتظرك .. أسمع لك وأفهمك ..


استخير يا خالد .. اقرأ سورة البقرة قبل صلاة الاستخارة .. منه ترتاح نفسك ومنه يكون القبول أكثر لأنه النفس تكون صافية أكثر ..

يا ربي يا كريم . يا رحيم ... يا الله يا حبيبي ... فرج همهم ووفق بينهم واجمع قلوبهم يا مقلب القلوب

__________________

ابو خليفة حبيب قلبي
وين تبي تترك لجين؟ تتركها للدنيا بدري ليه؟ لاتطيعها ترى مهي صاحية!!
والله انا تألمت من خبر الوفاة ولو اني منك لأطيح بحضنها وأبكي وأطلع همومي كلها وبتلقاها تبكي معك لين اطلع كل اللي بقلبها!! مالي قدرة اقاوم هاذي الاخبار.

يابو خليفة لجين زوجتك وشريكة حياتك وبعدها صغيرة والدنيا جدامكم
لا اطلقها ولا اطاوعها ولا تنفذ لها اللي طلبتة!! لاتنزع ايدك منها والله محتاجتلك

تراني اول مرة اتكلم بالطريقة هاذي لأني والله تألمت وما اقوى هالمواقف
ف الله يخليك حن عليها تراهي امسيكينة

__________________
استغفر الله واتوب إليه

لاتطلقها ولاتهددها ولاتعصب عليها هي في وضع اسوء مما يتصور عقلك

الأن فقط هي تحتاجك أكثر من اي وقت مضى

داوم على قراءة سورة البقرة وهي بجانبك

اسأل الله ان يلهمكماا الصبر ويشفيها من كل ماتعاني يارب العالميـــــــن

__________________