اناا دخلت الشهر التاسع وهذا حملي الأول

اخر أيام الشهر الثامن صرت اتالم من ظهري لما اتحرك

والألم للحين مستمر

زوجي يبيني مثل ماكنت في بداية الحمل
اطبخ له غدا وعشا واكوي ملابسه

لما اشتكيت ان ظهري يعورني يتكلم معي بنرفزة وان كل الحريم

يحملون ويسوون هالاشياء

وجلس يقارن بين تعبه من دوامه الطويل وبين تعبي

هو يرجع من الدوام ينام اشوي بعدين نطلع نمشي



من جهة ثانية أمي تبيني اجي عندها علشان ارتاح

طبعا في بيت اهلي راحه ع الاخر

بس اناا محتارة
لما اشوف تصرفات زوجي وانانيته اصير ابي اروح بيت اهلي

بنفس الوقت أتردد لاني مابي اتركه لوحده

خاصة اني بعد الولادة بجلس شهر في بيت اهلي

فانتو وش رايكم

الألم الذي تشعرين به طبيعي و يحدث بأواخر الحمل مع زيادة وزن الجنين
أرى أن تبقي مع زوجك و الذي أراه أن أغلبية الأزواج لا يستوعبون معاناة الزوجة خلال الحمل
لكن حاولي أن تريحي نفسك خلال فترة تواجده في العمل و حتى عندما تكوين له ملابسه حاولي تجلسي على كرسي فترة و فترة تقفي و هكذا و خلال الطبخ استقطعي وقت لتريحي ظهرك و لا تقفي أو تجلسي لفترات طويلة نوعي و تحركي ، فذلك سيساعد على ولادة سهلة و ميسرة بعون الله

ربي يكتب لك ولادة ميسرة و يتم لك حملك على خير و يقر عينك بالذرية الصالحة المعافاة

__________________
[img]http://im33.***********/edShu.gif[/img]

كونهم مايراعون الزوجة أثناء الحمل

مو هذا يعطينا الحق ان نتركهم ونروح للي يراعينا

بدل مكافئتهم وعمل مايريدون

اناا أعرف ان طبيعي الالام بس الي حز بنفسي عدم مراعاة زوجي لي

وأنا ظهري يالمني حتى لو مثلا بتنقل من الغرفة للصالة

ويشتد كل ماطالت فترة الحركة

فكثر الله خيري اني بطبخ غدا وبغسل الصحون

مابي أزيد علي

السلام عليكم لؤلؤة
هل جربتي تبيني لزوجك مدى المك
صعب تكوني تتحملي وهو يفهم بروحه
ما اقصد تشكي او تتذمري لا
مثلا فلم بسيط
دوخه طحي فجأه (بس انتبهي لنفسك)
عشان يفهم ان انتِ فعلا تتألمي وهذا خارج عن ارادتك
صعب تحكيله ظهري يوجعني او صعوبه في المشي عشان يفهم

انا حاسة فيك لاني جربت
وكل من جربت
بس تقرى حروفك تردلها الذاكرة
من قال ان الوحام والحمل سهل ؟
وايش عرف زوجك ان النساء يتحملن
قال الله في كتابه ( ووصينا الإنسان بوالديه حملته أمه وهنا على وهن وفصاله في عامين .............)
يعني مافي مجال يقول مافي تعب او شي
وقوليله يتصل بأمه وتحكيله

اتذكر زوجي في وحامي الاول
كان يكذب كل شيء
وكان وحامي صعب جدا
وعايشة بابر بالتغذيه
وهو يقولي دلع
وانتِ ماتاكلي دلع
وتشمي روائح من خيالك
ومأساة
ويوم قالي انا عمري ماشفتي امي تعبانه زيك او مريضه
ماشاء الله عليها حملت اكثر من12 بطن وما عمري شفتها تعبانه
اصلا مانحس انها حامل ونتفاجأ لما تجي من المستشفى والدة

صراحة حرق دمي يومها
واول لقاء لي مع عمتي وانا حامل
قلتلها فلان قال وقال

والله انزعجت جدا
وقالت وين يندري علي هو
يومه كله في الشارع
والله نطيح ونبكي من شدة الالم
وحكتلي مأساتها

جيت قلتها لزوجي
وقتله اذا مش مصدق اسألها
هههه
من يومها تحسن الحمد لله
بعدها لقى احد اصدقاءة تخصص طب
ومتزوج
فشرحله انها فترة
تمر بها جميع النساء و...........

حملي الثاني كان في الغربه
وكنت محتاجه احيانا بعض الافلام (اكشن^_*)
عشان ايحس

بس انتِ لازم الفلم تأجيه باتقان وما تضحكي او شي
ههه
لا انتبهي وتذكري الالم
واذا قالك نمشو مستشفى او شي
قوليله لا بس خليني مرتاحه ان شاء الله انتحسن

الزبدة استعملي دهائك

والله يسهل عليك ويكون في عونك


وصدقيني انا والله قبل الولادة بساعات
كنت في المطبخ نغسل وانظف
عارفه زوجي مستحيل يلمس شي
والمستتشفى هنا يمسكوك 3 ايام
يعني صعب تخلي المنزل مش نظيف كل هالمدة
والله يعين بس
ويكتب اجرنا ان شاء الله

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

وعليكم السلام

بصراحه مامرة استخدمت أسلوب الحيلة
واتوقع اني ماعرف أعمل كذا

لكن هو شايف كيف اني لما ابي اتنقل من مكان لمكان في البيت
اتمسك بطرف السرير أو الكنب أو أي شي

كمان شايفني أعمل كمادات ساخنه لظهري
وعلمته وش قالت لي الدكتورة لما سألتها عن ظهري

وشايفني كيف اتالم لما اتقلب بالفراش

يعني أكثر من كذا وش يبي

ممكن هو يقول بنفسه كيف لها حيل تمشي المدة الي حددتها لها الدكتورة
ومافيها حيل تسوي الي اطلبه

لكن اناا بمشي وبتحمل الالم علشان اولد وارتاح

وكمان مشكلته بيجلس مع نساء كبيرات بالسن
ممكن نسووا الآم الحمل فيقولون له احنا ماعملوا لنا كذا وحنا حوامل
أو احنا كنا نسوي كذا وحنا حوامل

الله يعين وتحمليه هالشهر لين ماتولدين بالسلامه
الله يسهل عليك

اذا بيستمر هالوضع مااضمن اني اقدر اتحمله

خاصة وان أمي تلح علي اجي عندها

ومجهزة لي الغرفة

وحتى اخواني يطلبون مني اجي

متخوفين يجيني الطلق وزوجي مو هنا الله يحفظهم

أحس اخواني يتحضرون نفسيا لاستقبالي وقت الطلق أكثر من زوجي
رغم انهم عزاب

الا انهم راحو يسألون عن المستشفى وكيف الاجراءات

اما زوجي كمان حاط براسه ان اخواني الي بيودوني المستشفى
لأنه بيكون بالدوام

الله يحفظك يااونا
أنتي الي حاسه فيني



تعرفي بقول لزوجي
تذكر قبل فترة لما نمت مدة طويلة على ايدك وصحيت وهي تالمك

على طول راح الصيدلية يدور علاج
ومرتين باليوم ادهنها له
وبعمله كمادات ساخنه


وكان يبي يلبس عليها هذي الي يلبسها المكسورة ايده
علشان في الدوام مايشتغل ويضطر يحركها

بقوله هذا يد وسويت كذا

فكيف اناا الي ظهري

صار يلف ويدور ويذكرني بداومه انه طويل ويكلمني بنرفزة
وانه مارح يطلب مني شي مرة ثانية

وماسكت الا لما قلت له خلاص اناا بكمل الشهر عند أمي

الله يعينك مصيره يستوعب في حملاتك الجايه

بس اقولك بما انك دخلتي التاسع خلاص فهانت الحمدلله

يعني اسبوع بالكثير الكثير وانتي والدة بسلامة

ترا بعض الرجال تفكيرهم اذا رحتي بيت اهلك من قبل الولادة

ما يخليك تنفسين اربعين يوم زين ان كملتي عشر ايام و يرجعك بيتك

البعض منهم و شفتهم بعيني ما فيه حنيه ابدااا

و بعضهم لا والله شهم و حنون يفهم من نظرة العين انو زوجته تتألم

يراعيها و يحن عليها و يخدمها بعد >> راحو الطيبين

الله يسهلها عليك انا لو منك و هذا وضعه احاول


اسرع الولادة قدر المستطاع اشرب حليب زنجبيل و امشي كثيرر

عشان اولد و اريح راسي هههههههه


الله ييسرها معك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ربي يسمع منك وتتسهل ولادتي
اناا بحاول امشي مثل الوقت الي حددته لي الدكتورة

عارفة ان زوجي ماوده اروح من الحين بيت اهلي لكنه
مايقولها صراحه

يعني لو قررت اروح مارح يجبرني اجلس

واتوقع حتى بعد الولادة مارح يجبرني ارجع قبل شهر