السلام عليكم ورحمة الله
ما عرفت أي قسم أنسب لموضوعي .
عموما كل عام وانتم بخير

مشكلتي تتعلق بعلاقتي بزوجي تحت تأثير مسؤوليتي كأم وأيضا علاقة زوجي بأولادنا .
خاصة الفترة الأخيرة أحس نفسي واقعة بينهم وجالسة بمكان مو مكاني ...

وكون أغلب المتواجدين هنا بالعشرينات والثلاثينات فقلت لنفسي أكيد لسه متذكرين شعور ومنطق ابن ال18 وبنفس الوقت أغلبكم أزواج وأباء فبرضه فاهمين شعور الأب المسؤول .

الموضوع وما فيه هو علاقتهم بأصدقاءهم والطلعات المترتبة على هذا .. وعلاقتهم بوالدهم وبالأسرة بشكل عام .

زوجي يحس أنهم مقصرين تجاة العائلة سواء الممتدة أو الصغيرة وهم حاسين أنه يبالغ وأنهم مهما عملوا ما في شيء يرضيه .
والصراحه أشوف انه الاثنين معاهم حق ..هم فعلا ممكن يكونوا أحسن لكنهم مو سيئين لهالدرجة وفعلا والدهم يطلب شيء جديد بكل مرة ينفذوا له طلبه بدال ما يشوفوا منه مكافأة .
هو ما يقصر فيهم من ناحية الأمور الأساسية وغالبا يعطيهم لكن دائما ينشف ريقهم قبل ما يعطي .. هو يفهمها أنه من باب الحرص وأن الولد لو كان معاه بزيادة ممكن يدخن وممكن يحشش وكل حاجة
وهم يشتكوا من الحرج أمام أصحابهم كون اللي معاهم دايما عالقد أو أقل شوي .
اذا ناقشوا أبوهم يتضايق جدا ويحس بالظلم لأنه شايف انه معطيهم بزيادة ويجلس يذكرهم باليوم الفلاني لما طلبوا منه للمخيم الكشفي أو للمخيم الفلكي أو أو ...
وبنفس الطريقة موضوع السماح لهم بالطلعات ... يطلعوا بشكل يومي مع أصحابهم لمدة 4 ساعات على أقل تقدير خلال العطلة والان برمضان وبعطلة نهاية الأسبوع بأيام الدراسه ... لكن أغلبها لبيوت أصحابهم أو مكان قريب يلعبوا قدم او سله
لكن لو طلب واحد منهم الاذن بأن يفطر مع صاحبه لأنه عزمه أو يطلب الاذن لطلعة لمكان عام ما يوافق لهم إلا نادر . يخاف عليهم . صاروا يكذبوا عن المكان اللي رايحين له حتى يقدروا يروحوا

طول الوقت شد وعصبية والبيت كله مولع ونكد على هالمواضيع .. ليه ما جلستوا معي ؟ ليه ما رحتوا معي ؟
وهم متضايقين من أسلوبه خلال الجلسه او الطلعه معاه لو طلعوا لأنها كلها توجيه ونقد ... كانوا زمان يسمعوا مني ويروحوا ويتحملوا .. الان وصلوا لمرحلة يرفضوا ويقولولي مافي فايده وما راح نعجبه مهما عملنا .

وهو وصل معاهم لمرحلة يأس ويقولي انتي تصرفي معاهم .. هذولي ما تربوا وأولاد شياطين وكفره وووووو

__________________

ابلة بيتا ..

ياخوفي في الاخير بيصيروا مثل زوجي مع ابوه ..
ابو زوجي كذا .. حريص بزيادة و هو لمصلحتهم ..

لكن الابن ما يشوفه حرص ..
يشوف انه سجن و تقييد ..

الله يعينك ..

لو مكانك .. احاول اقنع كل طرف بوجهة نظر الطرف الاخر و اقرب مابين افكارهم
ثم اتركهم يتعاملوا مع بعض .. و ما اكون وسيط بينهم ظاهريا ..

قاعدة أحاول أشرح لكن معندين الجهتين .. كل واحد يقول مافي فايدة .. حاولنا وما يوفي بوعده ..سواء زوجي يقول عنهم ما يتموا ماشيين صح لأنه التغيير مو من داخلهم وما يتصرفوا الا تمثيل عشان ياخذوا طلباتهم
وهم يقولوا يوعد وما يوفي ومهما سوينا حتى ابتسامة ما نحصل منه .

لكن بتم أحاول لعل وعسى .

من شوي قلت لهم انسوني أتم واقفة بينكم ..اعتمدوا على نفسكم واحسبوني مت .... أول كان أبوكم مشغول وما تعودتوا على بعض والان صار وقت تتعرفوا وتتعلموا على أطباع بعض ... حسيت وكأن كلامي كان له أثر

__________________

يا حبيبتي يا أم بلال والله اقرا واضحك اقول
حتى الحلوين اللي في الأردن زي حالنا
عارفه والدي حريص كذا بس كنا نعرف نسايسه
وناخذ اللي نبغاه منه ومره ننجح ومرات نفشل
بس ماكان فيه واسطات بيننا وبينه وفهم علينا اكثر
وصار عارف جونا وفاهم نفسياتنا صار قريب قريب
مننا .... واحنا فهمنا عليه وايش يبغى بالضبط
فنعطيه اللي يبغى واذا زركن معانا قلناله تذكر فعلنا
عشانك وعملنا وتنقلب الجلسه أحيان شكاوي ودموع تماسيح
ونقوله خلاص ماعاد نوفي معاك انت وعدت وماوفيت
المهم كنا نسوي فيه مقالب وهو يرجع الطابق مطبوق
ويجلس يضحك انه زعلنا واخذ حقه
اكتشفنا انه بس يبغى يعرف احنا ايش نسوي لما
نغيب عنه.. مين أصحابنا ... لازم برنت كامل
ما يعرف يعيش الا واحنا حوله نشاركه كل شي
نسولف معاه نضحك معاه نركض في البيت ونلعب سوا
انت اعطي عيالك استراتيجيات التعامل معاه
وسيبيهم وريحي راسك وخليهم هم يخارجوا نفسهم
معاه ولازم زي ما ياخذوا يقدموا ولازم يرضوه مهما حصل
ويحطوا في بالهم انه اذا ضحك معاهم شوي وصاروا أصحاب
مو معناته راح ينسى مهمته الأساسيه كأب ..
راح يبقى يراقب ويقدم اختبارات واللي يسقط الله يساعده....

ما راح توصل للضحك لكن المبدأ عجبني وفعلا غاب عن بالي أنبههم له .. لو حسوا انه ريح شوي وما عاد معصب فمو معناه أنه وقف اختبارات

__________________

يا الله .. مابغى اخوفك ..
بس نفس طريقة زوجي و اخوه مع ابوهم ..

كانوا يستغلوا فترة الصلاة .. عشان يهربوا من الببيت ..
يقولوا رايحين نصلي جماعة و يخرجوا و يرجعوا بعد ساعة او ساعتين و لو سالهم فين تاخرتوا
قالوا السيارة تعطلت و وديناها للميكانيكي ..

و صار الكذب عندهم مخرج لكل شي ..

انا حماتي كانت تعرف انهم يكذبوا على ابوهم .. و تعلمهم ..

صاروا يكذبوا عليها هي كمان ..

.
.

لكن انت ماشاءالله .. اتمنى يقتدوا بك ..
و ايش راح تعملي ؟

احس اغلب الرجال كذا مع اولادهم : (

والله يا روح مرات أداري عليهم لكن أظل على أعصابي ولما يرجعوا أقول لهم أنا ما عدت أتحمل ولا أقدر على ضغط الأعصاب هذا .. من أول رمضان وأنا مضطرة أسهر كل ليلة وانا عالتليفون اتابع معاهم ..متى بترجعوا ؟؟ ويالله بسرعة .. وأكلم أبوهم أخفف وأذكره بايجابياتهم
ولو نمت وما تميت متابعه راحت عليي وصبحت على طوشه

وأحيانا لساني يسبق تفكيري وأقول الصدق وأخرب عليهم فصاروا هم من نفسهم ما يحبوا يخبوا عن أبوهم لكن برضه تضيق نفسهم وينقهروا لأنه ما يقتنع ويوافق وبنفس الوقت مو قادرين على الكذب لأنهم ما حبوه وأحسهم يستصغرون نفسهم لما يكذبوا .. يحسوا انهم يعني صاروا رجال والكذب ما يتوافق مع الرجوله . ربي يسعدهم

أحيانا أصبر نفسي وأقول خلاص مو باقي غير هالسنة الجاية وبعدها الجامعة فيها مساحة حرية أكبر .

__________________

الجيل تغير
الحين خروجيات وصرف مش مثل جيلنا وانا ثلاثينيه لما اقارن نفسي بهالجيل الفرق شاسع والممنوعات بعصرنا اكثر
كثره الخروجيات وغيره اذا مع صحبه صالحه خلاص لا تضيقوا عليهم لا تصير النتيجه عكسيه
انا اقول راقبوا قبل ان تحاسبوا
ان لقيتو خطا عاقبوا
عطوهم ثقه ومساحه حريه

المراقبة ومساحة الحرية تحتاج جهد من الأب ووقت ... وأحس أن زوجي ما تعود يبذل بهذه الزاوية من زوايا الحياة .. تعود على عمله ومجاله الاجتماعي ويحس أن الأولاد مسؤوليتي أنا . وبنفس الوقت ما يثق بكلمتي لو قلت له هذي صحبة صالحه

لكن يا متفائلة حتى أنا أحس أن خرجياتهم كثيرة ومو قادرة على التغيير هذا اللي صار .. أقول لهم مرتين او ثلاث بالأسبوع كافي خلال العطلة .. مو داخله مخي طلعة كل يوم .
أكبر أولادي من عمرك وفعلا ما كانت هالمساحات هذي وكان الولد بالبيت تحت عيني مرتاحه .. الان صعب ومو قادره أبلع التغيير هذا .. دوم يقولون لي كل أصحابنا يطلعوا أكثر منا واحنا اول ناس تروح ... أقول لهم أكيد في ناس أقل منكم فلا تطالعوا الأكثر منكم وطالعوا الأقل منكم .

__________________

زوجك واضح انه عصبي جداً جداً طالما المواضيع
فيها عبارات من العيار الثقيل.. لازم يعرف حدوده
الشرعية وبعدين لازم يفهم انه في حاجتهم وكذا
راح يفقدهم ويمكن للأبد.... وقفيه على مصالحه
الشخصية يمكن يعتدل..