السلام عليكم ورحمة الله وبركآته
أولاً أحب أشكركم عل هالمنتدى الرائع ..
واتمنى ألقى عندكم الحلول اللي تحل مشكلتي من بعد الله
يااخوان تكفون ساعدوني
والله اني في هم ما يعلم به إلا الله
ومو عارف من وين أبدآ
تأنيب الضمير ذبحني

انا متزوج من 3 سنوات ، انا من السعوديه وزوجتي من الإمارات
تزوجنا عن قصة حب والحمد لله الله جمع من بيننا
بالأول أبي أقول لكم عنها ثم عني
هي مو مقصره معاي ، أبد
من كل النواحي ما قصرت معاي
يعني من الناحية الخاصه ( أقصد العلاقه الخاصه من بيننا وقت النوم )
مو مقصرهـ أبد ، مهتمة بأنوثتها ونظافتها وكل شي
من الناحية الإجتماعية ( علاقتها بأهلي تمام التمام ، رغم انها مو اجتماعيه مره )
من ناحية الطلعات والسوق ( ما تحبه أساساً ، وطلباتها جداً بسيطة )
من ناحية الوظيفة ( ما عمرها قالت انا جامعية وابي أتوظف زي كل البنات ، بالعكس ، ربة بيت من الدرجة الأولى رغم ان عمرها 23 )
ما تحب الشغالات ورافضه هالشي نهائيا ً
يااخوان والله لو أعدد ايجابياتها ما بخلص
مزيونه ماشاءالله تبارك الله
لكني ما أستاهل هالنعمه والله ما أستاهلها

بالنسبه لي انا الحمد لله ما قصرت معاها بـ شي وبشهادتهـآ
طيب وحنون بـ طبيعتي
بس مشكلتي عصبي مرره وغييور بشكل مو طبيعي
أغار عليها من كل شي

عارف اني طولت عليكم بس عشان تكونون عارفين التفاصيل المهمة

تخيلوا بعد سنه من زواجنا ، رحنا نكشف انا وزوجتي لـ نعرف سبب تأخر الحمل ..
مع اني أصلا ً ماابيها تحمل من أول سنه لكن هي أصرّت نروح نكشف
المهم ، رحنا وطلعت النتيجة ( اني عقيم )
رضيت بقضاء الله لكن كانت مصيبتي هي ، خفت انها خلاص تطلب الطلاق والله بموت لو سوتها
لكن تفاجأت بإنها لما رجعنا للبيت ، ضمتني وقالت ( إذا العيآل مب منك مـآأبيهم )
تخيلوا ، والله ان دمعتي نزلت بـ ذيك الليله وحمدت ربي ألف مره على هالزوجه

عشنا مع بعض والله ما أبالغ إن قلت إننا أسعد زوجين
عمرها ما فاتحتني بموضوع العقم .. ولا جابت هالطاري أبد عشان ما تضايقني مع إني أعرفها تموت بالأأطفال


لكن
البلا فيني انا ، من بعد كل هالتضحية عشاني
خنتها .. إي أعترف خنتها
تعرفت على بنت من النت وتوطدت علاقتي فيها ووصلت للجوال
لا تسألوني ليه ، والله اني مو عارف ليه سويت كذا
هي عرفت ، لما مرة طلعت من غرفة النوم في الليل ورحت للصاله أكلم هالبنت
وليتني ما طلعت ..
بعد ما أنهيت المكالمة ، وقمت أبي أرجع للغرفه شفتها واقفه تناظرني والدمعه على خدها وساااكته ما قالت شي

المشاركة الأصلية كتبت بواسطة مرام سعود لا تعترف بتفاصيل العلاقه كامله اعطيها روؤس اقلام اي شي تطلبه من تغيير رقم جوال نفذه بدون نقاش جيب لها هديه جداااا غاليه تستاهل الغاليه اجلس اترجاها ترضى عليك مليون مره واذا جت تتكلم لا تسكتها خلها تطلع كل اللي في قلبها والله يعينك على اللي جاي الخيانه الله يكفينا شرها تحطم كل شي حلو بين الزوجين وانت شكلك ضعيف ايمان الصلاه تنهى عن الفحشاء والمنكر شوف كيف علاقتك بربك الله يسهل لك

المشاركة الأصلية كتبت بواسطة أعشقها مو راضيه تتكلم يااختي .. إذا سألتها عن شي ، تجاوب بـ شكل بسيط وتسكت لنا شهر كامل ، جا رمضان وانا للحين ما راضيتها أبي أترجاها بس أحس عزة نفسي ما تسمح لي في شي يردني

المشاركة الأصلية كتبت بواسطة مكلومة لا ولك وجه تتكلم عن عزة التفس!!!!! يا أهي إنت ذليتها وأهنتها في عقر دارك وتتكلم عن عزة التفس. غلطان وندمان ومتكبر غرورك مانعك من اﻹعتذار،،، سبحان الله. يا أخي نفسك أمانة وضعها الخالق بين يديك،،وخنت اﻷمانة،، الزوجة أمانة في عنق الرجل،، وخنت اﻷمانة،، ماذا عن علاقتك ببنت النت؟هل مازلت مستمر معها؟ يا أخي إذا إنت ندمان أصلح مابينك وبين الله،،يصلح الله مابينك وبين زوجتك.. يا أخي ،اقطع العلاقة من أجل الله،،واجعل رادعك هو الله،، يا أخي مافعلته زنا زنا زنا زنا،،، يعني لا تستتهين،،،، يا أخي تب إلى الله واستشعر عظم ذنبك واستغفر ربك. إن كنت تائب ونادم ولن ترجع لهذه الرذيلة،،، اعتذر لزوجتك واستسمحها وراضها بالشئ الذي يرضيها ويريحها،، نفذ كل طلباتها وحقق كل رغباتها،،وشوف اش يصير معك وخبرنا،،عشان نساعدك ونفكر معاك. الله يهدينا أجمعين.

المشاركة الأصلية كتبت بواسطة أعشقها والله اني ندماااااااااااااااااااان ندمااااااااااااااااااااااان غيرت رقمي ، وقطعت العلاقه مع البنت والله ما تعدى اللي بيننا غير الجوال بس خايف تكون شاكه بـ شي أكبر والعياذ بالله صحيح علاقتي بـ ربي ما هي ذاك الزود بس ان شاء الله ربي يهديني وأرجع له ولها ما هي راضيه تتكلم معاي حتى أعرف طلباتها جبت لها طقم ذهب .. طلعنا تعشينا برآ بأرقى المطاعم ، طلبت منها تسامحني بس مره وحده .. ولما لقيت منها الصد ما طلبت مره ثانيه والله قلبي يتقطع عليها خايف يصيرفيها شي من سكوتها وكتمانها

المشاركة الأصلية كتبت بواسطة مكلومة لا ولك وجه تتكلم عن عزة التفس!!!!! يا أهي إنت ذليتها وأهنتها في عقر دارك وتتكلم عن عزة التفس. غلطان وندمان ومتكبر غرورك مانعك من اﻹعتذار،،، سبحان الله. يا أخي نفسك أمانة وضعها الخالق بين يديك،،وخنت اﻷمانة،، الزوجة أمانة في عنق الرجل،، وخنت اﻷمانة،، ماذا عن علاقتك ببنت النت؟هل مازلت مستمر معها؟ يا أخي إذا إنت ندمان أصلح مابينك وبين الله،،يصلح الله مابينك وبين زوجتك.. يا أخي ،اقطع العلاقة من أجل الله،،واجعل رادعك هو الله،، يا أخي مافعلته زنا زنا زنا زنا،،، يعني لا تستتهين،،،، يا أخي تب إلى الله واستشعر عظم ذنبك واستغفر ربك. إن كنت تائب ونادم ولن ترجع لهذه الرذيلة،،، اعتذر لزوجتك واستسمحها وراضها بالشئ الذي يرضيها ويريحها،، نفذ كل طلباتها وحقق كل رغباتها،،وشوف اش يصير معك وخبرنا،،عشان نساعدك ونفكر معاك. الله يهدينا أجمعين.