السﻻم عليكم ورحمة الله وبركاته..
لو سمحتوا بدي اسألكم عن موضوع وارجو منكم تجاوبوني وتدلوني ﻻني زهقت ومليت وموعارفة شو اعمل..
انا عندي اخ اكبر مني متزوج .. ساكن مع زوجته بشقة مستقلة بعيد عنا .. المهم انه كل لما ييجوا لعنا ازا انا ماقعدت مع مرته اخوي بيتزمر ومابيطيق يتطلع بوجهي وبيسير يسمعها كﻻم انه هيه متحمللللة ومظلومة ومنيح انها جاية عنا !!!!
والله العظيم لما مااكون قاعدة معهم انه بسبر اخوي يقول يﻻ خلص بدنا نروح ! كانه انا صاحبة البيت مع العلم انه ماما وبابا بكونوا قاعدين معهم علطول وبرضو مابتحكي مع ماما بتضلها عينيها بجوالها وبس..
مع العلم بانه زوجته من النوع الي مابتتكلم معنا اﻻ يادوب كلمات عن مشهد بمسلسل او جملتين عن موضوع عام يعني والله بتطلع روحي وانا قاعدة معها بسير انا اكلمها وهيه كانها ضيفة وازا ماكلمتها مابتحكي !!!! مع العلم انه الهم سنتين متزوجين وعندهم بنت يعني مو جديدة ..
ومو راضية تعاملنا بدون حواجز ﻻزم تحط حواجز بالكﻻم يعني لو بدها من حدا فاين تحكيله ممكن لو سمحت تعطيني فاين !! وتاخدها ولما تستعملها تقول وين اكبها !!!!! .. ازا بدها تصلي تقول ﻷخوي تاخرت عن الصﻻة ياربي مو عارفة وين اصلي يافﻻن "عن اخوي" بدي اصلي ويسير اخوي يقلها تعالي خبيبتي صلي بهاي الغرفة تعالي !!!! ويسير اخوي يطلع فينا كانه احنا مانعينها تصلي !!!!! هادا مثال بسيط .. شو هالهبل هادا عم تحط حواجز عمدا لتبين مسكينة ومظلومة شو هاد !! حكينالها مليون مرة تغير من تصرفاتها هاي معنا بس عالفاضي ..
بتتصرف معنا كانه ضيفة بالزبط ..
مع العلم انه وﻻمرة قامت واشتغلت شي بالبيت عنا اﻻ ازا كنت انا عم اجلي جلي الغدا بتيجي تساعد اما غير هيك مابتجلي جلي الغدا ابدا مستحيل تعملها .. ولو شي يوم شربنا شاي او قهوة او عصير وهيه موجودة بتقوم تجلي الكاسات وبسير اخوي يركض وراها من نفسه يجلي عنها ! وبحتقرني بنظراته ! وباجي اجلي معها الكم كاسة هدول تخيلوا !
يعني حتى بهالشي ماعم نحس بوجودها فيه ..
ياجماعة زهقت مليت مليييييييت من هادا الهبل والله مليت مو معقول هالوضع طيب انا مرات بكون تعبانة او مودي معكر او بكيانة مابحب اطلع من غرفتي .. ﻻزم اطلع ﻷقعد معها !!!!
مع العلم انه لي اخت متزوجة وانا البنت الوحيدة بالبيت هﻻ وفي اخ تاني دايما بغرفته يعني ﻻتقولوا يمكن مستحية منه ..
ياجماعة ارجوكم احكولي انتوا كيف بتتصرفوا لما يجيكم اخوكم ومعاه مرته ؟
انا بعزر يمكن تحسوا الموضوع سخيف ... بس عنجد متدايقة من هالوضع ..كتير
دلوني هل انا غلطانة ؟ هل عليي الحق ؟ شو اعمل عنجد مليت منها .

__________________
الحمدلله على كل حال ..
الحمدلله دائما وأبدا ..
♥

قد تكون هي من النوع الذي لا يتحدث كثيراً
الواجب هو كرم الضيافة و احترامها كزوجة اخيك

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

اخ امين احنا بنعاملها احسن من اهلها لعلمك ..
ومابنقصر بشي والله يعلم..
بس اسمحلي اقلك هي مو ضيفة ..
الكنة متل اﻻبنة .
بعدين ازا هيه من النوع الي مابتحدث كتير ليه تشكيني ﻻخوي !!بماانك ماعم تكلميني اﻻ ازا كلمتك .. بتروح تشكيله اختك ماقعدت معي اليوم ودخلت غرفتها

__________________
الحمدلله على كل حال ..
الحمدلله دائما وأبدا ..
♥

كم مرة تجيكم هي ؟
لانه على حسب

احيانا بيجوا كل يوم واحيانا 3ايام باﻻسبوع

__________________
الحمدلله على كل حال ..
الحمدلله دائما وأبدا ..
♥

زي ما قال الجميع ما عليك الا بالواجب وبس ‏
واذا ما عجبها الوضع ما تنط عندكم كل يوم ،‏ واذا اخوكي حابب يدللها يدللها ويدلعها ببيته ‏
مش معقول عايزك تسوي ايش يعني بس تحرسيها وهي ماسكه جوالها ‏

واذا اخوك سألك مره تانيه قولي له كل شي

بس بتشب النار بينكم واحتمال مسكنتها قدامه عمته عن كل شي ،‏ شغاله تلعب على الوتر الحساس

حاسبي يا اختي والله اذا انفتح باب المشاكل ما ينقفل ‏

اذا الوضع ما يعجبها تجي مره بالاسبوع كفايه جدا واخوكي اهلا بيه في اي وقت ‏

انا اسوي كده مره بالاسبوع مع انه بيتهم قريب مني لكن ماحد فينا يطيق الثاني فاختصرت نفسي اروح زياره خفيفه بس واخوهم في اي وقت يروح هو حر


مره تانيه حاسبي كثييييرا من فتح باب للمشاكل ‏

موفقه

__________________




سبحان الله وبحمده ♥
سبحان الله العظيم ♡
♥♡♥♡♥

في ناس طبيعتهم ما ينكسر الحاجز اللي بينهم بسهوله قد يستمر سنوات ومرت اخوكي باين عليها من هالنوع

حل قد يفيد بيقولوا من الغباء ان الواحد يستخدم كل مره نفس الطريقه ويتوقع نتائج مختلفه في كل مره

فانتي حاولي تكسري الحاجز مع مرت اخوكي بتغيير اسلوبك اكثر من مره الى ان تصلي لمفتاحها
وانت غير ملزمه بهذا الفعل الخيار راجع لك*

اعزروني ياجماعة كتابتي ملخبطة ..
ﻻني مقهورة كتير معقول بهالبساطة اﻻخت تسير غريبة !
اول مامرته تشكيله ينفذ ! ويسدق!
مع العلم انه بنحترمها والله يشهد ماعمرنا زعلناها بشي .
بس انا ماعاج فيي اتحمل هالوضع احكولي كيف اتصرف
اخوي يدقق على ادق تصرفاتي .. حاسة حالي مو مرتاحة ببيت اهلي منهم..
الله وحده بيعلم بالقهر الي جواتي

__________________
الحمدلله على كل حال ..
الحمدلله دائما وأبدا ..
♥

كم عمرك ريماس العزيزة؟

__________________
[img]http://im33.***********/edShu.gif[/img]

شوفي ياقلبي برأيي الحق معك
والله أخوك إن كان حابب يدلل زوجته ،،، لا إنت ولا أهلك ملزومين تدللوها،،،
واجبكم احترامها والواحب ناحيتها فقط لا أكثر،،
بكل احترام وتفاهم خبري أخوك باللي نفسك وبالنهج الصحيح اللي كل البشر ماشية عليه.

والله أخوك نسخة من قريب لي يرفع الضغط.
أكره الرجل اللي يمجغ زوجته على المﻷ،،،، وبالذت قدام أهله.