السلام عليكم
صباح النور
انا عندي مشكله وحابه استشيركم فيها , انا متزوجه وعندي اطفال مشكلتي انا ساكنه مع اهل زوجي
وزوجي الولد الوحيد بين 5 بنات المشكله ام زوجي الله يسامحها هي سبب كل مشكله بيني وبين زوجي دايما تزعل من ابسط شي لو اطلع 3 مرات بالاسبوع تزعل طبعا تجيب الزعله باسلوب يخلي من حقها تزعل لو اشترالي زوجي شي للبيت تزعل لو عزمتها ورفضت تجي ليش ماارجع اعزمها واعزمها واعزمهاعشان تتنازل وتوافق ودايم تحسس زوجي اني مسيطره عليه وابي امشيه على كيفي وانه مدلعني مره ودايما تحاول تظهر انها مسكينه وبناتها مساكين سواء المتزوجات او اللي مومتزوجات مع العلم انهم يلبسون افضل مني ويطلعون اكثر مني ويتمشون وعايشين حياتهم بالطول والعرض لكن لما يكون زوجي عندهم يكذبون عليه ويخبون عليه ويسون ارواحهم ضعوف وازواج بناتهم صعبين وبناتهم مساكين والي ماتزوجو يسوون انفسهم مساكين مايطلعون ولايتمشون ولايشترون شي
فزوجي يشوفني انا القويه الي ماخذه حقي ثالث ومثلت ومدلعه نفسي وعيالي لاني مظطره اطلب كل شي منه لان اهلي بديره بعييده وهو خييييااااال زوجي قلب علي صار يكرهني بدون سبب وانا والله عارفه انه كلام اهله السبب اناافهم من ملامح وجهه وش السبب وكنت اطنش اطنش لين يجي يقولي امي قالت وقالت وتشرهت علي ومدري ايش يبيني اعذرها يعني
وهذي مره او مرتين الي يقولي ويصارحني اما الباقي يجي يحقرني ويحقر عيالي ويرفع صوته علي ولو اقوله ابي مصروف سوق يعطيني ميتين ؟؟ او 3 ميه اشتري لي اغراض ولعيالي للعلم حالته الماديه جيده جدا
المشكله الان ان زوجي من كثر النق اللي انا ماشهدت عليه باذني لكن متاكده ميه بالمييييه لانه تغير زوجي علي بدون سبب ينفخ علي وكلمة لا جاهزه واذا كان زعلان تصير امه زعلانه علي !! بدون سبب
انا تعبت جدا جدا زوجي كل شهرين زعلان بدون سبب لكن انا افهم انه كلام عني ويبي يثبت انه مايخاف مني وانه له سلطه علي لكن للاسف فاهم غلط اانا موعارفه وش يقولون بالضبط عني لكن متاكده يتغير زوجي علي بسسبهم لكن كيف الله اعلم هل هم يصرحون او يلمحون يكذبون او ايش بالضبط ماعرف
جالس يحرمني ويحرم اولاده من حنانه ومن عطفه ومن حقوقنا تمشيات وطلعات ولو طلعنا لازم كلام يجرح واسلوب سيء
مع انه نهاااائي ماكان كذا ابدا ابدا , ايضا انا اصبحت اغاار لما اشوف اخواته ودلالهم وعيشتهم الهنيه ماشاء الله مع ازواجهم اللي يخبونها على زوجي بتخطيط ام زوجي ويقلبونها جحيم لما يكون زوجي فيه
صار قلبي يعورني واحس بالحزن على نفسي وعلى اولادي ولالي احد بالديره هذي اهلي بديره بعيده ومالي الا الله ثم زوجي يعني ماقدر اسوي مثلهم واتمسكن عند زوجي وانبسط من وراه
تعبوني وتعبت نفسيتي لي يومين عيوني حمرا كل شوي ابكي والله شكلي يحزن فجاه ابكي بدون سبب من القهررر
تخيلو بدون اي سبب يسوي حركات زي يجلس طول الوقت عند امه ويجيب اغراضنا ويطلع على طول لامه يهملنا ويسوي روحه مو طايق الجلسه بالبيت كل هذا عشان يثبت لهم اني مااهمه ابدا لما يشتري اي شي لاولادي يتعمد يجيب غراض لبنات اخواته ويعطيه عيالي يقول هذا للبنات عماتكم يعني مستحيل يدخل علينا بالبيت بشي خاص لما يشتري غراض مطبخ يتعمد يخلي بعض الاغراض مفككه وناقصه يقول قابلتني بنت اختي واعطتيها او امي اخذت
اللي ضايقني اكثر ان عيالي اطفال صغار من 3 سنوات وفوق وبدو يحسون بالوضع ليش بابا مايجي عندنا ليش مايطلعنا ليش وليش وتصدقون ان الحنان والدلال لبنات اخواته واولادهم عشان خاطر امه وماشاء الله مو ناقصهم ابدددا لادلال ولاحنان ولاماااده بس موعارفه ايش الكلام الي يتقاله عشان يحن على بنات اخواته الحنااااان الفضيع الي ماحنه على اولاده ورب البيت
واولاده والله مايدري عنهم يطلع وهم نايمين ويرجع وهم نايمين ودايما اذا طلبو شي يحس انا اقولهم واعبي راسهم يجلس يتهزا فيهم ويرفع صوته عليهم ويرد رد كانه على واحد بالغ ! يتمهزا ويلمح !!
انا تعبت خصوصا اني ماني من النوع الهاديء والي ارضى بالبسيط لا مشكلتي حتى احط راسي براسهم واجلس اقوله ابي مثلهم وابي اطلع زي ماطلعوا وابي البس مثل مايلبسون علشان اذا مايدري عنهم ويسون نفسهم مساكين عنده يفهم ويصحصح لكن للاسف مخه مايفتح الا عندي ويجلس يرفع صوته وانتي تكرهينهم مالك دخل فيهم وانا انقهر مره اشوف وش يلبسون ووين يطلعون وكيف لبس اولادهم وقدام زوجي يكذبون عليه العكسس تماما ... تعببببت مره وياست وقرفت لنا شهرين على الحاله هذي يطلع ويدخل لا يناظرني ولايكلمني انا نفس الشي مااكلمه ولاشي مليت منه اسوي الواجب وبس القهر ان امه شغلتها تدور الزله علي لاو زعلانه علي ولاتكلمني !! وجيت زرتها ولاتطالع فيني ولاترد علي تخيلو !! السبب : مادري !
مادري هي وش تبغى توصله هي وبناتها
ولاادري وش تبي بالضبط من كل هذا
ولاادري زوجي وش في مخه وش يبي يوصل
ولاادري انا لاي مدى راح اصبر
شوركم لاعدمتكم
ومهم ابي تفسير الرجال على هذا الوضع وعلى شخصية زوجي !!
ابي اعرف هل هو نقص مني او غباء الي خلاني ماقدر اكسبه !!
او انه ضعف في شخصيته
او ان ذكاء من امه واخواته
ماني عارفه خلاص قفل مخي من هذي العايله
في النهايه حابه اقول شي ام زوجي تحب اولادي وتدلللهم جدا وتدعي قدام زوجي انهم اغلا من اولاد بناتها وانا افول تدعي لاني ماني غبيه ... وزوجي الي هو ولدها اغلا عليها من عيونها اكيد وانا الان الي صرت غير مرغوبه
انا افكر اني اريحها واجيبها لها من الاخر .. واطلب الطلاق بكذا اولادي يعيشون معاهم بدلال وعز وزوجي يرجع لحضن امه الحنون وانا القالي حضن زوج رجل بمعنى الكلمه مو ذكر للاسف
شي اخير ام زوجي في كل شي تسبب مشكله لو قلتلها بسافر لاهلي عادي تضحك في وجهي وتقول الله يحفظك ومن وراي تزن باذن ولدها لاتوديها تعب عليك مادري ايش خل اخوها يوديها ومن الكلام هذا لما يجيني عنتر بن شداد ويقولي مو فاااااضي !!
ولو ولدها يجي معي عند اهلي تزعل ولو جلس عندها واطول عنند اهلي تزعل ماتبي زوجي يجلس على قلبها وقت طويل !!
طبعا ماتصرح بذا الشي لالا كلها دسدسه ومن تحت لتحت وكل مايحصل هذا بدون مواجهه يعني نفاااق قدامي تضحك وتسولف وتدعي انها تحبني ومن وراي كل هذي الاشياءوالمشكله هي مو بحاجه لزوجي ولدها عندها ماشاء الله عمي ابو زوجي تحت الخدمه مو مقصر لامعها ولابناتها وعندهم سواقهم
وش رايكم ياجماعه هل يجوز لوحده مثل وضعي الطلااق عشان نفسيتي اللي تحطممت؟؟
للعلم خروج لبيت مستتتقل مستحيييييييييييييل

أختي سبب مشكلتك ضعف شخصية زوجك و ذكاء أمه و إخوته ﻷنهم عرفوا نقطة ضعفه و يضغطون عليه حتى يحس بالذنب و يحاول يعمل جاهدا حتى يعوضهم عن معاننتهم و ينسى أنه يفعل نفس الشيئ مع زوجته و أولاده، لكن بما أنكم في نفس البيت لازم تلزمي زوجك و ما يغيب عن عينك حتى لا تعطين فرصة ﻷحد يتكلم وراء ظهرك و إذا كان الحل إنك تتمسكين عند زوجك فما العيب، أنت تدافعين عن بيتك ولا تستسلمي، لازم تتصرفي بذكاء مع أشخاص مثلهم و تجربي كل الحلول الممكنة، اعتبريها حرب أو لعبة بينكم و لا تفكرين بالطلاق ﻷنه أول من سيتضرر هم أولادك. لكن أحب أسألك سؤال ما عمرك حاولتي تباغتيهم و هم يتكلمون عليك حتى تحرجيهم و تستغلي ذلك لصالحك و ماذا عن أبو زوجك ما دوره في القصة، ماينهي زوجته عما تفعل؟

اولا اشكرك لانك اول وحده عبرتيني ورديتي علي
ثانيا بالنسبه اني الازم زوجي صعب وصعب جدا لانه يتحااايل عشان يروح لاهله لوحده وكثير يجلس عندهم باوقات غير مناسب اني اكون متواجده مثل خروج من دوام يجلس قرابة الساعه ولاادري انه جاء.. واخر الليل يتحجج انه رايح يتفاهم مع ابوه بموضوع عمل وكله كذب !!
النقطه الثانيه هي انه لو حاولت اتمسكن على كلامك مالي بعد الله الا زوجي لااهل ولا اي احد يوقف معاي بهذي الديره فمااقدر اخبي اي شي عن زوجي ولااقدر اطلب اي شي الا من زوجي وامر اخر هو منقلب مزاجه علي يعني اشعر انه كارهني موفقط يصدق اامه الا يصدقها ويصدقها ويصدقها لانه تقلب مشاعره علي بقوه وحتى لوفرضا اتمسكنت ماتتخيلي كيف مايسمع لي ولاينظر لي ويقسي علي بشكل فضيع
وبالنسبه لابو زوجي ضاحكه عليه لانها المسيكينه بنظره اللي تحب الخير ولاتأذي أحد وعلى نياتها
ومبعده زوجها اللي هو عمي عن التفاصيل خصوصا انه هو مايحب الكلام الكثير ولاعنده قدره انه يفهمها وهي بارعه بالكذب والمبالغات واللف والدوران للأسف
وكيف تقصدين اباغتهم اذا تقصدين ادخل على ام زوجي وبناتها ماعمري دخلت عليهم الابستأذان واتصال سابق اما اذا قصدك ام زوجي وزوجي فكذا مره صارت وعادي يقطعوا الموضوع ولا همها

لي ملاحظه انت لو توك متزوجه راح نقول غيره ام وخوات زوجك ومعروف هالشي وارد

بس لاحظي انت عندك 3 اولاد واصغرهم عمره 3 سنوات يعني زواجك مو اقل من 6 سنوات

والمشاكل جتك قبل شهرين !!!!!!

اكيد في غلط منك انت حاولي تكتشفينه بنفسك

ثانيا لازم تغيرين اسلوبك وتفكيرك لانه مو معقوله تستخدمين نفس الاسلوب كل مره وتتوقعين نتائج مختلفه هذا جنون بعينه وعلمه

وان تطلقتي لا تحسبين ان عيالك راح يتدللون عند اهلهم لسبب حسب المشاهد والمتعارف عليه عيال الولد يكونون غاليين عند جدتهم بس اما عند عماتهم مالهم اولويه خصوصا ان كانوا عايشين معاهم بنفس البيت وراح ينقهرون عيالك

وما شاءالله عليكي ضامنه انك راح تتزوجين بسهوله !

اهلا اخوي
المشاكل من بعد كم شهر من زواجي وعدد مرات اللي كنت راح ننفصل كثير
اغلب مشاكلي او كل مشاكلي من بداية زواجي الى الان هذي الساعه بسبب امه
وكذا مره صرح بانه اهم شي انا وانتي متصافين ماعلينا من احد ومره واحده فقط صرح بان امه قالت عني كلام وهو غير صحيح وقال اني ماصدقت وواضح انه كلامها وهي معصبه وكانه يلمح انه عارف بتصرفاتها
مااقصده قبل شهرين ان زوجي تقريبا غسل مخه بالكامل فهو تغير حتى على ابناءه ويقصر بالمال وبمشاوري ودائما يرفع صوته علينا اما مشاكلنا بسبب امه فهي كل شهرين او كل ثلاث اشهر من بداية زواجي او بالاصح من بعد شهور معدوده من زواجي
اسلوبي وتفكيري صعب يتغيرون لكن ليس مستحيل مثلي مثل اي ادمي في هالكون وانا ماكتبت هذا الموضوع الا طلب في المساعده لاغير مافي نفسي واذا عندك مساعده ونصيحه لي تساعدني في تغيير اسلوبي وتفكيري فاتمنى تتحفني بها
الطلاق ليس حرام وهو حلال وابغض الحلال ولااعتقد ان ربنا يشرع شيء للتدمير فقط فهو حل لبعض الشخصيات الغير سويه وصعب التعايش معها من الرجال او النساء
ثقتي اني راح اتزوج ماجت من فراغ ولله الحمد من قبل ومن بعد لاينقصني شيء لاجمال ولاذكاء ولا طيبة قلب ولا تعامل حسن مع الناس وطبعا كل هذا بعد ارادة الله ...

نصيحة لاتجيبين طاري اهله لابخير ولاشر ولاتقارنين بينك وبينهم عنده

أنا أول ماتزوجت كنت ماخذه عهد على نفسي ماجيب طار اهله لكن مع الوقت شفت زوجي وقت الغضب يردد نقدهم علي


فجبت طارريهم مرات محدودة تنعد على الاصابع وكنت اشوف زوجي يثور ويعصب بشكل فضيع رغم انهم يجيبون طاريي

اشوفه بالواتس اب

اخر مرة زوجي عصب كثير لدرجة خفت منه فأخذت عهد عل نفسي مرة ثانية اني ماجيب طاريهم ولحد الحين مهما يصير ماتكلم


الازواج حساسين جدا من ناحية اهاليهم ومثل ماقلتي هم يجيبون طاريك ويطلعون روحهم مساكين

اما أنتي تجيبين طاريهم وانتي قوية ليه سويت لهم وماسويت لي

فالافضل تتركين هالمقارنة لين تعرفين كيف تتعاملين بالحيلة مثلهم وبطريقة تطلعك مسكينه

أختي لؤلؤة الصباح والله عندك حق مائة بالمائة وأنا مثل حالتك، من أول زواجي إلتزمت هذه القاعدة و نااادرا ما تكلم عن أهله إلا عندما يطفح الكيل لكنه لا يتقبل و يعصصصصصصصصب رغم أنه ينتقدهم قدامي!!! أفضل أني أحل المشكل بنفسي و لا أجيب له خبر و أريح راسي.

و أختنا حلاو قطن لازم أنك تبتعدي عن هذا التصرف كأول خطوة ﻷنه بذلك يحس إنك تغارين و تحقدين عليهم و هذا يزيد الطين بلة و يكرهه فيك و يطفشه ﻷنه في المقابل مرتبط جدا بأهله و يعطيعم وذنه بل بيني العكس و ثاني شيء إذا شفتي إن موضوع المصارحة و إنك تحكي له كل شيء يخصك يجيب لك نتائج عكسية فلا داعي لذلك، أنا مثلك يا أختي أعيش في بلد أجني و ما لي إلا الله و بعده زوجي و أهلي أشوفهم مرة بالسنة لكن تعودت أني ما أشكي ﻷحد حتى لزوجي و الله في مرات تكون حالتي جد سيئة بس لما بجي البيت أضكحك و ألعب كأنه ما فيني شيء . عامليه باﻷسلوب اللي هو يحب و اللي يأثر فيه و تعلمي من المحيطين بك.

زوجة وحيد اشكرك على الاهتمام بمشكلتي ومساعدتي
والله كلامك صحيح .. لكن لاادري ليس كل الرجال مثل بعضهم انا زوجي اذا شافني ساكته يتمادى ويرى اني غبيه ومشت علي!
يعني اشعر انه يستهين بي
ولا وش رايك اختي زوجة وحيد

شكرا اختي على هالنصيحه وبالفعل انا مشكلتي مااقدر ابدا اسكت لمااحس اني انظلمت او انهضم حقي
وممكن راح اترك كل هالامور كخطوه اولى لكن الاشكال ان ام زوجي سامحها الله لو هدأنا شهرين تبحث عن اي شيء اي شيء لتفتعل منه مشكله انا افهم انه تحريش وغيره واقاوم بسكوت وتطنيش لكن المشكله زوجي يجي راسه مليان ومشحون ويزعل ويتلفظ علي ويهضم حقي انا وابنائي
امر اخير فهمت من كلامك حتى لو حدثت مشكله بيني وبينها مااقول لزوجي ؟؟
المشكله يااختي ان ام زوجي اذا سكتت تتمادى وتروح تسوي نفسها مسكينه وتقول الموقف لكن تطلع نفسها المظلومه وانا الظالمه فينفجر علي زوجي وتصير مشاكل واذا تكلمت وقلت الحق يقولي ليش ماتتكلمين ليش ماقلتيلي وقتها ؟؟؟
مافهمت كيف يبغاني اتصرف
وبعدين انا نصف الغلط على زوجي لانه مايقدر يسكر فمه ينقل ككككل شيء لامه واخواته فلو كنا مرتاحين يبين عليه وهي على طول تدور اي مشكله .. وتفتعل مشاكل او امراض عشان يتركني ويبعد عني

الله يصلحهم
رجال ومتزوج ومتهني اشيبون فيه!!
الا ينكدون عليه عشان يرتاحون
الله يهديهم بس!!

__________________
اللهم احفظ لي زوجي وسخره لي واحفظ لي اولادي