مساء الخيرات..

موضوعي جداً مهم وسبب لي قلق كبير وتشتت في دراستي.. انا عمري 18 سنة أولى جامعة والحمدلله حصيلتي الدراسية ممتازه وكم سنه واتخرج بتخصص ممتاز.
خطبني عمي لولده بالكلام.. طبعاً انا كنت من اسمع طاري زواج او خطبة اقفل على الموضوع دايركت باقي وراي دراسة والمواضيع اللي زي كذا غالباً ماتشغلني كثير!
بحكم اننا قليلين التواصل مع عمي فَ انا ما اعرف شي عن ولده..
علماً بان عمي انسان معروف بطيبته وبتربيته بأولاده بس مو كل اصابعك سوى
وخواته وامه شهادتي فيهم مجروحه وكل وحده تتمنى انهم يصيرون عمات عيالها. ومرتاحتلهم بشكل ماتتصورون
انا عارفه اني بعيش معاه مو مع اهله وعارفه هذا زواج مو لعبه.. مافيه مجاملات ولا اي شي من هالقبيل
هو شاب عمره تقريياً 23 او 24 ولما سألت اخوي قالي انه انسان عاطل ويدخن للأسف وبيت اهله واحوالهم تقدرون تقول اقل من ميسورة!
وابوي يوم يكلمني يقول منتي لاقية احن عليك من ولد عمك واذا تبين تكملين دراستك اشرطي عليه وتأخير الزواج مامنه خير,

منتو عارفين كمية التشتت اللي انا فيها.. ما ادري اوافق ! او انتظر !
او ارفض ويجيني اللي احسن منه العمر قدامي وماني خسرانه شي

مادري اوقات احس اني مرتاحه له واوقات اقول انتظر وما اتسرع احسن لي.
استخرت مره وعادي احس الموضوع ومازلت متشتته وبرجع استخير مره وثنتين وثلاث..

انتو وش شوركم !

استخيري الله يكتب لك الخيرة
ولاتنسين عبارة اخوك

سألت اخوي قالي انه انسان عاطل ويدخن

__________________
اللهم اصلح قلبي وقلب ابنائي

شكراً لك على قراءة موضوعي والرد, بس كيف ما انسى عبارة اخوي! مافهمتك أختي

اختي الكريمة ..

ارحب بك في هذا المنتدى وكلي امل بان تقضي فيه اوقاتا
طيبة ..

لا ارى في هذا الرجل ما يشجع على زواجك منه ، فهو عاطل
وبالتالي لن يستطيع ان يوفر لك مسكنا مستقلا ومعيشة جيدة
فضلا عن ان اي مشاكل مستقبلية بينك وبينه ستؤثر في علاقة قرابة !

عموما اذا كنتي ستتزوجين من هذا الشاب او من غيره لا تفرطي بدراستك
مهما يكن ..

وفقك الله ..

__________________



احيانا يجب ان نفقد ذواتنا كاملة لكي نستعيدها كاملة ...

لا تجاملين احد على حساب نفسك هذا زواج يا اختي الكريمة
واجهي اهلك ووالدك و قولي لهم بصريح الكلام انك لست موافقة على من تقدم لك
استخيري اذا انتي مرتاحة له
وفقك الله

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

حبيبتي

احفظي هذا الترتيب ...


1- الله
2-أنا (بيادر العتيبي)
3-الآخرين ( ابوي , عمي , أمي , اختي , اخوي , زوجي ....)


هذا الترتيب اللي لازم يكون في بالج ..

اول شي شوفي الوضع بيناسبج أنتي كـ ( بيادر ) أم لا ؟!

واذا ما يناسبج بنسبة 60% خلاص ارفضي رفض قطعي ...

الله يوفقج ..

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

مرحبا بيادر

اسمج عجبني المهم بخصوص الاستخاره اقلها سبع ايام موب بالضرورة تطلعين برؤيه فيها الاستخاره تسهيل الامور ان خير ربي جدمه وان ماكان فيه لج خير راح يصير شي يمنع هالزواج

هاي الاستخاره لاتحطين في بالج انج ماجفتي شي معناته تضلين في حيره


اسالي نفسج انا بيادر في حياتي شو ابا ؟؟ زواج والا دراسه

كوني بيادر هل اني قادره اتفرغ ﻷثنين او لا ؟؟ المسؤليه يا عزيزتي المسؤوليه الزواج والدراسه وباجر عيال بتقدرين تفصلين بينهم وبالج مرتاح ونفسج قادره تتحمل هالشي او لا ..



وبالنهايه وراي انا كروضه في موضوعج بما اانج ممتازة في الدراسه .. ركزي في دراستج واقبضي شهادتج اللي هي سلاحج اللي بتواجهين فيه الناس وبتعيشين كفرد يخدم نفسه ويكون عضو فعال في المجتمع .

هالوقت عزيزتي محد ينفع حد كلن يالله نفسي .. وربي يوفقج

اثمن نصيحه حطيها في عقلك وقفلي عليها

وما قصروا باقي الاعضاء الله يعطيهم الف عافية

__________________
حبيبتي .... عندما تبتسمي الي سوف تنير كل النجوم التي في السماء

عاطل ويدخن صفات ماتأهل ابداً انك توافقي العمر قدامك بعدك صغيرة
الوحدة ممكن تقدم الزواج على الدراسة اذا كان في زوج كفؤ رجل صالح بمعنى الكلمة بس زوج عاطل كيق رح يفتح بيت ابوه بيظل يصرف عليه ؟؟

استخيري ولاتتسرعي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

هل هو عاطل وداشر وترك التعليم ولا دارس ومنتظر وظيفة؟؟
يمكن حاليا هو عاطل لكن بكرة ان شاء الله يتوظف
ترى مو كل مدخن سئ اﻷخلاق والمعشر.،هذا مو معناه إني أأيد التدخين والمدخنين،

وأنا متعجبة من أبوك وأخوك يعرضون عليك زوج غير كفؤ ويشجعونك على الزواج منه.