السلام عليكم
اول شكرا لصاحبه المعرف (اعطتني عشان اكتب مشكلتي )
الشكوى لغير الله مذله انا انسانه جامعيه تزوجت وانا ب اولى ثانوي كافحت وتعبت لوحدي عندي طفله والحين حامل عمري 22 تقريبا تزوجت واحد مااعرف عنه شيء سوا ان امي وافقت عليه
او اني بمعنى اصح ابي اشرد من تسلط امي /كانت ليل نهار صياح وضرب لي ومراقبه
تزوجت هالرجال قلت بكرا ربي بـ يعوضني خير وتتعدل وبتزين بالعكس رجع حالي لااسوء من اول
انسان غريب مايهتم فيني بس ساكت مايسولف معاي بس هواش بس تذمر بس اهانه لي ولللاسف ليتني مقتنعه فيه لاوالله ماابيه من تزوجته وهو زود كل شيء بتصرفاته
وامي كانت واقفه معه مرا رحت عند امي زعلانه دقت عليه قالت هي الحين تدق تعتذر منك مع انه اقسم بالله العظيم ماغلطت عليه /ودايم يدق علي امي يشتكي لها مني امي علي طول تدق تسب فيني واتفوا عليك
للعلم اهله قريبين مني ولاعمري علمت احد بشيء
الخلاصه صبرت علي كل شيء عشان ماارجع ل اهلي عشان ماتشوفني بنتي انهان من اهلي
كنت شاكه من سنه بزوجي بسس قلت بيتعدل بيترك الخرابيط قبل شهر مسكت جواله كلمت امه وفتحت الواتس
وشوف يترضا وحده ويتاسف منها ويقول مانسيتك و________________الخ
كلمته باادب قلت ترا رببي يبتليك فيني ولا ب اخواتك اليوم الثاني رقم البنت كان عندي قلت لازم ابرد خاطري فيها ودقيت قلت تحسبي زوجي يبيكك جلست تضحك قالت اعرف زوجك من 8 سنين ويبي يتزوجني وامه رفضت واخذك
سكتتت ومن يوم كلمتها وزوجي كل يوم يقول ابي اتزوج بس ماابيك تطلقين وبعطيك الي يرضيك
/ بس اليوم ماقال بس بتزوج لا يقول بعطيك 20 الف وماابيك تطلقين قلت اوك طلقني دامني صغيره بتزوج قال الي صبرني بيصبرني الين ماتعجزين واتزوج
وقتها عرفت ليه ماهمه سواليفي طول ماانا معه ,ليه مايمزح معي ,ليه بس ساكت
حتي الحمام لو دخله اخذالجوال مستحيل يخلي الجوال
البيت صار صياح وهواش بنتي صارت عصبيه وتسب واحس نفسيتها ماش بسبب الي نحنا فيه
من العصر للحين وانا ابكككككي موب عليه لاوالله علي نفسي وعلي بنتي والي ببطني وش اسوي فيهم ماابي يعيشون عند اهلي انا مااحد احترمني وانا اجيهم زياره بيحترموني وانا مطلقه
منهاره هو بيعيش حياته وانا جبت هالاطفال انامن اهلي انضربت وانظلمت وكان نفسي بكل شيء وانحرمت اخاف هم يصيرون مثلي
انا انسانه جميله وجامعيه وهو مااقتنع فيني ويطارد وراء الحراممم ضيع شبابي عشان راغباته
قولوا لي وش الحل ؟؟؟
اجلس تحت رحمته استناه يتزوج
اهلي ضدي ومتوقعه هالشيء امي اليوم قلت لها قالت بكيفه وش دخلك فيه تمسكيه
عيالي وين اوديهم ؟؟؟
كيف اتصرفف
## لااحد يقول اهتمي فيه ووووو لانو هو يبيها من زمانن ومهما يسوي يبي يطيح الي براسه
##وحسرتي موب عليه لاوالله مايستاهلني لايصلي ولايخاف ربه ولاعنده شخصيه ولايحترم ولايعرف بالزواج غير انه فراش
حسرتي علي هالاطفال وش ذنبهم
كلامي ملخبط السموحه

آآآه من الخيانه والله تذبح...والزوج لاصار معك بس جسد وعقله وروحه مع غيرك.شي يقهر
تقريبا نفس قصتي بأختلاف بعض الاشياء...للأسف الاهل أذا ماوقفو معك ..صعبه..
الصراحه مادري وش اقولك غير ربي يفرجها علي وعليك..والله اني للحين أعاني منه..
بس بقول رايي يحتمل الخطأ والصواب..

أنك توافقين ع زواجه بالشروط اللي انتي تبينها..وتطالبين بكل حقوقك..ويمكن لاطاح اللي
براسه...يمكن يتعدل ويرجع لك..بس انتي أضمني حقوقك..منها منزل مستقل لك انتي..
علشان لاصار شي بعدين لاسمح الله..مار عندك بيت ولا انتي بحاجته..
والله يعينك ويفرج كربك ويريح بااالك..

وعليكم السلام ورحمة الله وبركاته ..
مرحباً أختي الطيبة وأسأل الله أن يجعل لكِ من همٍ فرجاً ..
إذا علاقاتكِ مع أهلكِ هكذا سيئة ..يوجد حل وهو صعب ومر جداً عليكِ خليه يتزوج ولكن ثقي من يمتلكِ هذه الشخصية لن يوفق في زواجه ..لايغركِ الحب والكلام الجميل أبداً فهي مظاهر كذابة !
سيعرف قيمتكِ ولا تقلقي من هذا الأمر ! فقط انتظري الأيام وستُثبت لكِ ..
المهم بمثل ماقالت الأخت الأمل بالله ..اضمني حقوقك واعرفي كل الأمور ..لاتخرجي من بيتكِ أبداً أبداً ..
ولاتنسي الدعاء دوماً ..
فرّج الله كربتكِ ..

الله يجزاكم كل خير
اخواني واخواتي
طلبته يكتب شقته ب اسمي ورفض
راتبه لايتجاوز سته الالاف الحين مقصر بعدين كيف ؟

لاحول ولاقوة الا بالله
الحل ياقلبي افرشي سجادتك اخر الليل ..ربي مايغفل عن الظالم ادعي بحرقة يكرهها دامها من طريق حرام ..ادعيه يجملك في عين زوجك ..القلوب بسن اصبعين من اصابعه يقلبها كما يشاء ..ادعي ربك وابكي بحرقة محد يقدر يساعدك بشي لان الشخص اللي يجب يتغير هو زوجك وليس انتي فمالك الا ربك ..
الله يفرجها لك يارب

__________________
ربي فرج همي ويسَر امري

ونعم بالله
جزاك الله كل خير

السلام عليكم
انا عضوه جديده ويشرفني اكون بمتتداكم وارد ع موضوعك

ي عمرري الله يعينك
ذكرتيني بنفسي لما لقيت محادثه بزوجي بس م سكت قلبت الدنيا ع روسهم كلمتها وهددتها والحمدلله كان حظي حلو عرفت اسم اهلها واختها وبنتها وعيلتها من النمبر بوك وهاذا اللي خوفها بزوود ربعدها بديت اقرب زوجي حبه حبه لربي والحمدلله بفضل ربي الله لا يغير علينا م رجع لها وفتح جواله اللي كان كله ارقام سريه وصار يخليه عندي لان عطيته الثقه من جديد واستحقها
رب ضارة نافعه
اعذروني عالاطاله بس الحياه دررس وتجارب تعلمنا وتصحينا مرات
حبيبتي نصيحتي لك الزمي سجادتك وربك وادعي كثيررر واستغفري وتصدقي وادعي ربي يكملك ويجملك بعين زوجك ويصرفها عنك ويكرهها فيه ويسخر لك ونصيحتي قيام الليل لا تتركينه وربي ينقلب حالك فوق تحت
ربك كرريم لاتئسين ولا تتركين زوجك تمسكي فيه انتي زوجته اولى فيه من غيره بيدك تعدلينه وبيدك تردينه هو جنتك ونارك ويمكن يكون ابتلا من ربي لك وله
وهاذي اللي يكلمها زوجك مصيره بينساها وبيكرهها وبيقطع الامل منها ومهما كان انتي زوجته حلاله عند ربي افضل منها بكثيررر وربي بيعوض صبرك خير
صدقيني بيجي يوم تبكين من الفرح وتشوفين كيف يتغير
بس سوي اللي قلته لك
ربي يفررج همك ويسخره لك ويهديه
طمنينا عنك

كان الله بعونك
مااتوقع بيتزوجها
هي اكيد ماراح تبقى معه للابد
اكيد بتكبر وبتتزوج
وهو بس يعشمها
عشان لاتتركه
اما زواج مااظن
انتظري وشوفي ،،
وكمان بنفس الوقت أمني نفسك وعيالك
بشهاده بعمل ببيت

حاولي تقوين الوازع الديني عنده
قولي له اهم شي تصلي
واترك الحرام
وحاولي باللين وخليه يحس انك خايفه عليه من عذاب الله

وشوفي اي احد هاقل يقف معك بصفك
ع الاقل لو يقنعونه يكتبلك بيت ومصروف ثابت لك ولعيالك

الدنيا دار ابتلاء ، النعيم الابدي ف الآخره
والا الدنيا مافيها احد مرتاح

دعواتي لك عزيزتي

والله يااختي الصلاه بالبيت ولاقلت صل بالمسجد يجلس ايام زعلان علي
هالانسانه مايعرفها من امس وقبله من قبل مااتزوج انا والله اعلم ليه هي للحين ماتزوجت
وعلي طاري الانتظار ماعمره جاب طاري الزواج الا بمزح بس من كشفته معها وهو مصر علي الزواج
جزاك الله كل خير

نسيت اقولك
اذكري قصص الي تزوجو بعد علاقه وانها ماتدوم
وخيانات الزوجات
وركزي عليها
اذا جات بمسلسل او برنامج
الرجال مايثقون ف الي تكلمهم قبل الزواج
ف اي كلمه بتزعزع ثقته فيها
وحتى لو تزوجها ماراح يرتاح معها

كل الضروف لصالحك بس يبغالك صبر
الوقت فقط الي بيبين له قيمتك