السلام عليكم ورحمة الله


شوفولي حل بالخيبة هذي


1- أنا حامل وبشهري الاخير
وتعرفون إن المراجعات أسبوعية
بهذا الشهر
2- وضعي مو مستقر للأسف .. فلازم أحرص على المراجعات ا
لاسبوعية عشان أطمن على نسبة الموية وتدفق
الدم ووزن الجنين الخ .. وطبعا مراجعاتي ياخذني لها زوجي

3- أنا بحكم عمل زوجي البعيد
اتفقنا إني استقر عند أمي فترة دوامه
وارجع باجازة الاسبوع !
لكن ما سار الوضع زي ما اتفقنا
واتغاضيت لكن
هذا الاسبوع قبل نهايته بيوم
قلي ايش رايك تجي تتغدي عندي وارجعك لاهلك وانا رايح قلت أوك
لما رحت البيت لاحظت من البيت واغراضه إنه ناوي يسافر لكن ما تكلم ولا قلي
فما حبيت أسأل قلت خلي هوا يقول من نفسه ،وساعتها يحق إني اتكلم
4- يوم الخميس قلي أصحابي ازعجوني ما خلوني انام وجو خطفوني !
» ما يبغى يقول انه مسافر لكن مشيتها ، على أنه تمشيه قريبه
اذا احتجته حيجي .. وقلت حخليه ينطقها بدون ما اقولها له أنا بأسلوب مباشر !
قلتلو يلا خطفة ممتعة
(حسيت انو انشكح من الرد هذا)
ورجعت كتبت
لكن يرجعوك ليا السبت عشان الموعد !
قالي إن شاء الله
5 - اليوم ارسلتله لا تنسى موعدي بكرة الساعة كذا
قام رد أنا مسافر
(منطقة تبعد عننا 700 ك تقريبا)
إذا جيت وديك »
كأن المواعيد على مزاجه ؟
أو كأن ساعة الولادة معروف وقتها !!
ما كأن الدكتورة قايلتله مرتك محتاجة تكون تحت الملاحظة واتوقع الولادة بأي وقت وحتى يمكن احتاج يولدوني بغير وقتي
6-رديت عليه بفيس مشمق
ما تكلمت ما ابغى اقول شيء واندم عليه!
حاسة بخيببببة خيبة كبيرة ،
ليه كذا فهموني ليه ؟
إلى متى بشيل هم ،

يعني ذحينا شلت هم مين يوديني للمراجعة ﻷن عارفة اذا كنسلت الموعد صعب القى موعد ثاني أصلا ما بقى فيني صبر!
مو كفاية عليا تعب الحمل وهم إن الجنين يصيرله شيء لا سمح الله
يجي هوا يزودها بسفره!

تعديل العنوان بما يتناسب مع المضمون

انا قررت إني احاول اروح الموعد
وما استناه يحس فيا وبالقلق اللي عايشته

لكن نفسي أكوش عليه
فيه أحد يسافر ومرته بشهرها الاخير

وساعات احس مافي كلمة توفي
اللي احس فيه .. الصمت ابلغ من أي كلمة ثانية !

وعليكم السلام ورحمة الله وبركاته ..
مرحباً أختي الكريمة براءة ..
رُبما الفيس الذي أرسلتيه له يفهمها ولا يتأخر في الموعد ، وأحياناً الصمت يؤلم أكثر ..!
لاتشعرين بالخيبة ،أعلم بأن مشاعركِ متعبة الآن من الحمل وحساسيتكِ ..!
بإذن الله يأتي الفجر ويفأجك بعودته ويذهب معكِ ..
هل هذا أول بيبي لكِ ؟!
أسأل الله أن يقر عينيكِ برؤيته وبين أحضانكِ ..
ويُرقق قلب زوجكِ ..

أتمنى يا سر
لكن ما أتوقع !


ايوه اول حمل ليا

وعليكم السلام ورحمة الله وبركاته ..
هل لو أخبرتيه برسالة بأنكِ بحاجة قربه في ظل هذه الأوقات ؟!
ماذا تتوقعي رده ؟!
هل سيستجيب لكِ ؟!
لو كان سيستجيب أرسلي له كلاماً ..!

بداية حملي كان كذا يسافرر

وكنت اقوله أنا احتاجكك
خاصة وإن كان يتكرر عليا النزيف
فنفسيتي جدا متوترة

فكان يرد يعني بتحتاجيني باليومين اللي حسافر فيهم ؟؟

واهلك عندك ماني راميك بالشارع !

ولما شافني زعلت من رده شال نفسه ونام بالغرفة الثانية

رده كان جارح
فبطلت أقوله أحتاجك

حسيت إني أهنت نفسي


لكن بنص حملي لما استقرت حالتي
خفت المشاكل كثير و كان يوديني مواعيدي
كل شهر ويدفع تكاليفها ما يقصر
فتوقعت إنه حس فيا

وعليكم السلام ورحمة الله وبركاته ..
أختي الكريمة الحبيبة ، رُبما هذه المرة غير لأنكِ في الشهر الأخير ، لن تكون ردة فعله قوية بإذن الله ..
حاولي معه بأسلوب يجعله يخجل ويأتيكِ ..
[COLOR="rgb(75, 0, 130)"]بذكاؤكِ يابراءة ..
جبر الله قلبكِ بكل ماتُحبين ..[/COLOR]

الله المستعان بس

جزاك الله خير
ما تقصرين

حبيبتي باقولك حاجه
لا تسكتين عن اي شيء
هذا اكبر غلط

مااحد بيحس فيك اذا ماتكلمتي
لكن تكلمي بالطريقه والوقت المناسب

بمشاكل سابقة
جربت اتكلم و ما فاد
تنتهي بصراخ يسمعونه الجيران
أوتجريح صعب اتجاوزه

جربت ارسل على الواتس
لكن ماسار يرد
على المعاريض اللي ارسلها
وهنا
لو تلاحظين مشكلتي تعتمد ع احساسه فيا !
والاهتمام بكثره الطلب ينعاف

وأنا صح غالبا اسكت
لكن ما اتعامل معاه وكأنه
ما سوى شيء !
اتعامل برسمية غصب عني
فيعرف إني زعلانة وماني راضية