انا رجل ثلاثيني موظف وظيفه مرموقه شكلي مقبول جدا مزوج من قرابة 11 سنه عندي اطفال وعايش حياه كريمه كنت جدا مرفه عائلتي طلعات مطاعم حب حياه حلوه بمايناسب ميزانيتي لا ارفض لهم طلب الا نادرا ونفس الوقت زوجتي ماكا كانت مقصره معي في امور منزلها وأطفالها قد تكون مقصره معي عاطفيا وماعندها رومنسيه وحركات البنات بس برضه ماشيه الامور معاها وخلافاتنا قليله وماتخرج مع باب البيت .
اهلها متواصله معهم على طووول وموفر لها كل وسائل الاتصال من نت وجوال .
وبعد هذا كله ي اكتشفت في يوم من الايام ان زوجتي تخوني للاسف ااكتشفت ذلك من خلال محادثه لها في الواتس آب وكانت المحادثه مفعمه بحديث الحب والجنس
جلست مع زوجتي وقلت لها انا بس ابغى اعرف ليش سويتي كذى كل شي موفره لك حب وجماع وحنان ماقصرت عليك وش الشيء اللي حصلتيه عنده ماحصلتيه عندي قالت الشيطان وهو ضحك عليه وصارحتني بكل شيء الغريب في الامر ان الانسان اللي كانت تكلمه مزوج ومافيه من مقومات الجمال شيء يذكر ويصير اخو زوجة اخو زوجتي واخته على كلام زوجتي كانت حلقة وصل طبعا زوجتي اقسمت ان العلاقة ماتجاوزت الواتس . طبعا وصلت زوجتي لهلها بعد طلقتين ومازالت عندهم ومازال الهجران مستمر توصلت للرجل بحكم ان سكنه قريب ومعروف ماقدرت امسك نفسي تفاجأت ان الرجل مو راضي يروح معي بحكم انه مايدري اني كشفت زوجتي وان الامور عاديه كل اللي قاله لي انا مظلوم وفكني شرك سويت نفسي ما اعرف شيء وضحكت وقلت انت وش جالس تقول قال انا نسيبي جاني اللي هو ابو زوجتي وقال كل القصه وحلفت له على المصحف اني ماعمري فكرت اراسل زوجتك او اطمع فيها وان فيه شخص جالس يشوه سمعتي مع الناس ويظلمني مسك الرجال المصحف بعد ماتوضى وحلف يمين غموس انه مو هو
الان الحرمه عند اهلها وحالفه يمين على المصحف انه هو من استدرجها وكان سبب في انحرافها وانها ماتجاوزت الخطوط الحمراء والرجل حلف ان ماله ذنب وانه مظلوم ا
الموضوع الحين صار له شهر ومازالت زوجتي عند اهلها وانا والله ماني عارف اتصرف اخاف اطلق اندم واحيان اقول برجعها بس مدري الشيطان احيان يلعب براسي ويقول يمينهها كذب واللي راسل اكيد زنى وعمل الكبيره هي حلفت انه هو وهو انكر يقول انه مظلوم ويحلف باطفاله واهله مين الصادق ومين الكذاب وهل من المعقول زوجتي زنت لاسمح الله وهل هو صادق ام هي رأسي انفجر والموضوع مايدري عنه اي احد الا ابوها فقط وجالس يبوس رأسي أرجعها وانا نفسي اعرف الحقيقه طبعا انا قبلت يمينه لان الله اقوى مني ومنه ويمكن غلطت اني رحت له بس ماقدرت اتحمل انا حاس حتى لو رجعتها ماراح ترجع حياتنا مثل قبل والله كنا من اسعد الناس بس هي هدمت البيت اللي بنيناه واللي زاد من غيضي ان الرجال اللي كانت تراسله منا وفينا يعني يعرفني وبرضه الاطفال مدري كيف راح يكون وضعهم بس انا حاط الطلاق في رأسي بنسبة 60./.اومنكم استفيد انتظر ارائكم فهي سند لي بعد الله .ن

اولا الله يفرج همك ويجزيك اجر ما ابتلاك

اخي الكريم ليش ماحاولت تاخذ الرقم الي كانت تتواصل معاه وتعرف من الاتصالات مين صاحب الرقم

[QUOTE=يارب نور بصيرتي;3074370]اولا الله يفرج همك ويجزيك اجر ما ابتلاك

اخي الكريم ليش ماحاولت تاخذ الرقم الي كانت تتواصل معاه وتعرف من الاتصالات مين صاحب الرقم[/
QUOTE]

هلا اخوي
للاسف الرقم طلع باسم بنقالي وحتى النمبر بوك يجي بدون اسم والرقم تقفل على طول بعد ماكشفت زوجتي
اخذت برنت من الاتصالات اطلاقا ماحصلت اي اتصال لزوجتي
شكرا لمرورك غلاي

اخوي اولا الله يعينك ويلهمك لفعل الصواب
وضعك لاتحسد عليه
لكن لاتستعجل خذ وقتك باتخاذ القرار
بالنسبه للرجل وحلفانه ممكن يكون مو صادق لانو طبيعي ماراح يعترف لك انه له علاقه بزوجتك مو بايع نفسه يدري انك ماراح تخليه بحاله
وممكن تكون زوجتك تكذب برضو
هالشي تستنتجه من المحادثات بينهم
واذا ماحصلت شي تكلم مع زوجتك مره ثانيه وافهم منها السبب اللي خلاها تخون لااازم يكون في سبب
مستحيل حرمه مرتاحه مع زوجها بتناظر غيره ممكن يكون فعلا هو من استدرجها

الله ينور بصيرتك ويلهمك الصبر

__________________
مع كل محطة من محطات حياتك …
تتغير نظرتك وعلاقتك بالأشياء والأشخاص…
وتعرف عن نفسك أمور لم تكن تعرفها من قبل !

هي اعترفت قدام ابوها وقالت القصه كامله وهي ماسكه القران وش مصلحتها تظلمه وزوجة اخوها ع كلامها حلقة وصل بس ماودنا نكبر الموضوع وندخل فيه عدة اطراف مانبغى الرائحه تنتشر حتى لو اطﻻقها لن افضحها اطلاقا
انا وضعت ابوها فقط في الصوره كونه رجل فاهم ودكتور جامعه حتى امها على كلام ابوها ماتعرف اي شيء

مشكلتك الان مع زوجتك الرجل حسابه عند ربنا مين ماكان هي برضه أمرأه عاقلة وناضجه و مسألة انه أستدرجها مش عذر خاصة انك ماقصرت معاها على قولتك
بما أنه الموضوع ماتعدا الرسائل بإذن الله تتوصلوا لحل بس الطلاق ماهو حل خاصة أن بينكم أطفال

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

اعصابي تلفت من هكذا قصص بس عندي مداخله بسيطة. ..ليش المراة لما يخون زوجها والخيانة تكون اعظم زنى وغيرة وليس مجرد كلام عبر الوتس اب. .تجد المراة تستميت عشان تجد الحلول للحفاظ على عائلتها اولا وارجاع زوجها لجادة الصواب ولنا في القصص اللي بالمنتدى مثل قصة اخواتنا روح الطير والجوهرة وغيرهن
بينما الرجل ماان يرى محادثات عبر الواتس اقام الدنيا وقعدها واخذ زوجته لاهلها والطلاق. ..ليش ماتفكروا باطفالكم
هذه عشرة عمر والخطا في له توبه والحياة تستمر ماابرر الخيانه بس لازم يكون هناك حل مادام الامور لم تتعدى علاقات جسدية
لااعتقد ان زوجتك كذبت بس هذا مو مهم سواء معاه او غيره. .....
اعتقد ان زوجتك اخذت درس من الغلطة اللي وقعت فيها. ...كافي رجعها وتبعد عيش حياتك ممكن في هالفترة تمنعها من استخدام جوال شخصي وتعينها على التوبه
الله يعينك

تم نقل الموضوع للقسم الأنسب

لا حول ولا قوة إلا بالله ..

هل هذه المرة الأولى؟

ما فهمتك لما قلت وصلتها لبيت اهلها بعد طلقتين ؟ يعني بينكم طلاق سابق؟ والا طلقتها الان بسبب هالموضوع؟

__________________

الله يعينك اخي ويصبرك ويجبر كسرك

احس خيانه الزوجه اعظم الخيانات


وانت مو مقصر معها ومتوفر لها كل شي وش خلاها تخون

حاول تعرف السبب تلك الخيانه اكيد في سبب انت تجهله

واذا ما تعدت خيانتها الكلام في الواتس حال تسامح وتعفو وتفكر في مصلحة الاوﻻد

ورجعها لعلها تعلمت وتابت توبه نصوحه

ولا حول ولا قوة الا بالله

شيء محزن

الله يعينك ياخوي ! ،، كما هي العادة المرأة ان خانت كان تبريرها شيطان ووسوس لي! .. اما الرجل فتبريره لا شئ!! والاثننن عذرهم اقبح من ذنب .. لو تشوف كثير من الاخوات لما يطرحون مشاكلهم وكثير منهن يعانين من تقصير ازواجهم من كل النواحي ولكنها مافكرت ولا تركت للوسواس مجال انها ترد فعل زوجها بالمثل ،، اذن مافي اي مبرر يبرر للخيانة وقبل ماتكون للزوج هي لله سبحانه

كان الافضل انك تروح لمربط الفرس اي لبداية العصا الا وهي حلقة الوصل! خوفها من افتضاح امرها راح
يخليها تعترف بكل شي وكان لازم تقطع كل الاتصالات عن زوجتك حتى ما يتسنى لصاحب هالحساب وحتى المرأة الاخرى انهم يطبخون الطبخة تمام ..

حاليا انت بحيرة وتحس كأنه مغلوب على أمرك وناس تلعب عليك وانت مو داري التصرف الصحيح ،، معاك حق الخيانة صعبة والاصعب الانكار ! ..

نصيحتي لك ،، دخل الاطراف المعنية فقط بالموضوع ،، زوجتك تقول عن رجل محصن انه يكلمها في حين انه ينكر وحلف لك وحلفه على نفسه ... لازم تجمعهم ثلاثتهم وتخليهم يتراجهون وهني بتعرف الصادق من الكاذب! واعتقد ان الاطراف الثلاثة وكرد فعلهم خايفين من ان احد يدري وخصوصا الازواج فإنت بهالطريقة راح تقدر تخليهم يتقابلون ومنها راح تفهم القصة! ،، زوجتك بهالاثناء لازم ماتكون عارفة الموضوع لحتى ماتوصل خبر لأحد وتحاول تسويها كمفاجأة .. وصدقني الطرف الثالث وهي المرأة بتقول كل شي لان بالنهاية مالهى دخل بعلاقتهم حتى لو كانت همزة الوصل بينهم ...

الله يساعدك ويمسح على قلبك ويساعد كل انسان انجرح من شخص مريض بالخيانة ،،