بسم الله الرحمن الرحيم

طلقت زوجتي من اشهر , لأنها نكدية على الصغيرة والكبيرة وكثيرة البكاء وجوها دائم مغيم بالكآبة والزعل أو الضحك العالي المزعج ع المسلسلات , لا تهتم بالمنزل ولا تطبخ الا بالنادر , تجاوزت خطوطي الحمراء من ابداء الإعجاب بالممثلين ومحاولة اثارة غيرتي بطريقة مقززة , تقتل رغبتي فيها بكثرة رفضها الجماع , تعتمد علي كثير بعمل الرضاعة للبنت,ماعندي مشكلة بالمساعدة لكن بدون اتكالية زايدة , تتأخر بتغيير حفاظات البنت مما سبب لها التهابات وانا كثير الزن غيري لها..غيري لها..حتى تنتهي بزعل
لا تستجيب لأوامري..تعاندني..
اكره وانفر من بدانتها..ما احب اجرحها..المح لها من بعيد بتنظيم الأكل وعمل الرياضة..ووفرت لها اللازم..لكن رغم ذلك..تنجرح بسبب حساسيتها الزائدة ويغيم جو الكآبة والزعل..ويستمر هذا السيناريو..ولا شئ يتغير
في اول يوم زواج صدمت نفسياً من قبح جسمها..وما يخص المرأة كان فيه مافيه..حتى ذهبت بها للدكتورة واعطتها ادوية..مااستمرت عليها حتى غلطت عليها وجرحتها بالكلام وقلت العدوى انتقلت لي..
شفيت بعد مدة ولله الحمد..لكن اصبح لدي فوبيا..ارغبها بالجماع بشدة وانفر منها..واذا رغبتها أمرتها باستخدام ادوات العناية..
انا محافظ واغض بصري ولله الحمد..لكن اوقات اضعف قد المح امرأة ذات جسد جميل فأندب حظي..
ولهذا الموضوع كنت اضاعف في نفسي اي مشكلة تحدث اضعاف حجمها ( اذكر مرة قرأت هنا في المنتدى موضوع: فراش الزوجية بيت المشاكل او السعادة(شئ من هذا القبيل ))
فكيف اذا اتت من الفراش وشخصية الزوجة واخلاقها
تقارن نفسها في..اي شئ اتمناه تبي زيه..لدرجة وقفت اتكلم معها عن امنياتي وايش بسوي..
مثلا..اتمنى اطور من اللغة الإنجيلزية..عشان دراستي..فتقوم تصيح على راسي ايام بدراسة اللغة واني حطمت مستقبلها..
طبعا لها الحق انها تتمنى تتعلم اللغة او غيره..لكن انا مالي قدرة لنفسي فكيف هي..ومين يمسك البنت اذا كلنا خرجنا..الخ
كثيرة الكلام عن اهلها..وتمدح باخوانها لدرجة ازعجتني..مو غيرة مني..لكن انزعاج بكثرة مدحههم كأنها تقارني فيهم..ما أدري هل هي محاولة لأتصف بصفاتهم ولا ايش !!!

الزبدة..
لمن افكر بشريط الزمن اللي قضيته معها..كله عبارة عن معاناة ومشاكل..
فاعتبر طلاقي لها كان من انجح القرارات اللي اتخذتها..

باقي على انقضاء العدة ايام قليلة..رغم نظرتي ان قراري ناجح لكن أعدت التفكير عشان بنتي..(ارسل اهلي يجيبوها لي كل ما اشتقت لها بحكم القرابة)
فكنت طول هذي الأشهر انتظر منهم رد يحسم الموقف..لكن صمت..حتى انها سوت لي حظر(بلوك) في الواتس وفي برنامج آخر وضعت صور كنت امنعها عنها..صور ممثل يقبل رأس ممثلة او رجل وهكذا..فازددت نفور وعدم رغبة في ارجاعها..والطامة الكبرى انها من خلال هذا البرنامج دخلت على حساب زميل لي ووضعت له اعجاب..
اتمنى محد يعرف انها زوجتي والا تدنس سمعتي بين زملائي..
مافعلتها الا سذاجة وغباء لإزعاجي..

مشكلتي الآن..
اهلي الآن ينصحوني بترجيعها عشان بنتي..الخ( مايعرفوا عن مشاكلي شئ )..ويقولوا حنا نرجعها وانتا اصر على موقفك ومن ثمن اقبل بشروط..
مشكلتي اني الين لكلامهم واعتمد عليه..
لكن اذا خلوت بنفسي وفكرت..اقول مجنون انت..ترجع للجحيم اللي كنت فيه
عشان بنت..الخوف اذا استمر الحال على ماهو عليه..بكره بيكون اكثر من بنت لاقدر الله


فما رأيكم..اشيروا علي بالحلول جزاكم الله خير ؟؟
هل اصر على قراري..عشان مو من اقرب مشكلة اتندم واقول انا ليه رجعتها..

وش ايجابياتها ووش سلبياتك انت
شوف بالنسبه لمحاوله اثاره غيرتك هذي حركات بعض الحريم لا تحط ببالك
وبالنسبه لمدح اخوانها الكل يمدح اخوانه
متى كان زواجكم وكم اعماركم
ولا تنسى الاستخاره
وهل انت سعيد الان ومرتاح
ولا تحس انك لما كنت متزوج كنت اكثر سعاده

هذا الحديث كنت اكرره لنفسي مئات المرات كل ماغضبت منها , وحاول اتغاضى واتغافل ولا اركز في عيوبها لكن مع ضغطها علي تجبرني اعددها

ايجابياتها : صبورة , بعض الأحيان ان تركت العصبية تكون فرفوشة توسع الصدر , محافظة على صلاتها تتهاون فيها نادر , ذكية , كريمة , حرمت نفسها من امور كثيرة ولا طلبتهم تقدير لوضعنا الحالي
املك لها ود واتذكر المواقف الجميلة

والله الظلم علينا كلنا , اذا بتستمر الحياة صعبة كلها خلافات

حاولت اذكرها بطريقة لا تؤذي أحد..خاني التعبير
انا الوم اهلها..لأن زي ماقلتي امور طبيعية تحصل..فمروض امها تعلمها.
انا على وقتي ماكنت فاهم وكنت متأذي حتى استشرت وقالوا وديها دكتورة نسائية
وما اتهمها بشئ مالها ذنب فيه..تعاونت معها..واحضرت لها الأدوية..ما استمرت بأخذها إلا بعد ماجرحتها بكلامي
واعترف بغلطي..كان بإمكاني بأسلوب اجمل اشرح لها..لكن مع الضغط وسوء التصرف والخبرة لها دور

ماعرفتها وشفتها الا بعد الزواج..وهي جميلة من الخارج
بالنسبة لجرحتها..جرحتها كثييير..ونالها مني آذى كثير

كان عندها..حاولت اجيب لها كتب ورسم..الخ اي هواية تشغلها
لكن كانت طول الوقت ع اللاب توب والتلفزيون

ذكرت ايجابياتها
انا سلبياتي :
عصبي , كسول ’ بعض المستلزمات مقصر فيها بالبيت , انتقادي ويكون كلامي جارح ,
الحمد لله بسعادة
لا لمن كنت متزوج المشاكل كانت كثيرة , فأنأ اريح الآن

لا يفرك مؤمن مؤمنة ان ساءه منها خلق سره أخر .،
لأن حرارة الخلاف لم تبرد بعد تعتقد انها سيئة جدا
هل لديها إيجابيات
اقصد هل تحمل لها ودا ،او تحمل لك موده ،هل تتذكر رسالة جميله منها ،هديه مثلا ،او موقف جميل ،خلافات انتهت بصلح رائع تذكر الجميل

كل مننا يحمل صفات سلبيه،والكمال لله وحده
حينما يكون العيب في شريك الحياة مقدور على اصلاحة
فالأولى الإمساك عليه

كنت اعتقد في السابق ان الطلاق يقع لأجل مخدرات ،سكر ،زنا
من هذا القبيل لكن لم أتصور انه يقع يوما على مثل هذه المشاكل

قد تطلقها ،وتتزوج اخرى لكن هل تضمن ان تكون خير من الاولى ولن تندم,
اتمنى منك مراجعتها ،بنية صافيه متوكل على الله ان الحياة معها تكون افضل

اذا بترجعها عشان بنتها فقط
فأنت تظلمها

طيب طلع ورقه واكتب لها الاشياء اللي مضايقتك فيها :
اعجابها بالممثلين ، اهمالها لبنتها ، جسمها
وخبرها بسبب نفورك منها وايش انت منتظر منها
اتوقع ان الاشهر هذي راح تخليها ترجع تفكر في علاقتكم بجدية
وبالنسبه للبلوك والحركات هذي ردة فعل ع طلاقها مفروض ماتآثر فيك
ونصيحة رجعها واعطي علاقتكم فرصه ثانيه خاصة ان مشاكلم تافهه وتنحل بسهوله
وانت لازم يكون عندك مرونه وتتغاضى عن بعض الاشياء لان ماراح تحصل انسانه كامله ع مزاجك
وبس بعلق ع تلميحك بكلمة فيه مافيه ( هذا شيء طبيعي ويصير عند أغلب المتزوجين وتحصل هذا الشيء ماعرفته قبل ماتعرفك فبلاش اتهام حتى بشيء مالها ذنب فيه )

اتوقع زوجتك عندها اكتئاب وملل ووحده
لكن بما انك طلقتها ومقتنع بطلاقها
ومو شايف فيها اي ميزه.. والموضوع له مده
هذا يعني ان راحتك في الطلاق

اذا الحياه كذا معاها .. وكارها لذي الدرجه
و تركتها غير ااسف عليها

اكيد صعب عليها الرفض و قرفك منها
مسكينه الله يكون بعونها

ما اتخيل زوجي ينظرلي بهذي النظره
لانه الي قلته اغلبه مو بكيفها

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

اللي قلته فقط باول الأيام..وفترة بسيطة
لكن اثرها بقي بنفسي..

لكن الاهتمام بالباقي بإمكانها تهتم فيه..