السلام عليكم
طبعا انا مش جديده على المنتدى دايم ادخل واستفيد والله يجزاكم خير
الي خلاني اعرض مشكلتي هو ثقتي ب آرائكم وحلولكم انا ولله الحمد تم عقد قراني والحين لي تقريبا 4 شهور متملكه بدايه كل شي كانت اوضاعنا حلوه مكالمات وزيارات
احيانا لما يتصل ما ارد عليه لاني اكون مشغوله لدرجه اني ما اسمع الجوال واحيانا اكون طالعه فما يجي لي فرصه ارد واذا سئلني وبررت له يقول انها اعذار ويحس اني اسمع الجوال بس ما ارد عشلني اتغلى عليه >كذا هو يحس
بعد مده كان يقول لي اذا اتصلت ومارديتي علي ارسلي رساله تطمنيني عنك قلت ابشر من عيوني
مشت اوضاعنا تمام
المده هذي يقولي انه هو يحبني اكثر لان اتصالاته لي كثيره واهتمامه فيني اكثر معني والله ما اقصر معه ابد ودايم اسئل عنه وهتم في اكله ونومه وكل شي حتى هو مبسوط يقول انتي اول وحده تهتم في نومي واكلي وانتي اكثر وحده اسولف لها واحيانا يقلب علي ويقول انتي ماتهتمين فيني ولا تعطيني اي اهتمام
المشكله توها بدت هو دوامه يبدى 4 الصباح طبعا هو في الليل بيكون نايم وانا صاحيه ولمى يطلع من دوامه الساعه8 اكون نااايمه لان وراي شغل الظهر لمى اصحى اشوف مكالماته ويتقطع قلبي ابغا ارد عليه بس ماعندي رصيد واخواني الله يصلحهم ماصلين وفيهم برود موب طبيعي مايقوم الواحد الى بطلعه الروح
بعدها اتصل علي ورديت قال ليش ماتردين قلت ياقلبي انت تتصل الصباح وانا وقتها اكون نايمه حتى اني احاول ابقى صاحيه عشان اسمع صوتك بس ماش زعلاان قال المهم انتي بخير مافيك شي قلت الحمد لله انت بشرني عنك وش اخبارك قال بخير قال يله انا بروح انوم توصين على شي قلت ليه بكره في دوام انا عارفه ان عنده دوام بس ودي اسولف معه قال ايه قلت نوم العوافي وتصبح على خير وسكر
بعدها بدقيقه اتصل قال عندك رصيد قلت لا قال برسلك رصيد انا حسيت اني اطر قلت لا لاترسل اخوي توه طالع بيجيب قال لا يجيب ياويلك اذا جاب قلت له ماراح اشحن رصيدك قال موب على كيفك انا بشحن لك بعدها سكر وارسل لي 300 مدري وش لون جت في رصيدي بدون ما اشحنها
انا والله زعلت قلت ليه يرسل واذا فكرت اقول هو زوجي مافيها شي ويجي شعور احسها موب حلوه في حقي
الحين انا ماعرف وش ارد له ودي اقوله ان الحركه مالها داعي شورو علي و ش اقول

و عليكم السلام

بالنسبة لموضوع أنه يشحن لك فما فيها شي
عادي بالعكس... كان قلتي ما تقصر حبيبي خيرك سابق اخوي طالع يجيب لي
اذا اصر فلا داعي للرفض... اشكريه مرة ثانيه و خلاص.... و اقبليها بصدر رحب *

هو قدم لك جميل
و أنت اشكريه على جميله .... و اعتبريها مثل الهدية

و بعدين كيف مو حلوة بحقك ما هو ( نصفك الآخر ) ؟
اذا عاتبتيه على هالنقطة ممكن يتحسس و لا عاد يشحن لك و ياخذ موقف
بالعكس شكرك له و تشجيعك يشجعه إن شاء الله على العطاء أكثر

ربي يوفقك...

يوووه انتي من جدك.. تزعلي عشان شحنلك رصيد! معروف كل الخاطبين يشحنو لخطيباتهم لانك صرتي زوجته ومن مسؤؤلياته.. المره الجايه بس يخلص رصيدك اطلبي يشحنلك ..

__________________
الحمدلله

حركة كتير حلوة من زوجك .. لازم تفرحي اانو خطيبك مهتم فيكي و كريم و آكل همك ..

ابرزي عزة نفسك و بنفس الوقت اتشكريه على اهتمامو و حرصو عليكي و انك اطمئنيتي الو بزيادة

معك حق هي كنها طراره بس تراها تهيوءات لانك ما تعودي تاخذين منه شي الى الان،، افضل شي تسوينه انك تشكرينه و كذا و اعتبريها زي الهدية بس انتبهي مرة ثانيه تخلين رصيدك فاضي عشان ما يتكرر الموقف..

إن كان ع الشحن تصرفه رائع بحقك اشكريه وأثني ع تصرفه

الله يجزاكم عني كل خير
يحقق لكم كل امنياتكم

الله يالف بين قلوبكم
شكلوا من النوع الحساس الله يعينك
بس الحلو فيه انه كريم
300 مرة وحدة ماشاء الله
الله يرزقنا

الان تخجلي لكن بعد الزواج
بتقولي ليت عودته يشحن لي ويجيب لي ..

بالتوفيق ..

__________________

ههههه
والله يا حبيبتي انو احنا الخاطب لازم يشتري جوال لخطيبتو ويشحنلها رصيد كل 3 أيام او كل أسبوع
ويعطيها مصروف كمان
وهاد من تلقاء نفسه يعني الخطيبة ما بتطلب