السلام عليكم ورحمة الله أخواني وأخواتي اود أخذ رأيكم في مشكلة تؤرقني والشهادة لله اني استفدت من كثير من الأخوان والأخوات هنا جزاهم الله خيرا --الحقيقة يا إخواني وأخواتي شاء الله قبل حوالي 4 سنوات ان نفترق انا وام أولادي برغبة منها لظروف الله أعلم بها وأنا احترمت رغبتها وأكرمتها وأكرمت أولادي بالمصروف والزيارة الأسبوعية رغم أن مقر عملي يبعد عنهم حوالي 1400كم الا أني لم أقصر معهم حتى في الأعياد ارسل لها ولأمها وللأولاد العيديات حسب ما يقدرني الله المهم انه كانت هناك محاولات متعددة مني لجمع الشمل لم يكتبها الله إلا أنها تواصلت معي منذ عامين عدة مرات وألمحت لي برغبتها بالرجوع لكن والدها يرفض -- المهم انها اتصلت بي بعد العيد وذكرت لي بأنها عازمة للرجوع وأنها لم تعد تطيق حياتها عند أهلها وأن علاقتها بوالدها واخوانها وصلت لحد القطيعة بسبب زواج والدها على أمها وانها تخاف على أولادها وما إلى ذلك لكن اشترطت أن استأجر لها في مدينة أهلها وترفض ان تعيش عند أهلها ورافضة للنقل عندي بحكم انها تدرس ماجستير وتعمل كذلك في هذه المدينة وذكرت لي بأنها ستدبر امر مواصلاتها مع صديقاتها وتدبر احوالها الا ان تنتهي من دراستها ثم تنقل عندي -- لا اخفيكم اني متخوف جدا من بقائهم لوحدهم مع العلم اني لا استطيع زيارتهم الا مرة في الاسبوع او في الاسبوعين -- ما رأيكم وشكرا لكم

وعليكم السلام ورحمة الله وبركاته يشرفني أني أول وحدة أرد عليك بعد غيبة طويلة عن الموقع مايقارب 4سنوات أنا أشوف أخوي دامك متخوف من قعدتهم لحالهم وماقد يترتب عليه من مشكلات قولها بنتظرك لين تخلصين الماجستير بعدها يصير خير وكلها سنة بالكثير وتنتهي ويلتم شملكم افضل من الشتات بصورة أخرى ولازم تعرف سبب طلبها الإنفصال وتتناقشون فيه وتنهونه حتى ماتتكرر السالفة من جديد والله يوفقكم ويسعدكم.

__________________
((رب اجعلني مباركا حيثما كنت.))

أشكرك أختي الفاضلة والحقيقة اننا تناقشنا كثير ويبدو ان كل واحد فينا غيرته ال 4 سنوات لكن هي مصرة ان حدثت العودة بأن تكون الآن والا انها راح تفهم التأجيل على انه اهمال مني خاصة وانها اوضحت لي معاناتها مع والدها وانه يهددها بترك دراستها وعملها الله أصلح أحوالي وأحوال المسلمين

استخير الله اولاً

وعلى حسب سبب الطلاق فكر ترجعون او لا
هل زال السبب؟
هل هي اقتنعت او تغيرت ؟

اذا انت شايف انه احسن لكم و لاطفالكم الرجوع فرجعها بدون تردد
واذا شايف انكم اذا رجعتوا بترجع نفس المشاكل و بتشتتون الاطفال ف لاترجعون
والرجوع والانفصال مره اخرى صعب جدا على الاطفال

يمكن الفتره نستكم سبب الانفصال لكن مجرد ماترجعون و يروح الشوق بيرجع السبب اذا ماتفاهمتو عليه وانهيتوه


والله يكتب لكم الخير

شكرا لك -- الله يكتب اللي فيه الخير

استخر الله اولا
زوجتك مارجعت تتواصل معك وتلمح لك برجوع الا وهي فعلا عايشه معناه عند أهلها
وصدقني انها ندماااااانه كثر شعر رأسها
اخوي اجبر خاطرها ورجع لها ودامك صبرت 4 سنين اصبر كمان عشان خاطر زوجتك وأولادك
وستاجر لها سكن خاص فيها الى ان تنقل عندك
كم عمر اكبر ولد من أولادك
حاول تتواصل معها عشان تعرف كيف راح يكون وضعكم بعد الرجوع من كل النواحي

__________________
ريم نواف سابقا

شكرا لك -- اولادنا بنت 9 سنوات وولد 5 سنوات الله يصلحهم -- وانا خايف عليهم عدم قربي منهم -- وسؤالي هل المرأة تقدر تدبر احوالها وزوجها بعيد عنها علما انها امرأة قويه لكن تعرفين بعض الشغلات تصعب على النساء

أولادكم باقي صغار الله يحفظهم لك ويارب ترجعوا لبعض
اذا ان شاء الله اتفقتوا على الرجوع لبعض سكن زوجتك بعماره يكون الخدمات قريب منها وفي حي كويس.
اخوي انت تقدر تزورهم كل أسبوعين خلال هالاسبوعين حاول تكمل أغراض بيتها من أغراض وتموين
صدقني راح تقدر تخلص أمورها لاتخاف عليها
وإذا تبغى تريحها جيب لها سواق خاص فيها
وأكيد هي عند أهلها هي الي مسوله عن أولادها من الألف الى الياء

__________________
ريم نواف سابقا

استخير الله وتناقشو عن سبب الطلاق وضعو حلول لذلك عشان مايتكرر الانفصال مره ثانيه
أسأل الله أن يلم شملكم على خير ويرزقكم الاستقرار وسعادة لاتنتهي

شكرا لجميع من أدلى برأيه عاجز عن شكركم