السلام عليكم
والله مالي خلق اكتب !!
بس قلت يمكن ولعل احصل حل عندكم!!
الموضوع ضمن الفضفضة ..
عندكم حل كاااان بها ..
ما عندكم .. عااادي << صج انه مالك خلق
.........
الحمدلله مشكلتي ما تعتبر مشكلة بالنسبة لمشاكل غيري
بس انا اشوفها مشكلة
.........
طبعا مريت قبل كم يوووم بمشكلة مع زوجي العزيز .. وليومكم ذي واحنا متهاوشين
وبسرد لكم طريقتي على مر هالسنين في حل مشاكلي ..

اول خمس سنوات :
اذا تهاوشنا ... اراضيه قبل الليل لانه كنت سامعة بحديث عن الرسول صلى الله عليه وسلم ان الملاىكة تلعن اللي زوجها ينام وهو غضبان << فاهمة غلط
وما اكذب على نفسي ... انا وحدة ما احب المشاكل وخاصة مع زوجي ..
زوجي الله يهديه اذا خاصم كل شي يتعطل ( سابقا .. حاليا لا )
ويدخلني في حرب نفسية رهيييييبة
عيالي يهاوشهم ..
المشكلة اراضيه مرة مرتين ما يرضى ..
حاولت كذا ما اعطيه وجه او اسوي نفسي زعلانة او او او كذا يووووم بس ما في فايدة
وانا ما احب النكد 😟😣😒
وبس
( لا تجي وحدة تقول الرجال على ما تعوووديه ... ذبحوني البنات بهالكلااام
والله العنيد عنيد والجاف جاف والطيب طيب << عصبت الاخت )

طبعا كذا مرة حاورته ويوعدني في الهوشة الجاية يعوضني ويراضيني
بس اول يشم ريحة الزعل تروووح كل هالوعووود مهب الريح (او ما ادري شيقولون)
طبعا انا في الهواش ما اناااام الليل كله ونفسيتي تتعب واصير 😢

بعد الخمس السنوات :
صرت اشوي اذكى 😩 اذا تخاصمنا ما اناقشه ولا احاورة
امشي الموضوع عااادي
اذا شفته يقعد في مكان اقعد معاه .. الفطور الغدا العشا .. اسولف معاه كاني اسولف مع نفسي !!
يقعد يوم يومين مخيس النفس
وفجاة يرضى بروحه ويروووق
وفرحت بهالنتيجة
وقلت جمانة اثبتت انها بنت ام جمانة 💪💪💪
وقلت خلاااص عرفت طريقة زوجي
......
بس للاسف
قبل 6 ايام تهاوشت مع زوجي ...
بس الاخ استخدم وسائل اخرى .. الاخ ما يقعد في المكان اللي انا فيه .. ريوق غدا ..
وانا الصراحة اول يوم من الهوشة ما صدقت .. كنت متضايقة
انا حاليا مو متضايقة .. عادي
اهو يصك كل الابواب ... وكرامتي ما تسمح اكلمه لو سمحتو 😒
بس يحز في نفسي الحياة الزوجية بهالطريقة !!
على فكرة انا ما احس بزعل زوجي الا في الاجازات لانه على طول برا
........
معلومات قد تفيدكم 😊 :
* زوجي عمره 37 يعني ناضج ومستواه التعليمي عااالي
*كل اهله نفس الطباع ... اقدر اقول انه حديث الرسول ينطبق عليهم * اذا خاصم فجر
عادي يتهاوشو مع بعض شهور ولا احد يكلم بعض
* بشكل عام زوجي ايجابياته تطغى على سلبياته
* سبق وقلت زوجي جاف .. يعني ما يتكلم ولا يحاور
* المرات اللي راضاني معدودة يمكن 4 مرات خلال 9سنوات وكلها بطريقة غير مباشرة .. يمكن وحدة شفهيا ...
......

__________________

اجمل ما بالموضوع ،،، توقيعك
الابتسامه لا تكلف شيئآ لكنها تعطي كثيرآ ،، وانا ازيد عليها ،، وتزرع كثير
انتي ذكيه ماشاء الله عليكي ،،، سايسي حياتك مافي احد مافي عيوب ،، اعتبري هالصفه عيب فيه
ولاتنسي احيان الروتين والملل والركود يآثر حتي ع طريقة زعل الازواج مع بعض
اسلوبك حلو بالتغاضي والكلام معه عادي وتمشية الامور
هو بنفسه يقدر هالشي واتوقع رصيدك عنده عالي من المشاعر لاانك مو عنيده وراعية مشاكل وتسايسيه
والرجال يحب الي تشتري خاطره بالزعل
تقولي اهله كلهم نفس الطباع ،،، الطبع صعب تغيريه مو زي التطبع

رائحة تعععبت
مرة اتفقت معاة " بالدوور"
انا التزمت بس اهو اخلى بالاتفاق 😯
....
انتي لو كنتي في مكاني ايش بتسوي ؟😞

__________________

معقولة اراضيه؟!!!!
يمكن يرضى من مرة او مرتين او اكثر
واذا خليته عااادي بيتم شهر على هالحال واكثر
الله يهديه

__________________

عزيزتي كل الي ممكن انصحك فيه انتي ذكرتيه بمشكلتك وازود بعد
عجبني اسلوبك وتغاضيكي ومحاولاتك لرضاه ،، احسست بحنانك وحبك له
عزيزتي جمانه ،،، بعيد عن زعل زوجك ،،
المشكله مو زعله ،، المشكله انتي تقولي (تععععبت)
طاقتك بدات تنفذ وحماسك بداء يقل ،، وروحك بدات بالارهاق،،بدائتي تنسي نفسك وتركزي ع زووجك
ارجعي لنفسك وتلقي الحل بإذن الله،،

مشكوورة رائحة على هالاطراء الحلو
على فكرة زوجي يعترف بهالشي
بس بعد ايش 😠
بس كنت اتمنى تعطيني من تجاربك وخاصة انا قريت قصتك مع زوجك تبارك الله
وكيف حليتي مشكلتك معاه
بس ما قصرتي واشكرك مرة اخرى
.....
وفعلاا .. انا قلت سابقا .. زوجي اثناء تواجده هو محور حياتي
وهو شخصيته تلزمك بهالشي غصبا عنك
تحسفت والله ... محد فهمني ان الزواج مو انصهار وانما مشاركة فقط
ما عندي صداقات ولا ازور الا نادرا
حاليا .. مو قادرة اطلع لارتباطي بعيالي واحساسي بتانيب ضمير اتجاهم لاني احس ان محد انظلم غيرهم نتيجة انشغالي في العمل
...
انا حاليا في صدد ايجاد حل لاهتمام بنفسي وبهوايتي و بانشطتي بعيد عن زوجي
بس الله يسهل وما يعارض هالشي ..

__________________

كثر الدق يفك اللحام،،انتي دايماً وقت رضاكم بيني له تضجرك من الطبيعه اللي فيه باسلوب عقلاني ورزين مجرد حوار خالي من الاصطدامات ورفع الصوت..واذا زعل لاتقربين صوبه نهائي ولا تكلمينه بس قومي بواجباته بصمت،،حتى شوي شوي يبدا يكره هالجو ..

لا صدقيني
ما يفك اللحام ولاشي
...
يعني رايك اسوي واجباتي واتركه ..ممتاز 😌

__________________

من فيكم اللي غلطان هالمرة يا جمانة؟

__________________


اللهم طِيبَ الأثر .. وحُسْنَ الرحيل.

مهرة .. ما احب احد يسالني هالسؤال
لانه السنوات اللي فاتتت ما سالت هالسؤال
مع ذلك .. ما اعرف
اثنينا غلطانين عشان ما اظلمه
القصة وانتي احكمي :
اتصل اخوه يشكي له همه .. زوجي العزيز تفاعل زيادة وتم طول الوقت معصب
انا تحاشيته .. الاخ لزم يطلعنا مجمع نتغدا برا لانه واعد ولدي
طلعنا ... حبيت اتسوق في المجمع اشتري اغ اض البيت << اكبر غلطة
في المجمع :
عصب وصارخ .. يقول ما عندي تخطيط لاني مو كاتبة لستة الاغراض << انا ما في احد اشطر مني في التخطيط .. انا شغلي كله تخطيط 😐 وكنت كاتبتهم وقلت له
قام يصارخ وقال امسكي عيالك وتصرفي معاهم !! وانا اشتري
عيالي الله يحفظهم ما اقدر عليهم بس مشيتها... اصلا الله ستر علي
لين خلص رجع و هو معصب .. وما عرف يطلع حرته في من ؟
قام تمشكل مع بنتي الصغيرة ههههه (استغفر الله) هم يضحك وهم يبكي
وتركنا وحلف ما يعطيها شغلة كانت تبي تشتريها من هالطابق ( ما تكلف درهم او ريال واحد) وتركها وطلع فوق مع ولدي وبنتي
وخلاني معاها 😢😢
الله وكيلج انسدحت وصاحت بشكل هستيري
شوي خذيتها وطلعت معاها فوق وهي بنفس الحال .. ما سكتت
والصراحة .. تمنيت ان الارض تبلعني
في قمة الاحراج ..
راااح عشان يقهرها زيادة اشترى لاخوانها العاب (اهو واعدهم الصراحة بس المفروض ما يلعب في اعصاب البنت .. طاحت في راسي )
انا تميت اقنعها ووديتها للمصلى وبعد نقاشات ونقاشات ورشوات ومفاوضات قبلت بشرط يشتري لها ابوها نفس اخوانها ووافقت 😢😢
بس للاسف ابوها دفع وخلص
وهي حالفة يمين الا ابوها 😢
لو في البيت اقدر اتصرف بس جدام خلق الله .. صعبة
المهم : انا حزتها كنت معصبة ومقهووورة على الاخر .. عطيته بنته .. وكنت مقهورة حدي وخليته مع عياله ونزلت الطابق اللي تحت ( هاي الحركة اللي خلته يزعل .. رغم انه من حقي .. انا تعبت ) بس اهو يشوف انه مو من حقي هالشي (الاستبداد) رغم انه هو سو نفس الحركة معاي
وبعدين قاطعنا في الفطور والغدا ..
انا اول مرة في حياتي اقاطعه كليا نتيجة مقاطعته ..

على فكرة اول مرة ما ازعل لزعله ..
انا زعلانة على الفكرة
بعد هالعشرة المفروض يتعامل يكون اكثر مرونة
هالحركات احسها للمراهقين
اللي يزعلو ويبوزو
اوووف
الحمدلله

__________________