السلام عليكم ..
عندي شئ مزعجني في حياتي ..
زوجي رافض الخادمة بكل الطرق
ومالقيت حل يقنعه؟؟
ااناا أعيش في منطقة بعيدة عن اهلي وعندي طفلين وادرس بالجامعة وبنتي كمان في المدرسة ..
المشكلة تعبت وانا اسوي كل شئ بنفسي لما أكون مريضة ولا حامل ولا ايه كان ظرفي لازم انا اسوي الشغلة ولا بيتعطل البيت !!
مافي أحد يساعدني .. سفرنا كثير ياللأهل أو لدول ثانية ..
ويكون البيت له حاجاته ونظافته وترتيبه وكمان ترتيب حاجات السفر غير أطفالي اهتم فيهم وأ راعيهم ..
اتمنى يقدرني ويجيب الخادمة الي هي بتكون بالنسبة لي أختي ومساعدتي !!
ومع الدراسة شي ثاااني الموضوووع ؟؟
دخلت الامور في بعضهااا ..
متوترة وموقادرة اهتم لحاجاتي واحس نفسيتي تعبت وصحتي كمان ..

__________________

إذا رفض ماألومه صراحه كل يوم نسمع عن مشاكلهم

ﻻزم إنتي وياه تتعاونون على شغل البيت واﻹهتمام باﻷطفال

ومع تنظيم الوقت والمناوبه بينك وبينه بتتيسر إن شاء الله

خلاص يساعدها او يصبر على اي تقصير
لكن شايل ايده ولا يساعد ويبي كل شي كامل
صعبه

مو على كيفه مايساعد هاذا بيته وذولي عياله

لما يساعد ويتعاون هو وياها حتى أوﻻدهم راح يتربون ع المساعده وتحمل المسؤولية

سواء بنت أو ولد تحط لها جدول تخصص يوم لغسيل الملابس ويوم للكوي

ويوم لتنظيف البيت ويوم خاص بتنظيف المطبخ

ودورات المياه والمواعين والصاله إللي يجلسوا فيها بشكل دوري تتنظف

وأوﻻدها تخصص لهم غرفه يلعبوا ويحوسوا فيها

وقت مذاكرتها تخلي زوجها ينتبه للأوﻻد وهي تدخل الغرفه

اﻷكل تطبخ عشاء أما الغداء يكون من برا أيام الدوامات

تسوي جدول بالمهام إللي عليها وإللي على زوجها وكل واحد يعرف مسؤوليته

وآخر اﻷسبوع تخليه إجازه من شغل البيت

مشكلتنا للأسف الرجال عندنا يشوفون إنه عيب يساعد في البيت وﻻزم يكون شخص إتكالي حتى المويه يعجز يجيبها لنفسه

لو كل أهل البيت الكبير والصغير يتعاونون ماكان شفنا الخدم إللي كل يوم طالعين لنا بجريمه

الله يغنينا ويغنيكم عنهم بالعافيه وﻻ يحوجنا لهم

وإن كان وﻻبد منها تجيب زي ماقالوا بالساعات ولو أنهم مو أقل شر من غيرهم

يااختي
لو الرجال متعاونين كان مااحد اطرى خدامه
قليل الي يساعد ويتنازل
وش تسوي الوحده تجبره يعني
بالساعات يمكن خطرها اكبر من الي دايم بالبيت

والله أنا أستغرب من إللي مايبي يجيب وحده تساعد وﻻ يبي هو يساعد

متزوج المرأه الحديدية وإحنا ماندري؟

خليك واقعيه مافي رجال بالذات عندنا يسوي كذا ويساعد ،،ولو ساعد مره بالشهر وجلس يعيرك فيها جيبي شغاله وارتاحي،،مجتمعنا مو مجتمع متعاون زي الاجانب مايحتاجون خدم لان الزوجه والزوجه يتشاركون كللل شي ..التنظيف الطبخ تربية الاطفال وبنفس الوقت كلهم يعملون برا،،بس مجتمعنا لاازم خادمه لان الوحده ماتلحق ،،تنظف وتطبخ وتربي وتدرس او تعمل...ويقولو بالنهايه ليش لازم تبغين خادمه لان كل شي على راسي ياحبيبي انا مو ماكينه الوحده ماتلقى وقت حتى تتعبد فيه..اللهم لاتؤاخذنا

والله ياحبيبتي مشاكلهم إللي نسمع عنها كل يوم فرصه لكل زوجه تغير قناعات زوجها وطبعه

كيف تقدرين تنامين آمنه مطمئنه وفيه غريبه في بيتك ماتدرين وش دينها وﻻ حتى وش ناويه لكم عليه

المفروض كل رجال يحرص ماتدخل وحده غريبه بيته وعشان هالشي مايصير ويجنب نفسه المشاكل والبلاوي ﻻبد يساعد

وحتى عيالهم ﻻزم يساعدون بالبيت مو كل شي ع اﻷم

طيب
اقرحي عليه تجيك الخدامة مره او مرتين اسبوعيا تنظف البيت و تغسل الغسيل و تمشي

بالعكس حبيبتي معك حق

الخادمة اصبحت امر ضروري لك

حتى لة بيتك يمشي على نظام حاسوب فراح تحتاجي اللي تشغلوا الك

كلميه انك بحاجتها و انك ما تقدري تكملي بهطه الطريقة

لو سمحت لما زوجك يعتذر عن جيبة الخادمة بايش يتسبب؟