(زوجي يهتم بصاحبه اكثر مني)
الله يسعد اوقاتكم بكل خيير
عندي اشكالية وابي رايكم على الاقل اهداء شوي لاني عصبت من الموضوع جدا

صديق زوجي طلب من زوجي انه انا ادور له زوجه من قريباتي

قريبه من المميزات الي حكى له زوجي عني
زوجي طلبني وانا ماابغى اتدخل المهم دورت وحصلت له بنت عمتي

وصار له اسبوع كامل وهو ساحب زوجي ليليا تحقيقات عن البنت وعن نظام عائلتنا
ليليا ويدقون عليا ويسالوني عن اشياء تحرجني
مثلا هي جمييله ؟؟ صعبه اقول ايه وصعبه اقول لا واظلمها والبنت جميله بس مو ملكة جمال
اضطريت اقول ايه لان زوجي ماعساني مدحت احد الا يجلس يسال طول الوقت وماحب امدح بنات عنده

تضايقت من الموضوع وندمت الي هذا بدايته ينخاف من نهايته

المهم الليله قال لي زوجي الظهر
بنمششي الليله بالممشى لانه انا مفروض امشي خمس ايام بالاسبوع
وحضرته لين الحين ماامشينا
نام العصر وانا
جهزت قهوة المغرب وسويت عشانا
صحي المغرب وانا احضر له القهوة شفته يراسل
وقال لي بسرعه حضري العشاء بروح لصديقي
قلت له وانا والمشي
قال انتي بكره تحطمت منه وتندمت

قلت خلاص احنا دليناه عليها وانتهت المهمه ولكم اسبوع تسالوني وهي بعد تسال طفشت صراحه

قال لي عنده استشارات ضروريه
وانا بكيت وصرخت صراحه وعصبت عليه

قلت له انا اهم منههم واهم من كل البشر
انا اترك الدنيا لعيونك وعشانك وانت هذا قالك تعال وررحت وانا سحبت علي

انقهرت مررررررره منهم كلهم ومن اسئلتهم ومن اهتمامه فيه الزائد

لما رجع صرررررررررررخت عليه وطلعت الي بقلبي
لانه كنت دايم اقوله خلنا نطلع ايام الاسبوع واحنا بس طلعاتنا بالويك اند وكانه عندي عيال يدرسون
يقول دوامات وتعب

واليوم وهو مواعدني كلمه صديقه طار له

ادري الموضوع مايستاهل بس انقهرت منهم

المشكلة شلت فراشي وقلت له ماعاد ابيك تلمسني انت لحالك وانا لحالي

وتكلمت كلام كثير عليه صراحه ماني ندمانه لانه يستاهل

وش رايكم امانه انا غلطانه ولا هو باخليه يشوف ردودكم

(تم التعديل ليتناسب مع المضمون)

احس صعبه
صديقة يعطي زوجك مواصفات زوجة المستقبل و يخليك تدورين
و هذا غير الاسئلة مثل هل هي جميلة
هذي المواضيع حساسة جدا و ما تنقال للزوج حتى لو كان اللي خطبها اخوه مو صديقة

شوفي صديق زوجي كذا ممره يجي ويشوف نظافة بيتي وريحته وطبخي

وهيئة زوجي تغيرت عن قبل الزواج ووضح الاهتمام فيه والزوج من زوجته ووالزوجه من زوجها

وامه واخواته كمان زاروني بالبيت وشافوني
على هالاساس قال ابغى زي زوجتك

والرجال مواصفاته ذهب ولا كان بالرفض قطعيا
وبنت عمتي رااائعه جدا وراح تبيض وجهي معاه
بس الي قهرني اهتمام زوجي في الموضوع
وزي ماتفضلتي بالسؤال عن جمالها
انا عادي علمت بس خلاص كفاية اسئلة اسبوع كامل
حتى وانا نايمه يدق الجوال الصباح يكون زوجي صديقه راح له العمل عشان يساله
ويخله يدق علي
بديت احس بالغثيان ورب الكعبه من الموضوع
وكله كوم وسحبت زوجي علي عشانهم

لا اعوذ بالله مستحييل اتواصل مباشرة معاه طبعا الوسيط زوجي
كيف اتصالح معاه وهو سحب علي وراح له
ان شاء الله خلاص ماعاد اتدخل انا دليتهم عليها وانتهت مهمتي
بس اوقات يسالون عن هل هي مثلا مو اجتماعيه هل هي انطوائيه
هل هي عصبيه وشريرة
هل هي مااتشتغل بالبيت وتطبخ
هل اهلها منتفتحين زياده
وصديق زوجي معجب في والدي كثير
وسالوا عن والدها هل يتلاقى مع والدي بالتفكير

بس الغلط يكمن في وصف شكلها صح انا والله حاولت مااوصفها بس كنت ابي الخير لها وله


قولوا انه غلطان لما سحب علي

على فكرة هو مايثق في راي اهله
كذا قال لزوجي

وقال لزوجي ابغى من قريباتها ونفس صفاتها

زوجي تغير شكليا وصارت صحته افضل بعد الزواج حتى اللبس غيرت لبسه بالكامل

صرت انزل واانا الي اختار له كل شي حتى ثوبه واشمغته

زملائه كلهم قالوا له ياليت حريمنا زي زوجتك وواضح راحتك معها
وهذا عزوبي قاله انا ابغى من قريبات زوجتك
والولد صفاته ذهب وبنت عمتي تستاهل
بس ازعجني بكثرة الاسئلة و زوجي مررره ساحب علي عشانه
اخاف اذا جهز للزواج يروح معاه وينسااني
زوجي من النوع الطيب الي ممكن احد يستغل طيبته
انا مقهورة انه تركني وانا متفقه معاه عشانه ومن كثرة الاتصالات والتساؤلات

واذا قلت له خلاص ماعاد بتدخل قال ليش تغارين منهم لانهم عرسان جددد

والله بتنظلم هالبنت من قبل تتزوج

وأيش يعني قريبتك بتطلع نسخة منك؟!

بكره يقارنها فيك أو يجبرها تكون مثلك غلطتي يختي يوم دليتيه

ماتدرين يمكن بسبب هالشي تخسرينها

وزي مايقولون إذا لك صاحب ﻻتحاسبه وﻻ تناسبه!

لا ان شاء الله خوفتيني
ان شاء الله انها احسن مني وانا واثقه فيها

مرحباً أختي
1- ليس بغلط أن تدلي أحد على الزواج... ولكن الوصف يكون بحدود معقولة مثل الدين والأخلاق والعائلة والسمعة الطيبة... أما المواصفات الشخصية... فهذا شأنه وشأن أهله يبحثون عن ذلك.
2- قد يكون لكِ الحق أن تزعلي لعدم خروجه معك ووفائه بوعده... وقد يكون لكِ حرية التنفيس عن زعلك.. ولكن كل شئ بحدود وبدون غلط أو سوء خلق أو تفعيل المشكلة لمشكلة أخرى
3- لا أنصحك بأن تجعلي زوجك يشاركك في المنتدى... فليس من الحكمة أو اللائق أن يصبح الزوجين يتلقون الآراء والحلول بمشاركات جماعية... مما يفقد الحياة الزوجية للخصوصية ومحاولة إيجاد الحلول من تلقاء أنفسهم... ولا نعتمد أن نكتب كل صغيرة وكبيرة من حياتنا في المنتديات.

أعانك الله

الله يسعدك ويكتب اجرك

يشهد الله ماكنت ابغى الا الخير لهما

كنت بعرف هل معاي حق ازعل عليه لانه تركني واحنا متواعدين ؟؟؟
ومن كثرة الاسئلة والاستشارات والجلسات
وصراحه والله ثقلت بكلاممي عليه للقصد انه يحطني من اول اولوياته لاا لشي اخر

ابغاه يهتم لي قبلهم