صباحكم عفو وعافية ،.
اليوم بصبحكم بموضوع سبب لي صداع متشقق
الزبده:
زوجي عمره 29 وانا 26 و زواجنا سنتين و عندنا بنوت ،.
المشكلة:
زوجي صفاته كريم ملتزم هادي
ولكن ،،،،،، متسلط و متحكم ل درجة جدا متطرفه
هالانسان احس فيه يريد يعزلني عن العالم الخارجي باي طريقه
يتحكم في كل شي ل درجة حتى لبسي عند خواتي و اهلي و صديقاتي رغم انه ساتر و طويل بس ان شافني حلوه فيه يقوم يتضيق و يعلق ،. و يزعل ،. فيه مره هددني بالطلاق لأَنِّي طلبت ازور وحده من اهلي بحجة أني اريد زوجة للبيت فقط !!!!!

والمشكله اذا فيه موضوع ما يكون مستعد فيه للنقاش او تغيير منطقه لا ،،، عنده يا اتسمعين كلامي بالحرف واطبقينه وإلا حل عليك غضبي الي يوم يبعثون ،.
حقيقه يا اخوان و يا خواتي تعبت ،. نعم من سلبياته الشك ولكن الحمدلله مع الأيام قدرت أخفف منها بشكل كبير ،،، مسأله انه يعاملني ك طفلته تتعبني ! لا و يقول انا بهالطريقه احافظ عليج ،، من شو ما اعرف ،. يمكن تشوفون الموضوع بسيط بس جدا مربك حياتنا الزوجية كيف اتعامل مع هالاانسان !! لا تقولون بيخف بعد كم سنه لأَنِّي بتخبل لين ذاك آليوم ،. حاليا فوق ال 55 شعره بيضا طلعت في راسي من أسلوبه الشمالي الشرقي المقرف جدا !!

السلام عليكم ,,

من أي البلاد أنتِ !

__________________

وعليكم السلام ،،،. من الامارات

كان الله بعونك
حسيت انك عاقله وهاديه من كلامك
مع الوقت وكثره للاطفال بيتغير

والله هاديه يا مبتعثه بس أسلوبه خلق فيني لسان يلعلع انا مستغربه منه

لالا ترى هاللسان هو اللي يزيده عناد
صدقيني زي زوجي
بس احلى شي تهدددددي
والله مالهم حل الا الدعاء .

انا برامج الجوال يحذفها بس كويس خلى لي الواتس
وصديقات ممنوع الا وحده وازورها بالسنه مره
كل شي ببالك ممنوع

بس اللي يهديني اقول الحمدلله الناس فمشاكل كبيره
وماعندهم التزام بالدين
في هالزمن تحمدي ربك اذا زوجك ملتزم ومو حق خيانات ..

عسى الله يسخرهم لنا ويصبروا زي العسل ياارب ..

في مره قريت انه الرجل اللي يحول المرأة ل دمية له حسب تفصيله بعد كم سنه عادي يشوف غيرها تبهره و تثير اعجابه ناسي انه هو اللي حطم الأنثى اللي عندها وجعل عالمها مقتصر عليه لا جديد ولا تجديد فيه ،.
ان وافقت ع حصاره معناته بالغصب بجعل منه محور ل حياتي وهالشي اللي بيتعبني عاجلا او اجلا .،
المفروض يفهم انا زوجته انسانه لي كياني و لي عالمي و اهتماماتي لم و لن اخلق له هو يتصًرف و يتحكم ع كيفه فاهم طاعة الزوج شبيك لبيك

في العادة الرجل في السنوات الاولى من الزواج يحاول يكون هو المتحكم في المرأة لكن مع زيادة المسؤوليات والاولاد يبدأ يلين ويتغير وهذا يعتمد على اسلوبه وشخصيته وكذلك اسلوب الزوجة في التعامل معه .

بس انتِ كيف عديتي الـ 55 شعره بيضا !

نفس زوجي بالضبط زيدي عليه تهميشي واحتقاري وانتقادي بكل شيء وطبعا حبه الجنوني لاهله ع حسابي وحساب كرامتي وحاليا انا عند اهلي لان المشاكل زادت ووصل تعامله معي حد لايطاق والله يرضيني بنصيبي يارب ويهدي زوجك ويسخره لك حبيبتي

توصل معه للانتقاد او يدوس كرامتي هنيه أقول له ستوب حدك ،. كافي عليه هالمعتقل بعد يغلط عليه ما بسكت عنه