|
مساك الله بالسرور عمو
الحب ﻻ يتحول لصداقه انما الصداقه تتحول لحب المشاعر اﻹنسانيه شفافه و مرهفة جدا اساس فيها اﻹحترام و الثقه سواء صداقه او حب لكن لما تحب تكون اديت كثير بدرجه ممكن تتوجع لو خسرت الحب و اتحول لزماله و لن نقول صداقه ﻵن الصداقه جزء من الحب و دمت عايش بحب يا عمو |
اسف اتاخرت عليكى شويه .. كنت بحب .. قصدى مشغول شويه .. ليه بقى الحب لا يتحول لصداقه ماهو اللى يغيظ ان البنت ماعندهاش طريق تالت ياجواز يا عداوه .. وبعدين اتوجع ليه لما اخسر الحب ياهبه ماهو انا لوخسرت حبيب حكسب صديق .. شكلك زيها هبه |
يجوز الوجهين
![]() يعني عندما نفقد مشاعر الحب تجاه شخص ما ليس بالضرورة أن تتحول الى كره الا اذا كانت نهاية هذا الحب نهاية ماساوية تعرض فيها الشخص الى اذية كبيرة أما غير ذلك فمن الممكن أن يبقى لذلك الشخص ذكرى طيبة في القلب لكن لا أظن اننا نستطيع ان نحافظ عليه كصديق و الأفضل الا نحتك به من جديد لأن المشاعر لا تموت .... قد تنام ... قد تأخذ غفوة .... و من موقف صغير قد تعود و ربما أقوى من قبل ... و أكيد لا يختلف عليع اثنان ان الصداقة ممكن تتحول الى حب محبة زوجي مرت بجميع المراحل أسميه الحب المتلون ![]() أوله كان حب ... يعني حب .. ثم بدأ يتلون تبعا لتصرفاته و الظروف ....... احسست معه بحب الأب .. حب الصديق .. حب الزميل .... حب اشفاق ( أظن هو الرحمة ) و هو اكثر حب طول معي ... ربما بسببي انا ![]() مع أنني في هذه الأيام أعمل جاهدة على احياء حبه القديم في قلبي .... |
في الحقيقة ما جربتش.
لكن .. الحب فيه شيء خاص .. فيه خفقان قلب .. ارتعاش يد .. لذة .. دغدغة .. وأحياناً رغبة .... هيروح فين ده كله وازاي هيختفي فجأة تحت ستار الصداقة؟! ربما تتحول إلى صداقة ظاهرية .. إذا كان الطرفان قادران على هذا .. لكن ما في القلب سيبقى كما هو. أما البغض والعداء فأعتقد أنها ستحدث ـ كما قالت مي مي ـ في حال كان هناك إيذاء أو ضرر قوي من أحد الطرفين على الآخر. مش كأنه سؤال غريب حبتين؟ .. هو الحب فيه قرار يا خالو؟ |
ميرا يابنت اختى انتى اتجوزتى عن حب .صح .؟ هل ينتابك شعور احيانا انك ممكن تكرهى من احببتيه عند انتهاء الحب وتقبليه كصديق .. انتهاء الحب لوحده مش هو اللي هيخليني أكرهه .. التصرفات والأذية هي اللي هتكرهني فيه .. ولو محصلتش أذية فأكرهه ليه؟ اعرف واحده وزى مانتى عارفه انى ضعيف ناحية الستات هتقولّي؟ ![]() المهم مطولش عليكى كلمه من هنا وكلمه من هنا وهب .. احبوش طيب وماذا بعد انا شخصيا ارغب دائما فى المحافظه على علاقة الصداقه .. تعلى المشاعر قليلا وتهبط ولكنها لا تتحول الى حب جارف .. تقولى مش بتحبنى يارؤوف ولا كلام .. خلاص سافر وتعال نتجوز .. دى ممكن تتحول المشاعر داخلها الى صداقه ولا حتكرهنى ..بسالك انتى ميرا لماذا الانثى لا تقبل بانصاف الحلول . السؤال: انت عايزها تتحول لصداقة ليه؟ شوف .. أنا ممكن أفهم أن الوضع أو طبيعة الرباط اللي بينهم هو اللي يحتم أن الحب يتحول لصداقة .. يعني قرابة .. جيرة .. زمالة .. لأن التواصل هيفضل قائم ولا مفر منه .... لكن بينكم مسافة أو بلاد .. عايز الصداقة في إيه؟ بعدين ليه تفترض إنها لما ترفض الصداقة يبقى كرهتك؟ .. مش ممكن تكون ما قدرتش تتغلب على مشاعر الحب؟ .. مش ممكن الصداقة دي تخليها تفضل عايشة تحت وطأة مشاعر تفضل تعذبها؟ ما هو مش زرار تدوس عليه! رفض الصداقة ممكن يكون من باب حماية نفسها من الألم اللي بيحس بيه اللي حب ولا طالش. ويمكن لأنها لا تؤمن بالصداقة أصلاً .. فأكيد مش هتستوعب رغبتك في استمرار العلاقة وتحويلها إلى صداقة. اما الحب فيه قرار .. اه .. امال البنت بتعنس ازاى لما تكون حاطه على قلبها حجر والواد عمال يلف ويدور حواليها ومافيش فايده يبقى هى مقرره تحتفظ بالمسافه الآمنه التى لا تجعلها تقع فى الحب |
فرق يا خالو بين المشاعر والسلوك المرافق للمشاعر.
وأنا شخصياً مؤمنة جداً بأن العقل (السلوك) له القدرة على السيطرة على ال لب (المشاعر) .. وكون البنت حاطة على قلبها حجر فده مش معناه إنها ما بتحبش .. لكن معناه إنها يمكن شايفة إن مستقبل الحب ده عليه علامات استفهام. أصل مش كل حب معناه علاقة وزواج ناجح. ومش كل حب المفروض نمشي وراه عمياني. |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|