السﻻم عليكم ورحمة الله وبركاته
كيفكم جميعآ بعد انقطاع شبه طويل
...
بدخل بالموضوع على طوول
اليوم بعد صﻻة العصر جا زوجي من الدوام
ودخل الغرفه وسمعته يتكلم بصوت منخفض
جيت قربت من الباب رغم أني اعرف ان التجسس مايجوز
لكن حتى أزيل الشك من قلبي
وسمعت المحادثه كأنه كان يكلم بنت بس مامداني اسمع شي اﻻ واختصر المكالمه
قالها خﻻص خﻻص اكلمك لما اطلع من البيت
خمس دقائق وارجع اتصل فيك
ورحت أركض بسرعه قبل ﻻيشوفني عند الباب
وناداني وقال يا..فﻻنه قلتله لبيه وشفيه
قال أنا طالع
قلت لوين أن شاء الله
قال عندي مشوار اقضيه وارجع
قلتله وين طيب! !
قال. .يوووه تحقيق خليني فحالي وطلع وسكر الباب بقوه
لدرجة بنتي الصغيره صحت من صوت الباب
وجلست ابكي من القهر😭
وجيت اكتب لكم المشكله اللي صارت بيني وبين زوجي
اللي دايم اشتكي مشاكلنا بالتفصيل
وانتو الله يسعدكم تساعدوني وتحكمون بيننا وبين معاه الحق
لكن صار اللي ماهو بالحسبان أبد سبب لي مشكله أكبر وأكبر
...يتبع⛰

تم تعديل العنوان ليتناسب مع المضمون

كنت من كم يوم دخلت وكتبت قد ايش هوا قاهرني
ورافع ضغطي
وكتبت كل اللي حارني منه وأنه ماعاد يهمني وﻻيهمني وجوده
واخذ جوالي كان مفتوح على المنتدى
ودخلت بمعرفي
المهم شاف معرفي وقرا موضوعي😯
واكيد الحين بحث في كل مواضيعي
وشاف انا ايش كاتبه عنه وعن حياتنا وبالتفصيل كمان
طلع من البيت ورحت ادور جوالي لقيته على الطاوله مفتوح على المنتدى
يعني قرأ يامصيييبتي ويااافضيحتي. .
الحين ماله حس وﻻ منه أي خبر. ..

انا احبه ومالي بعد الله غنى عنه
هو أبو عيالي وﻻقد سمع مني كلمه مو كويسه
دايم امدحه لكن اللي اعانيه ومقهوره منه اجي افرغه هنا
ومع القهر اكتب انه مايهمني
أخاف الحين يصدق كﻻمي ويسوي شي ينهي حياتنا
ياااويلي يامصيبتي😭

الله يعينك
زوجي بعد طلع من البيت من الصباح
اشك ان شاف مواضيعي عالرغم انه يعرف انه لي حساب هنا
وكنت اقنعه يدخل عشان الاستشارات بس يمكن شاف مواضيعي السابقه لما كنت اتعذب منه
والله يااختي مالك الا تكونين صريحه معاه
وعلميه بس بهدوء وبكل لين وعدم استضعاف
قولي له عشان مااطلع مشاكلنا برا البيت
كنت استشيير بموقع الالكتروني لاااحد يعرفني ولاااعرف احد

بالنسبه لمكالمته يمكن اخته او احد من قريباته
واذا شاف شكك واختفى يمكن انه خايف يواجهك او شي من هالقبيل

فرج الله همك يااختي
اقراي باقي الموضوع بتفهمين سبب موضوعي

ألبس نظاره عشان اشوف! !
مو كأنك كاتبه اشك شاف مواضيعي! !
اوكي لما الخوف

عزيزتي لما محاولة الرقص على جراح الغير
يااختي بالعاده نفهم المحتوى مو بس نتقيد بالحرف
اقصد زعله الاخير اخاف يكون بسبب الموضوع الي كتبته الاخير
وانا متاكده انه قراءه ولو علمت بما آالت اليه حالتي لكتبت بالصريح
ياختي تتبعي مشاركاتي وكتابتي بموضوعك قلت لك واذا عرف انتي كتبتي الصحيح
وتبحثين عن حل
انا ماابي اروح افضفض لامي او استشيرها
ولا صديقه او جاره
انا هذا مبداء عندي
ماخبر اي شخص عن حياتي
فقط هنا

استغفر الله العظيم
رقص على الجروح !!
ياعمري انتي مررررا معصبه ومو نستوعب الموضوع ابدا
حتى إجابتك في اتجاه آخر
انا مااقصد منع الفضفضه! !
فضفضي والجميع يبي يفضفض هنا ويفرغ مابنفسه
ولكن القصه اختصرت قصدي أي نوع فضفضه قد يؤدي لمشاكل أكبر
وحياك مره اخرى

والحين قبل ﻻااحد يعلق على موضوعي
حابه اقول للجميع مع احترامي للعقول النيره هنا
أن اللي ذكرته والقصه هذي ليست بحقيقه
ومافي أي شي صار منها
ليس استخفاف بعقولكم أبدا وﻻتنقيص
بالعكس انتم هنا أخوه وقلوبنا على بعض في اﻻصﻻح والحمدلله
ولكن أوجه سؤال لكل من قرأ هذه اﻻحداث
تخيل/ي
لو أن حصل لك ماحصل بالقصه وقرأ زوجك ماكتبتيه من اسراركم الزوجيه
وفضائح الله ستر عنها
ماذا لو كلمه منك هنا
كانت سبب في إنهاء حياتكم الزوجيه وباﻻدله ايضآ
أخواتي مﻻحظ هنا ذكر التفاصيل بشكل وكأننا موجودين بين اﻻسره!!
دون ذكر سؤال معين عن وضع معين للأسف
أين حفظ الزوج في حضوره وغيابه
أسأل الله لنا ولكم الهدايه وأن يزيدنا نور وعلم

أتمنى اجابتكم أخواتي اخواني؟؟

وجهة نظري الشخصية أني أنظر للمنتدى على أنه مكتب استشارات زوجية .. فبما اني طرحت مشكلة وأتوقع ممن يقرأ أن يجد لها حل فمن المؤكد بأني سأذكر تفاصيل يحتاجها المستشار لفهم القضية ...

أحفظ زوجي في غيابه بأن أتخيله موجود معي هنا بالمكتب الاستشاري هذا وأطرح شكواي منه بكل صراحه وبكل أدب أيضا . ربما يغضب حين يرى الحقيقة تنظر له بوجهها البشع لكني لن ألوم نفسي لبشاعتها بل سآمل أن تسفر تلك الصدمة عن حل ولو بعد فترة حين تهدأ نفسه ويرجع ليقرأ بهدوء أكثر ويستوعب أين خطؤه .

__________________