تخيلوا اليوم جاب ولده وبنته علشان بيلعبهم وانا معاهم
جابوا معاهم بيجاماتهم وجابوا عشا ونوعين حلا انا استغربت وخفت اكل من أكلها بالذات انه أولادها رافضين يأكلوا من الاكل يقولوا ما نبغى
حتى هو قال غريبه راسله اكل ما اكل حلا بس تعشا من العشا
ناموا اولادوا عندي بدون رضاي وانا زعلانه لما جات الساعه 2 قال بوديهم لكن رفضت حزنت عليهم لبسوا بيجاماتهم وما قدرت أكسر خاطرهم
شوي الا قال يلا بنام وانتبهي للعيال ما صدقت ما عمره عاملني كذا بالذات قبل النوم قلت اكيد بيرجع لي الا لما ما رجع جيت قلت له انا مو شغاله لك ولاولادك وديني لامي ويضحك يفكرني امزح قمت لبست عبايتي وقلت يلا وديني ليه تعاملني كذا انا ما سويت لك شي
قام وقال يلا
واحنا بالسيارة ابكي وأقوله ما عمر احد حبك قدي ولا دلعك قدي ليش هذي المعاملة اليوم ايييييش سويت لك رد وقلت له والله ما انزل الين ترد عليا ايش سويت لك اليوم أولادك يتريقوا ع كلامي وانت ولا علقت وبنتك تقولك قول لمنفردة تجيب لك مويه وهو يضحك لهم ويقول يلا انزلي قلت ما بنزل برجع بيتي ليش انت بسهولة بتتنازل عني والله لو نزلت ما تشوفني قام اتصل ع امي وأمي اتصلت علي وما رديت جا وسحبني يحبني من السياره من رجولي وطيحني ع ظهري وفك طرحتي من كثر السحب تخيبييييييلوا ما عمري انضربت ما عمر احد سوا فيني كذا ليييييييييش ايش صار وهو اللي يحلف بحبه ليا ودائما يقول اعاهدك اني مستحيل أتنازل عنك ليييييييييش لييييش صار كذا
امي اتصلت عليه وخاصمته وقالت له حركتك بحق ع بالك ما وراها ابو ترى انا أمها وأبوها وهذي مو حركات رجال ومو من حقك تجيب بزورتك يتمهزلوا ببنتي احنا شرطنا لها بيت مستقل ليش أولادك للمره الثانيه يناموا عندها

انا ابغى أكلم أمه ايش رأيكم مقهوره ميته والله ما عاد ابغاه عفته يسحبني بالشاااااارع وانا حامل ماني مصدقه كأنه كابوس بموت وربي من القهر
حضرته من جوالي كرهته خلاص
ايش اسوي الان اخذ اغراضي ولا أكلم أمه ولا ايش الموضوع صار قبل ساعه ماني قادره اهدأ
وأمي بعد ما كلمته هزأتني تقول انتي ما عندك كرامه ليش ما نزلتي لما وصلتي البيت

السلام عليكم رحمة الله وبركاته ..
أختي الكريمة الواضح بأنكِ الآن منفعلة جداً ، خذي نفس عميق وكرري لاإله إلا الله ..
كم عمر أطفاله ؟!
هل زوجك استهزأ بك أمامهم ؟!
وماهو سبب طلبك بأن يأخذكِ لأهلك ؟!
وبماذا رد عالوالدة ؟!
لا تناقشي الموضوع مع أمه ..

تبغي الطلاق يعني

بالطقاق فيه بالناقص واحد زي كذا يسحبني من السياره أعوذ بالله منه

سقيا
انتِ دائماً تشوفيني غلطانه يعني ما راح تنصفيني وكأنك ما عرفتي بيوم منفردة
عموما بجاوبك
أطفاله 11 الولد وعشره البنت
ما استهزأ طبعا فيني قدامهم بس أولاده لهجتهم تختلف عن لهجتي فكُل ما تكلمت يعيدوا كلامي بتريقه
وبنته تقول خلي فلانه تجيب لك مويه ما قال لها عيب غير كذا يدخلوا غرفة نومي ويلعبوا بالثلاجة وحاسوا البيت بالمكسرات

لانه ما عبّرني ولا اهتم لوجودي قلت له ماني شغاله عندك انتيه لاولادك تخيلي اليوم كأني أمه والله ما عمره بحياته عاملني كذا صح قاسي أوقات وجاف بطبعه بس اليوم بزيادة بدون سبب

يقول لآمي اسمعيني قالت له ما ابغى أسمعك لو تصرفت زي الرجال وجيت قلت لي غلط بنتي اسمعك بس تجرها زي الخروف ما بسمعك واللي سويته مو من حقك ...

انصفيني سقيا ولو مره ولا اله الا الله وحسبي الله فيه

السلام عليكم ورحمة الله وبركاته ..
مهما كنت مقربة لي يا صديقتي سأقول الحق وحتى لو غضبتِ مني ..
لن أُكرر كلامي كثيراً فالأعضاء لن يقصروا معك !
للأسف مازلت كما أنتِ .
موفقة أينما كنت .

....................
وأشكر كل الأعضاء
انا غلطانه وانا فيني عيوب الدنيا والمفروض ما اشتكي
ياليت الادارة تحذف موضوعي وهذا اخر دخول لي هنا في هذا المكان
مع السلامه وشكرا للاحتواء

الله يستر عليك..
لانعرفك ولاتعرفينا وهدفنا هنا الاصلاح احنا نشوف الشي الي مغيب عن عيونك ومعميك ..
لو نحتويك ونطبطب عليك ونمشي ع مزاجك راح تتطلقي..
رحم الله امرء اهدى الي عيوبي..
الله يعينك ع نفسك ويصلح حالك...
صدقيني واقولها وانا واثقه لو تجلسي ع طبعك ذا بيمل زوجك ويطلقك ويرجع لزوجته الاولى ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

يغلق ...............

__________________



احيانا يجب ان نفقد ذواتنا كاملة لكي نستعيدها كاملة ...

بصراحه
حتى لو زوجك غلط
انتي غلطك اكبر ..
ماتعرفي تعاتبيه بهدوء؟؟
وين تطبيقك لنصايح الاعضاء
واذا قالك انتبهي للعيال ماسوا اجرام عشان تبكبكي ووديني لأمي
صح هو غلط بضربك بس انت استفزتيه بما فيه الكفايه..
يااختي الزواج مو ع طول احضان ودلع وحبني وحبيتك ...
وبعدين هذولاء اطفال بتأخذي ع كلامهم لو تكلمتي وقلتي لهم عيب ياماما هالكلام ماينقال للكبار مو تستني زوجك يأخذ حقك من عيالو الاطفال...
اختي منفرده بلييييييز لاتهدمي محبة زوجك لك بسوء ظنونك وعصبيتك...
اصلح الله مابينكم
لاتتصلي ع امه ولا شي
اتركيه هو بيهدأ ويعتذر لك..
كبرتيها وجايه تشتكين الله يهديك بس

__________________
(سيدة الموقف)
لم ننساك ونسأل الله ان تكوني أنتي وأولادك بخير