انا حامل وليل ونهار ابكي وبحرقه

سؤال.......... اللى ماله خير في اهله ينفع يكون له خير في احد من البشر؟
زوجي ماله خير في اهله ابدا ...... ابوه ساكن جوارنا ولا يزوره ابدا الا عند الحاجه او الالحاح مني

بقوله مره مانا بروح لابوك ....... يقولي ولا تفرق معايا اهم حاجه عندي حاجتين .. الاكل والنوم معي

وفعلا لو انا كنت ماهره فيهم هيحبنى اوي .. ويعاملني كويس اوي....... لكن المشكله اني حامل وتعبانه وبحتاج انام كتير وعندي ولدين صغيرين ...... هو مش من النوع اللي يستحمل يعيش مع حد تعبان .. كل ما اكون في الشهر التاسع احس انه بيفكر بجديه فالزواج التاني

بقالو فتره طويله ماله نفس يقربلي عشان انا مش بفتح نفسه واشجعو من نفسي ...... ولذلك بيعاملني وحش جدا

بيكلمني بطريقه وحشه جداا جداا
وانا حساسه جدا جدا جدا

ببكي كتير من اقل كلمه وبنهار من البكاء وممكن ما آكل

ويزيد في معاملته السيئه للغايه

كيف لي ان اقرب منه واشجعه علي ذلك الموضوع وانا ليل نهار ببكي منه
لو كان بس زعل مني .... ما كلمني ....... وثبت علي ذلك...... ماعاملني كل يوم اسوا من الماضي ....... كنت صالحته وريحته

لكن كل يوم بيكرهني فيه وبيبعدني عنه اوي ...... لاول مره بقيت اتمني انه لو خرج ما يرجع



ازاي يكون متوقع اني بالطريقه دي ممكن اروح اراضيه ....... واجيب منين نفس وانا بقيت اتمني انه ما يرجع ونفسي ينام علطووول

كلامي غير مرتب .. بس في نقاط مهمه


والدي بيعاملو احسن بكتير مما يعامله والده ....... كريم معه لابعد حد ...... ساعده في شغله ماديا جدا .. زوجي عارف كويس ان والدي له افضال كتير اوى عليه وخصوصا ان والده كان حريص شويه .. ومع هذا عادي والده بني له ولاخواته شقق وساعده في شراء السياره وبيساعد وقت الجد......

يمكن والده عارف عيوبه وزوجي ابدا مش بيتودد له .......... لكن والدي تقريبا لا يعرف من عيوبه الا الكسل
لاني عمري ما اشتكيت منه
مع اني ياماااااااااااااااا بكيت وبكيت .. ووالدي مش بيستحمل عليا الدمعه .. يمكن ده من اسباب اني مش بشتكي لوالدي لانه بيحبني وانا بحبه اوي .. ربنا يبارك فيه وفي عمره .. وبيكرم زوجي اوي اوي علشان زوجي يعاملني حلو ويكرمنى ...... بس للاسف زوجي اناني جدا
لا يهمه من امر الدنيا الا راحته الشخصيه

خايفه تكون معاملة والدي مش في محلها .......

حمايا ساعد بناته ببيت وبسياره ...... والدي بيساعد زوجي باعتباره هو الراجل المسئول ... خايفه يكون حمايا اكثر توفيق في هذه النقطه من والدي... انه بيساعد بنته وليس زوجها .. وزوجها عايش معاها

تخيلو بعد كل مساعدات والدي له .. جاي يقوله اخته جابت سياره .. مره واتنين .. واحنا متخانقين .. حاسه عايز يقول لي مش تقولي لباباكي كمان يجيبلك ...... وكان نفسي اقوله والدي بيساعدك انت

خايفه يكون هو مش اهل لذلك......... بتراودني نفسي اقول لوالدي عندما تريد فاكرمني انا وليس زوجي

خاصة ان زوجي مسرف جدا جدااااااااااااااااااااااااااااااااااا وكل فتره قصيره يغير اللاب والموبايل والكترونيات كتير ويخسر بالآلاف ..... وهو مديون
اتفق مع والدي يستلف مبلغ من المال لاقامة مشروع......... اول شىء عملو ذهب يشترى لاب توب وموبيل جديد وموبيل لي ايضا لان كان معايا واحد بسيط ... وهو اصلا كان معاه حديث طبعا .. وكله علي حساب المشروع .. مش هتفرق ال 15000 دول

مشكله اساسيه حاليا بالنسبالي انه بقالو سنوات شغله عالنت فالبيت ......... تعبت من وجوده 24 ساعه وهو من النوع اللي بيبهدل البيت والمطبخ جدا .. وبيصحي في اي وقت وينام في اي وقت بدون نظام اطلاقا مما يؤرقني كثيرا وعندي اطفال

اقنعتو كثيرا باهمية الشغل في شركه بمواعيد ...... ولكني اعلم من كسله انه لن يذهب ويتعب نفسه بسهوله .. كنت مضايقه جدا مره ذهبت لحمايا عادي اغير جو شويه .. كان باين عليا سالني مالك .. قلتله مفيش وبكيت وخرجت فالبلكون وقت طويل .. بحاول اغير جو عشان اسكت .. حماتي جت سالتني مالك .. قلتلها ابدا هتكلم فالتليفون وجايه .. دخلت عالنت شويه حتي لا ابكي ولاول مره كلمت والدي قلت له مينفعش تخلي زوجي يشتغل ؟..... قال ليه ........ قلتله قعدته 24 ساعه فالبيت صعبه ... قالي طيب...... والفجر من ضيقي ارسلت له رساله قلت له اعمل اللي قلتلك عليه بسرعه ...... لاول مره من سنوات ابين له ضيقي

وبعدها ذهبنا لزيارته جلس معي وحدنا طويلا كان منتظر سماع شكوتي ولكن لم استطع الكلام

اصبحت احس بضعفي لعدم قدرتي علي الشكوي والكتمان المستمر والبكاء المستمر

في حين لو اشتكيت الكل هيصدقني لانهم بيحبوني ويحترموني واهله قبل اهلي ...

احيانا بحس بالعجز لعدم شكوتي...... مع اني اصلا كنت مبسوطه اني كتومه علي اسرار بيتي وخاصة زوجي كتوم
بس وهو مضايق مني يعاملني وحش جدا ويكلمني مثل الخدم ...... مطلوب مني ماذا ..... البس له قميص نوم واذهب اقول له بحبك؟؟؟؟؟؟؟؟؟ ....... بحب التهزيء .... كل ما تضايق عاملني اسوأ ما تستطيع لكي آتي لك جاريه ؟؟؟؟

والده لما وجدني ابكي سالني كتير عما يضايقني وانا اغير الموضوع
وبعدين قالي كلمه عابره ان ابني مديون فبيطلعو عليكي ؟
هو فهم ان زوجي عشان مديون فمضايق وبيضايقني
بعدها علطول ساعده بمبلغ من المال ....... وزوجي لا يعلم اني سبب هذه المساعده

بيصعب عليا ان والدي ووالدي عمالين يعاملوه حلو ويساعدوه عشان يصونني ويحافظ عليا وهم لا يعلمو اني ليل نهار انهار من البكاء حتي تتورم عيني

ماذا لو علم والدي ؟؟؟؟
بس يصعب عليا والدي انه يضايق عشاني ؟

تعبت بجد ..... تعبت جدا ...... وخايفه جدا علي الحمل ....... اعرف الزعل اوي كده مستقبله خطر علي الجنين ولكن ابكي بدون ارادتي


وانا من النوع عندما اتضايق لا اكلم احد .. والدتي ارسلت لي رساله تقول كيف حالك .. مش عارفه اقولها بخير .. والحمد لله علي كي شىء .. خايفه تكلمني وانا مش بقدر اكلم حد وانا مضايقه .. لا ارد علي اخوتي واصدقاءي ...

ما الحل ؟؟

مميزاته .. كان طيب .. او حاليا لا اعلم

بيصلي .. لو نائم لا يضبط منبه ... انا لو ايقظته اكتر من مره يستيقظ .. والا فلا

اولادي بيحبوه

اهله مش بتوع مشاكل لانه اصلا هم مش فارقين معاه خاااالص .. ولا يسال عن اي احد منهم .. وبيتقابلو قدراا

بس مش مقاطعهم .. عادي بيكلمهم لو قابلهم ..

بيخاف علي اولاده .. بس مثلا ممكن يريح دماغه من زنهم ويعطيهم حلويات قبل الاكل تسد نفسهم .. يشتري الشيبسي واقول له بيجيب سرطان يقولي هم بيشبطو .... وتكررت كثيرا هذه المواقف

كنت ببكي وبدعي النهارده اوي وبتمني لو وجدت سيارة والدي تحت البيت او خبط عليا فجأه واترميت في حضنه وجلست ابكي ...... مع ان هذا شبه مستحيل

تخيلت كثيرا وانا ببكي اني اتعب واروح المستشفي لا قدر الله حتي يعلم ابي بحالي ويحاسب زوجي ...

تخيلت عندما اذهب لطبيبه تجدني متعبه واقول لها من البكاء الكثير وتتصل هي بابي تبلغه بما بي ..

زوجي قاسي جدا ... لا تؤثر به الدموع ابدا ... جايز لكثرها .. لكني غصب عني .... وبنهار من البكاء وبصوت مرتفع والله غصبا عني ... وهو جالس راسي امام الحاسوب

اصبحت وجهة نظره بقالو فتره طويله اني لما ازعل يسيبني اطق عشان ما ازعل مره تانيه
وبالفعل بطق وبنهار

بس ما يعرف ان القسوه والله ما تجيب غير القسوه .. ابدا ما هتولد حنيه

ما يعرف ان المرأه خلقت من ضلع اعوج اذا ذهبت تقيمه كسرته

ما يعرف ان حل الطلاق بيراودني كثيرا

لاولا مره من سنوات .. اتلفظ بلفظ الطلاق غير مباشر لاني اعلم اللي تطلب الطلاق بدون باس حرام عليها رائحة الجنه .......... اتسائل كثيرا وكثييييييرا ... هل انا في باس ؟...... واجاوب لا

لكن هل البكاء ليل نهار مع الحمل ليس ببأس؟

تلفظت به في رساله اقول له .. ايه رايك تطلقني عشان انا حامل ؟....... واما اولد كده والبيبي يكبر وابقي بصحتي ابقي رجعني عادي .......... زوجي رد ...... قال يعني بيهزر ..... بطلي هبل .. ارجع ايه

من سنوات كل ما أجي اكلمه في مشاكلنا .. يكون هو مش ناقص ومشاكله كتير ومديون وهمومه اكبر من الهبل اللي بتكلم فيه وهكذا

ماهو طبيعي اي راجل قاعد فالبيت بدون شغل يومي هيكتئب زى ماهو مكتئب علطول
انا ذنبي ايه

كان نفسي يكون عندي الشجاعه اغضب ببيت والدي ويكون شرطي للرجوع ذهابه للشغل
بس صعب اوي

بيقولي صديق صديقه كان عايز يطلق مراته مع انها شايلاه من عالارض شيل .. وسال نفسه لقي اني مش مريحاه في حاجه ... وقالي يا ريت نبدا صفحه جديده ( مره نادره )

قلتله اكيد اكيد صاحبك بيشتغل كل يوم ولذلك مراته سهل تشيله من عالارض الساعات اللي بتشوفه فيها

انا مش هقدر اغير اي حاجه الا لما تروح شغل منتظم .. ترجع تلاقي البيت والمطبخ والاكل وانا جاهزين

لكن مش هقدر 24 ساعه اشلو من عالارض بمواعيده الغير منتظمه وصحيانه فليل او نهار ومفيش معاد ثابت للاكل

قلتله ... امتي اهتم بنفسي .. لازم فوقت انت مش موجود .. واتهيأ له عند رجوعه من الشغل......... لكن قاعد معايا 24 ساعه مش فارقه
قاعد كل شويه اعملي شاي اعملي قهوه

تعبت من اسلوبه وطلباته وانا تعبانه وبهدلته

هو مستريح بالقعده فالبيت .. لكن هو ضغط عليا كبير هو والاولاد ....... طول ماهم موجودين طلبات وبهدله ومسئوليه عليا...... قلتله وجها لوجه ازاى اخدمك بنفس وانا شايفه اني بتعب اكتر منك بكتير ... وزعل وصالحته .. بس هي حقيقه .. لكن لازم نجامل الرجاله

بس اكتشفت ان هو من النوع اللي مش بييجي ابدا بالمجامله ... حاجات سنوات كنت بجامله وبكون ذوق وهو بيعملها غلط ... ومش بتتصلح ... الا لما اكون جد واخد حقي


ارجو منكم آراء سديده من من له خبره .......... وجزاكم الله كل خير

(تم التعديل ليتناسب مع المضمون)

__________________
الله معى .. الله ناظرى .. الله شاهد على ..

واللي بيأثر فيا اوي ي ي ي.......... لما اكون تعبانه وهو يستهين اوي ويهزأ
امس اشتغلت شويه بالبيت وكان المفروض نخرج نروح مشوار...... حسيت اني تعبت .. ارتحت شويه علي الكنبه وكان والله الكلام صعب بالنسبالي من تعبي

ابني بيساله مش هنخرج ....... قاله( اما تتهب امك تقوم )
وكاني قاعده العب العاب

بدعي عليه وبيكون نفسي اوي ربنا يخليه يحس اللي انا حسيته بسببه ...... نفسي يكون تعبان وحد يستهسن اوي بتعبه كده وهو مايبقاش قادر يعمل حاجه مثلي

لانه كتير اكون تعبانه وهو ما يقدر ابدااااااااااااااااااااااااااااااااا ونفسيتي تتعب اكتر

تخيلو وانا والده .. يهزر ويقولي انتي هتعملي نفسك والده ؟........ نفسه يكون بجد مش من حقي اتعب

اصلا حمل وولاده وحمل وولاده وانيميا وحمل ..... دي فترة زواجي منه بفروقات بسيطه ....... يعني كان تعبي كتير.... وهو من النوع اللي ابدا مش بيحب يحسس اللي قدماه انه تعب حتي لا يتكبر مع انه يعرفني جيدا واقنعتو كثيرااااااااااا باهمية الشكر وان من لم يشكر الناس لم يشكر الله ولا حياة لمن تنادي
لما الاكل يكون مش حلو يقول بصوت عالي وبكل فخر

لما يكون حلو اوي ي ي ومميز... ممكن يشكر بكلمه واللا حاجا

لكن حلو بس او عادي ما ينطق ابدااااااااااااا

ولو سالته يقولي هو انا لس اكلت منه وعرفت طعمه مع ان شكله بيكون شهي وجميل

__________________
الله معى .. الله ناظرى .. الله شاهد على ..

انا فعلا كتبت لكم بصعوبه بالغه وبعد مرات من التفكير والاستصعاب ... نفسي الاقي أراء ناس اكبر مني تكون حكيمه وعندها خبره

__________________
الله معى .. الله ناظرى .. الله شاهد على ..

الله يكون في عونك

حسيت فيكي كثيييير مافيه أسوء من رجل في وجهك 24 ساعة

وأنتي طول الوقت تشتغلي وهو جالس

بصراحة معاكي حق تتضايقي لكن مامعك حق تبكي وتنهاري وحزينة من داخلك وهو مافكر ولا هزته دموعك

لازم تساعدي نفسك للأسف ماراح يساعدك أحد

تعلمي وجربي انك تشتكين مو ضروري لوالدك على الأقل لأي أحد من أهل زوجك القريبين لك

أو زميلاتك أو أي أحد لااااازم تتكلمي وتفضفضي ونفسك عليها حق الكتمان مايجيب إلا الأمراض الله يكفينا شرها

صدقيني نفسك أولى بأنك ماتستسلمي له وتتكلمي بأي وقت ممكن يتكلم عنك لا تخافي خليه يحس إنك انسانة

تتأثري بالكلمة ويرهقك الشغل والحامل لها معاملة خاصة مهما استهزأ كلميه بهدوء من غير انفعال ليه تتكلم معي بطريقة

غير محترمة ؟

ارجوكي لا تحرقي بنفسك مااااااافي أحد يستاهل

بكرى اولادك يكبروا وتشوفي نتيجة تعبك فيهم يسعدونك ويبرون فيك

الله يقومك بالسلامة ويعدي زوجك ويسخره لكم يا رب

على فكرة .. اكتشفت انه فيه رجال عندهم عقد نفسية نتيجة أي فشل داخلي خاص فيهم

يفرغوها بزوجاتهم الضعيفات

زوجك الله يهديه فيه نقص داخلي وتكبر حتى على اهله لانه داخليًا مهزوز وناقص

ومبسوط جدًا عليكي يفرغ شحناته السلبية حتى ع الأكل

ليتك تعطينه قرصة أذن بإنك تتغيري وتحاولي ماتبكي قدامه لا يشوف دموعك وينبسط بضعفك

حاولي تقوّي قلبك وتكوني جامدة قدامه

انتقدي بأدب طريقته مثلاً بعمله بالوقت المناسب وقولي له لو كنت مكانك عملت كذا وكذا

خليه يفكر بكلامك ويشوف انك افضل منه راح يحاول بعد فترة انه يكون افضل حتى من تفكيرك

لا تيأسي معه واعطي أولادك معلومات امامه خليه يسمعك كيف تهتمي بتفاصيل مستقبلهم

استعيني بالله دائمًا ولاتنسي تدعي لزوجك انه ربي يسخره لكم ويهديه ويحنن قلبه

انتبهي لنفسك علشان الناس اللي يحبونك

ودائمًا هونيها على نفسك لا تستسلمي للافكار اللي تكبّرها وتضخمها بعقلك

الله معاكي .

جزاكم الله كل خير علي ردودكم........ اكيد هو في بعض المميزات ... بس نفسيتي لا تسمح بالتفكير لذكرها الان
كنت اول الزواج ازعل كتير ..... عرفت انه عيب ........ حاولت ابطلو وبالفعل قللت من زعلي
وهو لاحظ فتره ...... بس من زمان

زماااااان اول الزواج كان بيصالحني ... بس يكلمني او يهزر وكان نفسي وقتها نتكلم فالموضوع عشان اصفي ونحلله .. لكن لا يحب الكلام فالمشاكل
ممكن يكلمني ويهزر اكتر من مره
عايزني اتصالح بدون ما نتلكم فالمشكله
وانا مش هعرف اصفي بدون ما نتلكم فيها ونحلها ... ودي كانت المشكله زمان

بس دلوقتي .. بقي لما ازعل ...... يعاملني وحش اوي .. عشان احرم ازعل.....
بتكون النتيجه بكائي المستمر
نفسي اقوله المراه خلقت من ضلع اعوج اذا ذهبت لتقيمه كسرته ... وانت بتعمل كده

الله يهديه

المشكله الاساسيه ........ اني اهتم بالاكل والنوم
الاولي ممكن احاول فيها ولو من غير نفس........ ومش هيبقي كما يريد لظروف حملي وتعبي ونومي واولادي ومدرستهم وعدم انتظامه فالمواعيد ووجوده الدائم
والتانيه مستحيل تيجي من غير نفس.......... فما بالكم بالقسوه اللي بيعاملني بيها

وتلاقيه هو منتظر اني ازهق من المعامله دي فاروح اصالحو فالموضوع ده ........ ازاااااااااى ؟

واعترف يمكن كنت مقصره فيه ...... بس لظروفي اللي حكيتها .......... ومع ذلك كل فتره طويله لو كنت مبسوطه اوى ممكن اريحو ...... لكن هو اختار الطريق الاسهل ....... ينكد عليا بدل ما يسعدني

هو قالي قبل كده ...... لو ظبطلو الحاجتين دول هيشيلني فوق راسه ........ طيب ولو انا مش قادره هيرميني فالشارع ؟؟؟؟؟

__________________
الله معى .. الله ناظرى .. الله شاهد على ..

نفسي اعرف رأى الناس الكبار اصحاب الخبره والحكمه

__________________
الله معى .. الله ناظرى .. الله شاهد على ..

هو فالوضع العادي واحنا متصالحين وموضوع النوم ماشي معقول واحيانا كويس ...... بيكون كزوج كويس....... ويعاملني حلو ...... بزعل انه مش محل حب اهله ...... كان نفسي يكون قدوه ومثل اعلى ومحبوب ........ بس بصبر نفسي واقول هو كزوج كويس ...... وفى جوانب كويسه........ احاول يكون مليش دعوه وخلاص......... وعندنا اولاد

بس لما تحصل مشكله....... بقول ازاى أأمن علي نفسي مع واحد مش بيهمه الا مصلحة نفسه .. وان كان نفسه واسرته .... واهله ما يهموه في شىء

هو طالع لمامته شويه...... هي طيبه ....... بس نتيجه شويه لبعدهم عن الناس طول عمرهم في بيت ابوها طلعت غير اجتماعيه بالمره .. وحاليا مش بتكلم حد من اهلها خالص .. زوجي زيها ما يهمه اهله

من النوع اللي يستخدم اللي موجود عشان يخلص .. مش عشان محتاجه فعلا...... مثلا زمان كان يقولي الفلوس موجوده عشان نصرفها ...... مش بيفكر فالتحويش والاستثمار لوقت الحاجه.......... زي مامته ...... بس الفرق انه اتعلم واتعامل مع ناس كتير واكتسب خبره شويه ........ لكن مامته قاعده فالبيت مش بتقابل حد

لما بقوله الراحه مش بتجيب راحه ....... مينفعش انسان يعيش مرتاح ومش بيتعب ولما يكبر برضو يرتاح..... تقريبا ماكانش مقتنع بالكلام....... والانسان مش لازم يعذب نفسه

__________________
الله معى .. الله ناظرى .. الله شاهد على ..

حبيبتي تعوذي من الشيطان بالله هذا وقت تفكرين بعمل زوجك
وانتي على وشك ولادة. روحي اعتذري من زوجك وطيبي خاطرة موو عشانه
عشان نفسك اولا والبيبي ثانيا وبعد نفاسك يحلها ربك
وان شاء الله بعد الولاده وصياح البيبي هو بيدور شغل عشان يهرب ههههههههه
الحياه حلوة وسهله وانتي بتسببين لنفسك اكتئاب حمل
حبي نفسك ودلعي نفسك وكلمي اهلك وصحباتك
لاتحبسين نفسك في فوقعة زوجك الاناني
الله يجبر كسرك ويعوضك خير موفقة عيني

جلسة الرجل في البيت تجيب الهم

و انت الظاهر الهرمونات لاعبة في ادماغك و مكتئبة
حالتك النفسية بتتحسن بعد الولادة

بعد ما تولدي اذا ما توظف هو توظفي انت

__________________

(انما يوفي الصابرون اجرهم بغير حساب )