بسم الله الرحمن الرحيم

من مرتحل الى ...

المستشارين ،
اصحاب الخبرة والتجارب في الحياة ،

مدخل سريع :
يعقوب عليه السلام ، فقد يوسف .. ثم تبعه ابنه بنيامين .. ثم تبعه ابنه لاوي .. ثم فقد بصره.

ثم فقال ( إنما اشكو بثي وحزني الى الله ) الآية.

هذه المقدمه قد استأنس بها كمدخل لموضوعي وان الانبياء عليهم السلام تعرضو للابتلاء ليس لشيء إنما رفعه لمنزلتهم عند الله ولدرجاتهم في الجنة ، ومامرو به لاشك ( تربية إلاهية من رب العالمين ).

انا لم اصل بعد لمرحلة الرضا واليقين والشكر على الابتلاء .(حقيقة)
انما في مرحلة مجاهدة النفس والتصبر والدعاء والقوة والثبات ..
مع تأنيب الضمير ودموع رجُل قدم كل شيء ..
وسيخسر كل شيء والله أعلم.



زوجتي للأسف تفكيرها وعقلها مؤجر حتى اشعار آخر لدى والدتها بالدرجة الأولى وجميع اهلها بلاء استثناء ..!

ولائها وإخلاصها وتفكيرها ليس .. زوجي ، بيتي ، نونتي ، اسرتي ، على الحلوة والمرة.

إنما .. أمي .. أهلي ..جمالي الساحر .. صمتي .. ( قد يكون حبي القديم ).

البنت ظلمتن للاسف خذيتها وعندها تراكمات ومقارنات وصمت ومشاعر مزيفه صدئه ..
حاولت تحبن في البداية واضح بعيونها لاكن تبيني على مودها.
جيتها وحبيتها واخلصت لها بكل شيء مشاعري فرش طازج ، تربة خصبة مشاعر حقيقية ..!

ماحسيت اني متزوج .. احياناً اقول جالس تلعب بقلبك وقاعد تضحك على روحك يا مرتحل !
احياناً اقول اهم شيء الاحترام مهوب الحب هالامور تجي بعدين.

حتى احياناً لما ارسل لها رسالة بالواتس ، افكر هل ردها من قلب او مجاملة ومشي حالك ..

فقدت طعم الحياة ، طعم الزواج ، طعم مسكة يدين نونتي ، والدغدغه والظحكة ، سنة كاملة ماشفت نونتي .. هذي المرة الثالثه يجونها اهلها وياخذونها على شيء تافه اهلها لا اخلاق لا تربية لا نظرة حكيمة لا استقرار نفسي واخذ كل شيء بموضعه.
واضح انا كلامي معهم وفارض شخصيتي والمرة ماتطلع من بيته لاكن اذ صارت ام عيالك قدامك ترتب اغراضه وتروح ..!


خدعوني باسم الدين يتظاهرون بالدين.
احياناً اقول ماذنبي يازوجتي الغالية
تزوجتها وانا لم يسبق لي الزواج
وكانت هي مطلقة بدون اولاد.
ياقلبي روحها حلوة وتركض بخدمتي وكل ما اتذكر قيامنا بالليل انا وياها وايامنا الحلوة والمرة تنزل عبرتي .. لكن عيبها ريموت كنترول
وكلام امي واوامرها فوق كلامك يازوجي.

**************************
*******************
*********

ابي زوجه ماتطلع من بيته ابي زوجه تبادلن بمشاعر حقيقية وتضحي علشان هالميثاق الغليظ واسرته وبيته وعياله وزوجه خط احمر لامكان فيه للتدخل لا شياطين انس ولا جن.
وتعاملن بمبدأ الي يرضي الله ورسوله او يغضب الله ورسوله !

موجوده ولا جالس انا احلم ..
انا خايف اترك وراي بنت ناس محطمة مكسورة للمرة الثانية وليتها تدري ان اهلها راح يضيعونها ويكسرونها بوعودهم وتدخلاتهم.
ولا نونتي الي راح تضيع بين ام واب.

لكن المشكلة هذي خذت من نفسي وصحتي وعملي وتفكيري وحتى علاقاتي الشيء الكثير .. !

سؤالي وابي من واقع تجربة :
هل الطلاق والزواج من ثانية يكون ناجح بحول الله يعني المشاعر وتقبل الأمر والاندماج !
او يامرتحل راح تتعب وتندم وتحن وكلنا عندنا عيوب ومن هالكلام وضحي علشان بنتك !

قبل كم اسبوع ترقدت بالمستشفى شفت اسرتي وعشي الصغير انهار وتبعثر كل شيء حلو
وانهارت اعصابي ..
ما افضفض لحد حتى اهلي


حسبي الله ونعم الوكيل
والامر الأول والأخير .. كل شيء بيد الرحمن
فالحمد لله على كل حال.

تم تعديل العنوان ليتناسب مع المضمون

مستجدات
الرد 37
http://www.66n.com/forums/showpost.p...5&postcount=37

ماهي محاولاتك لإصلاح بيتك؟ حاولت تمنعها بالقوة؟ تضغط عليها؟ ايش سبب مشاكلك مع اهلها ومشاكلكم؟

انت مرة تحبها.. واعتقد هي تبادلك.. لكن يمكن تكون ضامنتك..

يمكن ترجع اذا حست فعلا انها خسرتك.. او اذا طلقت " لاتفهم من هذا الكلام اني انصح بالطلاق "

السلام عليكم ورحمة الله وبركاته

اعتذر على التأخير للرد وذلك لوجودي في الحرم النبوي الفترة التي مضت

الوقت الحالي مافي اي محاولة إصلاح بسبب تدخل اهلها اصلحهم الله

الله يفرج همك

ايش شروطهم عشان ترجع

و ﻻ بس من باب المبدأ انت مو حابب تنفذ شروط عشان هي ﻻ تستمر في هالشي

اخوي

هي بالعقل

اذا الشرط طيب و نفعه اكبر من ضره

نفذه

و اذا على امها و اهلها الله يعينك بس تأكد انه اهل الزوج او الزوجة

ما يهمهم اﻻ عيالهم فقط

نادرا اللي يفكرون في مؤسسة عيالهم الزوجية !!

نادر اللي يفكرون في ان اوﻻدهم متزوجين و مستقلين

الله يهديهم و يفرج همك

مرحباً

قصدك انت يامرتحل وش شروطك الي تظمن استقرار بيتك

هذاك اول حطو شروط ووافقت وتنازلت وضحيت
لكن توقف العطاء
اظن جاء دوره تضحي وتتنازل انا خلاص وقفت


جزاك الله خير على الدعوه الطيبه

غريبة معروف أن الوحدة إذا مرت بتجربة طلاق وتزوجت للمرة الثانية تكون حريصة جدا لانجاح علاقة زواجها بس هي ليه بايعة كذا وإيش اسباب خروجها من بيتها ؟؟؟

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

1) هل هي عند أهلها الآن؟
2) ما سبب خروجها من البيت آخر مرة؟

مرحباً اخي البليغ

1) في بيت اهلها من سنة تقريباً

2) السبب الأخير ساتكلم عنه كما حدث وقد تكون هناك تفاصيل .. لا اعلم هل تفيدك بشيء اولا ..

جو اهلها زيارة وانا كنت خارج البيت.
بعد ساعة رحت للبيت ورحبت فيهم
ودخلت غرفة النوم وحصلت فيها عشرين شنطة وعبايات ومحمول على السرير واكياس وبنت الحلال قامت بالواجب وتقهويهم بالصالة.
نزلنا تحت انا وياها وتناقشنا بموضوع خصوصية غرفة النوم وفيه حاجات خاصة بي وبك واوراق ومستندات ورفضت.
تناقشنا بموضوع الغدا بكرة ورفضت مع انا متفقين اول على اني اقوم بالواجب واغديهم وغرفة النوم تبقى مقفلة.
ومع النقاش بكل صراحة انا لاول مرة ارفع صوتي لعلمي ان رفعت الصوت اولاً حيلت الضعيف وثانياً ليس من الادب والرجولة وحسن العشرة بشيء.

رفعت ظغطي يوم جو اهلها نقضت الاتفاق وتغير رأيها وما احترمت كلمتي.
مشيت الامور قلت بنفسي يلله بمقام اهلي كذلك يستاهلون.
وفجأة وبكل اختصار نزل تحت اخوها يسب ويشتم ويلعن ليش ترفع صوتك على اختي.
حاولت اهديه تعوذ من الشيطان واحترم حرمة البيت واحترم الي قدامك واحترم اختك واحترم الجيران حولنا جيران وناس.

وجت امهم عطيناك بنتنا ومن هالكلام والفاظ تسم البدن.
انصدمت معقوله سوء الظن لهالدرجة.
حاولت انهي الموضوع واطلع من البيت وتبعني اخوانها سب وشتم وهي ساكته مادافعت عن بيته واسرته وزوجه وبنته
ما قالت بس.. مثل منتم اهلي هذا زوجي.

استفزيت وخرجت مني كلمة نادم عليها الى اليوم لكن الحمد لله على كل حال.
( تبون اختكم خوذوها ).

وللاسف جميع من كنت جار له في تلك الليلة خرج امام الباب.
انكسفت وانحرجت بكل صراحة فبيننا زيارات وحسن عشرة وجوار واجواد الله يستر عليهم واراهم صامتين لم يتدخلو كانهم يقولون
( انت وش ورطك مع هالاشكال هاذي ).

وطرا علي وقتها زوجتي شريكة حياتي وام عيالي.
لم تتكلف الا بكلمة ... ارجوك يا اخي يكفي.

خدعوني باسم الدين مصاحف وحلقات وحجاب لكن ابعد مايكون وخاصتن والدتها لكن الحقيقة ليست كذلك تماماً.
إنما كسر روح هالبنت الي عندها اهل مثل كذا من غير دراية وحكمة .. انما مهزله ولعب.

******************
************
******

هذا السبب الأخير بارك الله فيك

مرحباً بالاخت الطيبة

هي من ناحية غريبة فعلاً كلامك الي ذكرتيه صحيح
وهذا اللي حاط علامة استفهام عندي
واسباب خروجه تافهة جداً اي مشكلة تصير تلفووون على طول
او ودني بيت اهلي

وفقك الله لما يحب ويرضى

حتى اكون صريح معك جدا وبدون مجامله

حاول تحتوي بيتك دام فيه اطفال وفيه حب

لا ارى اشياء قوية تستدعي الطلاق او تستدعي الزواج الثاني كلها أمور تحل

ثانيا لاتسمح لاي مخلوق من اهلها مستقبلا اخذها من بيتك لاسباب تافهه هذا زواج ماهو لعبه وبيتك له حدود وحرمه اذا بتستمر انت كذا مابيوقفو كل صغيره وكبيره بيأخذوها

اذا مافيه سبب مقنع يستدعي اخذ اهلها لها فالمشكله منك انت



ياليت تذكر وتوضح ذلك