سلام عليكم ورحمة الله
صبحكم الله بالخير

هالموضوع مترددة كثير إني احطه
والاخوات بالدردشة يعرفونه ،، بس انا تشحعت وبحطه عشآن خلاص منجد لازم القى حل قبل مانروح فيها.

زوجي وحماي وحماتي <<3 اخوان متهاوشين
طبعا لاتسألوني عن سبب الهوشة للإني والله ماعرف شي موليه
متهاوشين هوشة قوية
وكل ماتلاقو تذابحو

وتعرفون مضاربة العيال
تفجع الجن ،، والله مايتفاكون لين يقبل الدم ولا واحد فيهم ينصرع ولا يفقد وعيه
ولا حتى يقدر فيهم ولا عمي ولاعمتي ولا حمواني

يعني مابزكي زوجي واقول انه ماسوى شي
اكيد ان فيه سالفه
ولكن بالمضاربات الصراحه ان كلهم يتضاربون سواء زوجي او حماي او ححماتي
وزوجي اصغر واحد فهالمتضاربين !!! يفترسونه صراحة حتى زوجي مايقصر فيهم وخاصه اخته يصففق وينتف شعرها
يعني موب حاله موب منجدهم واحد اربعين ووحده اكبر منه
وحتى زوجي بسم الله مفترض يكبر عقله

انا خايفه عليهم كلهم من بعضهم ،،، آخر ممضاربة حصلت كانت مصيبه ! تضاربو كالعاده بس حماي هالمرة خنق زوجي بالشماغ ووضرب اخته مسيكينه وقتها عزيمه والبيت مليان ناس عاد شوفو قمة الفشله

والله اتذكر البزران انهبلو يصارخون ويقولن حرام عليك وهو يقول بببببرى
ويصارخ عيهم النذل ،، واطلعت قدام اهل زوجي والمعازيم بكامل زينتي من الفجعه نسيت اتستر ، وحاولت اني افرع بينهم بس زوجي كان مختنق !! قسم بالله وجهه اززززرق وهذاك ماكنه سوى شي وعمتي تلقنه الشهاده متخيلين

وعمتي بهالمواقف ماتتحمل ! ماتدري تشوف ولدها اللي بيمووت والا بنتها الي خلص دمها

افتكرنا ان زوجي مات والله العظيم فقدت الأمل انا ! ماقد شفت وجه ازرق والآدمي يون تقول روحه طالعه وبرضه موب راضي يسكت ،،(خلك تستاهل يالبزر محد قالك تنشب نفسك مع ناس ماتعرفلهم )(اذا قلنا لك خلاص يعني خلاص ) ( وكل مالمح زوجي يدعي عليه ) حسبي اللهءونعم الوكيل

عمي انههار وجلس يدعي على نفسوه من القهر
اي حياه ذي ؟
انا مابي اسوي شي او اتدخل بس شي يقهر اشوف عمتي تبكي لحد الإنهيار من الخرعه ععلى عيالها ضناها
شي يقهر اشوف ناس احبهم يتذابحون
*

*

في حل ولا وش نسوي ؟
عمتي تبي توصلها للشرطة بس موب زينه بحقهم
مب حاله اخوان دمهم واحد والبطن اللي جابهم واحد ،، يدعون على بعض ويتخانقون؟ والله العظيم ماعمري شفت كذا يارب تهديهم وتصلحهم
وانا الدكتور ملزم اني اتنوم بالمستشفى لازم عبال ماتحسن
يعني شلون بلله دخت من هالمشاكل يادافع البلا

تم تعديل العنوان ليتناسب مع المضمون

حرام والله أخوان يوصلون لهذا المستوى حاولوا تدخلوا أطراف لها مكانه وحكمة من كبار العائلة ولو مافيه حل توصل للشرطة ولا يتقاتلون .... وانت امسكي زوجك وجيبيه بالكلام قولي له يرضيك يجون عيالك ايتام اذا مافكرت في نفسك فكر فيني وفي عيالك ومن ذا الكلام عشان يتجنب المشادة معاهم ...

يختي مافي اعتراف إنهم اخوان
مافي اي انسانيه الله واكبر عليهم
بنشوف وش تاليها بس

الشرطة توقف الجبان منهم اللي يدور المشاكل عند حده
والا في النهاية بيكون هناك قاتل ومقتول

شرطة احس قوية سجن ماسجن لإن زوجي في كدمات بظهره خوفي توضح وينسجن ذاك لإن اكيد وقتها زوجي ي بيقول شوفو وش سوى فيني

ما فيها سجن
فيها تعهد خطي ، وبعدها كل واحد فارد عضلاته بيشد الارض ويهجد
واضح انهم فشنك، خرطي ولا شي يخافون من ظلهم
بس شاطرين على بعض
وهالنوعية الشرطة حلهم
احسن من نهاية دموية مءولمة جداً

غادة لا تدخلي نفسك بينهم

اذا زوجك شاف الموضوع احتمال يزعل !
لانها اسرار بيت اهله !

خلاص ايش بيدك تعملي
فكري في حملك و زوجك علميه يبرد اعصابه

روح
والله
والله
.............
ماحط موضوع الا اكلم زوجي فون
تصدقين كرهت نفسي هاليومين بالمستشفى
خايفه يذبحون بعضهم
محد يقدر على زوجي غيري

الله يسخرهم لبعض ويهديهم ويبعد عنهم الشيطان و المشاكل
وحماتك مع اخوك ولا كل واحد لحال
يعني المشكله من الاخ الكبير ولا ايش
عقلي زوجك وخليه يتجنبه
رحمت امهم وابوهم
والعنف مره كبير
الله يصلح الحال ويكفينا الشر
بس ايش السبب
ملنقدر نقدم حلول بدون سبب
خليهم يتجنبو اخوهم ابو المشاكل

كلهم على بعضهم
اخوهم الكبير عصب منهم وطقهم الاثنين
والله يخختي ماني عارفه السبب بس عمتي تقول سالفه تاآإآإفهه
امين يارب